မဿဲ 28
28
အသက်ပြန်ရှင်တော်မူခြင်း
1ဥပုသ်နေ့ကုန်လွန်ပြီးနောက် ရက်သတ္တပတ်၏ပထမနေ့၊ အရုဏ်တက်ချိန်၌ မာဂဒလမြို့သူ မာရိနှင့် အခြားသောမာရိတို့သည် ဂူသင်္ချိုင်းတော်သို့ သွား၍ကြည့်ကြ၏။ 2ထိုစဉ် အလွန်ပြင်းထန်သော ငလျင်သည်လှုပ်လေ၏။ အကြောင်းမူကား ဘုရားရှင်၏ နတ်ဒေဝါတစ်ပါးသည် ရွှေမြို့တော်မှ ဆင်းသက်လာပြီး ကျောက်တုံးအား လှိမ့်ဖယ်ကာ ထိုကျောက်တုံးအပေါ်၌ ထိုင်နေသောကြောင့်ဖြစ်၏။ 3သူ၏အဆင်းသဏ္ဌာန်သည် လျှပ်စီးလက်သကဲ့သို့ဖြစ်ပြီး သူ၏အဝတ်သည် နှင်းပွင့်ကဲ့သို့ဖြူ၏။ 4အစောင့်တို့သည် နတ်ဒေဝါအား ကြောက်ရွံ့သဖြင့် တုန်လှုပ်၍ လူသေကဲ့သို့ ဖြစ်သွားကြ၏။ 5ထိုအခါ နတ်ဒေဝါက အမျိုးသမီးတို့အား “မကြောက်ကြနှင့်။ သင်တို့သည် လက်ဝါးကပ်တိုင်ပေါ်တွင်တင်ခံရသည့် ယေရှုကို ရှာနေကြတယ်ဆိုသည်ကို အကျွန်ုပ်သိပါ၏။ 6သူသည် ဤနေရာတွင်မရှိတော့ပေ။ အကြောင်းမူကား ကိုယ်တော်သည် သူမိန့်မှာထားခဲ့သည့်အတိုင်း အသက်ပြန်ရှင်သွားသည့်အတွက်ကြောင့်ပင်ဖြစ်၏။ ကိုယ်တော် လှဲလျောင်းတော်မူခဲ့သည့် နေရာအား လာကြည့်ကြလော့။ 7ယခုပင် အလျင်အမြန်သွား၍ တပည့်တော်တို့အား ‘ကိုယ်တော်သည် အသက်ပြန်ရှင်ပြီးနောက် ဂါလိလဲပြည်သို့ ဦးစွာကြွသွားနှင့်ပြီ။ သင်တို့သည် ထိုအရပ်တွင် ကိုယ်တော်အား တွေ့ကြရလိမ့်မည်’ ဟုပြောပြကြလော့။ ယခု ငါပြောခဲ့သည့် အရာများအား မှတ်ထားကြလော့” ဟုမြွက်ဆိုလေ၏။
8အမျိုးသမီးတို့သည် ကြောက်ရွံ့ကြသော်လည်း အလွန်ဝမ်းမြောက်လျက် ဂူသင်္ချိုင်းတော်မှ အလျင်အမြန်ထွက်သွားကြကာ တပည့်တော်တို့အား ပြောပြရန် ပြေးသွားကြ၏။ 9ရုတ်တရက် ကိုယ်တော်ယေရှုသည် သူတို့နှင့်တွေ့ဆုံ၍ နှုတ်ဆက်လေ၏။ အမျိုးသမီးတို့သည် ကိုယ်တော့်ထံသို့ ချဉ်းကပ်၍ ခြေတော်ကိုကိုင်ကာ ရှိခိုးကြလေ၏။ 10ထို့နောက် ကိုယ်တော်ယေရှုသည် သူတို့အား “မကြောက်ကြနှင့်။ တပည့်တော်တို့အား ဂါလိလဲပြည်သို့သွားရန် သွားပြောကြလော့။ ထိုအရပ်၌ သူတို့သည် ငါအားတွေ့ကြရလိမ့်မည်” ဟုမိန့်မှာတော်မူ၏။
စစ်သားများကို လိမ်လည်ရန်လာဘ်ထိုးခြင်း
11ထိုအမျိုးသမီးတို့သွားကြစဉ်တွင် အစောင့်တပ်သားအချို့သည်လည်း မြို့ထဲသို့လာ၍ ဖြစ်ပျက်ခဲ့သမျှတို့ကို ဂျူးပုရောဟိတ်အကြီးအကဲများထံ ပြောပြကြလေ၏။ 12ထိုအခါ ဂျူးပုရောဟိတ်အကြီးအကဲတို့သည် လူမျိုးခေါင်းဆောင်တို့နှင့် တိုင်ပင်ဆွေးနွေးကြကာ စစ်သားတို့အား ငွေအမြောက်အမြားပေး၍ 13“‘ညအချိန် ငါတို့အိပ်ပျော်နေစဉ် တပည့်တော်များကလာပြီး ယေရှု၏ရုပ်အလောင်းကို ခိုးသွားကြသည်” ဟုပြောကြလော့။ 14ဤသတင်းသည် ဘုရင်ခံ၏နားသို့ရောက်သွားလျှင် ဘုရင်ခံအား ငါတို့ဖျောင်းဖျပေးမည်။ သင်တို့ မည်သည့်အရာကိုမျှ ပူပင်စရာမလိုပေ” ဟုပြောဆိုကြ၏။ 15ထိုအခါ စစ်သားတို့သည် ငွေကိုယူ၍ သူတို့အား ညွှန်ကြားထားသည့်အတိုင်း ဆောင်ရွက်ကြလေ၏။ ဤသို့ဖြင့် ထိုသတင်းသည် ဂျူးလူမျိုးတို့ကြားတွင် ယနေ့တိုင်အောင်ပျံ့နှံ့လျက်ရှိ၏။
ကြီးမြတ်သောအမှုတော်ကို စေခိုင်းခြင်း
16ထို့နောက် တပည့်တော်တစ်ဆယ့်တစ်ပါးတို့သည် ကိုယ်တော်ယေရှုက သွားရန်မိန့်မှာတော်မူထားသော ဂါလိလဲပြည်ရှိ တောင်ပေါ်သို့ တက်သွားကြပြီး 17ကိုယ်တော်ကို တွေ့မြင်ကြသောအခါ ရှိခိုးကြသော်လည်း အချို့သောတပည့်တော်တို့ကမူ သံသယဖြစ်ကြလေ၏။ 18ထိုအခါ ကိုယ်တော်က သူတို့ထံသို့ ချဉ်းကပ်၍ “ရွှေမြို့တော်နှင့်ကမ္ဘာမြေပေါ်တွင်ရှိသမျှသော အခွင့်အာဏာတို့အား ငါ့ကိုပေးအပ်တော်မူလေပြီ။ 19ကမ္ဘာပေါ်တွင်ရှိသည့် တိုင်းနိုင်ငံအားလုံးသို့သွား၍ လူမျိုးအပေါင်းတို့ကို ငါ၏နောက်လိုက်တပည့်တော်များ ဖြစ်စေလျက် အဖဘုရားရှင်၊ သားတော်နှင့် ဉာဏ်အလင်းတော်၏အမည်နာဖြင့် ရေနှစ်မင်္ဂလာပေးကြလော့။ 20သင်တို့အား ငါသင်ပေးထားသမျှ အရာအားလုံးကို စောင့်ထိန်းလိုက်နာရန် သူတို့အား သွန်သင်ပေးကြလော့။ ငါသည်လည်း ကပ်ကမ္ဘာကုန်ဆုံးသည့်အချိန်အထိ သင်တို့နှင့်အတူတူ အမြဲရှိတော်မူနေမည်” ဟုမိန့်တော်မူ၏။
Currently Selected:
မဿဲ 28: TPV-RV
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
မဿဲ 28
28
အသက်ပြန်ရှင်တော်မူခြင်း
1ဥပုသ်နေ့ကုန်လွန်ပြီးနောက် ရက်သတ္တပတ်၏ပထမနေ့၊ အရုဏ်တက်ချိန်၌ မာဂဒလမြို့သူ မာရိနှင့် အခြားသောမာရိတို့သည် ဂူသင်္ချိုင်းတော်သို့ သွား၍ကြည့်ကြ၏။ 2ထိုစဉ် အလွန်ပြင်းထန်သော ငလျင်သည်လှုပ်လေ၏။ အကြောင်းမူကား ဘုရားရှင်၏ နတ်ဒေဝါတစ်ပါးသည် ရွှေမြို့တော်မှ ဆင်းသက်လာပြီး ကျောက်တုံးအား လှိမ့်ဖယ်ကာ ထိုကျောက်တုံးအပေါ်၌ ထိုင်နေသောကြောင့်ဖြစ်၏။ 3သူ၏အဆင်းသဏ္ဌာန်သည် လျှပ်စီးလက်သကဲ့သို့ဖြစ်ပြီး သူ၏အဝတ်သည် နှင်းပွင့်ကဲ့သို့ဖြူ၏။ 4အစောင့်တို့သည် နတ်ဒေဝါအား ကြောက်ရွံ့သဖြင့် တုန်လှုပ်၍ လူသေကဲ့သို့ ဖြစ်သွားကြ၏။ 5ထိုအခါ နတ်ဒေဝါက အမျိုးသမီးတို့အား “မကြောက်ကြနှင့်။ သင်တို့သည် လက်ဝါးကပ်တိုင်ပေါ်တွင်တင်ခံရသည့် ယေရှုကို ရှာနေကြတယ်ဆိုသည်ကို အကျွန်ုပ်သိပါ၏။ 6သူသည် ဤနေရာတွင်မရှိတော့ပေ။ အကြောင်းမူကား ကိုယ်တော်သည် သူမိန့်မှာထားခဲ့သည့်အတိုင်း အသက်ပြန်ရှင်သွားသည့်အတွက်ကြောင့်ပင်ဖြစ်၏။ ကိုယ်တော် လှဲလျောင်းတော်မူခဲ့သည့် နေရာအား လာကြည့်ကြလော့။ 7ယခုပင် အလျင်အမြန်သွား၍ တပည့်တော်တို့အား ‘ကိုယ်တော်သည် အသက်ပြန်ရှင်ပြီးနောက် ဂါလိလဲပြည်သို့ ဦးစွာကြွသွားနှင့်ပြီ။ သင်တို့သည် ထိုအရပ်တွင် ကိုယ်တော်အား တွေ့ကြရလိမ့်မည်’ ဟုပြောပြကြလော့။ ယခု ငါပြောခဲ့သည့် အရာများအား မှတ်ထားကြလော့” ဟုမြွက်ဆိုလေ၏။
8အမျိုးသမီးတို့သည် ကြောက်ရွံ့ကြသော်လည်း အလွန်ဝမ်းမြောက်လျက် ဂူသင်္ချိုင်းတော်မှ အလျင်အမြန်ထွက်သွားကြကာ တပည့်တော်တို့အား ပြောပြရန် ပြေးသွားကြ၏။ 9ရုတ်တရက် ကိုယ်တော်ယေရှုသည် သူတို့နှင့်တွေ့ဆုံ၍ နှုတ်ဆက်လေ၏။ အမျိုးသမီးတို့သည် ကိုယ်တော့်ထံသို့ ချဉ်းကပ်၍ ခြေတော်ကိုကိုင်ကာ ရှိခိုးကြလေ၏။ 10ထို့နောက် ကိုယ်တော်ယေရှုသည် သူတို့အား “မကြောက်ကြနှင့်။ တပည့်တော်တို့အား ဂါလိလဲပြည်သို့သွားရန် သွားပြောကြလော့။ ထိုအရပ်၌ သူတို့သည် ငါအားတွေ့ကြရလိမ့်မည်” ဟုမိန့်မှာတော်မူ၏။
စစ်သားများကို လိမ်လည်ရန်လာဘ်ထိုးခြင်း
11ထိုအမျိုးသမီးတို့သွားကြစဉ်တွင် အစောင့်တပ်သားအချို့သည်လည်း မြို့ထဲသို့လာ၍ ဖြစ်ပျက်ခဲ့သမျှတို့ကို ဂျူးပုရောဟိတ်အကြီးအကဲများထံ ပြောပြကြလေ၏။ 12ထိုအခါ ဂျူးပုရောဟိတ်အကြီးအကဲတို့သည် လူမျိုးခေါင်းဆောင်တို့နှင့် တိုင်ပင်ဆွေးနွေးကြကာ စစ်သားတို့အား ငွေအမြောက်အမြားပေး၍ 13“‘ညအချိန် ငါတို့အိပ်ပျော်နေစဉ် တပည့်တော်များကလာပြီး ယေရှု၏ရုပ်အလောင်းကို ခိုးသွားကြသည်” ဟုပြောကြလော့။ 14ဤသတင်းသည် ဘုရင်ခံ၏နားသို့ရောက်သွားလျှင် ဘုရင်ခံအား ငါတို့ဖျောင်းဖျပေးမည်။ သင်တို့ မည်သည့်အရာကိုမျှ ပူပင်စရာမလိုပေ” ဟုပြောဆိုကြ၏။ 15ထိုအခါ စစ်သားတို့သည် ငွေကိုယူ၍ သူတို့အား ညွှန်ကြားထားသည့်အတိုင်း ဆောင်ရွက်ကြလေ၏။ ဤသို့ဖြင့် ထိုသတင်းသည် ဂျူးလူမျိုးတို့ကြားတွင် ယနေ့တိုင်အောင်ပျံ့နှံ့လျက်ရှိ၏။
ကြီးမြတ်သောအမှုတော်ကို စေခိုင်းခြင်း
16ထို့နောက် တပည့်တော်တစ်ဆယ့်တစ်ပါးတို့သည် ကိုယ်တော်ယေရှုက သွားရန်မိန့်မှာတော်မူထားသော ဂါလိလဲပြည်ရှိ တောင်ပေါ်သို့ တက်သွားကြပြီး 17ကိုယ်တော်ကို တွေ့မြင်ကြသောအခါ ရှိခိုးကြသော်လည်း အချို့သောတပည့်တော်တို့ကမူ သံသယဖြစ်ကြလေ၏။ 18ထိုအခါ ကိုယ်တော်က သူတို့ထံသို့ ချဉ်းကပ်၍ “ရွှေမြို့တော်နှင့်ကမ္ဘာမြေပေါ်တွင်ရှိသမျှသော အခွင့်အာဏာတို့အား ငါ့ကိုပေးအပ်တော်မူလေပြီ။ 19ကမ္ဘာပေါ်တွင်ရှိသည့် တိုင်းနိုင်ငံအားလုံးသို့သွား၍ လူမျိုးအပေါင်းတို့ကို ငါ၏နောက်လိုက်တပည့်တော်များ ဖြစ်စေလျက် အဖဘုရားရှင်၊ သားတော်နှင့် ဉာဏ်အလင်းတော်၏အမည်နာဖြင့် ရေနှစ်မင်္ဂလာပေးကြလော့။ 20သင်တို့အား ငါသင်ပေးထားသမျှ အရာအားလုံးကို စောင့်ထိန်းလိုက်နာရန် သူတို့အား သွန်သင်ပေးကြလော့။ ငါသည်လည်း ကပ်ကမ္ဘာကုန်ဆုံးသည့်အချိန်အထိ သင်တို့နှင့်အတူတူ အမြဲရှိတော်မူနေမည်” ဟုမိန့်တော်မူ၏။
Currently Selected:
:
Highlight
Share
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.