۱پادشاهلار 4
4
سولیمانین اعیانلاری
1سولیمان پادشاه بوتون ائسرایئل اوستونده حؤکمران ائدی. 2اعیانلاری بونلار ائدئلر:
صادوق اوغلو عَزَریا کاهئن ائدی،
3شئشانین اوغوللاری اِلئخورِف و اَخئیا مئرزهلر ائدئلر،
اَخئلود اوغلو یِهوشافاط سالنامهچی ائدی، 4یِهویاداع اوغلو بِنایا قوشون باشچیسی ائدی،
صادوق و اِبیاتار کاهئنلر ائدئلر،
5ناتان اوغلو عَزَریا باش والی ائدی،
کاهئن ناتان اوغلو زابود پادشاهین همصؤحبتی ائدی،
6اَکئشار سارای ریئسی ائدی،
عَبدا اوغلو اَدونئرام ائجباری ائشچئلر اوستونده نظارتچی ائدی.
7سولیمانین بوتون ائسرایئل اوستونده اونائکی بؤلگه والئسی وار ائدی. اونلار پادشاهین و اونون سارایینین ارزاغینی تأمئن ادئردئلر؛ هر بئری ائلده بئر آیلیق ارزاق گؤندَرمهلی ائدی. 8اونلارین آدلاری بلهدئر:
اِفرایئمئن داغلیق بؤلگهسئنده بِنخور؛
9ماقَص، شَعَلبئم، بِیتشِمِش و اِیلون-بِیت-خانان بؤلگهلرئنده بِندِقِر؛
10سوکو و بوتون خِفِر تورپاغینین دا عایید اولدوغو اَروبّوت بؤلگهسئنده بِنخِسِد؛
11بوتون طافَتئن دور بؤلگهسئنده سولیمانین قیزی طافَتئن اَری اولان بِن عَبئناداب؛
12تَعنَک، مِگئدّو، یئزرِعِل آلتینداکی صارِتانین یانیندا اولان بوتون بِیت-شِآن بؤلگهسئنده و بِیت-شِآندان آبِلمِخولایا، یوقمِعامین او بئری طرفئنه قدر اوزانان بؤلگهده اَخئلود اوغلو بَعَنا؛
13گئلعاددا اولان مِنَسّه اوغلو یاعئرئن کَندلرئنئن و باشاندا اولان اَرگوب اطرافیندا دووارلار و بورونج چفتهلری ائله باغلانمیش آلتمیش بؤیوک شهرئن عایید اولدوغو راموت-گئلعاد بؤلگهسئنده بِنگِبِر؛
14مَخهنایئم بؤلگهسئنده عئدّو اوغلو اَخئناداب؛
15نَفتالی تورپاغیندا اَخئمَعَص کی، سولیمانین قیزی باسمَتی آرواد آلمیشدی؛
16آشِر تورپاغیندا و بِعالوت بؤلگهسئنده خوشای اوغلو بَعَنا؛
17یئسّاکار تورپاغیندا پارواَخ اوغلو یِهوشافاط؛
18بِنیامئن تورپاغیندا اِلا اوغلو شئمعی؛
19گئلعاد تورپاغیندا اوری اوغلو گِبِر. بو بؤلگه کچمئشده اِمورلولارین پادشاهی سئخونا و باشان پادشاهی عوگا عایید ائدی. یهودا بؤلگهسئنئن#4.19 عئبرانی متنده «بو اؤلکهنئن» تَک والئسی وار ائدی.
سولیمانین بئر گونلوک تأمئناتی
20یهودالیلار و ائسرایئللیلر دهنز ساحئلئندهکی قوم قدر چوخ ائدئلر. اونلار یِیئب-ائچئب خوشبخت یاشاییردیلار. 21سولیمان فَرات چاییندان فئلئسطلیلرئن تورپاغینا و مئصئر سرحدئنه قدر بوتون پادشاهلیقلار اوستونده حؤکمرانلیق ادئردی. اونلار سولیمانین عؤمرو بویو خراج وردئلر و اونا قوللوق اتدئلر.
22سولیمانین سارایینین گوندهلئک ارزاغی بونلاردان عئبارت ائدی: اوتوز کور#4.22 تقرئبن ۴ تون نارین اون و آلتمیش کور#4.22 تقرئبن ۸ تون کَپَکلی اون، 23اون باش بَسلَنمئش اؤکوز، ائیئرمی اوتلاق اؤکوزو، یوز قویون-کچی، مارال، جیران، خاللی مارال و بَسلَنمئش اِو قوشلاری. 24تئفسَخدن غَزّهیه قدر فَرات چایینین بو تایینداکی بوتون تورپاقلار و چایین بو تایینداکی بوتون پادشاهلار اوستونده سولیمان حؤکمرانلیق ادئردی و بوتون اطراف اؤلکهلرله صولح شرایئطئنده یاشاییردی. 25اونون بوتون عؤمرو بویو داندان بئرشئبایا قدر یهودا و ائسرایئلده هر کس اؤز اوزوم آغاجینین و انجئر آغاجینین آلتیندا دئنجلئک ائچئنده یاشاییردی.
26سولیمانین دؤیوش عارابالاری ائله آتلاری اوچون قیرخ مئن آخیری وار ائدی. 27بو والئلرئن هر بئری اؤز آییندا سولیمان پادشاها و اونون سوفرهسئنه گلنلرئن هامیسینا ارزاق گؤندَرئردی و هچ بئر شیه احتئیاج قالمیردی. 28هر والی اونا ورئلمئش امره گؤره دؤیوش و چاپار آتلارینین اولدوقلاری یره آرپا-سامان گؤندَرئردی.
سولیمانین تایسیز حئکمتی
29تاری سولیمانا دهنز ساحئلئندهکی قوم قدر حئکمت، بول درّاکه و اورَک گِنئشلئیی وردی. 30سولیمانین حئکمتی بوتون شرق خالقلارینین و مئصئرلیلرئن حئکمتئندن اوستون ائدی. 31او بوتون آداملاردان، اِزراخلی اِیتاندان، ماخولون اوغوللاری حِیمان، کَلکول و دَردَعدن حئکمتلی ائدی، شؤهرتی بوتون اطراف مئلّتلر آراسیندا یاییلمیشدی. 32او، اوچ مئن مَثَل دمئشدی و اونون مئن بش نغمهسی وار ائدی. 33لوبناندان اولان سئدر آغاجیندان دوواردا بئتَن مَرجانکؤشک اوتونا قدر بئتکیلر بارهده بحث اتدی، همچئنئن حیوانلار، قوشلار، سوروننلر و بالیقلار حاقّیندا دانیشدی. 34سولیمانین حئکمتئنه قولاق آسماق اوچون بوتون خالقلاردان و اونون حئکمتی بارهده اشئتمئش بوتون دونیا پادشاهلاریندان یانینا آداملار گلئردی.
Currently Selected:
۱پادشاهلار 4: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
