James 3
3
1ညီအစ်ကို မောင်နှမတို့၊ ဆရာဖြစ်ကြသော ကျွန်ုပ်တို့သည် ပို၍တင်းကျပ်စွာ တရားစီရင်ခြင်းကို ခံရမည်ဖြစ်ကြောင်း သင်တို့သိမှတ်လျက် ဆရာဖြစ်လိုသူ မများစေကြနှင့်။ 2ကျွန်ုပ်တို့အားလုံးသည် ပုံစံအမျိုးမျိုးနှင့်မှားတတ်ကြသည်။ သို့သော် စကားအရာ၌ပင် မမှားသောသူသည် တစ်ကိုယ်လုံးကို ထိန်းချုပ်နိုင်သောဖြစ်ပြီး ပြီးပြည့်စုံသောသူဖြစ်သည်။ 3ဥပမာအားဖြင့် မြင်းပါးစပ်ထဲကို ဇက်ကြိုးထည့်ထားလျှင် မြင်းတစ်ကောင်လုံးကို ထိန်းချုပ်နိုင်၍ ကျွန်ုပ်တို့အား နာခံစေနိုင်သည်။ 4ကြီးမားသောသင်္ဘောများကိုလည်း ကြည့်လော့။ ၎င်းတို့သည် လေပြင်းတိုက်ခတ်နေချိန်၌ပင်လျှင် သေးငယ်သောတက်မအားဖြင့် တက်မကိုင်အလိုရှိရာသို့ လှည့်စေနိုင်သည်။ 5ထိုနည်းတူပင် လူ၏ခန္ဓာကိုယ်ရှိ သေးငယ်သောအစိတ်အပိုင်းတစ်ခုဖြစ်သော လျှာသည် ကြီးကျယ်သောအရာများအကြောင်းကို ကြွားဝါတတ်သည်။ သေးငယ်သောမီးပွားလေးတစ်စဖြင့် ကြီးမားသောတောအုပ်တစ်ခုလုံးကို လောင်ကျွမ်းစေနိုင်သည်ကို စဥ်းစားကြည့်ပါလော့။ 6လျှာသည် မီးနှင့်တူ၍ အပြစ်ဒုစရိုက်လောကလည်းဖြစ်သည်။ ၎င်းသည် ကျွန်ုပ်တို့၏ ခန္တာကိုယ်အစိတ်အပိုင်းများအနက် တစ်ခုဖြစ်၍ ကျွန်ုပ်တို့၏ကိုယ်ခန္တာတစ်ခုလုံးကို ညစ်ညူးစေကာ ငရဲမှရရှိသောမီးဖြင့် ဘဝတစ်ခုလုံးကိုလည်း လောင်ကျွမ်းစေနိုင်သည်။ 7လူတို့သည် တောရိုင်းတိရိစ္ဆာန်များ၊ ကျေးငှက်များ၊ တွားသွားသတ္တဝါများ၊ ရေနေသတ္တဝါများအား ယဉ်ပါးအောင်ပြုလုပ်နိုင်သည်။ 8သို့သော် လူသားတို့သည် မိမိတို့၏ လျှာကို ယဉ်ပါးအောင်ပြုလုပ်၍ မရနိုင်ကြပေ။ ထိုလျှာသည် ထိန်းချုပ်မရအောင်ဆိုးရွား၍ လူတို့အားသေစေနိုင်သော အဆိပ် တို့ဖြင့်ပြည့်နှက်နေသည်။ 9ကျွန်ုပ်တို့သည် လျှာဖြင့် အရှင်ဖြစ်တော်မူသော အဖဘုရားရှင်ကို ချီးမွမ်းကြသကဲ့သို့ ဘုရားရှင်နှင့်သဏ္ဍာန်တူ ဖန်ဆင်းထားသောလူတို့အား ဤလျှာဖြင့်ပင် ကျိန်ဆဲတတ်ကြသည်။ 10ဤနှုတ်တစ်ခုတည်းဖြင့်ပင် ချီးမွမ်းခြင်း၊ ကျိန်ဆဲခြင်း ပြုတတ်ကြသည်။ ညီအစ်ကိုမောင်နှမတို့ ဤသိုမဖြစ်သင့်ပေ။ 11စမ်းချောင်းတစ်ခုတည်းမှ ရေချို နှင့်ရေခါး နှစ်မျိုးစလုံးထွက်တတ်ပါသလား။ 12ကျွန်ုပ်၏ညီအစ်ကိုမောင်နှမတို့၊ သဖန်းပင်သည် သံလွင်သီးကို သီးနိုင်ပါသလား။ စပျစ်သီးပင်က သဖန်းသီးကို သီးနိုင်ပါသလား။ ရေငန်တွင်းထဲက ရေချို ထွက်တတ်ပါသလား။ 13သင်တို့ထဲတွင် မည်သူသည် ပညာရှိဖြစ်ပြီး တတ်သိလိမ္မာသူဖြစ်သနည်း။ ထိုသူသည် ဉာဏ်ပညာ၏ နူးညံ့သိမ်မွေ့မှုအားဖြင့် တည်ရှိသော မိမိ၏လုပ်ဆောင်မှုတို့ကို ကောင်းသောပြုမူနေထိုင်ပုံဖြင့် သက်သေပြပါစေ။ 14သို့သော် သင်တို့၏နှလုံးသားတွင် ခါးသီးသော မနာလိုဝန်တိုမှုများနှင့် တစ်ကိုယ်ကောင်းဆန်နေလျှင် သမ္မာတရားကို ဆန့်ကျင်၍ သင်တို့၏ဉာဏ်ပညာအကြောင်းကို ကြွားလုံးမထုတ်ကြပါနှင့်။ 15ထိုသို့သော ဉာဏ်ပညာရပ်များသည် ရွှေမြို့တော်မှလာသည်မဟုတ်။ လောကနှင့်လည်းကောင်း၊ ဇာတိနှင့်လည်းကောင်း၊ မကောင်းဆိုးဝါးတို့နှင့်လည်းကောင်း သက်ဆိုင်သည်။ 16အကြောင်းမူကား မနာလိုမှုများ၊ တစ်ကိုယ်ကောင်းဆန်မှုများ ရှိသောအခါ စိတ်ညစ်ညူးခြင်းနှင့် မကောင်းမှုအမျိုးမျိုးတို့ကိုဖြစ်ပေါ်စေနိုင်သည်။ 17သို့သော် ရွှေမြို့တော်မှဆင်းသက်လာသော ဉာဏ်ပညာသည် ကျွှန်ုပ်တို့အား ဦးစွာပထမ စင်ကြယ်သန့်ရှင်းစေသည်။ ထို့နောက် ငြိမ်းချင်းခြင်းသဘော၊ ငြင်သာသောသဘောနှင့် ပျော့ပျောင်းသောသဘောရှိ၍ ကရုဏာနှင့် ကောင်းကျိုးတို့ဖြင့် ပြည့်စုံသည်။ မျက်နှာလိုက်ခြင်း၊ ဟန်ဆောင်ခြင်းတို့နှင့် ကင်းစင်သည်။ 18ငြိမ်းချမ်းရေးတည်ဆောက်သူများသည် ငြိမ်းချမ်းခြင်းမျိုးစေ့ကိုကြဲ၍ ဖြောင့်မတ်ခြင်း၏အသီးအနှံကို ရိတ်သိမ်းကြသည်။
Currently Selected:
James 3: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
