۲سمویئل 8
8
داوودون ظفرلری
(۱سال. ۱۸:۱-۱۷)
1بوندان سونرا داوود فئلئسطلیلری مغلوب ادئب اونلاری اؤزونه موطئع اتدی و مِتِگعَمّانی فئلئسطلیلردن آلدی. 2موآبلیلاری دا مغلوب اتدی. اونلاری یره اوزادیب اؤلچو ائپی ائله اؤلچدو، اؤلچدویو ائکی سیرانی اؤلدوردو، لاکئن بئر سیرانی صاغ بوراخدی. موآبلیلار داوودا قول اولوب خراج وردئلر.
3داوود صوبا پادشاهی رِخوب اوغلو هَدَدعِزِری ده مغلوب اتدی. هَدَدعِزِر بو زامان گدئردی کی، فَرات چایینین اطرافیندا اؤز حاکئمئیّتئنی تزهدن برپا اتسئن. 4او، هَدَدعِزِرئن مئن یدّی یوز آتلیسینی و ائیئرمی مئن پئیادا عسگرئنی اسئر اتدی و آتلاردان یوزه قَدَرئنی دؤیوش عاراباسی اوچون ساخلاییب آتلارین آیاق وَتَرئنی کسدی. 5دَمَشقده یاشایان اَراملیلار صوبا پادشاهی هَدَدعِزِره کؤمک اتمهیه گلنده، داوود اونلاردان ائیئرمی ائکی مئن نفری قیردی. 6داوود دَمَشقده اولان اَراملیلار آراسیندا حربی دستهلر یرلشدئردی و اَراملیلار اونا قول اولوب خراج وردئلر. رب داوودا گتدئیی هر یرده ظفر قازاندیردی. 7او، هَدَدعِزِرئن سرکردهلرئنئن گَزدئردئیی قیزیل قالخانلاری گؤتوروب اورشلئمه گتئردی. 8داوود پادشاه هَدَدعِزِرئن بِتَخ و بِروتهی شهرلرئندن چوخلو بورونج آلدی.
9خَمات پادشاهی توعی اشئدنده کی، داوود هَدَدعِزِرئن بوتون قوشونونو مغلوب ادئب، 10اوغلو یورامی اونون یانینا گؤندَردی کی، داوود پادشاهی سالاملاسین و هَدَدعِزِری دؤیوشده مغلوب اتدئیئنه گؤره اونا تبرئک ورسئن. چونکی توعی هَدَدعِزِرله همئشه موحارئبه اتمئشدی. یورام اؤزو ائله داوودا قیزیل، گوموش و بورونج اشیالاری گتئردی. 11داوود پادشاه بونلاری دا اؤزونه موطئع اتدئردئیی بوتون مئلّتلردن آلدیغی گوموش و قیزیللارلا ربّه وقف اتدی: 12یعنی اَراملیلاردان، موآبلیلاردان، عَمّونلولاردان، فئلئسطلیلردن، عَمالِقلیلردن آلدیغی گوموش و قیزیلی، هم ده صوبا پادشاهی رِخوب اوغلو هَدَدعِزِردن آلینان تالانی.
13بلهجه داوود دوز درهسئنده اِدوملولاردان#8.13 بئر نچه عئبرانی متن، قدئم یونان ترجومهسی و اَرامی ترجومه «اِدوملولاردان» دیئر. لاکئن عئبرانی متنلرئن چوخو «اَراملیلاردان» دیئر. اون سکّئز مئن نفری قیریب قایینداندا اؤزونه آد قازاندی. 14اِدوما حربی دستهلر یرلشدئردی. اِدومون هر طرفئنه حربی دستهلری یرلشدئرندن سونرا، اِدوملولارین هامیسی داوودا موطئع اولدولار. رب داوودا گتدئیی هر یرده ظفر قازاندیردی.
15داوود بوتون ائسرایئله پادشاهلیق اتدی. او بوتون خالقینا عدالت و ائنصافلا حؤکمرانلیق ادئردی. 16صِرویا اوغلو یوآب قوشون باشچیسی ائدی؛ اَخئلود اوغلو یِهوشافاط سالنامهچی ائدی؛ 17اَخئطوب اوغلو صادوق و اِبیاتار اوغلو اَخئمِلِک کاهئن ائدئلر؛ سِرایا مئرزه ائدی؛ 18یِهویاداع اوغلو بِنایا کِرِتلیلر و پِلِتلیلرئن باشچیسی ائدی؛ داوودون اوغوللاری دا کاهئن#8.18 و یا «موشاوئر» ائدئلر.
Currently Selected:
۲سمویئل 8: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
