۱سالنامهلر 14
14
داوودون اورشلئمده پادشاهلیق اتمهسی
(۲سَم. ۵:۱۱-۱۶)
1صور پادشاهی خئرام داوودون یانینا قاصئدلر گؤندَردی و اونلارلا دا سئدر آغاجلاری، بنّالار و دولگرلر کی، داوودا بئر سارای تئکسئنلر. 2او واخت داوود باشا دوشدو کی، رب اونو ائسرایئل اوستونده پادشاه کئمی برقرار ادئب و خالقی ائسرایئلئن خاطئرئنه اونون پادشاهلیغینی چوخ اوجالدیب.
3داوود اورشلئمده آیری آروادلار آلدی، و گئنه اوغوللار و قیزلار آتاسی اولدو. 4اونون اورشلئمده دوغولان اؤولادلارینین آدلاری بلهدئر: شَمّوعه، شوباب، ناتان، سولیمان، 5یئبخار، اِلئشوعَع، اِلپِلِط، 6نوگاح، نِفِگ، یافئعَع، 7اِلئشاماع، بِعِلیاداع و اِلئفِلِط.
فئلئسطلیلرئن اوستونه ظفر
(۲سال. ۵:۱۷-۲۵)
8فئلئسطلیلر اشئتدئلر کی، داوود بوتون ائسرایئل اوستونده پادشاه اولماق اوچون مسح ادئلئب. او واخت هامیسی داوودو آختارماغا چیخدیلار. داوود بونو اشئدئب اونلارلا راستلاشماغا چیخدی. 9فئلئسطلیلر گلئب رِفاعئم درهسئنه هوجوم ادئردئلر. 10داوود تاریدان مصلحت ائستهدی: «آیا فئلئسطلیلرئن قاباغینا چیخیم؟ آیا اونلاری منئم اَلئمه تسلئم ادهجکسن؟» رب اونا جاواب وردی: «چیخ، اونلاری سنئن اَلئنه تسلئم ادهجیم.»
11اونلار بَعَل پِراصئمه چیخدیلار و داوود فئلئسطلیلری اورادا قیردی. داوود ددی: «سِللر بندلری داغیتدیغی کئمی، تاری دا منئم اَلئمله دوشمنلرئمی داغیتدی.» بونا گؤره ده او یِرئن آدینی بَعَل پِراصئم#14.11 عئبرانی دئلئنده «داغیتما آغاسی» قویدولار. 12فئلئسطلیلر قاچاندا اؤز آللاهلارینین بوتلرئنی اورادا قویدولار. داوودون امری ائله بونلار اوددا یاندیریلدی.
13آمّا فئلئسطلیلر گئنه او درهیه هوجوم اتدئلر. 14داوود گئنه تاریدان مصلحت ائستهدی و تاری اونا ددی: «اونلارین دالیسیجا چیخما، اونلارین اطرافینا دولانیب بالزام آغاجلارینین قاباغیندا بو دوشمنلرئن اوستونه گل. 15بالزام آغاجلارینین باشیندان قدم سَسلری اشئدنده دؤیوشه چیخ، چونکی او زامان تاری سنئن قاباغینجا چیخاجاق کی، فئلئسطلیلرئن قوشونونو مغلوب اتسئن.» 16داوود تارینین اونا بویوردوغو کئمی اتدی و اونلار گئبعوندان گِزِره قدر فئلئسطلیلرئن قوشونونو قیردیلار. 17او واخت داوودون شؤهرتی بوتون اؤلکهلره یاییلدی و رب اونون قورخوسونو بوتون مئلّتلرئن اورهیئنه سالدی.
Currently Selected:
۱سالنامهلر 14: SAB
Highlight
Copy
Compare
Share
Want to have your highlights saved across all your devices? Sign up or sign in
@ 2022 Korpu Company
