Galatians 3
3
1ခင်ဗျားတို့ ဂလာတိတွေဟာ ငတုံးတွေဘဲ။ ကားတိုင်ပေါ်မှာ ခရစ်တော်ကို ဘယ်လို သံရိုက်တယ်ဆိုတာ ကျွန်ုပ်က ခင်ဗျားတို့ကိုပြောခဲ့တယ်။ တစ်ချို့က သင်တို့ကို မကောင်းတာ တွေပြောလိုက်ပြီလား။ 2ကျွန်ုပ်သိလိုတာက တစ်ခုပဲ ဘုရားသခင် ဝိညာဉ်စိတ်ကို ဘာကြောင့်ပေးလိုက်တာလဲ ဒါဟာဘာသာရေးသီလကို စောင့်ထိန်းလို့လား၊ ခရစ်တော်အကြောင်း ကိုကြားရပြီး ဒီပေါ်မှာ ယုံကြည်ချက်ရှိလို့လား။ 3ခင်ဗျားတို့ဒီလောက်ထိ ထုံထိုင်းကြသလား။ ဘုရားဝိညာဉ်တော်ဟာ ခင်ဗျားတို့နဲ့ ထိတွေ့ရောက်လာပြီးရင် ခင်ဗျားတို့သဘောနဲ့ ခင်ဗျားတို့အဆုံးထိလုပ်နိုင်တယ်လို့ ခင်ဗျားတို့ ထင်နေလား။ 4ခင်ဗျားတို့လုပ်သမျှအားလုံး အချည်းအနှီးဖြစ်သွားတယ်။ ဒါတွေအားလုံးဟာအလဟသဖြစ်မသွားဘူးလား၊ 5ဘုရားရှင်က ခင်ဗျားတို့ကို ဝိညာဉ်တော်ပေးတယ်။ ထူးဆန်းအံ့ဩဖွယ်အရာတွေကို ခင်ဗျားတို့ကိုယ်ထဲမှာ ဘုရားက ကိန်းဝပ်ပေးတယ်။ ဒါကို ခင်ဗျားတို့ မောရှေဘာသာရေး သီလတွေကို စောင့်ထိန်းလို့လား၊ ခရစ်တော်အကြောင်းကြားသိပြီး သူ့အပေါ်ယုံကြည်မှု ရှိလို့လား။ 6ဘုရားသခင်က အဘအာဗြဟံကိုလက်ခံတာဟာ သူ့ရဲ့ယုံကြည်ချက်ကြောင့်ပဲ။ 7ယုံကြည်မှုရှိသူတိုင်းဟာ အဘအာဗြဟံရဲ့သားများပါဘဲ။ 8ရှေးနှစ်ပေါင်းများစွာကျမ်းထဲမှာ ယုံကြည်ချက်ရှိတဲ့ ဂျူးမဟုတ်သူတို့ကို ဘုရားသခင် လက်ခံကြောင်းဖော်ပြပါတယ်။ ဘုရားသခင်က အဘအာဗြဟံကိုပြောခဲ့တာက လူမျိုးပေါင်းစုံတို့ကို ဘုရားသခင် ကောင်းချီးမင်္ဂလာသွန်းဖြိုးမယ်လို့ဖော်ပြထားတယ်။ 9ယုံကြည်သူ တိုင်းဟာ အဘအာဗြဟံသို့ပေးခဲ့တဲ့ ကောင်းကျိုးချမ်းသာ မျိုးကိုခံစားရမယ်။ ဒါဟာယုံကြည် ချက်ကြောင့်ပဲ။ 10ဘာသာရေး သီလများကိုလိုက်နာတယ်ဆိုတာ တစ်ခုမှမကျန်အောင် လိုက်နာခြင်း မရှိရင် ကျိန်စာသင့်မယ်။ 11ယုံကြည်ချက်ရှိသူကိုပဲ ဘုရားသခင်လက်ခံတယ်။ ဒါဟာ ကျမ်းမှာ ပါတဲ့ အတိုင်းဘဲ ဘာသာရေးသီလ (ဥပဒေ) ကိုလိုက်နာရုံနဲ့ ဘုရားရှင်လက်မခံပါ။ 12ဘာသာရေး သီလဟာ ယုံကြည်ချက်အပေါ်မှာ အခြေမစိုက်ဘူး သီလစောင့်သူမှန်ရင် သူဟာအသက် ရှည်မယ်လို့သာ ဆိုတယ်။ 13ခရစ်တော်ကတော့ ကျွန်ုပ်တို့ကို သီလရဲ့ကျိန်စာမှလွတ်မြောက်စေပါတယ်။ ကျွန်ုပ်တို့ ကိုယ်စား ခရစ်တော်ဟာ ကျိန်စာမိသူဖြစ်သွားပါတယ်။ ကျမ်းစာထဲမှာ “သစ်တိုင်ပေါ်မှာ သံစွဲခံပြီး အသတ် ခံ သူတစ်ဦးဟာ ကျိန်စာမိသူဖြစ်တယ်” 14အရှင်ယေရှုကိုယ်တော် ဒီလိုလုပ်လိုက်တဲ့ အတွက် အဘအာဗြဟံ သို့ပေးတဲ့ ကတိတွေဟာ ဂျူးမဟုတ်သူတွေဆီယူသွားပါတယ်။ ဒီလိုဖြစ်တာဟာ ကတိတော်မှာပါတဲ့ ဉာဏ်အလင်းတော်ဘုရားကို ယုံကြည်ချက်ကြောင့် ကျွန်ုပ်တို့ဆီပို့ပေးပါတယ်။ 15မိတ်ဆွေတို့ခင်ဗျား- ကျွန်ုပ်တို့ဘာဆိုလို တယ်ဆိုတာကို ရှင်းပြတဲ့အခါကျွန်ုပ်ဟာ နေ့စဉ်ပေါ်ပေါက်တဲ့ ဥပမာတွေကိုဘဲ အသုံးပြုမယ်။ ဘယ်သူမဆို တစ်စုံတစ်ခုနဲ့ ပတ်သက်ပြီး သဘောတူညီမှုရသွားတယ်ဆိုရင် ဒီသဘောတူညီမှုကို မဆိုင်တဲ့ဘယ်သူကမျှ ဖျက်လို့ဖြစ်စေ၊ ပြောင်းလဲပစ်လို့ မရဘူး။ 16ဘုရားရှင်က အဘအာဗြဟံနဲ့ သူ့ရဲ့မျိုးဆက်aကိုကတိပြုခဲ့တာက ဒီသဘောအတိုင်းပါဘဲ။ ဒါပေမဲ့ တစ်ဦးတည်းကို သာပေးတယ်။ ဒီလူဟာ ခရစ်တော်ဘဲ။ 17ကျွန်ုပ်ပြောလိုတာက ဘာသာရေးသီလဟာ အပြောင်းအလဲမလုပ်နိုင်ဘူး။ ဘုရားရဲ့ ကတိတော်ကိုလည်း မပျယ်ဖျက်နိုင်ဘူး။ ကတိတော်ကို ဘာသာရေးထက်နှစ်ပေါင်း(၄၃ဝ)စော၍ပေးခဲ့တယ်။ 18ဘုရားရှင်ဆီ က ကောင်းကျိုးချမ်းသာတွေဟာ ရောက်မလာဘူး။ ဒါဟာကတိတော်ကြောင့်ဘဲ၊ သို့သော်လည်း ဘုရားရှင်ဟာ အဘအာဗြဟံ အပေါ်မေတ္တာထားတယ်။ ဒါနဲ့ အဘအာဗြဟံကို ကတိပေးခဲ့တယ်။ 19ဘာသာရေး သီလဥပဒေတွေဟာ ဘယ်လိုအသုံးဝင် ပါသလဲဆိုရင် ကျွန်ုပ်တို့ဟာ ပုထုစဉ်ဘဲဆိုတာပြဖို့အတွက် ဒီသီလ(ဥပဒေ)တွေကိုပေးခဲ့တာပါပဲ။ ကတိတော်ကိုရရှိတဲ့ မျိုးဆက်ခေတ်ရောက်လာတဲ့အချိန်ထိ ဒီကတိတော်ဟာ တည်မြဲမယ်လို့ယုံကြည်ရတယ်။ စင်စစ်မှာ နတ်ဒေဝါတို့က မောရှေ့ဆီ ဒီကတိတော်ကိုပေးခဲ့တယ် မောရှေ့ကတစ်ဆင့် လူထုကိုပေးခဲ့တယ်။ 20ဘုရားတစ်ပါး တည်းသာ ရှိတယ်။ ဒါကြောင့် ဒီသီလတွေဟာ ဘုရားရှင်ဆီက တိုက်ရိုက် ပေးတာမဟုတ်ဘူး။ 21မောရှေ့ ဘာသာရေး သီလတွေဟာ ဘုရားကတိတော်နဲ့ သဘောချင်းကွဲလွဲပါသလား၊ ဒီလိုမဟုတ်ဘူး၊ အကယ်၍ ဒီသီလတွေဟာ သေခြင်းသံသရာမှ လွတ်မြောက်ခဲ့ရင် ကျွန်ုပ်တို့ဟာ ဘုရားရှင်လက်ခံနိုင်သူဖြစ်ရမယ်။ 22ကျမ်းထဲမှာလူတိုင်း ဒုစရိုက်က နွံနှစ်ထားတယ်။ ခရစ်တော်အပေါ် အယုံအကြည်ရှိသူ မှန်ယင် ဘယ်သူ့အတွက်မဆို ဘုရားကတိတော်နဲ့အကျုံးဝင်တယ်လို့ဖော်ပြပါတယ်။ 23ကျွန်ုပ်တို့မှာ အယုံအကြည်ရှိတဲ့ အချိန်သို့ရောက်လာသည့်တိုင် ဒီသီလတွေဟာ ကျွန်ုပ်တို့ကိုချုပ်ကိုင်ခဲ့တယ်။ ကျွန်ုပ်တို့ကို ဒီသီလတွေရဲ့ အာဏာအောက် မှာထားရှိတယ်။ 24စင်စစ်မှာ ဒီသီလတွေဟာလူတိုင်း ခရစ်တော်အပေါ် ယုံကြည်လက်ခံဖို့ ဒီသီလတွေဟာ ကျွန်ုပ်တို့ကို သင်ပြတယ်။ 25ကျွန်ုပ်တို့မှာ ယုံကြည်ချက် ရှိလာတဲ့အခါ ဒီသီလတွေကိုကျွန်ုပ်တို့ဆရာအဖြစ်မလိုအပ်တော့ဘူး။ 26ယေရှု ခရစ်တော်ကြောင့် ကျွန်ုပ်တို့မှာ အယုံအကြည်ရှိတဲ့အခါ ကျွန်ုပ်တို့ဟာ ဘုရားရှင်ရဲ့ သားသမီးများ (ကလေးများ) ဖြစ်သွားပါတယ်။ 27ကျွန်ုပ်တို့မှာအဝတ်အထည်အသစ်ကို လှည့်လှယ်ဝတ်ဆင်လိုက်တဲ့ နည်းလမ်းအတိုင်းဘဲ ခရစ်တော်ကို ကျွန်ုပ်ဝတ်ဆင်လိုက်တာဟာ ကျွန်ုပ်တို့ ရေနှစ်မင်္ဂလာခံယူတာက စတင်တယ်။ 28ယုံကြည်ချက်ဟာ ကျွန်ုပ်တို့အတွက် တစ်ယောက်နဲ့တစ်ယောက်တန်းတူဖြစ်သွားတယ်။ သင်ဟာဂျူးဖြစ်စေ၊ ဂရိဖြစ်စေ ကျွန်တစ်ယောက်ဖြစ်စေ၊ လွတ်လပ်သူ ဖြစ်စေ၊ မိန်းမဖြစ်စေ၊ ယောင်္ကျားဖြစ်စေ အားလုံးတန်းတူဖြစ်သွားတယ်။ 29ခင်ဗျားကို ခရစ်တော်ပိုင်ဆိုင်သွားရင် သင်ဟာ ဒီလိုအဘအာဗြဟံရဲ့မိသားစုဘဲ၊ ခင်ဗျားဟာ ဘုရားရှင်ပေးတဲ့ကတိတော်ကို ရရှိသူဘဲ။
Currently Selected:
Galatians 3: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
