2 Corinthians 10
10
1သင်တို့၏ရှေ့မှောက်သို့ရောက်သောအခါမဝံ့မရဲဖြစ်၍ အဝေးတွင်ရှိသောအခါရဲဝံ့ပြတ်သားသည်ဟု သင်တို့မှတ်သော အကျွန်ုပ်ပေါလုသည် ယေရှုခရစ်တော်၏နှိမ့်ချမှုနှင့် နူးညံ့သိမ်မွေ့မှုတို့ဖြင့် သင်တို့ကို တိုက်တွန်းနှိုးဆော်ပါသည်။ 2အကျွန်ုပ်တို့သည်ဤလောကအကျိုးကိုမျှော်ကိုး၍ ဆောင်ရွက်သူများဖြစ်သည်ဟုစွပ်စွဲဝေဖန်ကြသောသူတို့အား အကျွန်ုပ်သည်မိမိ၏ရဲစွမ်းသတ္တိကို အကျွန်ုပ်ပြနိုင်ကြောင်းကိုသိစေလိုသည်။ သို့ဖြစ်၍သင်တို့ထံသို့အကျွန်ုပ်ရောက်ရှိလာသောအခါ ထိုရဲစွမ်းသတ္တိကိုပြရသည့်အဖြစ်နှင့်မကြုံမတွေ့ရပါစေနှင့်။ 3အကျွန်ုပ်တို့သည်ဤလောက၌အသက်ရှင်နေထိုင်လျက်ရှိကြသည်မှန်သော်လည်း ဤလောကအကျိုးကိုမျှော်ကိုး၍တိုက်ပွဲဝင်နေကြသည်မဟုတ်ပေ။ 4အကျွန်ုပ်တို့စွဲကိုင်သည့်လက်နက်များသည်လူသားတို့စွဲကိုင်သည့်လက်နက်များမဟုတ်ပေ။ ခံတပ်များကိုဖြိုဖျက်နိုင်သည့်ဘုရားရှင်၏တန်ခိုးတော်နှင့်ပြည့်စုံသောလက်နက်များဖြစ်သည်။ အကျွန်ုပ်တို့သည်မမှန်ကန်သည့်ဆွေးနွေးငြင်းခုံချက်များကိုလည်းကောင်း၊ 5ဘုရားရှင်အားသိကျွမ်းမှုပညာကို ပိတ်ပင်ဆီးတားသည့်မာန်မာနမှန်သမျှကိုလည်းကောင်း ဖြိုဖျက်ချေမှုန်းကြသည်။ အကျွန်ုပ်တို့သည်လူတို့၏အကြံအစည်ရှိသမျှတို့ကိုဖမ်းချုပ်ပြီးလျှင် ယေရှုခရစ်တော်အားနာခံစေကြသည်။ 6သင်တို့သည်အကျွန်ုပ်တို့စကားကိုအကြွင်းမဲ့လိုက်နာကြောင်းကိုသိသည့်အခါ၌ အကျွန်ုပ်တို့သည်မလိုက်နာသူတို့အားအပြစ်ဒဏ်စီရင်ရန်အသင့်ရှိကြသည်။ 7မျက်စိရှေ့၌ရှိသောအရာကိုသာကြည့်ကြလော့။ သင်တို့အနက်မိမိကိုယ် ကိုခရစ်တော်၏တပည့်ဖြစ်သည်ဟုစိတ်ချသူ ရှိလျှင် ထိုသူသည်ခရစ်တော်၏တပည့်ဖြစ် သကဲ့သို့ ငါတို့သည်လည်းခရစ်တော်၏တပည့်များဖြစ်ကြောင်းကိုပြန်လည်စဉ်းစားကြည့်စေ။ 8အဘယ်ကြောင့်ဆိုသော် သင်တို့ကိုဖြိုဖျက်ရန်အတွက်မဟုတ်ဘဲ တည်ဆောက်ရန်အတွက် ဘုရားရှင်ပေးတော်မူသော အကျွန်ုပ်တို့၏အခွင့်အာဏာနှင့်ပတ်သက်၍ အကျွန်ုပ်သည်အနည်းငယ်ပို၍ဝါကြွားမိခဲ့လျှင်ပင် ရှက်ကြောက်မည်မဟုတ်ပေ။ 9အကျွန်ုပ်သည် သင်တို့ထံစာများရေး၍ခြိမ်းခြောက်နေသည်ဟုမထင်မိစေလိုပေ။ 10“ပေါလု၏စာများသည်ပြင်းထန်၍အာဏာပါသည့်စာများဖြစ်သည်။ သို့သော်အကျွန်ုပ်တို့ရှေ့မှောက်၌မူသူသည်သတ္တိကြောင်သူ၊ အဟောအပြောညံ့သူဖြစ်သည်” ဟုပြောဆိုသူရှိလိမ့်မည်ဖြစ်သည်။ 11အကျွန်ုပ်တို့သည် အဝေး၌ရှိနေစဉ် စာ၌ရေးလိုက်သည့်စကားအတိုင်း ကိုယ်တိုင်ရောက်လာသောအခါ၌လည်း ပြုမည်ဖြစ်ကြောင်းထိုသူတို့သိမှတ်ကြပါစေ။ 12မိမိကိုယ်ကိုချီးမြှောက်ပြောဆိုသူတို့၏လူတန်းစားထဲတွင်အကျွန်ုပ်တို့သည်မပါဝင်ဝံ့ပါ။ သင်တို့ နှင့်နှိုင်းယှဉ်ရန်လည်းမဝံ့ပါ။ မိမိတို့ကိုယ်ကိုစံထား၍ မိမိတို့ကိုယ်ကိုအကဲဖြတ်သူများသည်လွန်စွာမိုက်မဲကြသည်ဖြစ်သည်။ 13သို့သော် အကျွန်ုပ်တို့သည် မိမိတို့အတိုင်းအတာကိုကျော်လွန်၍ကြွားဝါမည်မဟုတ်ပေ။ အကျွန်ုပ်တို့အား ဘုရားရှင်ပေးအပ်ထားတော်မူသောနယ်ပယ်အတွင်း၌သာကြွားဝါမည်။ သင်တို့သည်လည်း ထိုနယ်ပယ်အတွင်း၌ ပါဝင်သည်။ 14သင်တို့သည် အကျွန်ုပ်တို့အတွက်ဘုရားရှင်သတ်မှတ်ထားသောလုပ်ငန်းနယ်ပယ်အတွင်းပါဝင်သဖြင့် အကျွန်ုပ်တို့သည်ယေရှုခရစ်တော်အကြောင်း သတင်းကောင်းကိုသင်တို့ထံသို့ယူဆောင်လာရာ၌နယ်ကျော်ရာမကျပေ။ 15သို့ဖြစ်၍အကျွန်ုပ်တို့သည်ဘုရားရှင်သတ်မှတ်ပေးသည့်လုပ်ငန်းအတွက်မှလွဲ၍ သူတစ်ပါးတို့၏လုပ်ဆောင်ချက်များအတွက်ဂုဏ်ယူဝါကြွားခြင်းမရှပေ။ သင်တို့၏ယုံကြည်ခြင်ေပါရမီရင့်လာသည်နှင့်အမျှ အကျွန်ုပ်တို့အတွက် ဘုရားရှင်သတ်မှတ်ပေးတော်မူသည့် နယ်ပယ်အတွင်း သင်တို့ထံ၌အမှုတော်တို့ကိုတိုးချဲ့ဆောင်ရွက်နိုင်ရန်မျှော်လင့်ပါသည်။ 16ထိုနောက်အကျွန်ုပ်တို့သည် သင်တို့၏ဒေသကိုကျော်လွန်၍ အခြားဒေသသစ်များတွင် မင်္ဂလာသတင်းကောင်းကိုဟောပြောကြေညာ နိုင်သဖြင့် သူတစ်ပါးတို့၏နယ်ပယ်အတွင်း၌ ပြီးစီးခဲ့သည့်ဆောင်ရွက်ချက်များအတွက် ငါ တို့ဂုဏ်ယူဝါကြွားစရာမလိုတော့ပေ။ 17အဘယ်ကြောင့်ဆိုသော်သခင်ရှင်နှစ်သက်တော်မူသောသူဟူသည်မှာ မိမိကိုယ်ကိုချီးမြှောက်သောသူမဟုတ်။ 18အရှင်ကချီးမြှောက်တော်မူသောသူဖြစ်သောကြောင့်ဖြစ်သည်။
Currently Selected:
2 Corinthians 10: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
