۲سالنامهلر 3
3
معبدئن تئکئلمهسی
(۱پاد. ۶:۱-۳۸)
1سولیمان اورشلئمده ربّئن آتاسی داوودا گؤروندویو مورئیا داغیندا ربّئن معبدئنی تئکمهیه باشلادی، او یرده کی، داوود یِبوسلو اورنانین خرمنئنده حاضیرلامیشدی. 2اونو پادشاهلیغینین دؤردونجو ائلئنده، ائکئنجی آیین ائکئنجی گونونده تئکمهیه باشلادی. 3تارینین معبدئنئن تئکئلمهسی اوچون سولیمانین قویدوغو بونؤورهلر بونلاردیر: بونؤورهلرئن اوزونلوغو کؤهنه اؤلچویه گؤره آلتمیش قولآچ#3.3 تقرئبن ۲۷ متر و اِنی ائیئرمی قولآچ#3.3 تقرئبن ۹ متر ائدی. 4معبدئن قاباغینداکی اِیوانین اوزونلوغو معبدئن اِنی ائله برابر و ائیئرمی قولآچ ائدی، بویو دا یوز ائیئرمی قولآچ#3.4 تقرئبن ۵۴ متر ائدی. اونو ائچهرئدن خالئص قیزیللا اؤرتدو. 5بؤیوک اوتاغا شام آغاجی ائله اؤرتوک ووروب اونو خالئص قیزیللا اؤرتدو و اونون اوستونه خورما آغاجلاری و زنجئر تصوئرلری ناخیشلاتدی. 6معبدی قئیمتلی داشلارلا بَزهدی. قیزیل، پَروایئم قیزیلی ائدی. 7معبدی و اونون دئرَکلرئنی، آستانالارینی، دووارلارینی و قاپیلارینی قیزیللا اؤرتدو، دووارلاردا کَرّوبلارین تصوئرئنی اویدو. 8سولیمان لاپ موقدّس یری ده تئکدی. اونون اوزونلوغو معبدئن اِنی ائله برابر و ائیئرمی قولآچ ائدی و اِنی ده ائیئرمی قولآچ ائدی. اونو آلتی یوز تالانت#3.8 تقرئبن ۷/۲۰ تون خالئص قیزیللا اؤرتدو. 9قیزیل میخلارین آغیرلیغی اَلّی شِکِل#3.9 تقرئبن ۵۷۵ گرم ائدی. یوخاری اوتاقلاری دا قیزیللا اؤرتدو.
10لاپ موقدّس یرده هیکلتراش ائشی اولان ائکی کَرّوب دوزَلتدی و اونلاری قیزیللا اؤرتدو. 11کَرّوبلارین قانادلاری ائیئرمی قولآچ اوزونلوغوندا ائدی. بئر کَرّوبون قانادی بش قولآچ#3.11 تقرئبن ۳/۲ متر ائدی و معبدئن دووارینا دَیئردی. او بئری قانادی دا بش قولآچ ائدی و او بئری کَرّوبون قانادینا دَیئردی. 12او بئری کَرّوبون دا قانادی بش قولآچ ائدی و اِوئن دووارینا دَیئردی. او بئری قانادی دا بش قولآچ ائدی و او بئری کَرّوبون قانادینا یاپیشیردی. 13بو کَرّوبلارین قانادلاری ائیئرمی قولآچ اوزانیردی. کَرّوبلار آیاق اوسته دورموشدولار و اوزلری بؤیوک اوتاغا طرف چِورئلمئشدی. 14او، لاجورد، اَرغوانی، قیرمیزی پارچا و نازئک کتاندان پرده تئکدی، اوستونده کَرّوبلار ائشلَمهلری وار ائدی.
معبد اوچون قیزیلدان و بورونجدن اولان اشیالار
(۱پاد ۷:۱۵-۵۱)
15سولیمان معبدئن قاباغیندا ائکی سوتون دا دوزَلتدی کی، اوتوز بش قولآچ#3.15 تقرئبن ۸/۱۵ متر بویوندا ائدی و هر بئر سوتونون اوستوندهکی باشلیق بش قولآچ ائدی. 16ائچ اوتاقدا اولان زنجئرلر کئمی، زنجئرلر دوزَلتدی و اونلاری سوتونلارین باشینا قویدو، یوز نار دوزَلتدی و اونلاری زنجئرلرئن اوستونه قویدو. 17او، سوتونلاری معبدئن قاباغینا، بئرئنی صاغ طرفه و او بئرئنی سول طرفه قویدو. صاغدا اولانی یاکئن#3.17 عئبرانی دئلئنده «مؤحکم»، سولدا اولانی دا بوعَز#3.17 عئبرانی دئلئنده «گوج اوندادیر» معناسیندادیر کی، «گوج تاریدادیر» معناسیندا دا اولا بئلر. آدلاندیردی.
Currently Selected:
۲سالنامهلر 3: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
