Psalms 135
135
1ဘုရားရှင်ကို ချီးမွမ်းထောမနာပြုကြလော့။ ဘုရားရှင်၏အမည်နာမတော်ကို ချီးမွမ်းကြလော့။ ဘုရားရှင်၏ အစေအပါးအပေါင်းတို့၊ 2ဘုရားရှင်၏အိမ်တော်၌လည်းကောင်း၊ ငါတို့ဘုရားရှင်၏အိမ်တော်တံတိုင်း၌လည်းကောင်း အမှုထမ်းကြသော ဘုရားရှင်၏အစေအပါးတို့၊ ကိုယ်တော်ကိုချီးမွန်းကြလော့။ 3ဘုရားရှင်သည် ကောင်းမြတ်တော်မူသည်ဖြစ်၍ ထာဝရဘုရားကို ချီးမွမ်းကြလော့။ ကိုယ်တော်၏နာမတော်ကို သီဆိုချီးမွမ်းကြလော့။ အကြောင်းမူကား ထိုသို့ပြုခြင်းသည် နှစ်လိုဖွယ်ကောင်း၏။ 4အကယ်စင်စစ် ထာဝရဘုရားသည် ယာကုပ်ကို မိမိအတွက်လည်းကောင်း၊ အစ္စရေးကို မိမိ၏ပိုင်ရာတော်အဖြစ်လည်းကောင်း ရွေးချယ်တော်မူ၏။ 5အကြောင်းမူကား ဘုရားရှင်သည် ကြီးမြတ်တော်မူကြောင်း၊ ငါ့တို့၏အရှင်သည် ရှိသမျှဘုရားတို့ထက် မြင့်မြတ်တော်မူကြောင်းကို ငါသိ၏။ 6ဘုရားရှင်သည် ကောင်ကင်နှင့်မြေကြီးပေါ်၌လည်းကောင်း၊ ပင်လယ်နှင့်နက်ရှိုင်းရာအရပ်ရှိသမျှတို့၌လည်းကောင်း အလိုတော်ရှိသောအရာအားလုံးကို ပြုတော်မူ၏။ 7ကိုယ်တော်သည် မိုးတိမ်များကို ကမ္ဘာမြေကြီးအစွန်းမှ တက်လာစေ၍ မိုးများနှင့်အတူ လျပ်စီးများကိုဖြစ်ပေါ်စေကာ လေကိုလည်း မိမိလှောင်တိုက်တော်မှ ထုတ်ဆောင်တော်မူ၏။ 8ကိုယ်တော်သည် အီဂျစ်ပြည်တွင် လူမှစ၍ တိရိစ္ဆာန်တိုင်အောင် ရှိသမျှသောသားဦးတို့ကို ဒဏ်ခတ်တော်မူ၏။ 9အို... အီဂျစ်ပြည်၊ ကိုယ်တော်သည် နိမိတ်လက္ခဝါတို့ကို သင်၏အလယ်၊ ဖာရောမင်းကြီးနှင့် သူ၏အမှုထမ်းအပေါင်းတို့အပေါ် ကျရောက်စေတော်မူ၏။ 10ကိုယ်တော်သည် များစွာသောလူမျိုးကို ဒဏ်ခတ်လျက် အင်အားကြီးသောရှင်ဘုရင်တို့ကို ကွပ်မျက်တော်မူ၏။ 11၎င်းတို့တွင် အာမောရှိဘုရင် ရှိဟုန်၊ ဗာရှန်ဘုရင် ဩဃနှင့် ခါနာန်တိုင်းနိုင်ငံအပေါင်းတို့ပါ၏။ 12ထို့နောက် ထိုသူတို့၏ပြည်ကို အမွေအဖြစ်၊ မိမိ၏လူမျိုးတော်အစ္စရေးအတွက် အမွေအဖြစ်ပေးတော်မူ၏။ 13အို ဘုရားရှင် ကိုယ်တော်၏နာမတော်သည် အစဉ်အမြဲတည်ပါ၏။ အို... ဘုရားရှင်၊ ကိုယ်တော်၏ဂုဏ်သတင်းသည် မျိုးဆက် အစဉ်အဆက်တည်ပါ၏။ 14အကြောင်းမူကား ဘုရားရှင်သည် မိမိ၏လူမျိုးတော်ကို စစ်ကြောစီရင်၍ မိမိ၏လူမျိုးတော်ကို စစ်ကြောစီရင်၍ မိမိအစေအပါးတို့အပေါ် သနားကရုဏာထားတော်မူ၏။ 15လူမျိုးခြားတို့၏ရုပ်တုများသည် ရွှေငွေများဖြစ်ကြ၏။ လူလက်ဖြင့်ပြုလုပ်ထားသောအရာများဖြစ်ကြ၏။ 16၎င်းတို့သည် နှုတ်ရှိသော်လည်း စကားမပြောနိုင်ကြ။ မျက်စီရှိသော်လည်း မမြင်နိုင်ကြ။ 17နားရှိသော်လည်း မကြားနိုင်ကြ။ ၎င်းတို့၏ပါးစပ်၌လည်း ထွက်သက်ဝင်သက်မရှိ။ 18၎င်းငတို့ကို ပြုလုပ်သောသူနှင့် ယုံကြည်ကိုစားသောသူအပေါင်းတို့သည် ၎င်းတို့ကဲ့သို့ဖြစ်လာကြလိမ့်မည်။ 19အို... အစ္စရေးအမျိုးအနွယ်တို့၊ ထာဝရဘုရားကို ကောင်းချီးထေမနာပြုကြလော့။ အိုအာရုန်၏အမျိုးအနွယ်တို့၊ ဘုရားရှင်ကို ကောင်းချီးထောမနာပြုကြလော့။ 20အို... လေဝိ၏အမျိုးအနွယ်အပေါင်းတို့၊ ဘုရားရှင်ကိုကောင်းချီးထောမနာပြုကြလော့။ ဘုရားရှင်ကို ကြောက်ရွံ့ရိုသေသောသူတို့၊ ဘုရားရှင်ကို ကောင်းချီးထောမနာပြုကြလော့။ 21ဂျေရုဆလင်မြို့တွင် ကိန်းဝပ်တော်မူသော ဘုရားရှင်သည် ဇိအုန်၌ မင်္ဂလာရှိတော်မူ၏။ ဘုရားရှင်ကို ကောင်းချီးထောမနာပြုကြလော့။
Currently Selected:
Psalms 135: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
