فئلئپئلیلره 3
3
حیاتین مقصدی
1نهایت، قارداشلاریم، ربده شادلیق اِله یئن! سئزه همن شیلری موکرّر یازماق منئم اوچون اصلا زحمت دیئل، آمّا سئزئن اوچون امنئیت دئر. 2او ائتلردن آییق اولون! او پئسلئک الهینلردن آییق اولون! یالان ختنه الهینلردن آییق اولون! 3چونکی حقئقی ختنه اولانلار بئزئک کی، تارینین موقدّس روحوندا پرستئش الهیئرئک و مسئح عئسادا باشیمیز اوجادیر و جئسمه اعتئماد اله مئرئک. 4گرچی من اؤزوم حتّا جئسمه ده اعتئماد الئیه بئلهرم.
اگر اؤزگه بئر آدام جئسمه اعتئماد الهمهیی دوشونسه، من داها آرتیق: 5سکّئز گونلوک اولاندا ختنه اولوندوم، ائسرایئل خالقیندان، بنیامئن قبئلهسئندن، عئبرانئلردن بئر عئبرانی، شرئعته گؤره بئر فرئسی، 6قیرت باخیمیندان کئلئسایا عذاب ورهنئن بئری، شرئعتدن گلن صالحلئک باخیمیندان عیبسئز بئر آدام! 7آمّا مسئحئن خاطئری اوچون، منه قازانج اولان هر شیی ضرر سایدیم. 8بوندان دا چوخ، ربّئم مسئح عئسانین معرئفتئنئن بؤیوک لویی قاباغیندا هر شیی ضرر ساییرام کی، اونون اوچون هر شیئن ضررئنی چکمئشم و اولاری زئبئل سایمیشام. اِله کی، مسئحی قازانیم 9و اوندا تاپیلیم؛ شرئعت اساسینا اولان بئر صالحلئک ائنن یوخ، بلکی عئسایا اولان ائمان واسئطهسی ائنن گلن صالحلئک ائنن، او صالحلئک ائنن کی، ائمان اساسینا گؤره تاریدان گلئر. 10و اؤلولردن دئرئلدئیئنئن قودرتئنی تانییام و چکدئیی عذابلاردا شرئک اولوب، اونون اؤلومونده اونا بنزهیم. 11اِله کی، اؤلومدن دئرئلمهیه نایئل اولام.
هدف اوچون اللشمک
12بو، او دمک دیئل کی، اونا نایئل اولموشام و یا کامئللَشمئشم، بلکی جهد ائنن اللشئرم، اله کی، اونی اله گتئرم کی، مسئح عئسا دا منی اونون اوچون اَله گتئردی. 13قارداشلار، من اِله حساب اله مئرم کی، اونی اَله گتئرمئشم؛ آمّا بئر شی الهیئرم، آرخادا قالان شیی اونودوب، جان آتیرام کی، قاباغیمدا اولانا چاتیم. 14مسئح عئسادا تارینین بؤیوک دعوتئنئن جایئزهسی اوچون جهد ائنن مقصده طرف تلاش الهیئرم.
15پس آرامیزدا کامئل اولانلارین بله فئکئرلری اولسون و اگر بئر مؤوضوعدا آیری بئر فئکئرلرئز وار، تاری اونی دا سئزه آیدین اِلئیهجک. 16آمّا نهیه چاتمیشیق، او عیارا گؤره ده یاشایاق.
17قارداشلار، مندن نومونه گؤتورون و دئقّت ائنن او آداملارا باخین کی، بئزده گؤردویوز نومونهیه گؤره رفتار الهیئرلر. 18چونکی اله اوجور کی دفه لر ائنن سئزه دمئشم و حتّا ائندی ده گؤزی یاشلی دیئرم، بئر چوخلاری مسئحئن چارمیخینین دوشمنلری کئمی رفتار الهیئرلر. 19اولارین آخیری هلاکت، اولارین تاریسی قارین و اولارین ائفتئخاری روسوایچیلیقلاریندادیر کی، فئکئرلرئنی دونیهوی شیلرئن اوستونه قویوبلار. 20چونکی بئزئم وطنئمئز گؤیدور و اوردان، ائشتئیاق ائنان نئجات وره نئمئز، یعنی ربّئمئز عئسا مسئحئن یولونی گؤزله یئرئک. 21او، بئزئم بو ذلئل بدنئمئزئن وضعئیّتئنی دیئشدئرهجک، اِله کی، اؤز جلاللی بدنئنه اوخشار اولسون. او بو ائشی او قودرتئن واسئطهسی ائنن اِلئیهجک کی، اونونان هر شیی اؤزونه موطئع الهمهیه قادئردئر.
Currently Selected:
فئلئپئلیلره 3: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
