فئلئپئلیلره 2
2
مسئح کئمی اولون
1بله ده اگر مسئحده بئر تشوئق، محبّتئن بئر تسلّئسی، اگر موقدّس روحون بئر رفاقتی، اگر شفقت و مرحمت وار، 2گلئن هم فئکئر اولماق ائنان، محبّتی ساخلاماق ائنان، روحدا بئرلشمک ائنن و بئر نئیّتده اولماق ائنان منئم شادلیغیمی کامئل الهیئن. 3هچ بئر شیی خودپرستلئک و یا شؤهرتپرستلئک اوزوندن اله مهیئن، بلکی تواضؤع ائنن بئربئرئزی اؤزوزدن بؤیوک سایین. 4آنجاق اؤز شخصی منفعتئزی آختارمایین، بلکی اؤزگهلرئن ده منفعتئنی نظرده آلین. 5مسئح عئسادا اولان دوشونجه سئزده ده اولسون:
6او کی تارینین شمایئلئنده اولدوغی حالدا،
تاری ائنن برابرلئیی بئر قنئمت سایمادی،
7بلکی هر شیدن ال چکدی
و بئر قول شکئلئنی آلیب،
ائنسانلارین اوخشارینا دؤندی.
8و ائنسان شباهتئنی آلمیش اولان حالدا،
اؤلومه موطئع اولماق ائنان،
حتّا چارمیخ اوستونده اؤلمک ائنن،
اؤزونی آلچالتدی.
9بونا گؤره ده تاری اونی چوخ اوجالتدی
و اونا بوتون آدلاردان بؤیوک اولان آدی وردی
10اله کی، یر اوزونده و یرئن آلتیندا اولانلارین هامیسی،
عئسانین آدیندا دئز چؤکسونلر.
11و آتا تارینین جلالی اوچون
هر دئل ائقرار الهسئن کی، عئسا مسئح ربدئر.
دونیانین نورلاری کئمی
12بله ده عزئزلرئم، نجه کی، همئشه ائطاعت الهیئبسئز، نه فقط من یانیزدا اولاندا، بلکی ائندی کی، قایئبم داها چوخ-نئجاتیزی قورخی و تئترهمک ائنن یرئنه یتئرئن. 13چونکی تاریدیر کی، اؤز ائلطئفاتینا گؤره، هم ائستمهیئز، هم ده عمله گتئرمهیئز اوچون سئزده ائشلهیئر.
14هر شیی شئکایتسئز و جرّی-بحثسئز یرئنه یتئرئن کی، 15فاسئد و ترسه بئر نسلئن آراسیندا، عیبسئز و معصوم، تارینین تقصئرسئز اؤولادلاری اولاسیز. سئز اولارین آراسیندا دونیانین نورلاری کئمی ظاهئر اولوب، 16حیاتین کلامینی برک توتورسوز کی، مسئحئن گونونده من ده بوش اللشمهدئیئم و بوش زحمت چکمهدئیئم اوچون فخر الهیئم. 17آمّا اگر من بئر ائچمه تقدئمهسی کئمی سئزئن ائمانیزین قوربانی و خئدمتی اوستونه تؤکولورم، گئنه ده سوئنئرم و شادلیغیمی سئزئن هامیز ائنان پایلاشیرام. 18سئز ده اله بو جور سوئنئن و شادلیغیزی من ائنن پایلاشین.
تئموتاعوس و اِپافرودئتوس
19رب عئسادا اومئدئم وار کی، بو یاخینلیقدا تئموتاعوسی سئزئن یانیزا گؤندَرئم، اله کی من ده سئزئن احوالاتیزدان خبردار اولوب، تشوئق اولام. 20چونکی فئکئرده منه یاخین اولان هچ کس قالماییب کی، ائخلاص ائنان سئزئن قیدئزده اولسون. 21اونا گؤره کی، هر کس مسئح عئسانین منفعتئنی یوخ، اؤز منفعتئنی آختاریر. 22آمّا سئز تئموتاعوسون ثابئت اولان دَیَرئنی بئلئرسئز کی، نجه من ائنن ائنجئلئن خوش خبرئنی یایماقدا، آتاسینی خئدمت الهین بئر اوشاق کئمی خئدمت الهدی. 23پس اومئدئم وار کی، اؤز ائشلرئمئن نجه قاباغا گتدئیئنی بئلدئکده، اونی تزلئک ائنن سئزئن یانیزا گؤندَرئم. 24و ربده اعتئمادیم بودور کی، اؤزوم ده تزلئک ائنن یانیزا گلئم.
25آمّا لازیم گؤردوم کی، اِپافرودئتوسی سئزئن یانیزا گؤندَرئم کی، بئر یاندان منئم قارداشیم، همکاریم و هم خئدمتئمدئر، و او بئری یاندان، سئزئن منئم احتئیاجلاریما گؤره، گؤندَردئیئز الچی و خئدمتچئدئر. 26چونکی او، سئزئن هامیز اوچون حسرت چکئردی و اونون ناخوش اولدوغونی اشئتدئیئزه گؤره چوخ ناراحات ائدی. 27دوغرودان دا کی، او، اؤلوم درجهسئنه قدر ناخوش ائدی، آمّا تاری اونا، نه ائنکی فقط اونا، بلکی منه ده مرحمت گؤرستدی، اولمایا کی قوصّهمئن اوستونه قوصّه آرتسین. 28بو سببدن اونی بوتون ائشتئیاق ائنان سئزئن یانیزا گؤندَرمئشم کی، اونی گؤرنده گئنه سوئنهسئز و منئم ده قوصّم آزالسین. 29پس اونی ربده بوتون شادلیق ائنان قبول الهیئن و بله ائنسانلارا بؤیوک حؤرمت گؤرسهدئن. 30چونکی او، مسئحئن ائشی یولوندا جانینی خطره سالیب اؤلومه بله یاخین گلدی کی، سئزئن منئم حاقّیمدا اولان خئدمتئزئن نه اسکئک اولدوغونی، تکمئل الهسئن.
Currently Selected:
فئلئپئلیلره 2: CAB
Highlight
Copy
Compare
Share
Want to have your highlights saved across all your devices? Sign up or sign in
@ 2024 Korpu Company
