۲سالنامهلر 21
21
یهودا پادشاهی یِهورام
(۱پاد. ۸:۱۷-۲۴)
1یِهوشافاط اؤلوب آتالاری ائله یاتدی و داوودون شهرئنده، آتالارینین یانیندا باسدیریلدی. اونون یرئنه اوغلو یِهورام پادشاه اولدو. 2اونون قارداشلاری، یِهوشافاطین اوغوللاری بونلار ائدی: عَزَریا، یِخیاِل، زِکَرئیّا، عَزَریاهو، مئکایئل و شِفَطیا. بونلارین هامیسی ائسرایئل#21.2 یعنی یهودا پادشاهی یِهوشافاطین اوغوللاری ائدئلر. 3آتالاری اونلارا چوخ هدئیّهلر-قیزیل، گوموش و قئیمتلی شیلر، هم ده یهودادا اولان قالالی شهرلر وردی. آمّا پادشاهلیغی یِهوراما وردی، چونکی او، ائلک اوغول ائدی. 4یِهورام آتاسینین پادشاهلیق تختئنه چیخیب اؤزونو مؤحکملَندئکده، بوتون قارداشلارینی و ائسرایئل#21.4 یعنی یهودا ریئسلرئندن بعضئسئنی ده قیلینجدان کچئرتدی. 5یِهورام، پادشاه اولدوغو واخت، اوتوز ائکی یاشیندا ائدی و اورشلئمده سکّئز ائل پادشاهلیق اتدی. 6او دا اَخاب نسلئنئن اتدئیی کئمی، ائسرایئل پادشاهلارینین یولو ائله گتدی، چونکی اَخابین قیزی اونون آروادی ائدی. یِهورام ربّئن گؤزونده پئس اولان ائشلر اتدی. 7آمّا رب داوودلا اتدئیی عهددن اؤتری ائستهمئردی کی، داوودون سولالهسئنی محو اتسئن. چونکی وعده ورمئشدی کی، داوودا و اونون نسلئنه همئشهلئک بئر چیراق ورسئن.
8اونون دؤورونده اِدوملولار عوصیان قالدیریب، یهودانین اسارتی آلتیندان چیخدیلار و اؤزلرئنه بئر پادشاه قویدولار. 9یِهورام، ریئسلری و بوتون دؤیوش عارابالاری ائله بئرلئکده گتدی. گجه ائکن قالخیب اونو هر طرفدن اَحاطه ادن اِدوملولاری و عارابا سرکردهلرئنی قیردی. 10بلهجه اِدوم بو گونه قدر یهودانین ضئدّئنه عوصیان قالدیریب. همئن واخت لئبنا شهری ده اونون اسارتی آلتیندان چیخدی، چونکی یِهورام آتالارینین تاریسی ربّی ترک اتمئشدی.
11او، یهودا داغلاریندا دا پرستئشگاهلار تئکدی و باعئث اولدو کی، اورشلئمده یاشایانلار زئنایا چکئلئب یهودانی دا یولدان آزدیرسینلار. 12سونرا اونا پیغمبر ائلیادان بو مکتوب گلدی: «آتان داوودون تاریسی رب بله دیئر: ”چونکی آتان یِهوشافاطین و یهودا پادشاهی آسانین یوللاری ائله یوخ، 13ائسرایئل پادشاهلارینین یولو ائله گدئبسن و اَخاب نسلئنئن اتدئیی کئمی، یهودانی و اورشلئمده یاشایانلاری زئنایا چکئبسن، هم ده آتانین نسلئندن قارداشلارینی، سندن داها یاخشی اولانلاری اؤلدوروبسن، 14باخ، رب سنئن خالقینا، اوغوللارینا، آروادلارینا و بوتون مالینا بؤیوک بئر بلا گتئرهجک. 15سن ده آغیر ناخوشلایاجاقسان. بو ناخوشلوق اوزوندن باغیرساقلارین اِشئیه تؤکولَنه قدر گونلرجه سورونهجکسن.“»
16رب یِهورامین ضئدّئنه فئلئسطلیلرئن روحونو و کوشلولارین قونشولوغوندا یاشایان عربلرئن روحونو قیزدیردی. 17اونلار یهودانین ضئدّئنه قالخیب اورایا هوجوم گتئردئلر. پادشاهین ساراییندا تاپدیقلاری بوتون مالی، اونون اوغوللارینی و آروادلارینی آپاردیلار. اوغوللارینین لاپ بالاجاسی یِهوآخازدان#21.17 یعنی اَخَزیادان، آیری اوغلو قالمادی.
18بونلارین هامیسیندان سونرا رب یِهورامی باغیرساقلاریندان صاغالماز بئر ناخوشلوقلا ووردو. 19زامان کچدی. نهایت، ائکئنجی ائلئن آخیریندا ناخوشلوغونا گؤره باغیرساقلاری تؤکولدو و او، شئدّتلی آغریلارلا اؤلدو. اونون خالقی یِهورامین خاطئرئنه آتالارینا یاندیردیقلاری کئمی اود قالاسی یاندیرمادیلار. 20یِهورام، پادشاه اولدوغو واخت، اوتوز ائکی یاشیندا ائدی و اورشلئمده سکّئز ائل پادشاهلیق اتدی. اؤلومونه هچ کس تَعَسّوف اتمهدی. اونو داوودون شهرئنده باسدیردیلار، لاکئن پادشاهلارین قبئرلرئنده باسدیرمادیلار.
Currently Selected:
۲سالنامهلر 21: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
