۱سالنامهلر 20
20
عَمّونلولارین دارماداغین ادئلمهسی
(۲سَم. ۱۱:۱؛ ۱۲:۲۶-۳۱)
1باهار گلنده، پادشاهلار موحارئبهیه چیخان واخت، یوآب قوشونونو سفره چیخارتدی. او، عَمّونلولارین اؤلکهسئنی وئران اتدی و گلئب رَبّانی موحاصئرهیه آلدی. لاکئن داوود اورشلئمده قالدی. یوآب ربّهنی ووروب داغیتدی. 2داوود اونلارین پادشاهینین#20.2 و یا مولِک بوتونون باشیندان تاجینی گؤتوردو. تاجینین چکئسی بئر تالانت#20.2 تقرئبن ۵/۳۴ کئلو قیزیل ائدی. اونون اوستونده قئیمتلی داش وار ائدی. بو تاج داوودون باشینا قویولدو. داوود بو شهردن چوخلو قنئمت آپاردی. 3او، شهرده اولان خالقی کؤچورتدو و اَللرئنه اَره، دَمئر تئشه، کولونگ و بالتا ورئب آغیر ائشلره قویدو.#20.3 ۲سَم. ۱۲:۳۱ آیهیه گؤره ترجومه ادئلئر. ۱سَم. ۲:۳ «و اونلاری اَره، دَمئر تئشه، کولونگ و بالتالارلا کَسدی.» داوود عَمّونلولارین بوتون شهرلرئنه بله اتدی. سونرا داوود و بوتون خالق اورشلئمه قاییتدیلار.
4بوندان سونرا گِزِرده فئلئسطلیلرله دؤیوش اولدو. او زامان خوشالی سئبّهکهی رافا اؤولادلاریندان#20.4 غولا بَنزر آداملار سئپّهیی اؤلدوردو. بلهجه فئلئسطلیلر تابع اولدولار. 5فئلئسطلیلرله داها بئر دؤیوشده یاعئر اوغلو اِلخانان گَتلی گولیاتین قارداشی لَخمئنی اؤلدوردو. اونون نئزهسئنئن ساپی، توخوجو دَزگاهینین اَرئش آغاجی بویدا ائدی. 6گَتده گئنه دؤیوش اولدو. اورادا اوجابوی بئر آدام وار ائدی کی، اَللری و آیاقلاری آلتی بارماقلی ائدی و جَمی ائیئرمی دؤرد بارماغی وار ائدی. بو آدام دا رافا اؤولادلاریندان ائدی. 7او، ائسرایئله میدان اوخودو. اونو داوودون قارداشی شئمعانین اوغلو یِهوناتان اؤلدوردو. 8بونلار گَتده رافا نسلئندن ائدئلر. اونلار داوودون و اونون آداملارینین اَلی ائله قیریلدیلار.
Currently Selected:
۱سالنامهلر 20: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
