۲سالنامهلر 36
36
1اؤلکه خالقی یوشئیانین اوغلو یِهوآخازی گؤتوروب آتاسینین یرئنه اورشلئمده پادشاه اتدئلر.
یهودا پادشاهی یِهوآخاز
(۲پاد. ۲۳:۳۰-۳۶)
2یِهوآخاز، پادشاه اولدوغو واخت، ائیئرمی اوچ یاشیندا ائدی و اورشلئمده اوچ آی پادشاهلیق اتدی. 3مئصئر پادشاهی اونو اورشلئمده تختدن سالدی و اؤلکه اوستونه بئر تالانت قیزیل و یوز تالانت گوموش#36.3 تقرئبن ۴۵/۳ تون مئقداریندا خراج قویدو. 4مئصئر پادشاهی اونون قارداشی اِلیاقئمی یهودا و اورشلئم اوستونده پادشاه اتدی و اونون آدینی دَیئشدئرئب یِهویاقئم قویدو. نِکو اونون قارداشی یِهوآخازی گؤتوروب مئصئره آپاردی.
یهودا پادشاهی یِهویاقئم
(۲پاد. ۲۳:۳۶-۲۴:۷)
5یِهویاقئم، پادشاه اولدوغو واخت، ائیئرمی بش یاشیندا ائدی و اورشلئمده اون بئر ائل پادشاهلیق اتدی. او، تاریسی ربّئن گؤزونده پئس اولان ائشلر اتدی. 6بابئل پادشاهی نِبوکَدنِصّر اونون اوستونه هوجوم گتئردی. بورونج زنجئر ووروب اونو باغلادی و بابئله آپاردی. 7نِبوکَدنِصّر ربّئن معبدئنئن اشیالاریندان بعضئلرئنی بابئله آپاردی و اونلاری بابئلدهکی اؤز معبدئنه قویدو. 8یِهویاقئمئن قالان ائشلری، اتدئیی ائیرنج ائشلر و اونون حاقّیندا آچیغا چیخان پئسلئکلر ائسرایئل و یهودا پادشاهلارینین کئتابیندا یازیلیبدیر. اونون یرئنه اوغلو یِهویاکئن پادشاه اولدو.
یهودا پادشاهی یِهویاکئن
(۲پاد. ۲۴:۸-۱۷)
9یِهویاکئن، پادشاه اولدوغو واخت، اون سکّئز یاشیندا ائدی و اورشلئمده اوچ آی اون گون پادشاهلیق اتدی. او، ربّئن گؤزونده پئس اولان ائشلر اتدی. 10باهار گلنده نِبوکَدنِصّر اونو ربّئن معبدئنئن قئیمتلی اشیالاری ائله بئرلئکده بابئله گتئرتدی و یِهویاکئنئن عَمئسی صئدقئیانی یهودا و اورشلئم اوستونده پادشاه اتدی.
یهودانین آخیر پادشاهی صئدقئیا
(۲پاد. ۲۴:۱۸-۲۰)
11صئدقئیا، پادشاه اولدوغو واخت، ائیئرمی بئر یاشیندا ائدی و اورشلئمده اون بئر ائل پادشاهلیق اتدی. 12او، تاریسی ربّئن گؤزونده پئس اولان ائشلر اتدی، پیغمبر اِرِمیانین قاباغیندا دا کی، ربّئن دئلی ائله دانیشیردی، اؤزونو آلچالتمادی. 13نِبوکَدنِصّرئن ضئدّئنه ده کی، تارینین آدی ائله اونا آند ائچدئرمئشدی، عوصیان اتدی، دئکباشلیقلا ائستمهدی کی، ائسرایئلئن تاریسی ربّه طرف دؤنسون و اورهیئنی عئنادکار اتدی. 14کاهئنلرئن بوتون رهبرلری ده خالقلا بئرلئکده آیری مئلّتلرئن بوتون ائیرنج ائشلرئنه موطابئق رفتار ادئب خیانت اتدئلر و ربّئن اورشلئمده تقدئس اتدئیی معبدئنی نجئسلهدئلر.
اورشلئمئن سوقوطو
(۲پاد. ۲۵:۱-۲۱)
15آتالارینین تاریسی رب دفهلرله اؤز اِلچئلرئنئن واسئطهسیائله اونلارا پیام گؤندَردی، چونکی اؤز خالقینا و مسکنئنه رحمی گلئردی. 16لاکئن اونلار دالبادال تارینین اِلچئلرئنی لاغا قویدولار، اونون سؤزلرئنه حقارتله باخدیلار، پیغمبرلرئنی ده تحقئر اتدئلر. اله کی، ربّئن قضبی اؤز خالقینین اوستونه گلدی و اونلارا هچ بئر چاره تاپیلمادی.
17رب اونلارین اوستونه کَلدانیلرئن پادشاهینی گؤندَردی. او دا موقدّس مکانلاریندا اونلارین جاوانلارینی قیلینجلا اؤلدوردو، جاوان اوغلانا و باکئره قیزا، قوجایا و ضعئفه اصلا رحم اتمهدی. رب هامیسینی اونون اَلئنه تسلئم اتدی. 18او، تارینین معبدئنئن بوتون بؤیوک و کئچئک اشیالارینی، ربّئن معبدئنئن خزئنهلرئنی، پادشاهین و اونون ریئسلرئنئن خزئنهلرئنی یعنی هر شیی بابئله آپاردی. 19کَلدانیلر تارینین معبدئنی یاندیردیلار، اورشلئمئن دووارینی اوچورتدولار، اونون بوتون سارایلارینا اود ووردولار و اورادا اولان قئیمتلی اشیالارین هامیسینی محو اتدئلر. 20کَلدانیلر پادشاهی، قیلینجدان قورتارانلاری بابئله آپاردی. اونلار فارس پادشاهلارینین حؤکمرانلیغینا قدر اونا و اونون اوغوللارینا قول اولدولار. 21بلهجه ربّئن اِرِمیانین دئلی ائله ددئیی سؤز یرئنه یِتئشدی: «اؤلکه توتولمایان سَبّت ائللرئنی#36.21 رب ائسرایئللیلره امر اتمئشدی کی، هر یدّی ائلده بئر، تورپاقلارینی اؤز باشینا بوراخسینلار. خالق بونو رئعایت اتمهدی (لاو. ۲۶:۳۳-۳۵، اِر. ۲۵:۸-۱۱) تاماملایانا قدر، یتمئش ائل دولانا قدر، وئران قالیب دئنجَلهجک.»
کوروش یهودئلره اؤز اؤلکهلرئنه قاییتماغا ائجازه ورئر
(عِزرا ۱:۱-۳)
22رب فارس پادشاهی کوروشون حؤکمدارلیغینین بئرئنجی ائلئنده، کوروشو قالدیردی کی، ربّئن اِرِمیانین دئلی ائله ددئیی سؤزو یرئنه یتئرسئن. اونا گؤره کوروش پادشاهلیغینین بوتون اراضئسئنده یازیلی و شئفاهی اعلان اتدی: 23«فارس پادشاهی کوروش بله دیئر: ”گؤیلرئن تاریسی رب دونیانین بوتون پادشاهلیقلارینی منه ورئب و منی تعیئن ادئب کی، یهوداداکی اورشلئم شهرئنده اونا بئر معبد تئکئم. آرانیزدا اونون خالقینا عایید اولان هر کسه قوی تاریسی رب یار اولسون.“»
Currently Selected:
۲سالنامهلر 36: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
