۱سالنامهلر 15
15
ساندیغین گتئرمهسی اوچون حاضیرلیق
1داوود اؤزو اوچون داوودون شهرئنده اِولر تئکدی؛ و تارینین ساندیغی اوچون ده یر حاضیرلاییب چادیر قوردو. 2او واخت داوود ددی: «لاوئلیلردن باشقا هچ کس تارینین ساندیغینی داشییا بئلمز، چونکی رب اونلاری سچئب کی، ساندیغی داشیسینلار و اونا ابدهجک خئدمت اتسئنلر.» 3داوود بوتون ائسرایئللیلری اورشلئمه ییغدی کی، ربّئن ساندیغینی اونون اوچون حاضیرلادیغی یره گتئرتسئن. 4داوود هارونون نسلئندن اولان آداملاری و لاوئلیلری ییغدی: 5قوحات نسلئندن باشچی اوریاِل و اونون یوز ائیئرمی نفر قوحومو، 6مِرارئنئن نسلئندن باشچی عَسایا و اونون ائکی یوز ائیئرمی نفر قوحومو، 7گِرشوم نسلئندن باشچی یواِل و اونون یوز اوتوز نفر قوحومو، 8اِلئصافان نسلئندن باشچی شِمَعیا و اونون ائکی یوز نفر قوحومو، 9خِبرون نسلئندن باشچی اِلیاِل و اونون هشتاد نفر قوحومو، 10عوزّیاِل نسلئندن باشچی عَمّئناداب و اونون یوز اون ائکی نفر قوحومو. 11سونرا داوود کاهئن اولان صادوقو و اِبیاتاری، لاوئلی اولان اوریاِلی، عَسایانی، یواِلی، شِمَعیانی، اِلیاِل و عَمّئنادابی چاغیریب 12اونلارا ددی: «سئز لاوئلیلر آراسیندا نسئل باشچیلاریسینیز. سئز و قوحوملارینیز اؤزونوزو تقدئس ادئن کی، ائسرایئلئن تاریسی ربّئن ساندیغینی اونون اوچون حاضیرلادیغیم یره گتئرهسئنئز. 13چونکی کچن دفه سئز اونو داشیمادینیز و رب بئزه قضبئنی تؤکدو، چونکی ربّئن سؤزونه موطابئق اونو آختارمادیق.»
14بلهجه کاهئنلرله لاوئلیلر اؤزلرئنی تقدئس اتدئلر کی، ائسرایئلئن تاریسی ربّئن ساندیغینی گتئرسئنلر. 15لاوئلیلر تارینین ساندیغینین دئرَکلرئنی چئیئنلرئنه قویوب اونو داشیدیلار، نجه کی، موسا ربّئن سؤزونه گؤره امر اتمئشدی.
16داوود لاوئلیلرئن باشچیلارینا امر اتدی کی، شادلیق اتمک اوچون اؤز قوحوملاری آراسیندان موسئقی آلَتلرئنده، چنگلرده، طنبورلاردا و سئنجلرده چالیب اوخویان نغمهچئلر تعیئن اتسئنلر. 17لاوئلیلر یواِل اوغلو هِیمانی، و اونون قوحوملاریندان، بِرِکیا اوغلو آسافی، و اونون قوحوملاریندان، مِراری نسلئندن قوسایا اوغلو اِیتانی و اونون قوحوملارینی؛ 18اونلارلا بئرلئکده ائکئنجی ردئفده اولان قاپیچی قوحوملاری زِکَرئیّا، بِن، یَعهزیاِل، شِمئراموت، یِخیاِل، عونّی، اِلئآب، بِنایا، مَعهسِیا، مَتّئتیا، اِلئفِلِهو، مئقنِیا، عوبِد اِدوم، و یِعیاِل. 19نغمهچئلر هِیمان، آساف و اِیتان کی، بورونج سئنجلر چالسینلار، 20زِکَرئیّا، عَزیاِل، شِمئراموت، یِخیاِل، عونّی، اِلئآب، مَعهسِیا، بِنایا کی، نازئک سَسلی چنگلر چالسینلار، 21مَتّئتیا، اَلئفَلیا، مئقنِیا، عوبِد اِدوم، یِعیاِل و عَزَزیا کی، رهبرلئک اتمک اوچون سکّئز تِلّی طنبور چالسینلار. 22لاوئلیلرئن رهبری کِنَنیا موسئقئیه رهبرلئک ادئردی و موسئقی بارهده اونلارا مصلحت ورئردی، چونکی اونون بو ائشده باجاریغی وار ائدی. 23بِرِکیا و اِلقانا ساندیغین یانیندا قاپیچی ائدئلر، 24کاهئنلر شِبانیا، یوشافاط، نِتهنِل، عَماسهی، زِکَرئیّا، بِنایا و اِلئعِزِر تارینین ساندیغی قاباغیندا کَرهنای چالیردیلار، عوبِد اِدوم و یِخئیا ساندیغین یانیندا قاپیچی ائدئلر.
تارینین ساندیغی اورشلئمه گتئرئلئر
(۲سال. ۶:۱۲-۲۲)
25داوود، ائسرایئل آغساقّاللاری و مئنباشیلارلا بئرلئکده گتدی کی، ربّئن عهد ساندیغینی شادلیقلا عوبِد اِدومون اِوئندن گتئرسئنلر. 26ربّئن عهد ساندیغینی داشییان لاوئلیلر یدّی گامیش و یدّی قوچ قوربان کَسدئلر، چونکی تاری اونلارا کؤمک ادئردی. 27داوود نازئک کتاندان جوبّه گِیئنمئشدی، ساندیغی داشییان بوتون لاوئلیلر، نغمهچئلر و نغمهچئلر رهبری کِنَنیا دا بله گِیئنمئشدی. داوودون اَینئنده کتان اِفود دا وار ائدی. 28بوتون ائسرایئللیلر کَرهنای، شیپور، سئنج چالا-چالا چنگلرئن و طنبورلارین اوجا سَسی آلتیندا ربّئن عهد ساندیغینی گتئردئلر.
29ربّئن عهد ساندیغی داوودون شهرئنه گتئرئلَنده، شاعولون قیزی مئکال پنجرهدن باخدی و داوود پادشاهی گؤردو کی، آتیلیب دوشور و اویناییر. و اورهیئنده اونا حقارت اتدی.
Currently Selected:
۱سالنامهلر 15: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
