Psalms 136
136
1ဘုရားရှင်၏ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်သည် ကောင်းမြတ်တော်မူ၍ ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 2ရှိသမျှဘုရားကို ကျေးဇူးတင်ချီးမွမ်းလော့။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 3အရှင်တကာတို့၏အရှင်ကို ကျေးဇူးတော်ချီးမွမ်းကြလော့။ အကြောင်းမူကား ကိုယ်တော်၏ မေတ္တာဂရုဏာတော်သည် အစဉ်အမြဲတည်၏။ 4ကြီးမာ၍ အံ့ဖွယ်သောအမှုတို့ကို တစ်ပါးတည်းသာ ပြုတော်မူသော အရှင်၏ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်ရှိ၏။ 5ဉာဏ်တော်အားဖြင့် ကောင်းကင်ကိုဖန်ဆင်းတော်မူသောအရှင်၏ ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 6မြေကြီးကိုရေပြင်ပေါ၌ ဖြန့်ကြက်ထားတော်မူသောအရှင်၏ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 7ကြီးမားသောအလင်းတို့ကို ဖန်ဆင်တော်မူသောအရှင်၏ ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 8ကိုယ်တော်သည် နေ့ကိုအုပ်စိုးစေရန် နေကိုဖန်ဆင်းတော်မူ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 9ညကိုအုပ်စိုးစေရန် လနှင့်ကြယ်များကို ဖန်ဆင်းတော်မူ၏။ အကြောင်မူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 10အီဂျစ်လူမျိုးတို့၏သားဦးများကို ဒဏ်ခတ်တော်မူသောအရှင်၏ ကျေးဇူးတော်ကိုချီးမွမ်းကြလော့။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 11ကိုယ်တော်သည် အစ္စရေးလူမျိုးကို ထိုသူတို့အထဲမှ ခေါ်ထုတ်တော်မူ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 12တန်ခိုးကြီးသောလက်တော်နှင့် ဆန့်တန်းသောလက်ရုံးတော်ဖြစ် ထုတ်ဆောင်တော်မူ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 13ပင်လယ်နီကို နှစ်ပိုင်းခွဲတော်မူသော အရှင်၏ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 14ကိုယ်တော်သည် အစ္စရေးလူမျိုးကို ထိုပင်လယ်၏အလယ်မှဖြတ်သွားစေတော်မူ၏။ အကြောင်းမူကား ကိုယ်တော်မေတ္တာကရုဏာတော်သည် အစဉ်အမြဲတည်၏။ 15ဖာရောမင်းကြီးနှင့် သူ၏တပ်ကိုမူကား ပင်လယ်နီထဲ၌ လှဲချတော်မူ၏။ အကြောင်းမူကား ကိုယ်တော်၏မေတ္တာဂရုဏာတော်သည် အစဉ်အမြဲတည်၏။ 16မိမိ၏လူမျိုးတော်ကို တော်ကန္တာရတွင် ပို့ဆောင်တော်မူသောအရှင်၏ ကျေးဇူးတော်ကို ချီးမွမ်းကြလော့ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 17ကြီးမြတ်သောရှင်ဘုရင်တို့ကို ဒဏ်ခတ်တော်မူသောအရှင်၏ ကျေးဇူးတော်ကိုချီးမွမ်းလော့။ အကြောင်မူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 18ကိုယ်တော်သည် တန်ခိုးကြီးသော ရှင်ဘုရင်များကို ကွပ်မျက်တော်မူ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 19၎င်းတို့တွင် အမောရိဘုရင် ရှိဟုန်ပါ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 20ဗာရှန်ဘုရင် ဩဃလည်းပါ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 21ထို့နောက် ထိုသူတို့၏ပြည်ကို အမွေအဖြစ်ပေးတော်မူ၏။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်၏။ 22မိမိ၏အစေအပါးအစ္စရေးအတွက် အမွေအဖြစ်ပေးတော်မူ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 23ငါတို့နိမ့်ကျလျက်ရှိစဉ် ကိုယ်တော်သည် ငါတို့ကိုအောက်မေ့တော်မူ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 24ငါတို့၏ရန်သူများထံမှ ငါ့တို့ကို ကယ်နုတ်တော်မူ၏။ အကြောင်းမူကား ကိုယ်တော်၏မေတ္တာကရုဏာတော်သည် အစဉ်အမြဲတည်ရှိ၏။ 25ကိုယ်တော်သည် ခပ်သိမ်းသောသတ္တဝါတို့အား အစာကိုပေးတော်မူ၏။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။ 26ရွှေမြို့တော်ရှင် ဘုရားရှင်၏ကျေးဇူးတော်ကို ချီးမွမ်းကြလော့။ အကြောင်းမူကား ကိုယ်တော်၏ မေတ္တာကရုဏာတော်သည် အစဉ်အမြဲတည်၏။
Currently Selected:
Psalms 136: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
