داورلر 17
17
مئکانین اِو بوتلری
1اِفرایئمئن داغلیق بؤلگهسئندن اولان مئکا آدلی بئر آدام وار ائدی. 2او، آناسینا بله ددی: «سندن اوغورلانان مئن یوز شِکِل #17.2 تقرئبن ۷/۱۲ کئلو گوموشدن اؤتری کی، لعنت اتدئن و من ده اشئتدئم، باخ، او گوموش مندهدئر، اونو من گؤتورموشم.» آناسی اونا ددی: «اوغلوم، قوی رب سنه برکت ورسئن.» 3او، مئن یوز شِکِل گوموشو آناسینا قایتاردی. آناسی اونا ددی: «بو گوموشون هامیسینی رب اوچون وقف ادئرم. قوی اوغلوم اوندان بئر اویما و بئر تؤکمه بوت دوزَلتسئن. بونون اوچون ده ائندی بو گوموشو سنه قایتاریرام.» 4گوموشو آناسینا گری قایتارارکَن، آناسی ائکی یوز شِکِل گوموش گؤتوروب زرگره وردی. اوندان بئر اویما و بئر تؤکمه بوت دوزَلتدئردی. بو بوتلری مئکانین اِوئنه قویدولار. 5مئکانین عئبادتگاهی وار ائدی. او بئر اِفود و اِو بوتلری دوزَلدئب اوغوللاریندان بئرئنی اؤزونه کاهئن تعیئن اتدی. 6او گونلرده ائسرایئلده پادشاه یوخ ائدی؛ هَره اؤز گؤزونده دوغرو گؤرونَن ائشی ادئردی.
7جاوان لاوئلی وار ائدی کی، یهودانین بیتلِحِم شهرئندن اولان بئر یهودالی عایئلهنئن یانیندا یاشاییردی. 8همئن آدام یاشاماغا بئر یِر تاپماق اوچون یهودانین بیتلِحِم شهرئندن چیخدی. سفره چیخارکَن، اِفرایئمئن داغلیق بؤلگهسئنه، مئکانین اِوئنه گلدی. 9مئکا اونا ددی: «هارادان گلئرسن؟» او، مئکایا ددی: «من یهودانین بیتلِحِم شهرئندن گلن بئر لاوئلییَم، یاشاماق اوچون بئر یِر آختاریرام.» 10مئکا اونا ددی: «منئمله قال، منه آتا و کاهئن اول. من ده سنه ائلده اون شِکِل گوموش، بئر دست پالتار و یِمهیئنی ورهرم.» لاوئلی اونونلا گتدی. 11او، مئکا ائله قالماغا راضی اولدو و بو جاوان اونا بئر اوغول کئمی اولدو. 12مئکا لاوئلئنی اؤزونه کاهئن تعیئن اتدی و بو جاوان اونون اِوئنده یاشادی. 13سونرا مئکا ددی: «ائندی بئلئرم کی، رب منه یاخشیلیق ادهجک، چونکی بئر لاوئلی کاهئنئم وار.»
Currently Selected:
داورلر 17: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
