۲سالنامهلر 12
12
شئشَقئن یهودایا هوجومو
(۱پاد. ۱۴:۲۱-۳۱)
1رِحوبعام پادشاهلیغی مؤحکملهنئب قووّتلَندئکده، او و اونونلا برابر بوتون ائسرایئللیلر#12.1 یعنی یهودالیلار ربّئن قانونوندان اوز دؤندَردئلر. 2رِحوبعامین پادشاهلیغینین بِشئنجی ائلئنده مئصئر پادشاهی شئشَق اورشلئمه هوجوم اتدی. چونکی رِحوبعاملا خالق ربّه خیانت اتمئشدئلر. 3شئشَقئن مئن ائکی یوز دؤیوش عاراباسی، آلتمیش مئن آتلیسی و مئصئردن اونونلا بئرلئکده گلن لوبلو، سوکلو و کوشلو ساییسیز-حسابسیز عسگری وار ائدی. 4او، یهودانین قالالی شهرلرئنی آلدی و اورشلئمه یاخینلاشدی.
5شِمَعیا پیغمبر رِحوبعامین و یهودا ریئسلرئنئن یانینا کی، شئشَقدن اؤتری اورشلئمه ییغیلمیشدیلار، گلئب اونلارا ددی: «رب بله دیئر: ”سئز منی ترک ادئبسئنئز، من ده سئزی شئشَقئن اَلئنه ورمئشم.“» 6ائسرایئل ریئسلری ائله پادشاه اؤزلرئنی آلچالتدیلار و ددئلر: «رب عادئلدئر.» 7رب اونلارین آلچالدیغینی گؤرنده، شِمَعیایا ربّئن بو سؤزو گلدی: «اؤزلرئنی آلچالتدیقلاری اوچون اونلاری محو اتمیهجیم، اونلارا بئر آز قورتولوش ورهجیم، شئشَقئن اَلی ائله قضبئم اورشلئمئن اوستونه تؤکولمیهجک. 8آمّا اونون قوللاری اولاجاقلار کی، منه قوللوق اتمکله باشقا اؤلکهلرئن پادشاهلیقلارینا قوللوق اتمهیئن فرقئنی باشا دوشسونلر.»
9مئصئر پادشاهی شئشَق اورشلئمه هوجوم اتدی و ربّئن معبدئنئن و پادشاه سارایینین خزئنهلرئنی گؤتوردو. هر شیی آلدی. سولیمانین دوزَلتدئیی قیزیل قالخانلاری دا گؤتوردو. 10رِحوبعام پادشاه اونلارین یرئنه بورونج قالخانلار دوزَلتدی و بونلاری پادشاه سارایینین قاپیسینی قورویان کشئکچی ریئسلرئنئن اَلئنه وردی. 11هر دفه پادشاه ربّئن معبدئنه گلنده کشئکچئلر گلئب اونلاری داشیییردیلار. سونرا دا کشئکچئلرئن اوتاغینا گری گتئرئردئلر. 12اؤزونو آلچالتدیقدا ربّئن قضبی اونون اوستوندن دؤندو کی، اونو کامئل محو اتمهسئن. یهودادا یاخشی ائشلر ده وار ائدی.
رِحوبعامین پادشاهلیغینین آخیری
13بلهجه رِحوبعام پادشاه اورشلئمده اؤزونو مؤحکملَندئرئب پادشاهلیق اتدی. رِحوبعام، پادشاه اولان واخت، قیرخ بئر یاشیندا ائدی. او، اورشلئمده اون یدّی ائل پادشاهلیق اتدی. رب بوتون ائسرایئل قبئلهلرئندن بو شهری سچمئشدی کی، اؤز آدینی اورایا قویسون. اونون آناسینین آدی عَمّونلو نَعَما ائدی. 14رِحوبعام شرارت اتدی، چونکی اورهیئنی ربّی آختارماغا قویمادی.
15رِحوبعامین اتدئیی ائشلر، ائلک ائشلرئندن آخیر ائشلرئنه قدر، مگر شِمَعیا پیغمبرئن و گؤروجو عئدّونون تارئخ کئتابلاریندا نسئل شجرهسئنه موطابئق یازیلماییبدیر؟ رِحوبعاملا یَروبعام آراسیندا همئشه موحارئبه گدئردی. 16رِحوبعام اؤلوب آتالاری ائله یاتدی و داوودون شهرئنده باسدیریلدی. اونون یرئنه اوغلو اَبئیا پادشاه اولدو.
Currently Selected:
۲سالنامهلر 12: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
