تثنئیه 19
19
سیغیناجاق شهرلر
(سای. ۳۵:۶-۳۴، تَث. ۴:۴۱-۴۳، یوشَع ۲۰:۱-۹)
1تارینیز رب، تورپاقلارینی سئزه ورهجیی مئلّتلری محو ادنده، و سئز اونلارین مولکونو آلیب شهرلرئنده و اِولرئنده ساکئن اولاندا، 2تارینیز ربّئن مالئک اولماق اوچون سئزه ورهجیی تورپاغین مرکزئنده اؤزونوز اوچون اوچ شهر آییرین. 3اؤزون اوچون یوللار چکئب، تارینیز ربّئن سئزه مولک ورهجیی اؤلکهنی اوچ بؤلگهیه آییرین. بله کی، آدام اؤلدورن بو شهرلردن بئرئنه قاچسین.
4صاغ قالماق اوچون اورایا قاچان قاتئل حاقّیندا، یعنی قونشوسو ائله اوّلجهدن عداوتی اولمادان و بئلمهدن اونو اؤلدورن آدام بارهده قایدا بودور. 5مثلن، اودون کَسمَک اوچون قونشوسو ائله مِشهیه گدئب آغاج دوغراماق اوچون بالتا ووراندا، بالتانین دمئری ساپیندان چیخیب قونشوسونا دَیسه و قونشوسو اؤلسه، اؤلومه باعئث آدام بو شهرلردن بئرئنه قاچیب جانینی قورتارسین. 6یوخسا قان قئصاصینی آلان قضبئنئن حئدّتئنده قاتئلئن دالینا دوشه بئلر. یول اوزاق اولسا، چاتیب اونو اؤلدوره بئلر، گرچی اونونلا قاباقدان عداوتی اولمادیغینا گؤره اؤلوم جزاسینا لایئق دیئل. 7بونون اوچون سئزه امر ادئرم: اؤزونوزه اوچ شهر آییرین.
8اگر تارینیز رب، آتالارینیزا آند ائچدئیی کئمی، سئزئن سرحدئنئزی گِنئشلَندئرسه و آتالارینیزا وعده وردئیی بوتون اؤلکهنی سئزه ورسه، 9اگر بو گون سئزه ددئیئم بو امری دئقّتله رئعایت ادهسئنئز، یعنی تارینیز ربّی سِوهسئنئز و همئشه اونون یوللاریندا یِرئیهسئنئز، او زامان اؤزونوز اوچون بو اوچ شهردن علاوه، اوچ شهر ده سِچئن. 10بلهجه تارینیز ربّئن ائرث اولاراق سئزه ورهجیی تورپاقدا گوناهسیز قان تؤکولمیهجک؛ و هم ده قان تؤکمَکده تقصئرکار اولمازسینیز.
11لاکئن اگر بئرئنئن قونشوسو ائله عداوتی وار، و کمئنده دوروب اونو گؤزلهسه و هوجوم ادهرک اونو ووروب اؤلدورسه، و بو شهرلردن بئرئنه قاچسا، 12بو آدامین شهرئنئن آغساقّاللاری آدام گؤندَرئب، اونو اورادان آلیب، اؤلمَک اوچون قان قئصاصی آلانا تسلئم اتسئنلر. 13اونا رحم اتمهیئن. گوناهسیز قانی ائسرایئلدن تمئزلهیئن کی، حیاتینیز خوش کچسئن.
14تارینیز ربّئن مالئک اولماق اوچون مئراث آلاجاغینیز ائرثئنئزده، قونشونوزون اجدادلار طرفئندن قویولان سرحدئنی دیئشدئرمهیئن.
شاهئدلر
15هر هانسی بئر تقصئر و یا گوناه بارهده تک بئر شاهئدئن شهادتی کئفایت دیئل؛ هر ائدّئعا ائکی و یا اوچ شاهئدئن سؤزو ائله تصدئق ادئلسئن.
16اگر بئر یالانچی شاهئد پئس مقصدله بئرئنی تقصئرلَندئرسه، 17آرالاریندا موناقئشه اولان ائکی آدام ربّئن حوضوروندا، او دؤورده خئدمت ادن کاهئنلرئن و قاضیلارین قاباغیندا دایانسینلار. 18حاکئملر داعوانی یاخشی آراشدیرسینلار. اگر شاهئد یالانچیدیر و هموطنئنه یالاندان ائتّئهام ووروب، 19اوندا هموطنئنه نه اتمک ائستهدئیئنی، اونون اؤز باشینا گتئرئن. بلهجه آرانیزدان بو پئسلئیی سئلرسئنئز. 20قالانلاری دا بونو اشئدئب قورخاجاقلار و بئر داها سئزئن آرانیزدا بو جور پئسلئک اتمیهجکلر. 21بله آداما رحم اتمهیئن: جان عوضئنه جان، گؤز عوضئنه گؤز، دئش عوضئنه دئش، اَل عوضئنه اَل، آیاق عوضئنه آیاق.
Currently Selected:
تثنئیه 19: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
