Colossians 2
2
1ကျွန်ုပ်သည် လောဒိကိမြို့၌ရှိသောတပည့်တော်များနှင့် တစ်ကြိမ်တစ်ခါမှ မတွေ့ဖူးသေးသောတပည့်တော်များအား ကူညီပေးနိုင်ရန် မည်မျှအားထုတ်ကြိုးပမ်းနေကြောင်းကို သင်တို့အားသိစေလိုပါသည်။ 2ဤသို့ကြိုးပမ်းအားထုတ်ခြင်းသည် သူတို့အချင်းချင်းစိတ်ဓါတ်ခွန်အားရရှိပြီး တစ်ဦးနှင့်တစ်ဦး မေတ္တာထားရှိလျက် စည်းလုံးကြစေရန်ဖြစ်သည်။ 3တန်ဖိုးရှိသောရတနာသိုက်နှင့်တူသည့် ဘုရားရှင်၏သတင်းစကားကို ယေရှုခရစ်တော်သာလျှင် သင်တို့အား ဉာဏ်ပညာနှင့်နားလည်နိုင်စွမ်းသောအခွင့်ကိုပေးမည်ဖြစ်သည်။ 4ဤအကြောင်းအရာများကို သင်တို့အားအကျွန်ုပ်ပြောရခြင်းမှာ သင်တို့ကိုမည်သူမျှငြင်းခုန်ခြင်းဖြင့် မလှည့်ဖြားနိုင်စေရန်ဖြစ်သည်။ 5အကျွန်ုပ်သည်သင်တို့နှင့်အတူမရှိနေသော်လည်း အကျွန်ုပ်သည်သင်တို့အကြောင်း အမြဲစဉ်းစားနေသူဖြစ်သည်။ သင်တို့သည် စည်းလုံးကြပြီး ယေရှုခရစ်တော်အား ခိုင်မာစွာယုံကြည်လျက်ရှိနေကြသည်ကို ကြားရသောကြောင့် အကျွန်ုပ်ဝမ်းမြောက်ပါသည်။ 6ယေရှုခရစ်တော်ကို သင်တို့၏အရှင်အဖြစ်လက်ခံထားကြသဖြင့် ယေရှုခရစ်တော်နှင့်တပေါင်းတစည်းတည်းဖြစ်သောသူများကဲ့သို့ဆက်လက်နေထိုင်ကြလော့။ 7ယေရှုခရစ်တော်ထံ၌အမြစ်ကိုမြဲမြံစွာစွဲကပ်လျက် မိမိတို့၏ဘဝကိုတည်ဆောက်ကာ ယုံကြည်ချက်ကို ခိုင်မာစွာထားကာ ဘုရားရှင်ကိုချီးမွမ်းကြလော့။ 8ခရစ်တော်၏ဆုံးမဩဝါဒများမဟုတ်ပဲ လောကီကိုအခြေခံမူနှင့် လူ့ဓလေ့ထိုးတမ်းများကိုအခြေခံထားသည့် အတွေးအခေါ်တို့နှင့် အနှစ်သာရမရှိသောလှည့်ဖြားခြင်းတို့ဖြင့် မည်သူမျှသင်တို့ကိုမသိမ်းသွင်းနိုင်စေရန် သတိပြု ကြလော့။ 9အဘယ်ကြောင့်ဆိုသော် ယေရှုခရစ်တော်၏လူသားကိုယ်ခန္ဓာထဲတွင် ဘုရားရှင်၏ပြည့်စုံမှုအားလုံး တည်ရှိနေသောကြောင့်ဖြစ်သည်။ 10သင်တို့သည်လည်း အရာအားလုံးပေါ်၌အုပ်စိုးနိုင်သည့် အစွမ်းနှင့်အခွင့်အာဏာရှိသောယေရှုခရစ်တော်နှင့် တပေါင်းတစည်းတည်းဖြစ်လာကြပြီး ဝိညာဉ်ရေးဆိုင်ရာသည်လည်းပြည့်စုံလာကြပြီဖြစ်သည်။ 11အဘယ်ကြောင့်ဆိုသော် သင်တို့သည်ယေရှုခရစ်တော်နှင့် တပေါင်းတစည်းတည်းဖြစ်လာသောကြောင့် အရေပြားလှီးမင်္ဂလာပြုလုပ်ခဲ့ကြသည်ဖြစ်ပြီး သင်တို့၏အပြစ်ဒုစရိုက်များနှင့်ပြည့်နက်နေသောသဘာဝသည် ဖယ်ရှားခြင်းခံခဲ့ရပြီဖြစ်သောကြောင့်ဖြစ်သည်။ 12သင်တို့ ရေနစ်မင်္ဂလာခံယူခြင်းသည် ခရစ်တော်နှင့်အတူမြေမြှုပ်သင်္ဂြိုလ်ခြင်းနှင့်ထပ်တူဖြစ်သည်။ ယေရှုခရစ်တော်အား သေရာမှပြန်လည်ရှင်သန်ထမြောက်စေခဲ့သော ဘုရားရှင်၏တန်ခိုးတော်ကိုယုံကြည်သဖြင့် သင်တို့သည် ယေရှုခရစ်တော်နှင့်အတူပြန်လည်ရှင်သန်ထမြောက်ကြသည်။ 13သင်တို့သေရခြင်းမှာသင်တို့၏အပြစ်ဒုစရိုက်များကြောင့်ဖြစ်ပြီး သင်တို့သည် အပြစ်ဒုစရိုက်များနှင့်ပြည့်နက် နေသာဗီဇမှ မလွှတ်မြောက်နိုင်ကြသောကြောင့်လည်းဖြစ်သည်။ သို့သော် ဘုရားရှင်သည် သင်တို့အားယေရှုခရစ် တော်နှင့်အတူအသက်ရှင်သန်စေခဲ့ပြီဖြစ်သည်။ ဘုရားရှင်သည်အကျွန်ုပ်တို့အားလုံး၏အပြစ်ဒုစရိုက်များကို ခွင့်လွှတ်တော်မူခဲ့ပြီးဖြစ်သည်။ 14အကျွန်ုပ်တို့၏အပြစ်ကြွေးစာရင်းများကိုလည်းကောင်း၊ ၎င်းနှင့်ဆိုင်သည့်ဥပဒေများကိုလည်းကောင်း ဘုရားရှင်သည်လက်ဝါးကပ်တိုင်ပေါ်တွင်သံဖြင့်ရိုက်ကာပယ်ဖျက်တော်မူပြီဖြစ်သည်။ 15ထိုအချိန်တွင် ဘုရားရှင်သည်အခွင့်အာဏာရှိသောအုပ်ချုပ်သူဖြစ်သည့်မကောင်းဆိုးဝါးအား အောင်နိုင်တော်မူလေသည်။ ဘုရားရှင်သည်ထိုအောင်နိုင်မှုအား ယေရှုခရစ်တော်၏လက်ဝါးကပ်တိုင်ပေါ်၌ အသေခံခြင်းဖြင့် လူတိုင်းအားပြသတော်မူလေသည်။ 16ထို့ကြောင့်မည်သူတစ်ဦးတစ်ယောက်ကမျှ သင်တို့အားမည်သည့်အရာကိုစားရ သို့မဟုတ် မည်သည့်အရာကိုသောက်ပါဟုမဆုံးဖြတ်မစီရင်စေနှင့်။ ဘာသာရေးပွဲတော်များ၊ လဆန်းနေ့ပွဲကျင်းပခြင်း သို့မဟုတ် ဥပုသ်နေ့နှင့်ပါတ်သက်၍လည်း မည်သူမျှသင်တို့ကိုမစီရင်စေနှင့်။ 17ထိုအရာများသည် နောင်ဖြစ်လာမည့်အရာများ၏အရိပ်သာဖြစ်သည်။ ယေရှုခရစ်တော်သည်သာလျှင် ထိုဥပဒေများအားလုံး၏စံနမူနာဖြစ်သည်။ 18လူအများက သူတော်ယောင်ယောင်ဖြစ်ခြင်း၊ နတ်ဒေဝါများကို ပူဇော်ပသခြင်းတို့ကိုပြ၍ ခင်ဗျားတို့ကို လှည့်စားခွင့်မပြုကြနှင့်။ သူတို့သည် အာရုံထဲ၌မြင်ရသည့်အကြောင်းကိုပြောပြီး ဝါကြွားပါသည်။ သို့ရာတွင်၎င်းတို့မှာ အဓိပ္ပါယ်ကင်းမဲ့သောအရာများသာဖြစ်သည်။ အကြောင်းမှာ သူတို့၏နှလုံးသားထဲတွင် ကိုယ်ကျိုးရှာလိုဆန္ဒနှင့် ပြည့်နေကြသောကြောင့်ဖြစ်သည်။ 19သူတို့သည် ဦးခေါင်းဖြစ်သောယေရှုခရစ်တော်နှင့်ဆက်သွယ်မှုမရှိပေ။ ဦးခေါင်းဖြစ်သောယေရှုခရစ်တော်မှ တဆင့်ကိုယ်ခန္ဓာတစ်ခုလုံးသည်အကြောအရွတ်များဖြင့်ဆက်စပ်၍အာဟာရပေးလျက်ဘုရားရှင်အလိုရှိသည့် အတိုင်းကြီးထွားကြသည်။ 20သင်တို့သည် ယေရှုခရစ်တော်နှင့်အတူသေခဲ့ကြပြီးဖြစ်သည်။ ထို့ကြောင့် ဤအချိန်မှာ စင်္ကြာဝဠာရှိ မည်သည့်တန်ခိုးအာဏာရှင်က မှ သေပြီးသောမိတ်ဆွေတို့အပေါ် အာဏာစိုးမိုးခြင်းမပြုနိုင်တော့ပါ။ မိတ်ဆွေတို့ဟာ ခရစ်တော်နဲ့ ဘဝအသစ်ရပြီးနောက်မည်သည့်အတွက်ကြောင့် (လောကီရေးရာ) များကို လိုက်နာဖို့လိုသေးသလဲ။ 21ဘာသာရေးဥပဒေထဲမှာ ဤအရာကို မစားနဲ့၊ မကိုင်နဲ့၊ မထိနဲ့ ၊ ဤအရာကိုကန်တော့ဆိုပြီးပြဋ္ဌာန်းထားတဲ့ ဥပဒေကိုဆိုလိုသည်။ ဤဘာသာရေးပြဋ္ဌာန်းချက်များကို လူတို့အသုံးပြုခဲ့ပြီးဖြစ်သဖြင့် ယခုအချိန်တွင် အသုံးမဝင်တော့ပါ။ 22ထိုသို့ဖြစ်၍လူများအနေဖြင့် ဆရာကြီးများလုပ်ထားသောဥပဒေများကြောင့် မိတ်ဆွေတို့ စိတ်အနှောင့်အယှက်ဖြစ်စရာမလိုပေ။ 23ဤသို့သော ဘာသာရေးပညတ်တရားများကို လိုက်နာနေလျှင် သူတော်ကောင်းကဲ့သို့ဖြစ်ကြမည်။ လိုက်နာသူသည် ဘုရားရှင်ကို ကြည်ညိုသည်ဟုပုံပေါ်နေမည်။ လိုက်နာသူသည် မာနမရှိသကဲ့သို့မြင်ရမည်။ လိုက်နာသူသည် ရုပ်ခန္ဓာကိုထိန်းချုပ်နိုင်သောသူဟုမြင်နေမည်။ သို့သော် ဤသို့အမြင်များသည် ကျွန်ုပ်တို့ အလိုဆန္ဒအပေါ်မည်သို့မျှအထောက်အပံ့မပြုနိုင်ပေ။
Currently Selected:
Colossians 2: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
