Galatians 2
2
1တစ်ဆယ့်လေးနှစ်ကြာပြီးနောက် ကျွန်ုပ်ဟာ ဗာနဗနဲ့အတူ ယေရုရှလင်သို့ သွားခဲ့ပါတယ်။ တိတုကို သူခေါ်ယူသွားခဲ့ ပါတယ်။ 2ဘုရားရှင် အလိုတော်ကြောင့်ကျွန်ုပ်ထိုနေရာသို့သွားရပါတယ်။ ဂျူးမဟုတ်သူတို့ကို ကျွန်ုပ်ပေးတဲ့ မင်္ဂလာသတင်း ကိုထိုနေရာမှာရှင်းပြပါတယ်။ ကျွန်ုပ်ဟာ ထိုနေရာမှာ အရေးပါဆုံးပုဂ္ဂိုလ်တွေနဲ့ သွားတွေ့ပါတယ်။ ကျွန်ုပ်လုပ်ခဲ့သမျှ အတိတ်ကာလနဲ့ ယခုလုပ်နေသမျှ အဟောသိကံ ဖြစ်မသွားစေဖို့ ကျွန်ုပ်လိုလားပါတယ်။ 3တိတုဟာ ဂရိလူမျိုးများပါ။ သူဟာကျွန်ုပ်နဲ့အတူ ယေရုရှလင်သို့ရောက်လာပါတယ်။ သူ့ကိုအရေဖျားဖြတ်ရန် အတင်းအကြပ်မလုပ်ပါ။ 4ဒီနေရာရောက် လာတာက ဘုရားတပည့်တော်ဟန်ဆောင်သူတို့ဟာကျွန်ုပ်တို့ အသိုင်းအဝိုင်းထဲမှာ လျှို့ဝှက်ထောက် လှမ်းဖို့ လာသူတွေဘဲ။ သူတို့ကတော့ ခရစ်တော်ပေးထားတဲ့ လွတ်လပ်ရေးကို ကျွန်ုပ်တို့ဆီက ဆွဲယူသွားဖို့ဘဲ။ သူတို့ကျွန်ုပ်တို့ကို ကျွန်ပြုဖို့ဘဲ။ 5ခင်ဗျားတို့ကို သတင်းမှန်ရစေလိုပါတယ်။ ဒါကြောင့်မို့ သူတို့ကို တစ်စက္ကန့်တောင်အရှုံးမပေးလိုဘူ။ 6သူတို့ထဲက တစ်ချို့ဟာ အရေးကြီးဆုံးပုဂ္ဂိုလ် လို့ထင်မှတ် နေမယ်။ သို့သော်ကျွန်ုပ်ကတော့အရေးမထားပါဘူး။ ဘုရားသခင်မှာ မျက်နှာသာ ပေးတဲ့သူလို့မရှိပါဘူး။ ကျွန်ုပ်ပေးထားတဲ့သတင်းပေါ်မှာ အတူခေါင်းဆောင်လို့ခေါ်ကြတဲ့ပုဂ္ဂိုလ်တွေရဲ့ တစ်စုံတရာဖြည့်စွက်မှု လုံးဝကင်းရှင်းတယ်။ 7ဘုရားသခင်ဟာ ဂျူးမဟုတ်သူတွေအတွက် ကျွန်ုပ်ကိုစေလွှတ်ထားတယ်ဆိုတာ သူတို့သဘောပေါက် ကြတယ်။ ဘုရားဟာ ဒီမင်္ဂလာသတင်းကိုပဲ ဂျူးလူမျိုးတွေအတွက် ပေတရုကို လွှတ်ခဲ့တယ်။ 8ပေတရုကိုဘဲဂျူးတွေအတွက် မီရှင်တစ်ခုနဲ့လွှတ်ခဲ့တဲ့ ဘုရားဟာ ဂျူးမဟုတ်သူတွေ လောကမှာဟောပြောဖို့ ကျွန်ုပ်ကိုပဲအသုံးပြုနေတယ်။ 9မည်သည့် အရာအတွက်မဆို မရထိုက်တဲ့ မေတ္တာတော်နဲ့ သတင်းစကားကို ဘုရားသခင်က ကျွန်ုပ်ကိုပေးတာကို ယာကု၊ပေတရု၊ ယောဟန်တို့ ကောင်းစွာသဘောပေါက်ကြတယ်။ ဒီလူတွေဟာအသင်းတော်ရဲ့ကျောရိုးပါဘဲ။ သူတို့က ဗာနဗနဲ့ ကျွန်ုပ်တို့ကို လက်ဆွဲနှုတ်ဆက်ကြတယ်။ ဒီလိုလုပ်တာက ကျွန်ုပ်တို့ကိုဂျူးမဟုတ်သူများနှင့် သူတို့က ဂျူးများလောကတွင် သာသနာပြု ဖို့ဖြစ်တယ်။ 10သူတို့ကကျွန်ုပ်ကို ချို့တဲ့တဲ့ဆင်းရဲ့သူများကိုမေ့မထားဖို့ သတိပေးတာတစ်ခုပဲရှိတယ်။ ဒါဟာလည်း ကျွန်ုပ်အမြဲ စိတ်ဝင်စားတဲ့အရာပါဘဲ။ 11အန္တိအုတ်မြို့သို့ ပေတရုရောက်လာတဲ့အခါ ကျွန်ုပ်ကသူနဲ့မျက်နှာချင်းဆိုင်တွေ့ပြီး သူမှားနေတဲ့ အချက်တွေ ကိုဖော်ပြ တယ်။ 12ဂျူးလူမျိုး ဘုရားတပည့်တော်များကိုယာကုဆီမှပို့လိုက်လို့ သူ့ထံရောက်လာတဲ့အထိ သူဟာ ဂျူး မဟုတ်သူ ဘုရားတပည့်တော်များနဲ့အတူ စားသောက်ပါတယ်။ ပေတရုဟာ ဂျူးတွေကို ကြောက်ပြီး အတူစားသောက်နေတာကို မလုပ်တော့ဘူး။ 13သူနဲ့အခြားသူတစ်ချို့က သူ့ရဲ့တကယ် ယုံကြည်ချက် ကို ကွယ်ဝှက်ထားတာဟာ ဗာနဗတောင် အရူးဖြစ်တယ်။ 14မင်္ဂလာသတင်းမှာပါတဲ့သမ္မာတရား ကိုအမှန် တကယ်မလိုက်နာတာကို ကျွန်ုပ်မြင်တဲ့အခါ လူတိုင်းရဲ့ရှေ့မှာ ပေတရုရဲ့အမှားကို ကျွန်ုပ်ထောက် ပြပါတယ်။ ကျွန်ုပ်ပြောချင်တာက “ပေတရုရယ် ခင်ဗျားဟာ ဂျူးဘဲ၊ ဒါပေမဲ့ ဂျူးမဟုတ်သလို နေတယ်။ ဒါဆိုဘယ်လိုလုပ်ပြီး ခင်ဗျားက ဂျူးမဟုတ်သူတွေကို ဂျူးလိုနေခိုင်းလို့ရမှာလဲ။ 15ကျွန်ုပ်တို့ ဟာဂျူးဘဲ၊ ဂျူးမဟုတ်သူလို ဘာသာရေးအရ ဒုစရိုက်သမား တွေမဟုတ်ဘူး။ 16“ယေရှုခရစ်တော်အပေါ် အယုံ အကြည် ရှိသူကိုသာ ဘုရားကလက်ခံတာကို ကျွန်ုပ်တို့သိကြတာဘဲ”ဘာသာရေးသီလကိုစောင့်ထိန်းရုံနဲ့ ဘုရားသခင်ကလက်မခံဘူး။ ဒါကြောင့် ကျွန်ုပ်တို့ဟာခရစ်တော်အပေါ်ယုံကြည်တယ်။ ဒီယုံကြည်ချက်ကြောင့် ကျွန်ုပ်တို့ကို ဘုရားကလက်ခံတယ်။ 17ကျွန်ုပ်တို့ဂျူး တွေက ဘုရားလက်ခံဖို့အခြားတစ်နည်းကိုစတင်မယ်ဆိုရင်တို့ဟာ ဒုစရိုက်ကျူးလွန်တာဖြစ်မသွားဘူးလား။ ဒီအဓိပ္ပါယ်ဟာ ခရစ်တော်က ကျွန်ုပ်တို့ ဂျူးတွေကို ဒုစရိုက်သမား ဖြစ်သွားစေတယ်လို့ ဆိုလိုတာမဟုတ်ပါလား။ 18ကျွန်ုပ်ဟာ တစ်စုံတစ်ခုကိုဆုတ်ဖြဲပစ်မယ်။ ပြီးတော့ဒါကို ပြန်ဆက်မယ်ဆိုရင် ပထမကတော့ ကျွန်ုပ်ရဲ့အမှားကိုပြတာပါ။ 19ဘာသာရေး သီလဥပဒေဟာ ကျွန်ုပ်ကိုသတ်တယ်။ ပြီးတော ကျွန်ုပ်ကို ဘုရားနဲ့နေဖို့အတွက် သူ့ရဲ့အာဏာစက်ကွင်းမှလွှတ်ပေးလိုက်တယ်။ ကျွန်ုပ်တို့ကို ခရစ်တော်နဲ့အတူ လက်ဝါးကပ်တိုင်မှာသတ်ပစ်လိုက်တယ်။ 20ကျွန်တော်သေသွားပြီ။ ဒါပေမဲ့ ခရစ်တော်က ကျွန်ုပ်ကိုယ်ထဲရောက်လာတယ်။ 21ကျွန်ုပ်ဟာ တုမရနိုင်တဲ့ဘုရားမေတ္တာကို ကျောမခိုင်းပါဘူး။ ဘာသာရေးသီလ(ဥပဒေ)ကို စောင့်ထိန်းလို့ ကျွန်ုပ်ကိုဘုရားလက်ခံမယ်ဆိုရင် ခရစ်တော်အဖို့ လက်ဝါးကပ်တိုင်ပေါ်သေခဲ့တာဟာ အလဟာသဖြစ်မသွား ဘူးလား။
Currently Selected:
Galatians 2: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
