Psalms 77
77
1ကျွန်ုပ်သည် ဘုရားရှင်ထံသို့ အသံကိုလွှင့်၍ အော်ဟစ်တောင်းလျှောက်သည်။ ဘုရားရှင်ထံသို့ အသံကိုလွှင့်သောအခါ ကိုယ်တော်သည် ငါ့အား စူးစိုက်နားထောင်တော်မူသည်။ 2ကျွန်ုပ်ဆင်းရဲဒုက္ခရောက်သောကာလ၌ ဘုရားရှင်ကို ကျွန်ုပ်ရှာသည်။ ညအချိန်၌ ကျွန်ုပ်၏လက်တို့ကို ဆန့်တန်းလျက် နေရသည်။ ကျွန်ုပ်၏စိတ်ဝိညာဥ်သည် နှစ်သိမ့်ပေးခြင်းကို ငြင်းပယ်သည်။ 3ကျွန်ုပ်သည် ဘုရားရှင်ကို အောက်မေ့၍ မငြိမ်မသက်ဖြစ်သည်။ ကျွန်ုပ်တွေးတောဆင်ခြင်သောအခါ ကျွန်ုပ်၏စိတ်ဝိညာဥ်သည် ညှိးငယ်သည်။ 4ကိုယ်တော်သည် ကျွန်ုပ်၏မျက်ခွံကို မပိတ်နိုင်အောင် ကိုင်ထားတော်မူသည်။ ကျွန်ုပ်သည် မငြိမ်မသက်ဖြစ်၍ စကားပင်မပြောနိုင်ပါ။ 5ကျွန်ုပ်သည် လွန်ခဲ့သောနေ့ရက်များနှင့် ရှေးယခင်နှစ်များအကြောင်းကို စဥ်းစားသည်။ 6ညအခါ၌ ကျွန်ုပ်၏တေးသီချင်းကို သတိရလျက် ကျွန်ုပ်၏စိတ်နှလုံးထဲ၌ တွေးတောဆင်ခြင်သည်။ ကျွန်ုပ်၏ဝိညာဥ်သည်လည်း စူးစမ်းသုံးသပ်လျက်နေသည်။ 7ဘုရားရှင်သည် အစဥ်အမြဲငြင်းပယ်တော်မူမည်လော။ ကိုယ်တော်သည် နောက်တစ်ဖန် ထပ်၍ ကျေးဇူးမပြုဘဲ နေတော်မူမည်လော။ 8ကိုယ်တော်၏မေတ္တာကရုဏာတော်သည် ထာဝရကုန်ခန်းသွားပြီလော။ ကိုယ်တော်၏ကတိတော်များသည် မျိုးဆက်အစဥ်အဆက် ပျက်ပြားသွားပြီလော။ 9ဘုရားရှင်သည် သနားကြင်နာရန် မေ့လျော့တော်မူပြီလော။ သို့မဟုတ် အမျက်တော်ထွက်၍ မိမိ၏သနားစုံမက်ခြင်းကို ချုပ်တည်းတော်မူပြီလော။ 10ထိုအခါ "အမြင့်ဆုံးသောအရှင်၏ လက်ယာတော်သည် ပြောင်းလဲသွားသဖြင့် ကျွန်ုပ်အားနည်းရချေပြီ" ဟု ကျွန်ုပ်ဆိုသည်။ 11ကျွန်ုပ်သည် အရှင်ဖြစ်တော်မူသောဘုရားရှင်၏ လုပ်ဆောင်တော်မူချက်များကို အောက်မေ့ပါမည်။ ရှေ့ကာလ၌ ကိုယ်တော်ပြုတော်မူသော အံ့ဖွယ်သောအမှုတို့ကို အမှန်ပင် အောက်မေ့ပါမည်။ 12ကိုယ်တော်၏လုပ်ဆောင်တော်မူချက် ရှိသမျှတို့ကိုလည်း ကျွန်ုပ်ဆင်ခြင်အောက်မေ့ပါမည်။ ကိုယ်တော်ပြုတော်မူသောအမှုတို့ကိုလည်း တွေးတောဆင်ခြင်ပါမည်။ 13အို ဘုရားရှင်၊ ကိုယ်တော်၏လမ်းသည် မြင့်မြတ်ပါသည်။ မည်သည့်ဘုရားသည် ဘုရားရှင်ကဲ့သို့ ကြီးမြတ်သနည်း။ 14ကိုယ်တော်သည် အံ့ဖွယ်သောအမှုတို့ကို ပြုတော်မူသော ဘုရားရှင်ဖြစ်တော်မူသည်။ ကိုယ်တော်၏တန်ခိုးတော်တို့ကို လူတို့အား သိမြင်စေတော်မူသည်။ 15ကိုယ်တော်သည် မိမိ၏လူမျိုးတော်တည်းဟူသော ယာကုပ်နှင့် ယောသပ်၏အမျိုးအနွယ်တို့ကို လက်ရုံးတော်ဖြင့် ရွှေးနုတ်တော်မူသည်။ 16အို ဘုရားရှင်၊ ရေတို့သည် ကိုယ်တော်ကို မြင်ကြပါသည်။ ရေတို့သည် ကိုယ်တော်ကိုမြင်၍ တုန်လှုပ်ကြပါသည်။ နက်ရှိုင်းသောရေထုများသည်လည်း လှုပ်ခတ်ကြပါသည်။ 17တိမ်တိုက်တို့သည် ရေများကို သွန်းချ၍ မိုးကောင်းကင်တို့ထစ်ချုန်းသံကို ပေးကြပါသည်။ ကိုယ်တော်၏မြားတို့သည်လည်း အရပ်ရပ်သို့ရောက်ကြပါသည်။ 18ကိုယ်တော်၏ထစ်ချုန်းသံသည် လေပွေ၌ပါ၍ လျှပ်စီးတို့သည် ကမ္ဘာလောကကို လင်းလက်စေပါသည်။ ကမ္ဘာမြေကြီးသည် တုန်ခါလှုပ်ရမ်းပါသည်။ 19ကိုယ်တော်၏လမ်းသည် ပင်လယ်ကိုဖြတ်ကျော်၍ ကိုယ်တော်၏လမ်းခရီးသည် ကျယ်ဝန်းသောရေပြင်ကို ဖြတ်ကျော်ပါသည်။ သို့သော် ကိုယ်တော်၏ခြေရာတော်တို့ကို မသိမမြင်ရပါ။ 20ကိုယ်တော်သည် မောရှေနှင့်အာရုန်တို့လက်ဖြင့် မိမိ၏လူမျိုးကို သိုးအုပ်ကဲ့သို့ ပို့ဆောင်တော်မူသည်။
Currently Selected:
Psalms 77: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
