1 John 2
2
1ကျွန်ုပ်၏ ချစ်ခင်ရပါသော သားသမီးအပေါင်းတို့၊ သင်တို့သည် အပြစ်ဒုစရိုက်တရားအပေါင်းတို့ကို မကျူးလွန်မိစေရန် ဤစာအား ငါရေးသားလိုက်ရပါ၏။ အကယ်၍ တစ်စုံတစ်ယောက်သည် အပြစ်ဒုစရိုက်ကျူးလွန်မိလျှင် ဘုရားရှင်ထံ၌ ကျွန်ုပ်တို့အားကူညီဖြေရှင်းပေးသူဖြစ်သော ဖြောက်မတ်သည့် အရှင် ယေရှုခရစ်တော်ရှိ၏။ 2ကိုယ်တော်ယေရှု့သည် ကျွန်ုပ်တို့၏ အပြစ်များအတွက်သာမက လောကလူသားအပေါင်းတို့အတွက် ဒုစရိုက်အပြစ်တရားများ ပျယ်ပျောက်စေရန်အတွက် အသက်စွန့်ပေးသူလည်း ဖြစ်တော်မူ၏။ 3ဘုရားရှင်၏ နှုတ်ကပတ်တော်တရားအလုံးစုံတို့ကို လိုက်နာလျှင် ကျွန်ုပ်တို့သည် ဘုရားရှင်နှင့်သိကျွမ်းသောသူများဖြစ်ကြောင်းကို သိကြ၏။ 4သို့သော် “ငါသည် ဘုရားရှင်အား သိကျွမ်းသောသူဖြစ်၏” ဟုဆိုကာ ဘုရားရှင်၏ နှုတ်ခပတ်တော်များကို လိုက်နာစောင့်ထိန်းခြင်းမရှိလျှင် ထိုသူသည် လိမ်လည်သောသူဖြစ်၍ ထိုသူ၌လည်း ဖြောင့်မတ်ခြင်းတရားတို့သည်လည်းမရှိ။ 5သို့သော် မည်သူမဆို ဘုရားရှင်၏စကားတော်များအားလုံးကို လိုက်နာကျင့်သုံးလျှင် ဘုရားရှင်၏ ချစ်ခြင်းမေတ္တာတို့သည် ထိုသူ့အပေါ်သက်ရောက်မည်ဖြစ်၏။ ဤသို့ဖြင့် ကျွန်ုပ်တို့သည် ဘုရားရှင်နှင့် တစ်ပေါင်းတစ်စည်းတည်းဖြစ်သည်ကို သိကြ၏။ 6ကျွန်ုပ်တို့သည် ဘုရားရှင်နှင့်အတူ တစ်ပေါင်းတစ်စည်းတည်းရှိသည်ဟု ပြောဆိုသောသူသည် ကိုယ်တော်ယေရှုကဲ့သို့ အသက်ရှင်နေထိုင်ကြရမည်ဖြစ်၏။ 7ကျွန်ုပ်၏ချစ်ခင်ရပါသော မိတ်ဆွေအပေါင်းတို့၊ သင်တို့ထံသို့ ကျွန်ုပ်ရေးသားလိုက်သော ဤပညတ်တရားတို့သည် အသစ်မဟုတ်။ အစအဦးကတည်းကပင် ရှိခဲ့ပြီးသော ပညတ်အဟောင်းဖြစ်၏။ ဤပညတ်တရားတို့ကိုလည်း သင်တို့ ကြားနာခဲ့ပြီးသော တရားတော်များဖြစ်၏။ 8သို့သော် ယေရှုခရစ်တော်ထံ၌လည်းကောင်း သင်တို့၌လည်းကောင်း ပြည့်စုံမှကန်သည့် ပညတ်အသစ်ကို သင်တို့ထံသို့ ငါရေးသားလိုက်ရပါ၏။ အဘယ်ကြောင့်ဆိုသော် အမှောင်သည် ပျောက်ကွယ်၍ စစ်မှန်သောအလင်းသည် ထွန်းလျှင်းတောက်ပလျှက်ရှိသောကြောင့်ဖြစ်၏။ 9“ငါသည် ဖြောင့်မတ်ခြင်းတရားတည်းဟူသော အလင်းအောက်တွင်ရှိနေသည်” ဟုဆိုကာ မောင်နှမကို မုန်းတီသောသူသည် အမှောထဲတွင်သာ ရှိနေသေး၏။ 10သို့သော် ညီအကိုမောင်နှမတို့ကို ချစ်ခင်သောသူသည် ဖြောင့်မတ်ခြင်းတည်းဟူသော အလင်းရောင်အောက်တွင် ရှိနေ၍ မိမိကြောင့် ယုံကြည်သူမောင်နှမအပေါင်းတို့အား အပြစ်ဒုစရိုက်ကျူးလွန်စေရသည့်အကြောင်းသည်လည်း ထိုသူ၌မရှိ။ 11သို့သော် ညီအကိုမောင်နှမကို မုန်းတီးသောသူသည် အပြစ်ဒုစရိုက်သား တည်းဟူသော အမှောင်ထဲတွင်သာ ကျင်လည်၏။ အပြစ်ဒုစရိုက်တည်းဟူသော အမှောင်ထုသည်လည်း ထိုသူအား မျက်စိကွယ်စေသောကြောင့် သူသည့် မည်သည့်နေရာသို့ သွားနေသည်ကိုပင် မသိနိုင်။ 12ချစ်ခင်ရပါသော သားသမီးအပေါင်းတို့၊ သင်တို့သည် ကိုယ်တော်ယေရှု၏ အမည်နာမတော်အားဖြင့် ဒုစရိုက်အပြစ်များကို ခွင့်လွတ်ခြင်းခံထားရသောကြောင့် သင်တို့ထံသို့ ကျွန်ုပ်ဤစာကို ရေးလိုက်ရပါ၏။ 13ချစ်ခင်လေးစားရပါသော ဖခင်ကဲ့သို့ သက်ကြီးဝါကြီးအပေါင်းတို့၊ သင်တို့သည် အစအဦးကတည်းကပင် ရှိနှင့်နေပြီးသော အဖဘုရားရှင်ကို သိကြသောကြောင့် သင့်တို့ထံသို့ ကျွန်ုပ်ဤစာကို ရေးသားလိုက်ရပါ၏။ လူငယ်လူရွယ်အပေါင်းတို့ သင်တို့သည် မကောင်းမှုပြုမိစေရန် ဖျားယောင်းတတ်သော မာရ်နတ်ကို အနိုင်ယူသူများဖြစ်ကြသောကြောင့် အကျွန်ုပ်ဤစာကို သင်တို့ထံ ရေးသားလိုက်ရပါ၏။ 14ယုံကြည်သူသားသမီးအပေါင်းတို့ နှင့် ယုံကြည်သူသက်ကြီးဝါကြီးတို့ သင်တို့သည် အဖဘုရားကိုသိသူများဖြစ်၍၎င်း‘လူငယ်လူရွယ်တို့သည်လည်း ခွန်အားရှိပြီး သင်တို့၏နှလုံးသားထဲတွင် ဘုရားရှင်၏နှုတ်ကပတ်တော်များ ကိန်းအောင်းမွေ့ပျော်နေ၍ မကောင်းဆိုး ဝါးများကို အောင်နိုင်သူများဖြစ်သောကြောင့် ကျွန်ုပ်စာရေးလိုက်ပါသည်။ ချစ်ခင်ရပါသော သားသမီးအပေါင်းတို့ သင်တို့သည် အဖဘုရားရှင်ကို သိုကြသောကြောင့် သင်တို့ထံသို့ ကျွန်ုပ်စာရေးလိုက်ရပါ၏။ ချစ်ခင်လေးစားရပါသော ဖခင်ကဲ့သို့ သက်ကြီးဝါကြီးအပေါင်းတို့၊ သင်တို့သည် အစအဦးကတည်းကပင် ရှိနှင့်နေပြီးသော ဘုရားရှင်ကို သိကြသောကြောင့် သင်တို့ထံ ကျွန်ုပ်စာလိုက်ပါ၏။ 15သင်တို့သည် ဤကမ္ဘာလောကကြီးကိုလည်းကောင်း ကမ္ဘာလောကတွင်ရှိသမျှသော အရာအားလုံးတို့ကိုလည်းကြောင်း မက်မောခြင်း ချစ်ခင်ခြင်းမရှိကြပါနှင့်။ ဤလောကီရေးရာကို ချစ်သောသူတို့သည် အဖဘုရားရှင်ကို ချစ်ခင်ကြည်ညိုမည့်သူမဟုတ်။ 16အကြောင်းမူကား ဤလောကတွင်ရှိသော သွေးသားတက်မက်ခြင်း၊ မျက်စိအာရုံ၏ တက်မက်ခြင်း၊ ဂုဏ်စည်းစိမ်တို့၌ယစ်မူးခြင်း စသည်တို့သည် အဖဘုရားရှင်နှင့်မသက်ဆိုင်ဘဲ ဤကမ္ဘာလောကနှင့်သာ သက်ဆိုင်၏။ 17ဤကမ္ဘာလောကနှင့် ထိုလောကီတပ်မက်ခြင်းများသည် တည်မြဲခြင်းမရှိဘဲ ကွယ်ပျောက်သွားရလိမ့်မည်။ သို့သော်လည်း ဘုရားရှင်၏အလိုတော်များကို ဆောင်ရွက်နေကြသောသူများသည် နိစ္စထာဝရအသက်ကို ရရှိလိမ့်မည်။ 18ချစ်ခင်ရသော ယုံကြည်သူသားသမီးအပေါင်းတို့ ယခုကာလသည် ယေရှုခရစ်တော်ပြန်လည်ကြွလာတော့မည့် အချိန်ကာလဖြစ်၏။ ကိုယ်တော်ယေရှုကို ဆန့်ကျင်သည့်ရန်သူများရောက်ရှိလာမည့်အကြောင်းကို သင်တို့ကြားသိခဲ့သည့်အတိုင်း ယခုပင် ကိုယ်တော်ယေရှု့၏ ရန်သူများစွားတို့သည် ရောက်ရှိလာပြီဖြစ်၏။ 19ဤကဲ့သို့သောဆန့်ကျင်သူများသည် ငါတို့ထံမှစွန့်ခွာသွားသည် ဟုဆိုသော်ထိုသူတို့သည် ငါတို့နှင့်မည်သည့်အခါမှသက်ဆိုင်ခြင်းမရှိခဲ့ဟုဆိုရမည်။ သူတို့ယခုကဲ့သို့စွန့်ခွာသွား သည်ကိုထောက်ရှု၍ သူတို့သည်ကျွန်ုပ်တို့နှင့်တစ်စိတ်တစ်ဝမ်းတည်း မရှိ ခဲ့ကြောင်းကို သက်သေပြလျှက်ရှိ၏။ 20သို့သော် သင်တို့သည် သန့်ရှင်းမြင့်မြတ်သော ကိုယ်တော်ယေရှု၏ဝိညာဉ်တော်သည်သင်တို့အပေါ်သို့သက်ရောက်သဖြင့် ဖြောင့်မတ်ခြင်းတည်းဟူသော သမ္မာတရားကို သိကြ၏။ 21ဖြောင့်မတ်ခြင်းတည်းဟူသော သမ္မာတရားကို မသိကြသောကြောင့် ငါသည်ဤစာကိုရေးသားလိုက်ရခြင်းမဟုတ်။ ဖြောင့်မတ်ခြင်းတရားကိုလည်းကောင်း လိမ်လည်လှည့်ဖျားခြင်းအမျိုးမျိုးတို့သည် ဖြောင့်မတ်ခြင်းတည်းဟူသော သမ္မာတရားကိုလည်းကောင်း သိတို့သိကြသောကြောင့် ကျွနုပ်ရေးသားလိုက်ရခြင်းဖြစ်၏။ 22မည်သူသည် လိမ်လည်လှည့်ဖျားသူများဖြစ်ကြသနည်း။ ကိုယ်တော်ယေရှု့အား ငြင်းပယ်၍ ဆန့်ကျင်သောသူများသည် လိမ်လည်လှည့်ဖျားသောသူများဖြစ်၏။ ထိုကဲ့သို့သော ငြင်းပယ်၍ဆန့်ကျင်သောသူများသည် ဖဘုရားရှင်နှင့် သားတော်ကိုယ်တော်ယေရှုကို ငြင်းပယ်သူများဖြစ်၍ ယေရှု့ခရစ်တော်၏ ရန်သူများပင်ဖြစ်၏။ 23အကယ်၍ ကျွန်ုပ်တို့သည် သားတော်ကိုလက်မခံလျှင်အဖဘုရားအားငြင်းပယ်သူများသာဖြစ်၏။ သို့ရာတွင် သားတော်ကိုအသိအမှတ်ပြုသူသည် အဖဘုရားရှင်နှင့်တစ်လုံးတစ်ဝတည်းဆက်နွယ်သူများဖြစ်ကြ၏။ 24ထို့ကြောင့် အစအဦးကတည်းကပင် သင်တို့သိရှိထားကြသောအရာများကို သင်တို့၏ စိတ်နှလုံး၌သွင်းထားကြပါလော့။ ထိုသို့ သင်တို့၏စိတ်နှလုံးထဲတွင် တည်ရှိနေလျှင် သင်တို့သည် သားတော်ယေရှု၌လည်းကောင်း အဖဘုရားရှင်၌သော်လည်းကောင်း သင်တို့၏စိတ်နှလုံးတွင် တည်ရှိနေလိမ့်မည်။ 25ဤသည်မှာ ယေရှု့ခရစ်တော်သည် ကျွန်ုပ်တို့အပေါ်ပြုခဲ့သောကတိဖြစ်သည့်သည့် “နိစ္စထာဝရအသက်” ရရှိစေရန်ဖြစ်၏။ 26သင်တို့၏ယုံကြည်မှုများအား လမ်းမှားရောက်စေရန် ကြိုးပမ်းနေကြသော သူများအကြောင်းကို သင်တို့ထံဤ စာကိုရေးသား၍ သတိပေးလိုက်ပါ၏။ 27ယုံကြည်သူတို့၊သင်တို့ထံသို့ ဉာဏ်အလင်းတော်သက်ရောက်ပြီး သင်တို့၏နှလုံးသားထဲတွင် ကိန်းဝပ်နေလျှင်သင်တို့အား သွန်သင်ပေးမည်ဖြစ်သဖြင့် သွန်သင်ပေးမည့်သူမလိုအပ်တော့ပါ။ ဉာဏ်အလင်းတော် သွန်သင်ပေးတော်မူသောအရာတို့သည် မှန်ကန်ပြီး လိမ်လည်ခြင်းဟူ၍မရှိ။ ထို့ကြောင့်သင်တို့သည် ထိုသွန်ချက်များအတိုင်း လိုက်နာကျင့်သုံး၍ ယေရှုခရစ်တော်နှင့် တပေါင်းတည်းတည်းရှိကြလော့။ 28သားသမီးတို့ ကိုယ်တော်ယေရှုကြွလာတော်မူသောအခါ ကျွန်ုပ်တို့သည် ယုံကြည်စိတ်ချမှုရှိကြ၍ ကိုယ်တော်ကြွလာတော်မူမည့်အချိန်တွင် ရှက်ကြောက်နေရခြင်းများမရှိစေရန် ကိုယ်တော်အား စိတ်နှလုံးသွင်းထားကြလော့။ 29ခရစ်တော်သည်အမှန်တရားကို လက်ကိုင်ကျင့်သုံး တော်မူသဖြင့် အမှန်တရားကိုကျင့်သုံးသူတိုင်းသည်လည်း ဘုရားရှင်၏သားသမီးများပင်ဖြစ်လေသည်။ ကိုယ်တော်ယေရှုသည် ဖြောင့်မတ်မှန်ကန်သူဖြစ်ကြောင်းကို သင်တိုသိကြလျှင် ဖြောက်မတ်မှန်ကန်စွာ ကျင့်ကြံနေထိုင်သောသူသည် ကိုယ်တော်ထံမှ ပေါက်ဖွါးလာသော ဘုရားရှင်၏သားသမီးများပင် ဖြစ်ကြောင်းကို သင်တို့သိကြ၏။
Currently Selected:
1 John 2: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
