۱سمویئل 30
30
داوودون عَمالِقلیلری مغلوب اتمهسی
1داوودلا آداملاری اوچونجو گون صئقلَگه چاتدیلار. اله بو زامان عَمالِقلیلر نِگِبه و صئقلَگه هوجوم ادئب صئقلَگ شهرئنه اود وورموشدولار. 2اورادا اولان آروادلاری و بوتون اهالئنی بؤیوکدن کئچئیه قدر اسئر اتمئشدئلر. هچ کسی اؤلدورمهمئشدئلر، لاکئن اونلاری اسئر آپاریب اؤز یوللاری ائله گتمئشدئلر. 3داوود آداملاری ائله شهره گلئب گؤردو کی، شهر یاندیریلیب و اونلارین آروادلاری، اوغوللاری و قیزلاری اسئر آپاریلیب. 4بونا گؤره داوود یانینا ییغیلان جاماعاتلا بئرلئکده طاقتدن دوشَنه قدر هؤنکوروب آغلادیلار. 5اسئر آپاریلانلار آراسیندا داوودون ائکی آروادی، یئزرِعِللی اَخئنوعَمله کَرمِللی نابالین دول آروادی اَبئگائل ده وار ائدی. 6داوودون اورهیی چوخ سیخیلیردی، چونکی خالق «اونو داشلایاق» دیئردی. اونا گؤره کی، جاماعاتین هر بئرئنئن اوغول و قیزیندان اؤتری جانی آجی چکئردی. لاکئن داوود اؤزونو تاریسی ربده قووّتلَندئردی.
7او، اَخئمِلِکئن اوغلو کاهئن اِبیاتارا ددی: «خاهئش ادئرم، اِفودو منئم اوچون بورایا گتئر.» اِبیاتار دا اِفودو داوودون یانینا گتئردی. 8داوود ربدن مصلحت ائستهیئب ددی: «بو فوجون دالیسیجا دوشسَم، اونلارا چاتارام؟» رب اونا ددی: «اونلارین دالیسیجا گت، قطعن اونلارا چاتاجاقسان و قطعن اسئرلری قورتاراجاقسان.» 9داوود یانیندا اولان آلتی یوز نفرله گدئب بِسور درهسئنه چاتدیلار. دالا قالانلار اورادا قالدیلار. 10لاکئن داوود دؤرد یوز نفرله تالانچیلارین تعقئبئنه داوام وردی، چونکی ائکی یوز نفر یورولوب بِسور درهسئنی کچه بئلمهمئشدی. 11چؤلده بئر مئصئرلی تاپدیلار و اونو داوودون یانینا گتئردئلر. اونا چؤرک یِدئردئب، سو ائچئرتدئلر. 12سونرا بئر تئکه باسیلمیش انجئر لاواشاسی ائله ائکی سالخیم قورو اوزوم وردئلر. او دا یِیئب اؤزونه گلدی. چونکی اوچ گون-اوچ گجه چؤرک یمهمئش و سو ائچمهمئشدی. 13داوود اونا ددی: «سن کئمئن قولوسان؟ هارادانسان؟» او ددی: «بئر عَمالِقلینئن قولو، مئصئرلی بئر جاوانام. اوچ گون قاباق ناخوشلادیم، اونا گؤره ده آغام منی آتدی. 14بئز کِرِتلیلرئن نِگِبئنه، یهودا تورپاغینا و کالئبئن نِگِبئنه هوجوم اتدئک، صئقلَگه اود ووروب یاندیردیق.» 15داوود اوندان سوروشدو: «منی بو تالانچیلارین یانینا آپارارسان؟» آدام جاواب وردی: «تاری حاقّی اوچون آند ائچ کی، منی اؤلدورمَیهجکسن و آغاما تسلئم اتمَیهجکسن. من ده سنی تالانچیلارین یانینا آپارارام.»
16او، داوودو تالانچیلارین یانینا اِندئردی. بو زامان اونلار هر یانا یاییلمیشدیلار. فئلئسطلی و یهودا دئیاریندان بؤیوک تالان مالی گؤتوردوکلری اوچون یِیئب-ائچئب شَنلئک ادئردئلر. 17داوود گون باتاندان صاباحیسی گونون آخشامیناجاق اونلاری قیردی. هچ کئم جانینی قورتارا بئلمهدی مگر دؤرد یوز نفر جاوان کی، دوهلره مئنئب قاچدیلار. 18او، عَمالِقلئلرئن گؤتوروب آپاردیغی هر شیی گری قایتاردی، ائکی آروادینی دا قورتاردی. 19اونلارین هچ بئر شیلری ائتمهمئشدی ائستر بؤیوک اولسون، ائستر کئچئک، اوغوللار اولسون، یا دا قیزلار، عَمالِقلیلرئن تالان اتدئکلرئنئن هامیسینی داوود گری قایتاردی و اونلاردان هچ نه اَسکئک اولمادی. 20داوود قویون-کچئلرله اؤکوزلری ده گری قایتاردی. اونلاری او بئری حیوانلارین قاباغیندان سوروب دیئردئلر: «بو، داوودون تالان مالیدیر.»
21داوود یورولوب دالینجا گله بئلمهیَن و بِسور درهسئنده قالان ائکی یوز نفرئن یانینا گلدی. اونلار داوودون و یانینداکی آداملارین پئشوازینا چیخدیلار. داوود اورایا یاخینلاشیب سالام وردی. 22او دَیَرسئز آداملار کی، داوودلا بئرلئکده گدن آداملار آراسیندا ائدئلر، ددئلر: «اونلار بئزئمله بئرلئکده گتمهدئکلری اوچون بئز ده قورتاردیغیمیز تالان مالیندان اونلارا هچ نه ورمهیهجیئک. آنجاق هر آداما اؤز آرواد-اوشاقلارینی ورهجیئک. قوی اونلاری گؤتوروب بورادان گتسئنلر.» 23آمّا داوود اونلارا ددی: «خیر، قارداشلاریم! ربّئن بئزه وردئیی شیلرله بله اتمیهجکسئنئز. رب ائدی کی، بئزی قورودو و اوستوموزه گلن تالانچیلاری او بئزه تسلئم اتدی. 24سئزئن بو سؤزونوزه کئم قولاق آسار؟ چونکی دؤیوشه گدهنئن پایی نه قدردئر، اَسبابلارین یانیندا قالانین دا پایی او قدر اولاجاق، برابر بؤلونهجک.» 25داوود بونو او گوندن بو گونه قدر بوتون ائسرایئل اوچون بئر قانون و حؤکم تعیئن اتدی.
26داوود صئقلَگه گلدی و تالاندان دوستلاری اولان یهودانین آغساقّاللارینا گؤندَرئب ددی: «باخین، سئز اوچون ربّئن دوشمنلرئندن آلینان تالاندان بئر هدئیّه.» 27بِیت ائلده اولانلارا، نِگِبدهکی راموتدا اولانلارا، یَتّئرده اولانلارا، 28عَروعِرده اولانلارا، سئفموتدا اولانلارا، اِشتِموعهده اولانلارا، 29راکالدا اولانلارا، یِرَخمِهاِللیلرئن و قِنلیلرئن شهرلرئنده اولانلارا، 30خورمادا اولانلارا، بورعاشاندا اولانلارا، عَتاقدا اولانلارا، 31خِبروندا اولانلارا، و بوتون او یرلره کی، داوودلا آداملاری اونلاری گَزئردئلر.
Currently Selected:
۱سمویئل 30: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
