۱پادشاهلار 7
7
سولیمانین سارانی
1لاکئن سولیمانا اوناوچ ائل زامان چکدی کی، بوتون اؤز سارایینی تئکئب قورتارسین. 2اونون تئکدئیی «لوبنان مِشهسی» آدلی سارایین اوزونلوغو یوز قولآچ#7.2 تقرئبن ۴۵ متر، اِنی اَلّی قولآچ#7.2 ۲۲/۵ متر، بویو دا اوتوز قولآچ#7.2 ۱۳/۵ متر ائدی. بو سارای دؤرد ردئف سئدر سوتونلاردان و سوتونلار اوستونده اولان سئدر دئرَکلردن عئبارت ائدی. 3سوتونلار اوستوندهکی قیرخ بش دئرهیئن اوستونده، سئدردن اولان تئرلر سالینمیشدی و هر ردئفده اون بش دئرَک وار ائدی. 4موشَبّک پنجرهلر اوچ ردئف ائدی و اونلارین ائچئنده اوز-اوزه اوچ ردئف پنجره وار ائدی. 5بوتون گئرئشلر و اونلارین چَرچئوهلری دؤردگوشهلی ائدی. پنجرهلر اوچ ردئفده اوز-اوزه ائدئلر.
6سولیمان سوتونلو بئر ایوان تئکدی. اونون اوزونلوغو اَلّی و اِنی اوتوز قولآچ ائدی. ایوانین قاباغیندا آرتیرما و سوتونلار، اونلارین قاباغیندا دا هَشتی دوزَلتدی. 7او همچئنئن حؤکم ورهجیی تخت اِیوانینی، یعنی محکمه ایوانینی تئکدی و اونو دؤشَمهدن تاوانا قدر سئدر آغاجی ائله اؤرتدو. 8اونون یاشادیغی سارای، اِیوانین آرخاسیندا، او بئری حَیَطده ائدی و هَمَن قورولوشدا تئکئلمئشدی. سولیمان آرواد آلدیغی فئرعون قیزی اوچون ده بو اِیوان کئمی بئر اِو تئکدئردی.
9بوتون بونلار بونؤورهدن داما و باییر طرفدن بؤیوک حَیَطه قدر کیفئیّتلی داشلاردان دوزَلمئشدی. بو داشلار ائچ و باییر طرفدن، اؤلچویه گؤره یونولموش و داش اَرهسی ائله کَسئلمئشدئلر. 10بونؤوره بؤیوک و کیفئیّتلی داشلاردان قویولموشدو؛ اون قولآچلیق#7.10 تقرئبن ۴/۵ متر و سکّئز قولآچلیق#7.10 تقرئبن ۳/۶ متر داشلاردان. 11اونلارین اوستونده اؤلچویه گؤره یونولموش کیفئیّتلی داشلار و سئدر دئرَکلر وار ائدی. 12بؤیوک حَیَط ده، ربّئن معبدئنئن ائچهری حَیَطی و معبدئن ایوانی کئمی، اوچ ردئف یونولموش داش و بئر ردئف سئدر دئرَکلرله اَحاطه اولموشدو.
خئرامین معبد اوچون بورونج شیلر دوزَلتمهسی
(۲سال. ۳:۱۵-۵:۱)
13سولیمان پادشاه خئرام آدلی بئر نفری صوردان گتئرتدی. 14اونون آناسی نَفتالی قبئلهسئندن دول بئر آرواد، آتاسی دا صورلو بئر مئسگر ائدی. خئرام بورونجدن هر جور شی قاییرماق ائشئنده حئکمتلی، درّاکهلی و بئلئکلی آدام ائدی. او، سولیمان پادشاهین یانینا گلئب اونون بوتون ائشلرئنی گؤردو.
15خئرام ائکی بورونج سوتون دوزَلتدی. بئرئنجی سوتونون بویو اون سکّئز قولآچ#7.15 تقرئبن ۸/۱ متر ائدی. ائکئنجئسئنئن اطرافینا اونائکی قولآچلیق#7.15 تقرئبن ۵/۴ متر بئر ائپ دولانمیشدی. 16او، سوتونلارین اوستونه تؤکمه بورونجدن ائکی باشلیق دوزَلتدی. هر ائکی باشلیغین بویو بش قولآچ#7.16 تقرئبن ۲/۳ متر ائدی. 17سوتونلارین اوستونده اولان باشلیقلاردا حؤرمه تورلار و زنجئرواری چَلَنگلر وار ائدی. هر باشلیقدا یدّی دنه وار ائدی. 18او، سوتونلاری بله دوزَلتدی. حؤرمه تورلارین اطرافیندا ائکی ردئف نار دوزَلتدی کی، سوتونلارین اوستوندهکی باشلیقلاری اؤرتسونلر. هر باشلیق اوچون ده بله اتدی. 19اِیواندا اولان سوتونلارین اوستوندهکی باشلیقلار سو زانباغی شکلئنده دوزَلدئلمئشدی و هر بئرئنئن بویو دؤرد قولآچ#7.19 تقرئبن ۱/۸ متر ائدی. 20هر ائکی سوتونون یوخاریسیندا اولان باشلیقلار، حؤرمه تورلارین یانینداکی گئرده چیخینتینین اوست طرفئنده ائدی. هر باشلیغین اوستونده دایره شکلئنده اولان چَلَنگلرده ائکی یوز نار تصوئری وار ائدی. 21خئرام معبدئن اِیوانیندا سوتونلار قویدو. صاغ طرفده اولان سوتونو قویوب اونو یاکئن، #7.21 عئبرانی دئلئنده یعنی مؤحکمچاغیردی. سول طرفده اولان سوتونو قویوب اونو دا بوعَز #7.21 عئبرانی دئلئنده «گوج اوندادیر» و یا «تاریدادیر» معناسیندا اولا بئلر. آدلاندیردی. 22سوتونلارین اوستوندهکی باشلیقلار سو زانباغی شکلئنده ائدی. بلهجه سوتونلارین ائشی باشا گلدی.
23خئرام تؤکولموش بورونجدن دایره شکلئنده بئر حوووض دوزَلتدی. بئر کناریندان او بئری کنارینا قدر اون قولآچ ائدی، اونون درئنلئیی بش قولآچ ائدی و اوتوز قولآچلیق#7.23 تقرئبن ۱۳/۵ متر بئر ائپ ده اونون اطرافینا دولانمیشدی. 24هر طرفدن کنارینین آلتیندان اونو بالقاباق تصوئرلری اَحاطه ادئردی. هر قولآچدا اون بالقاباق وار ائدی. بالقاباقلار ائکی ردئف ائدئلر و اونلار حوووضلا بئرلئکده تؤکولموشدولر. 25حوووض اونائکی تؤکمه اؤکوزون اوستونده دوردو: اوچو شئمالا، اوچو قربه، اوچو جنوبا، اوچو ده شرقه باخیردی. حوووض یوخاریدا، اونلارین اوستونده ائدی و اؤکوزلرئن بوتون آرخا حئصّهلری ائچهرئیه طرف ائدی. 26حوووضون قالینلیغی دؤرد بارماق قالینلیغیندا ائدی، اونون کناری کاسا کناری کئمی دوزَلدئلمئشدی و آچیلان زانباغا بَنزهیئردی. او، ائکی مئن بَت#7.26 تقرئبن ۴۴۰۰۰ لئتر سو توتوردو.
27خئرام بورونجدن اون پایا دوزَلتدی. هر پایانین اوزونلوغو دؤرد، اِنی دؤرد و بویو دا اوچ قولآچ#7.27 تقرئبن ۱/۴ متر ائدی. 28پایالار بله حاضیرلانمیشدی: اونلارین یان لؤوحهلری وار ائدی و لؤوحهلر چَرچئوهیه بَرکئدئلمئشدی. 29چَرچئوهنئن آراسیندا اولان لؤوحهلر اوستونده شئر، گامیش و کَرّوب تصوئرلری وار ائدی. همچئنئن چَرچئوهنئن، شئر و گامیش تصوئرلرئنئن یوخاریسیندا و آشاغیسیندا آسما چَلَنگلر وار ائدی. 30هر پایانین دؤرد بورونج چرخی، بورونج اوخلاری و لَیَن اوچون دؤرد تؤکمه دستهیی وار ائدی. دستکلر هر طرفدن چَلَنگلرله بَزهدئلمئشدی. 31پایانین باشلیغیندا بئر دهنه وار ائدی. باشلیغین بویو بئر قولآچ ائدی، دهنه ده مودوّر و بئر قولآچ یاریم اِنئنده ائدی، اوستونده اویمالار وار ائدی. لؤوحهلر دایره شکلئنده یوخ، دؤردگوشهلی ائدی. 32دؤرد چرخ لؤوحهلرئن آلتیندا ائدی و چرخلرئن اوخلاری پایادا ائدی. بئر چرخئن بویو بئر قولآچ یاریم ائدی. 33چرخلرئن قورولوشو دؤیوش عارابالارین چرخلرئنئن قورولوشو کئمی ائدی. اونلارین اوخلاری، فلکهلری، مئللری و توپلاری-هر شیی تؤکمه ائدی. 34هر پایانین دؤرد کونجونده چیخینتی وار ائدی. چیخینتیلار پایایا بئتئشئک ائدی. 35پایانین باشیندا یاریم قولآچ بویوندا مودوّر بئر چنبر وار ائدی. پایانین باشیندا اولان دستکلری و لؤوحهلری اؤزونه بئتئشئک ائدی. 36خئرام دستکلرئن و لؤوحهلرئن اوستونده یِر چاتان قدر کَرّوب، شئر و خورما آغاجی تصوئرلری، اطرافیندا دا چَلَنگلر اویدو. 37بلهجه اون پایا دوزَلتدی. اونلارین هامیسی بئر تؤکمه، بئر اؤلچوده و بئر قورولوشدا ائدی.
38خئرام بورونجدن اون لَیَن دوزَلتدی، هر لَیَن قیرخ بَت#7.38 تقرئبن ۸۸۰ لئتر توتوردو؛ هر لَیَن دؤرد قولآچ اِنئنده ائدی و اون پایالارین هر بئری اوستونده بئر لَیَن وار ائدی. 39پایالارین بِشئنی معبدئن جنوب طرفئنده، بِشئنی ده معبدئن شئمال طرفئنده قویدو. حوووضو دا معبدئن جنوب-شرق کونجونده یِرلَشدئردی.
40خئرام قازانلار، کورَکلر و لَیَنچهلر ده دوزَلتدی. خئرام ربّئن معبدی اوچون سولیمان پادشاهین امری ائله بوتون بو ائشلری گؤروب قورتاردی:
41ائکی سوتون؛
سوتونلارین اوستونده ائکی مودّور باشلیق؛
ائکی حؤرمه تور کی، سوتونلارین اوستوندهکی ائکی مودّور باشلیغی اؤرتسونلر؛
42ائکی ردئفده دؤرد یوز نار تصوئری کی، سوتونلارین اوستونده اولان مودّور باشلیقلاری اؤرتسونلر؛
43اون پایا؛
پایالارین اوستونده اون لَیَن؛
44حوووض؛
حوووضون آلتیندا اون ائکی تؤکمه اؤکوز؛
45خَکَندازلار، کورَکلر، و لَیَنچهلر.
بوتون بو اشیالاری خئرام ربّئن معبدی اوچون پادشاه سولیمانین امری ائله جئلالانمیش بورونجدن دوزَلتمئشدی. 46پادشاه بونلاری اوردون چایینین کنارینداکی اووادا، سوکّوتلا صارِتان آراسینداکی گئللی تورپاقلاردا تؤکموشدو. 47بوتون بو اشیالار حَددن آرتیق چوخ اولدوغو اوچون، سولیمان اونلاری چکمهدی و بورونجون چکئسئنی موعَیّن اتمهدی.
48سولیمان ربّئن معبدئندهکی بوتون بو اشیالاری دوزَلتدی:
قیزیل قوربانگاه؛
قیزیل مئز کی، اوستونه تقدئس چؤرکلری قویولاردی؛
49خالئص قیزیلدان چیراقدانلار کی، ائچ اوتاغین قاباغیندا بِشی صاغ طرفده، بِشی ده سول طرفده دوروردولار؛
قیزیلدان اولان قؤنچه، چیراقلار و ماشالار؛
50خالئص قیزیلدان کاسالار، پئلته ماشالاری، لَیَنچهلر، قاشیقلار و بوخوردانلار؛ ائچ اوتاغین، یعنی لاپ موقدّس یِرئن و بؤیوک اوتاغین قاپی تایلاری اوچون قیزیلدان لولالار.
51سولیمان پادشاهین، ربّئن معبدئنده گؤردویو بوتون ائشلر قورتاردی. سولیمان آتاسی داوودون تقدئس اتدئیی قیزیل-گوموشو و اشیالاری ائچهری گتئرئب، ربّئن معبدئنئن خزئنهلرئنه قویدو.
Currently Selected:
۱پادشاهلار 7: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
