۱سالنامهلر 18
18
داوودون ظفرلری
(۲سال. ۸:۱-۱۸)
1بوندان سونرا داوود فئلئسطلیلری مغلوب ادئب اؤزونه تابع اتدی و گَتی، اونون قصبهلرئنی فئلئسطلیلرئن اَلئندن آلدی. 2او، موآبلیلاری دا مغلوب اتدی و موآبلیلار داوودا تابع اولوب خراج ورئردئلر.
3داوود صوبا پادشاهی هَدَد عِزِری ده کی، فَرات چایینین اطرافینداکی یرلرده حاکئمئیّتئنی برپا اتمهیه گدئردی، خَماتدا مغلوب اتدی. 4او، هَدَد عِزِرئن مئن دؤیوش عاراباسینی آلدی، یدّی مئن آتلیسینی، ائیئرمی مئن پئیادا عسگرئنی اسئر اتدی و آتلاردان یوزه قَدَرئنی دؤیوش عاراباسی اوچون ساخلاییب قالان آتلارین آیاق وَتَرئنی کَسدی. 5دَمَشقده یاشایان اَراملیلار صوبا پادشاهی هَدَد عِزِره کؤمک اتمهیه گلنده، داوود اونلاردان ائیئرمی ائکی مئن نفری قیردی. 6داوود دَمَشق اَرامینا حربی دستهلر یرلَشدئردی و اَراملیلار اونا تابع اولوب خراج ورئردئلر. رب، داوودا، گتدئیی هر یرده ظفر قازاندیردی. 7او، هَدَد عِزِرئن سرکردهلرئنئن گَزدئردئیی قیزیل قالخانلاری گؤتوروب اورشلئمه گتئردی. 8داوود هَدَد عِزِرئن شهرلری طئبخَتدن و کوندان چوخلو بورونج آلدی. سونرالار سولیمان اوندان بورونج حوووضو، سوتونلار و بورونج قابلاری دوزَلتدی.
9خَمات پادشاهی توعو اشئتدی کی، داوود صوبا پادشاهی هَدَد عِزِرئن بوتون قوشونونو مغلوب ادئب. 10او، اؤز اوغلو هَدورامی داوودون یانینا گؤندَردی کی، اونو سالاملاییب، هَدَد عِزِری دؤیوشده مغلوب اتدئیئنه گؤره داوودا تبرئک دسئنلر؛ چونکی هَدَد عِزِر توعو ائله همئشه موحارئبه اتمئشدی. هَدورام هر جور قیزیل-گوموش و بورونج اشیالار گتئردی. 11داوود پادشاه بونلاری ربّه وقف اتدی، و اونلارلا بئرلئکده ده بوتون مئلّتلردن، یعنی اِدوملولاردان، موآبلیلاردان، عَمّونلولاردان، فئلئسطلیلردن و عَمالِقلیلردن آلیب گتئردئیی قیزیل گوموشو.
12صِرویا اوغلو اَبشهی دوز درهسئنده اِدوملولاردان اون سکّئز مئن نفری قیردی. 13سونرا اِدوما حربی دستهلر یرلَشدئردی و بوتون اِدوملولار داوودا تابع اولدولار. رب داوودا گتدئیی هر یرده ظفر قازاندیردی.
داوودون اعیانلاری
14داوود بوتون ائسرایئلئن پادشاهی اولدو. او بوتون خالقینا عدالت و صالحلئکله حؤکمرانلیق ادئردی.
15صِرویا اوغلو یوآب قوشون باشچیسی ائدی؛ اَخئلود اوغلو یِهوشافاط سالنامهچی ائدی؛ 16اَخئطوب اوغلو صادوق و اِبیاتار اوغلو اَبئمِلِک کاهئن ائدئلر؛ شَوشا مئرزه ائدی؛ 17یِهویاداع اوغلو بِنایا کِرِتلیلر و پِلِتلیلرئن باشچیسی ائدی؛ داوودون اوغوللاری دا پادشاهین باش مأمورلاری ائدئلر.
Currently Selected:
۱سالنامهلر 18: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
