۱پادشاهلار 17
17
ائلیانین قوراقلیق بارهده خبردارلیغی
1گئلعاد ساکئنلرئندن اولان تئشبِلی ائلیا اَخابا ددی: «حوضوروندا دوردوغوم ائسرایئلئن تاریسی وار اولان ربّه آند اولسون کی، منئم سؤزوم اولمایینجا، بو ائللرده شح و یاغیش اولمایاجاق.»
2اونا ربّئن بو سؤزو نازئل اولدو: 3«بورادان گت و شرقه طرف دؤن، اوردون چایینین شرقئنده اولان کِرِت آرخینین یانیندا گئزلَن. 4اورادا آرخدان سو ائچهجکسن، قارغالارا دا امر اتمئشم کی، سنی اورادا یِدئرتسئنلر.» 5او، ربّئن سؤزونه عمل اتدی و اوردون چایینین شرقئنده اولان کِرِت آرخینین یانینا گدئب اورادا قالدی. 6قارغالار اونا هر سحر و آخشام چؤرک و اَت گتئرَردئلر، آرخدان دا سو ائچَردی. 7بئر مودّت سونرا آرخ قورودو، چونکی اؤلکهده یاغیش یاغمیردی.
ائلیا و صارِفَتلی آرواد
8سونرا ائلیایا ربّئن بو سؤزو نازئل اولدو: 9«قالخ صئدونون صارِفَت شهرئنه گت و اورادا قال. باخ، اورادا بئر دول آروادا امر اتمئشم کی، سنه یمک ورسئن.» 10او قالخیب صارِفَته گتدی. شهرئن دروازاسینا چاتاندا بئر دول گؤردو کی، اودون ییغیردی. اونو چاغیریب ددی: «خاهئش ادئرم منه بئر قابدا آزجا سو گتئر، ائچئم.» 11آرواد سو گتئرمیه گدنده اونو چاغیریب ددی: «خاهئش ادئرم بئر تئکه چؤرک ده گتئر.» 12آرواد ددی: «وار اولان تارین ربّه آند اولسون کی، پئشمئش هچ نهیئم یوخدور، آنجاق کوپده بئر اوووج اون، قابدا دا بئر آز زیتون یاغی وار. باخ، من بئر آز اودون ییغیرام کی، ائچهری گئرئب اؤزومله اوغلوم اوچون بونلاردان یمک حاضیرلاییم. بئز اونو یئیهجیئک، سونراسی دا اؤلهجیئک.» 13ائلیا اونا ددی: «قورخما، گت ددئیئن کئمی ات. آمّا اوّلجه منئم اوچون اوندان کئچئک بئر کؤکه دوزَلت و منه گتئر، اؤزونله اوغلون اوچون سونرا حاضیرلایارسان. 14چونکی ائسرایئلئن تاریسی رب بله دیئر: ”رب تورپاق اوستونه یاغیش ورهجیی گونه قدر، نه کوپده اون قورتاراجاق، نه ده قابدا زیتون یاغی.“» 15آرواد گدئب ائلیانین سؤزونه عمل اتدی. آرواد و اونون عایئلهسی ائلیا ائله بئرلئکده اوزون مودّت عرضئنده یمک یدئلر. 16ائلیا واسئطهسیائله ربّئن ددئیی سؤزه گؤره نه کوپده اون قورتاردی، نه ده قابدا زیتون یاغی.
17بوندان سونرا اِو صاحئبی آروادین اوغلو ناخوشلادی، ناخوشلوغو چوخ آغیر اولدو، بله کی، اوندا هچ نفس قالمامیشدی. 18آرواد ائلیایا ددی: «من سنه نه اتدئم مگر، ای تاری آدامی؟ یانیما گلئبسن کی، تقصئرئمی خاطیرلاداسان و اوغلومو اؤلدورهسن؟» 19ائلیا اونا ددی: «اوغلونو منه ور.» اوشاغی آروادین قوجاغیندان گؤتوروب اؤزونون قالدیغی یوخاری اوتاغا چیخارتدی و اونو اؤز یاتاغینین اوستونه اوزاندیردی. 20او، ربّی چاغیریب ددی: «ای تاریم رب، یانیندا قالدیغیم دول آروادین اوغلونو اؤلدورمکله اونون باشینا بلا گتئرئبسن؟» 21سونرا اوشاغین اوستونه اوچ دفه اوزاندی و ربّی چاغیریب ددی: «ای تاریم رب، سنه یالواریرام، قوی بو اوشاغین جانی اؤزونه قاییتسین.» 22رب ائلیانین سَسئنی اشئتدی: اوشاغین جانی اؤزونه قاییتدی و او دئرئلدی. 23ائلیا اوشاغی گؤتوروب یوخاری اوتاقدان اِوه دوشورتدو و اونو آناسینا ورئب ددی: «باخ، اوغلون صاغدیر.» 24آرواد ائلیایا ددی: «ائندی بئلدئم کی، سن تاری آدامیسان و سنئن آغزیندا ربّئن سؤزو حقئقتدئر.»
Currently Selected:
۱پادشاهلار 17: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
