۲سمویئل 19
19
یوآبین داوودا مزمّتی
1یوآبا دیئلدی: «باخ، پادشاه، اَبشالوم اوچون یاس توتوب آغلاییر.» 2او گون ظفر خالق اوچون یاسا چِورئلدی، چونکی بوتون خالق اشئتدی کی، پادشاه اوغلو اوچون یاس توتوب. 3او گون قوشون شهره اله قاییتدی کی، اله بئل، دؤیوشدن قاچان فراری بئری اوتاندیغیندان اوغرو کئمی قاییدیر. 4پادشاه اوزونو اؤرتوب فریادلا چیغیریردی: «اوغلوم اَبشالوم، ای اَبشالوم، اوغلوم، اوغلوم!»
5او واخت یوآب اِوه، پادشاهین یانینا گلئب ددی: «بو گون بوتون قوللارینین اوزونو خجالتدن قیزارتدین، اونلارین اوزونو کی، سنئن جانینی، اوغوللارینین، قیزلارینین و جارئیهلرئنئن جانلارینی خئلاص اتدئلر. 6چونکی سندن نئفرت ادنلری سِوئب، سنی سِوَنلردن نئفرت ادئرسن. بو گون سن آشکار اتدئن کی، باشچیلارین و آداملارین سنئن گؤزونده دَیَرسئزدئلر. من بو گون باشا دوشدوم کی، اگر اَبشالوم صاغ قالیب، بئز هامیمیز بو گون اؤلسَیدئک، بوندان راضی قالاردین. 7آمّا ائندی قالخ، اِشئیه گت و آداملارینلا محبّتلی دانیش. چونکی من ربّئن حاقّی اوچون آند ائچئرم، خالقین قاباغینا چیخمایاسان، بو گجه سنئنله تک بئر نفر بله، قالمایاجاق. بو دا سنئن اوچون اوشاقلیقدان ائندئیهجک باشینا گلن موصئبتلرئن هامیسیندان بَتَر اولاجاق.» 8بلهجه پادشاه قالخیب دروازادا اوتوردو. بوتون خالقا خبر ورئلدی کی، «باخ، پادشاه دروازا آغزیندا اوتوروب.» او واخت بوتون جاماعات پادشاهین حوضورونا گلدی. بو زامان ائسرایئللیلرئن هامیسی اؤز اِولرئنه داغیلمیشدیلار.
داوودون پادشاهلیغینین برپاسی
9ائسرایئلئن بوتون قبئلهلرئنده هر کس موباحئثه ادئب دیئردی: «پادشاه بئزی دوشمنلرئمئزئن اَلئندن قورتاردی و فئلئسطلیلرئن اَلئندن خئلاص اتدی. ائندی آمّا اَبشالوما گؤره او، بو اؤلکهدن قاچیب. 10هر حالدا بئزه حاکئم اولماق اوچون مسح اتدئیئمئز اَبشالوم دؤیوشده اؤلوب. ائندی پادشاهی گری قایتارماق بارهده نئیه ساکئت قالیرسینیز؟»
11داوود پادشاه کاهئن صادوق و کاهئن اِبیاتارا بو خبری گؤندَرئب ددی: «یهودا آغساقّاللارینا دانیشین و اونلارا بله دیئن: ”پادشاهی اِوئنه قایتارماقدا سئز نئیه آخیرا قالیرسینیز؟ بوتون ائسرایئلده گَزَن سؤز-صؤحبت پادشاهین قولاغینا چاتیب. 12سئز منئم قارداشلاریم، اَتئمدن، سومویومدنسئنئز. بس نئیه پادشاهی گری قایتارماقدا آخیرا قالیبسینیز؟ 13عَماسایا دا دیئن کی، مگر سن ده منئم اَتئمدن و سومویومدن دیئلسن؟ قوی تاری منه بلهسئنی و بوندان بَتَرئنی اتسئن اگر سن همئشه منئم قاباغیمدا یوآبین یرئنه قوشون باشچیسی اولماسان.“» 14بلهجه او، بوتون یهودالیلارین اورهیئنی بئر نفر کئمی اَله گتئردی و اونلار پادشاهین یانینا آدام گؤندَرئب ددئلر: «قاییت، هم سن هم ده بوتون آداملارین.» 15پادشاه گری قاییتدی و اوردون چایینا قدر گلدی. یهودالیلار پادشاهی پئشواز اتمک و اونو اوردون چاییندان کچئرتمَک اوچون گئلگالا گلدئلر.
16بَخورئمدن اولان بِنیامئنلی گِرانین اوغلو شئمعی ده یهودا آداملاری ائله بئرلئکده پادشاه داوودون پئشوازینا جَلد ترپهنئب آشاغی اِندی. 17اونون یانیندا بِنیامئندن مئن نفر و شاعول اِوئنئن خئدمتچئسی صئبا ائله اون بش اوغلو و ائیئرمی قولو وار ائدی. اونلار اوردون چایینا طرف پادشاهین قاباغینا چیخماغا تَلَسدئلر. 18سونرا پادشاهین عایئلهسئنی چایدان کچئرتمک اوچون و اونون گؤزونده خوش گؤرونَن ائشلر اوچون داهاز یردن او تایا-بو تایا کچدئلر. گِرا اوغلو شئمعی، پادشاهین اوردون چایینی کچن آن، اونون قاباغیندا یره سَرئلدی. 19او، پادشاها ددی: «قوی آغام منی گوناهکار سایماسین و آغام پادشاه اورشلئمدن چیخدیغی گون بو قولونون اتدئیی سهوئنی اورهیئنه سالیب خاطیرلاماسین. 20چونکی گوناه اتدئیئمی بو قولون اؤزو ده بئلئر و باخ، بو گون آغام پادشاهی پئشواز اتمک اوچون، بوتون یوسئف نسلئندن، هامیدان اوّل من گلمئشم.»
21لاکئن صِرویا اوغلو اَبشهی جاواب ورئب ددی: «مگر شئمعی ربّئن مسح اتدئیئنه لعنت یاغدیردیغی اوچون اؤلدورولمهلی دیئل؟» 22داوود ددی: «ای صِرویا اوغوللاری، آخی سئزه نه؟ نئیه منه دوشمنچئلئک ادئرسئنئز؟ بو گونده مگر اولار کی، ائسرایئلده کئمسهنی اؤلومه وِرَک؟ مگر من بئلمئرم کی، بو گون ائسرایئلئن پادشاهی منم؟» 23پادشاه سونرا شئمعئیه ددی: «سن اؤلومه ورئلمهیهجکسن.» و بلهجه پادشاه اونا آند ائچدی.
24شاعولون نوهسی مِفئبوشِت پادشاهی پئشواز اتمیه گلدی. پادشاه گدن گوندن اِوئنه صاغ-سالامات قاییدان گونه قدر او، آیاقلارینا باخمامیش، بیغلارینی کسمهمئش و پالتارلارینی یومامیشدی. 25پادشاهین پئشوازینا اورشلئمه گلن زامان پادشاه اونا ددی: «مِفئبوشِت، نئیه سن ده منئمله گتمهدئن؟» 26مِفئبوشِت جاواب ورئب ددی: «ای آغام پادشاه، خئدمتچئم منی آلداتدی، چونکی بو قولون دمئشدی کی، ”پادشاهلا برابر گتمک اوچون اِششهیی پالانلاییب اوستونه مئنئم.“ چونکی قولون علئل بئر آدامدیر. 27لاکئن خئدمتچئم آغام پادشاهین قاباغیندا قولونا بؤهتان آتدی. آمّا آغام پادشاه تارینین مَلهیی کئمئدئر. ائندی سنئن گؤزونده نه خوشدور، منه ات. 28آتامین بوتون اِوی آغام پادشاهین قاباغیندا اؤلومدن آیری بئر شیه لایئق دیئلکَن، سن بو قولونو اؤز سوفرَنده یمک یئیَنلر آراسیندا قویدون. آرتیق پادشاهدان بئر شی ائستمهیه نه حاقّیم وار کی؟» 29پادشاه اونا ددی: «اؤز ائشلرئن حاقّیندا نه اوچون سؤزو اوزادیرسان؟ آرتیق قرار ورمئشم؛ سن و صئبا تورپاغی اؤز آرانیزدا بؤلون.» 30مِفئبوشِت پادشاها ددی: «ائندی کی پادشاه اؤز اِوئنه سالامات گلدی، قوی هر شیی او گؤتورسون.»
31گئلعادلی بَرزئللهی روگِلئمدن گلمئشدی. او دا اوردون چایینا قدر گتدی کی، پادشاهی اوردون چاییندان کچئرتسئن. 32بَرزئللهی هشتاد یاشینا چاتمیش و آرتیق قوجالمیشدی. پادشاه مَخهنایئمده قالان زامان بَرزئللهی اونون دولاناجاغینی تأمئن اتمئشدی، چونکی او چوخ بؤیوک بئر آدام ائدی. 33پادشاه بَرزئللهیه ددی: «منئمله برابر چایی کچ، سنئن کچنهجیئنی اؤزومله اورشلئمده تأمئن ادهرم.» 34بَرزئللهی پادشاها ددی: «مگر عؤمرومدن نه قدر قالیب کی، پادشاهلا برابر اورشلئمه گدئم؟ 35منئم بو گون هشتاد یاشیم وار، مگر آرتیق یاخشینی پئسدن آییرا بئلهرم؟ بو قولون مگر هچ یدئیئنئن، ائچدئیئنئن دادینی بئلئر؟ کئشی و آرواد خانَندهلرئن سَسئنی مگر اشئده بئلهرم؟ بونا گؤره ده، نه اوچون بو قولون آغام پادشاها آرتیق یوک اولسون؟ 36بو قولون آنجاق پادشاهلا اوردون چایینی کچئب. نهیه گؤره پادشاه منه بله پاداش ورسئن؟ 37قوی بو قولون قاییتسین، قوی اؤز شهرئمده، آتا-آنامین قبئرئنئن یانیندا اؤلوم. آمّا باخ، بو، قولون کئمهامدیر، قوی کئمهام، آغام پادشاهلا چایی کچسئن و سن ده گؤزونده خوش گؤرونهنی اونون اوچون ات.» 38پادشاه ددی: «کئمهام منئمله برابر او تایا کچهجک، سنئن گؤزونده خوش اولانی اونون اوچون ادهجیم. مندن طلب اتدئیئن هر شیی سنئن اوچون ادهجیم.» 39بوتون خالق اوردون چایینی کچدی. پادشاه دا چایی کچدی. سونرا پادشاه بَرزئللهیی اؤپدو و اونا برکت وردی. او دا اؤز یرئنه قاییتدی.
40پادشاه گئلگالا طرف گتدی و کئمهام دا اونونلا بئرلئکده گتدی. بوتون یهودا خالقی و ائسرایئل خالقینین یاریسی پادشاهی موشایئعت ادئردی. 41بوتون ائسرایئللیلر پادشاهین یانینا گلئب، پادشاها ددئلر: «نه اوچون قارداشیمیز یهودالیلار سنی اوغورلادیلار؟ نه اوچون پادشاهلا عایئلهسئنی و یانینداکی بوتون آداملاری اوردون چاییندان کچئرتدئلر؟» 42بوتون یهودالیلار ائسرایئللیلره جاواب وردئلر: «چونکی پادشاه یاخین قوحوموموزدور. نئیه بوندان بله قضبلهنئبسئنئز؟ مگر بئز پادشاه شوتونا بئر شی یِمئشئک؟ و یا پادشاه بئزه مگر بئر هدئیّه ورئب؟» 43ائسرایئللیلر یهودالیلارا جاواب ورئب ددئلر: «پادشاه بئزه سئزدن اون قات آرتیق یاخیندیر، اونون اوچون ده داووددا بئزئم سئزدن ده آرتیق حاقّیمیز وار. بس نئیه بئزه حقارتله باخیرسینیز؟ مگر اوّل بئز دیئلدئک کی، پادشاهی گری قایتارماقدان صؤحبت اتدئک؟» لاکئن یهودالیلارین سؤزلری ائسرایئللیلرئن سؤزلرئندن داها مؤحکم و آجی ائدی.
Currently Selected:
۲سمویئل 19: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
