۱سمویئل 10
10
شاعولون پادشاهلیغا مسح اولونماسی
1سمویئل بئر قاب زیتون یاغی گؤتوروب شاعولون باشینا تؤکدو و اونو اؤپوب ددی: «مگر رب سنی مسح اتمهیئب کی، اؤز ائرثی اولان ائسرایئل اوستونده باشچی اولاسان؟ 2بو گون مندن آیریلاندان سونرا بِنیامئن تورپاغیندا، صِلصَخده اولان راحئلئن مزاری یانیندا ائکی آداما راست گلهجکسن و اونلار سنه دئیهجکلر: ”آختارماغا گتدئیئن اِششَکلر تاپیلیبلار. آرتیق آتان، اِششَکلری یاددان چیخاردیب سئزئن اوچون نئگاراندیر و دیئر: اوغلوما گؤره نه اِدئم؟“ 3اورادان دا ائرهلی کچئب تابورداکی پالید آغاجینین یانینا چاتاجاقسان و همئن یرده سنی بِیت ائله، تارینین حوضورونا چیخان اوچ آدام پئشواز ادهجک. اونلاردان بئری اوچ کِچی بالاسی، او بئری اوچ کؤمبه چؤرک، بئری ده بئر تولوق شراب آپاریر. 4اونلار سنی سالاملاییب سنه ائکی کؤمبه چؤرک ورهجکلر. سن ده او چؤرکلری اونلاردان آلاجاقسان. 5بوندان سونرا فئلئسطلی کشئک دستهسئنئن اولدوغو یره یعنی گئبعَتاِلوهئمه#10.5 یعنی تارینین تپهسی چاتاجاقسان. شهره گئرن زامان اورادا پرستئشگاهدان اِنَن بئر پیغمبر دستهسئنه راست گلهجکسن. اونلارین قاباقلاریندا چنگ، دف، نی و طنبور چالیناجاق و اونلار پیغمبرلئک ادهجکلر. 6او واخت ربّئن روحو سنئن اوستونه قووّتله اِنهجک و سن ده اونلارلا بئرلئکده پیغمبرلئک ادهجکسن و دؤنوب باشقا بئر آدام اولاجاقسان. 7بو علامتلر سنده باش ورنده وضعئیّته موناسئب حرکت ات، چونکی تاری سنئنلهدئر. 8سن مندن اوّل گئلگالا اِنهجکسن، من ده اورایا گلهجیم کی، یاندیرما قوربانلاری تقدئم ادئب باریش قوربانلاری کَسئم. من یانینا گلئب نه ادهجیئنی سنه بئلدئرهنهجک، یدّی گون گؤزلهمَلی اولاجاقسان.»
9شاعول سمویئلئن یانیندان یولا دوشمَک اوچون چِورئلَنده، تاری اونون اورهیئنی دَیئشدئردی و بوتون بو علامتلر او گون یرئنه یتئشدی. 10اورادان گئبعایا گِدَرکَن، اونلارا بئر پیغمبر دستهسی راست گلدی و تارینین روحو شاعولون اوستونه قووّتله اِندی، اله کی، اونلارین آراسیندا شاعول دا پیغمبرلئک اتمهیه باشلادی. 11اوّلدن اونو تانییان جاماعاتین هامیسی اونون پیغمبرلئک اتدئیئنی گؤرنده بئربئرئنه ددئلر: «قئشئن اوغلونا نه اولوب؟ مگر شاعول دا پیغمبرلرئن سیراسیندادیر؟» 12بئر آدام جاواب ورئب ددی: «گؤرون اونلارین آتاسی کئمدئر؟» بونا گؤره ده «مگر شاعول دا پیغمبرلر سیراسیندادیر؟» سؤزو مَثَله چِورئلدی. 13شاعول پیغمبرلئک ادندن سونرا پرستئشگاها قالخدی.
14شاعولون عَمئسی اوندان و نؤکرئندن سوروشدو: «هارا گتمئشدئنئز؟» شاعول ددی: «اِششَکلری آختارماغا گتمئشدئک، تاپا بئلمهدئیئمئزی گؤرن واخت، سمویئلئن یانینا گتدئک.» 15شاعولون عَمئسی ددی: «خاهئش ادئرم، سمویئلئن سنه نه ددئیئنی منه دانیش.» 16شاعول عَمئسئنه ددی: «اِششَکلرئن تاپیلدیغینی بئزه آیدین بئلدئردی.» لاکئن پادشاهلیق حاقّیندا سمویئلئن سؤزونو عَمئسئنه دانیشمادی.
17بوندان سونرا سمویئل خالقی ربّئن حوضورونا، مئصپایا چاغیردی. 18او، ائسرایئل اؤولادلارینا ددی: «ائسرایئلئن تاریسی رب بله دیئر: ”ائسرایئلی مئصئردن من چیخارتدیم. مئصئرلیلرئن و سئزه ظولم ادن بوتون سلطنتلرئن اَلئندن سئزی من آزاد اتدئم.“ 19لاکئن بلالارینیزدان و موصئبتلرئنئزدن سئزی قورتاران تارینیزی بو گون ردّ ادئبسئنئز و اونا ”اوستوموزه بئر پادشاه قوی“ دیئبسئنئز. ائندی قبئلهلرئنئزه و نسئللرئنئزه گؤره ربّئن حوضوروندا دورون.»
20سمویئل ائسرایئلئن بوتون قبئلهلرئنی بئر-بئر قاباغا چیخارتدی، بِنیامئن قبئلهسی پوشکله سچئلدی. 21سونرا بِنیامئن قبئلهسئنی نسئلبهنسئل قاباغا چیخارتدی. پوشک مَطری نسلئنه دوشدو. نهایت قئش اوغلو شاعول سچئلدی. لاکئن اونو آختاریب تاپا بئلمهدئلر. 22گئنه ربدن سوروشدولار: «او بورایا حله مگر گلمهیئب؟» رب ددی: «باخ، یوکلرئن آراسیندا گئزلهنئب.» 23قاچیب شاعولو اورادان گتئردئلر. خالق آراسیندا دوران زامان شاعول خالقین هامیسیندان بئر بویون اوجا گؤرونوردو. 24سمویئل بوتون خالقا ددی: «آیا ربّئن سچدئیی آدامی گؤرورسونوز؟ دوغرودان دا بوتون خالقین آراسیندا اونا بَنزهر هچ کس یوخدور.» او زامان خالق بئر سَسله قیشقیریب ددئلر: «یاشاسین پادشاه!»
25سمویئل پادشاهلیق قایدالارینی خالقا ددی و کئتابا یازیب ربّئن حوضورونا قویدو. سونرا سمویئل بوتون خالقی اِوئنه گؤندَردی. 26شاعول دا گئبعایا، اؤز اِوئنه قاییتدی و قلبلرئنده تارینین اویانیش یاراتدیغی جنگاورلر ده اونونلا برابر گتدئلر. 27لاکئن بعضی یاراماز آداملار ددئلر: «بو آدام بئزی نجه قورتاراجاق؟» اونا حقارتله باخیب هدئیّه گتئرمهدئلر. لاکئن شاعول بونا ساکئت قالدی.
Currently Selected:
۱سمویئل 10: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
