۱پادشاهلار 16
16
1بَعشانین ضئدّئنه خَنّانی اوغلو یِیهویا ربّئن بو سؤزو نازئل اولدو: 2«سنی توز-تورپاقدان قالدیریب خالقیم ائسرایئل اوستونده حؤکمران اتدئم، آمّا سن یَروبعامین یولو ائله گتدئن و خالقیم ائسرایئله گوناه اتدئردئب منی قضبلَندئردئن. 3باخ، من بَعشانی و اونون نسلئنی یاندیریب محو ادهجیم، و سنئن نسلئنی نِباط اوغلو یَروبعامین نسلی کئمی ادهجیم. 4بَعشادان شهرده اؤلَنلری ائتلر، چؤلده اؤلَنلری گؤیلرئن قوشلاری یئیهجکلر.»
5بَعشانین قالان ائشلری، اتدئیی هر شی و اونون قووّتی بارهده مگر ائسرایئل پادشاهلارینین سالنامهلر کئتابیندا یازیلماییبدیر؟ 6بَعشا اؤلوب آتالاری ائله یاتدی و تئرصادا باسدیریلدی. اونون یرئنه اوغلو اِلا پادشاه اولدو.
7بوندان علاوه، ربّئن سؤزو خَنّانی اوغلو پیغمبر یِیهو واسئطهسیائله بَعشانین و اونون نسلئنئن ضئدّئنه نازئل اولدو، چونکی هم ربّئن گؤزونده بوتون پئس اولانی ادئب، اَللرئنئن عمللری ائله ربّئن قضبئنی آلوولاندیرمیشدیلار، هم ده یَروبعامین نسلی کئمی اولموشدولار کی، رب اونا گؤره اونلاری ووردو.
ائسرایئل پادشاهی اِلا
8یهودا پادشاهی آسانین پادشاهلیغینین ائیئرمی آلتینجی ائلئنده، بَعشا اوغلو اِلا ائسرایئل اوستونده پادشاه اولدو و تئرصادا ائکی ائل پادشاهلیق اتدی.
9اونا خئدمت ادن زئمری کی، اونون دؤیوش عارابالارینین یاریسینا باشچیلیق ادئردی، اونون ضئدّئنه فئتنه قوردو. اِلا تئرصادا، اؤز سارای ریئسی اولان اَرصانین اِوئنده ائچئب مست اولاندا، 10زئمری ائچهری گئردی و اونو ووروب اؤلدوردو و اونون یرئنه پادشاه اولدو. بو حادئثه یهودا پادشاهی آسانین پادشاهلیغینین ائیئرمی یدّئنجی ائلئنده باش وردی. 11او پادشاه اولوب تختده اوتوردوقدا، بَعشانین بوتون نسلئنی قیردی؛ ائستر اونون قوحوملاریندان، ائستر ده دوستلاریندان بئر کئشئنی بله صاغ بوراخمادی. 12بلهجه زئمری بَعشانین بوتون نسلئنی محو اتدی، نجه کی، رب، پیغمبر یِیهو واسئطهسیائله بَعشانین ضئدّئنه بویورموشدو. 13چونکی بَعشا و اوغلو اِلا اؤز بوتلری ائله اتدئکلری و ائسرایئله اتدئردئکلری بوتون گوناهلارا گؤره ائسرایئلئن تاریسی ربّی قضبلَندئرمئشدئلر.
14اِلانین قالان ائشلری و اونون اتدئیی هر شی بارهده مگر ائسرایئل پادشاهلارینین سالنامهلر کئتابیندا یازیلماییبدیر؟
ائسرایئل پادشاهی زئمری
15یهودا پادشاهی آسانین پادشاهلیغینین ائیئرمی یدّئنجی ائلئنده، زئمری تئرصادا یدّی گون پادشاهلیق اتدی. او واخت خالق، فئلئسطلیلره عایید اولان گئبّتونون ضئدّئنه اوردوگاه قورموشدولار. 16اوردوگاه قوران خالق اشئتدی کی، «زئمری فئته قوروب و پادشاهی ووروب اؤلدوروب.» بونا گؤره ده بوتون ائسرایئل او گون اوردوگاهدا قوشون باشچیسی عومرئنی ائسرایئل اوستونده پادشاه اتدئلر. 17عومری بوتون ائسرایئللیلرله بئرلئکده گئبّتونا گلئب تئرصانی موحاصئرهیه آلدی. 18زئمری شهرئن آلیناجاغینی گؤرنده پادشاه سارایینین قالاسینا گئردی و پادشاه سارایینی اؤزو ائله اوددا اودلادی و هلاک اولدو. 19اونا گؤره کی گوناه ادئب، ربّئن گؤزونده پئس اولان ائشلر اتمئشدی؛ یَروبعامین یولو و گوناهی ائله گدئب ائسرایئله گوناه اتدئرمئشدی. 20زئمرئنئن قالان ائشلری و اونون قوردوغو فئتنه بارهده مگر ائسرایئل پادشاهلارینین سالنامهلر کئتابیندا یازیلماییبدیر؟
21او واخت ائسرایئل خالقی ائکی حئصّهیه بؤلوندو: خالقین یاریسی گئنَت اوغلو تئبنینئن دالینجا گتدی کی، اونو پادشاه اتسئن. خالقین یاریسی دا عومرئنئن دالینجا گتدی. 22لاکئن عومرئنئن دالینجا گدن خالق، گئنَت اوغلو تئبنینئن دالینجا گدن خالقا قالئب گلدی. بلهجه، تئبنی اؤلدو و عومری پادشاه اولدو.
ائسرایئل پادشاهی عومری
23یهودا پادشاهی آسانین پادشاهلیغینین اوتوز بئرئنجی ائلئنده، عومری ائسرایئل اوستونده پادشاه اولدو و اون ائکی ائل پادشاهلیق اتدی؛ او تئرصادا آلتی ائل پادشاهلیق اتدی. 24او، سامئره تپهسئنی شِمِر آدلی بئرئندن ائکی تالانت#16.24 تقرئبن ۶۹ کئلو گوموشه ساتین آلدی و تپهنئن اوستونده شهر تئکئب، آدینی اَوّلکی صاحئبی شِمِرئن آدینا گؤره سامئره قویدو. 25عومری ربّئن گؤزونده پئس اولان ائشلر اتدی و اؤزوندن قاباق اولانلارین هامیسیندان چوخ پئسلئک اتدی. 26او، نِباط اوغلو یَروبعامین یولو ائله گتدی کی، ائسرایئله گوناه اتدئردی و بوتلری ائله ائسرایئلئن تاریسی ربّی قضبلَندئردی.
27عومرئنئن اتدئیی قالان ائشلر و گؤرستدئیی شوجاعت بارهده مگر ائسرایئل پادشاهلارینین سالنامهلر کئتابیندا یازیلماییبدیر؟ 28عومری اؤلوب آتالاری ائله یاتدی و سامئرهده باسدیریلدی. اونون یرئنه اوغلو اَخاب پادشاه اولدو.
ائسرایئل پادشاهی اَخاب
29یهودا پادشاهی آسانین پادشاهلیغینین اوتوز سکّئزئنجی ائلئنده، عومری اوغلو اَخاب ائسرایئل اوستونده پادشاه اولدو. او، سامئرهده ائیئرمی ائکی ائل پادشاهلیق اتدی. 30عومری اوغلو اَخاب ربّئن گؤزونده اؤزوندن قاباق اولانلارین هامیسیندان چوخ پئسلئک اتدی. 31نِباط اوغلو یَروبعامین گوناهلاری ائله گتمک، اله بئل، اونا آز گلئردی کی، صئدونلولارین پادشاهی اتبَعَلئن قیزی ائزِبِلی ده آرواد آلدی و بَعَله گدئب قوللوق اتدی و اونو پرستئش اتدی. 32او، سامئرهده تئکدئیی بَعَل معبدئنده، بَعَل اوچون قوربانگاه قوردو. 33ائلاهه اَشِرا بوتو ده دوزَلتدی. اَخاب اؤزوندن قاباق اولان بوتون ائسرایئل پادشاهلاریندان چوخ پئسلئک ادئب ائسرایئلئن تاریسی ربّی قضبلَندئردی.
34اونون دؤورونده بِیت ائللی خیاِل اَرئحانی تئکدی. شهرئن بونؤورهسئنی ائلک اوغلو ابئرامین اؤلومو باهاسینا قویدو، اونون دروازالارینی دا لاپ کئچئک اوغلو سِگوبون اؤلومو باهاسینا. نجه کی، رب نون اوغلو یوشَع واسئطهسیائله بویورموشدو.
Currently Selected:
۱پادشاهلار 16: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
