۲سمویئل 18
18
اَبشالومون اؤلومو
1داوود یانینداکی خالقی سایدی. اونلارین اوستونه مئنباشیلار و یوزباشیلار تعیئن اتدی. 2داوود خالقی اوچ دستهیه بؤلدو. بئرئنجئسئنه یوآبی، ائکئنجئسئنه یوآبین قارداشی صِرویا اوغلو اَبشهیی، اوچونجوسونه ده گَتلی ائتّهیی باشچی اتدی. پادشاه خالقا ددی: «من اؤزوم ده سئزئنله برابر دؤیوشه چیخاجاغام.» 3لاکئن خالق اونا ددی: «یوخ، سن دؤیوشه چیخمایاجاقسان، چونکی اگر بئز قاچساق، بئزه اهمئیّت ورمزلر، یاریمیز اؤلسک بله، گئنه ده اهمئیّتی اولماز. لاکئن سن بئزئم اون مئنئمئزدن ده قئیمتلیسن. بونا گؤره داها یاخشیسی اودور کی، شهرده قالیب بئزه کؤمک اتمهیه حاضیر اولاسان.» 4پادشاه اونلارا ددی: «سئزئن گؤزونوزده یاخشی ساییلان نه اولسا، اونو ادهرم.» بلهجه پادشاه دروازانین یانیندا دایاندی و بوتون خالق یوز-یوز، مئن-مئن شهردن چیخدی. 5پادشاه یوآبا، ابئشهیه و ائتّهیه امر ادئب ددی: «منئم خاطئرئمه او جاوان اَبشالوملا مولایئم رفتار ادئن!» پادشاهین اَبشالومون حاقّیندا بو باشچیلارا امر اتدئیئنی بوتون خالق اشئتدی.
6خالق چؤله، ائسرایئلئن ضئدّئنه دؤیوشه چیخدی و موحارئبه اِفرایئم مِشهسئنده باش وردی. 7ائسرایئللیلر اورادا داوودون آداملاری قاباغیندا مغلوب اولدولار. او گون او یرده بؤیوک قیرغین اولدو، ائیئرمی مئن نفر قیریلدی. 8اورادا اولان دؤیوش بوتون اطرافا یاییلدی و او گون قیلینجلا قیریلانلاردان چوخ، مِشهده قیریلانلار اولدو.
9اَبشالوم داوودون آداملارینا راست گلدی. او، قاطیرا مئنمئشدی و قاطیر بؤیوک بئر چؤل پوستهسی آغاجینین سیخ بوداقلاری آلتیندان کچنده، اَبشالومون ساچی چؤل پوستهسی آغاجینا ائلئشدی. آلتینداکی قاطیر یولونا داوام وردی، لاکئن او، گؤیله یر آراسیندا آسیلی قالدی.
10بئر نفر بونو گؤروب یوآبا خبر وردی: «باخ، اَبشالومو گؤردوم کی، بئر چؤل پوستهسی آغاجیندان آسیلیب.» 11یوآب اونا خبر ورن آداما ددی: «باخ، اگر اونو گؤردون، بس نئیه اونو اورادا ووروب یره سَرمهدئن؟ او واخت من سنه اون پارا گوموش و بئر کمر وِرَردئم.» 12آدام یوآبا ددی: «اووجوما مئن گوموش ورئلسه بله، پادشاهین اوغلونا اَل قالدیرمارام. چونکی پادشاهین سنه، ابئشهیه و ائتّهیه وردئیی امری قولاقلاریمیزلا اشئتدئک کی، ”منئم خاطئرئمه او جاوان اَبشالومو قورویون.“ 13اگر من خیانت ادئب اونون جانینی آلمیش اولسایدیم، هچ بئر شی پادشاهدان گئزلئن قالماز و سن اؤزون ده اؤزونو مندن اوزاق ساخلاردین.» 14یوآب ددی: «سنئنله بله واخت هدر اده بئلمهرم.» اَبشالوم چؤل پوستهسی آغاجینین ائچئنده حله صاغ ائکن، یوآب اَلئنه اوچ مئزراق آلیب اونون سئنهسئنه ساپلادی. 15یوآبین سئلاحلارینی داشییان اون نفر جاوان آدام اَبشالومو اَحاطه اتدئلر و اونو ووروب اؤلدوردولر.
16یوآب کَرهنای چالدی و قوشون ائسرایئللیلری تعقئب اتمکدن اَل چکدی، چونکی یوآب بونا مانع اولدو. 17اَبشالومو گؤتوروب مِشهدهکی درئن چوخورا آتدیلار و اوستونه بؤیوک داش قالاغی ییغدیلار. بوتون ائسرایئللیلر قاچیب اؤز اِولرئنه داغیلیشدیلار. 18اَبشالوم حله صاغ ائکن بئر سوتونو گؤتوروب اؤزو اوچون برپا اتمئشدی، چونکی دیئردی: «آدیمی یاشادان بئر اوغلوم یوخدور.» بو سوتون پادشاه درهسئندهدئر. بلهجه ابشالوم بو سوتونا اؤز آدینی قویدو و بو گونه قدر اونا اَبشالومون یادبودو دیئلئر.
داوود اَبشالومون اؤلوموندن خبر توتور
19او واخت صادوق اوغلو اَخئمَعَص ددی: «قوی قاچیم، پادشاها موژده ورئم کی، رب اونو دوشمنلرئن اَلئندن قورتاریب.» 20آمّا یوآب اونا ددی: «سن بو گون موژدهچی اولمایاجاقسان، موژدهنی آیری گون وِرَرسن. بو گون هچ خبر آپارما، اونا گؤره کی پادشاهین اوغلو اؤلوب.» 21یوآب کوشلو کئشئیه ددی: «گت، بوتون گؤردوکلرئنی پادشاها خبر ور.» کوشلو کئشی یوآبین قاباغیندا باش اَیدی و قاچدی. 22صادوق اوغلو اَخئمَعَص گئنه یوآبا ددی: «نه اولورسا-اولسون، قوی من ده کوشلو کئشئنئن دالینجا قاچیم.» یوآب ددی: «نه اوچون قاچاسان، اوغلوم؟ گتدئیئن اوچون پاداش آلمایاجاقسان.» 23لاکئن او ددی: «نه اولورسا-اولسون، قاچاجاغام.» یوآب دا ددی: «یاخشی، قاچ.» اَخئمَعَص دره یولو ائله قاچیب کوشلو کئشئنی اؤتدو.
24بو واخت داوود ائچهری و چؤل دروازالارین آراسیندا اوتورموشدو. نؤوبَتچی دووارا، دروازانین اوستونه چیخدی و باشینی قالدیریب گؤردو کی، بئر آدام تک باشینا قاچیر. 25نؤوبتچی قیشقیریب پادشاها خبر وردی. پادشاه ددی: «اگر او تک گلئر، دمهلی موژده گتئرئر.» آدام گتدئکجه یاخینلاشیردی. 26سونرا نؤوبتچی قاچان آیری بئر آدام گؤردو و قاپیچییا قیشقیریب ددی: «باخ، تک باشینا قاچان داها بئر آدام دا گلئر.» پادشاه ددی: «او دا موژده گتئرئر.» 27نؤوبتچی ددی: «منه گؤره بئرئنجئسئنئن قاچیشی صادوق اوغلو اَخئمَعَصئن قاچیشینا بَنزهیئر.» پادشاه ددی: «او یاخشی آدامدیر، موژده ائله گلئر.»
28اَخئمَعَص چیغیریب پادشاها ددی: «سالاماتلیقدیر.» سونرا پادشاها تعظئم ادئب اوزو اوسته یره دوشدو و ددی: «تارین رب موبارک اولسون کی، آغام پادشاها اَل قالدیرانلاری اونا تسلئم ادئب.» 29پادشاه ددی: «آیا او جاوان اَبشالوم سالاماتدیر؟» اَخئمَعَص جاواب وردی: «یوآب پادشاهین بئر قولونو و من قولونو گؤندَرَن زامان گؤردوم کی، اورادا بؤیوک بئر قاریشیقلیق وار، لاکئن نه اولدوغونو بئلمهدئم.» 30پادشاه ددی: «چکئل، بئر یاندا دایان.» او دا چکئلئب بئر یاندا دایاندی. 31باخ، کوشلو گلدی و ددی: «آغام پادشاها موژده وار! رب سنه آرخا اولوب بو گون سنی، سنئن ضئدّئنه قالخانلارین هامیسینین اَلئندن قورتاریب.» 32او واخت پادشاه کوشلویا ددی: «آیا او جاوان اَبشالوم سالاماتدیر؟» کوشلو جاواب وردی: «قوی آغام پادشاهین دوشمنلری، پئس نئیّتله سنئن ضئدّئنه قالخانلارین هامیسی او جاوان کئمی اولسون.» 33پادشاه ائضطئرابدان تئترهیئب دروازانین اوستوندهکی اوتاغا قالخدی و آغلادی. قَدَملهیئب بله دیئردی: «اوغلوم اَبشالوم، اوغلوم، اوغلوم اَبشالوم! کاش سنئن یرئنه من اؤلسَیدئم، اوغلوم! اوغلوم، اَبشالوم!»
Currently Selected:
۲سمویئل 18: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
