1 Corinthians 1
1
1ဘုရားရှင်၏အလိုတော်အားဖြင့် ကိုယ်တော်ယေရှု၏ တမန်တော်ဖြစ်သူ ကျွန်ုပ်ပေါလုနှင့် ကျွန်ုပ်၏ညီသုဿင်သည် 2ကောရိန္သုမြို့၌ရှိသော ဘုရားရှင်၏ အသင်းတော်နှင့် ကိုယ်တော်ယေရှုအားယုံကြည်ကိုးကွယ်ကြရန်ရွေးချယ်ခြင်းခံရသောသင်တို့ထံသို့ပို့လိုက်သည့်စာဖြစ်ပါသည်။ ဘုရားရှင်သည် ထိုသူတို့အား သူ၏မြင့်မြတ်သောသူများဟုခေါ်တွင်တော်မူခဲ့ပြီဖြစ်သည်။ ဘုရားရှင်သည် နေရာအနှံ့အပြားရှိယေရှုခရစ်တော်အားကိုးကွယ်ကြသော ယုံကြည်သူများကိုလည်းရွေးချယ်တော်မူခဲ့ပြီးဖြစ်သည်။ 3ကျွန်ုပ်တို့၏အဖဘုရားရှင်နှင့် ယေရှုခရစ်တော်၏ကျေးဇူးတော်နှင့် ငြိမ်သက်ခြင်းတို့သည်သင်တို့အပေါ်၌ သက်ရောက်ပါစေ။ 4ဘုရားရှင်သည် ယေရှုခရစ်တော်အားဖြင့်သင်တို့ကိုကောင်းချီးပေးခဲ့ပြီဖြစ်သောကြောင့် အကျွန်ုပ်သည် သင်တို့အတွက် အကျွန်ုပ်တို့၏ဘုရားရှင်အားအစဉ်ထာဝရကျေးဇူးတင်လျက်ရှိပါသည်။ 5အဘယ်ကြောင့်ဆိုသော် ယေရှုခရစ်တော်အားဖြင့် သင်တို့သည်အပြောအဆိုနှင့်ဉာဏ်ပညာများအဘက်ဘက်မှ ပြည့်စုံလာခဲ့ပြီဖြစ်သောကြောင့်ဖြစ်သည်။ 6ဤသို့ဖြင့် သင်တို့အား အကျွန်ုပ်တို့သက်သေခံခဲ့သောယေရှုခရစ်တော်၏အကြောင်းအရာများသည် မှန်ကန်ကြောင်းကို ဘုရားရှင်သည်အတည်ပြုတော်မူခဲ့သည်။ 7ထိုကြောင့် သင်တို့သည် အကျှန်ုပ်တို့၏အရှင်သခင်ဖြစ်သောကိုယ်တော်ယေရှု ပြန်လည်ကြွတော်မူလာမည့် အချိန်ကိုစောင့်မျှော်နေစဉ်တွင် သင်တို့သည်ဝိညာဉ်ရေးရာဆုလာဒ်များလျော့နည်းသွားမည်မဟုတ်ပေ။ 8သင်တို့သည် အကျွန်ုပ်တို့၏အရှင်သခင်ဖြစ်သောယေရှုခရစ်တော်ပြန်လည်ကြွရောက်လာမည့်နေ့ရက်၌ အပြစ်ကင်းလွတ်နေစေရန်အတွက် ဘုရားရှင်သည်သင်တို့၏ယုံကြည်မှုအား အဆုံးတိုင်အောင် ခိုင်ခံ့မြဲမြံစေတော်မူလိမ့်မည်။ 9ဘုရားရှင်သည်သစ္စာတရားနှင့်ပြည့်စုံတော်မူသည်ဖြစ်ပြီး သင်တို့အားအကျွန်ုပ်တို့၏အရှင်သခင်ယေရှုခရစ်တော်နှင့်တစ်ပေါင်း တစ်စည်းတည်းဖြစ်စေရန်ခန့်အပ်တော်မူပြီဖြစ်သည်။ 10ညီအစ်ကိုတို့၊ သင်တို့အဖွဲ့များမကွဲစေခြင်းအလို့ငှာ သင်တို့ပြောဆိုကြံစည်သမျှတို့သည်စည်းလုံးညီညွှတ်မှုရှိကြ စေရန် အကျွန်ုပ်တို့၏အရှင်သခင်ဖြစ်သော ယေရှုခရစ်တော်၏အမည်နာမအားဖြင့်တိုက်တွန်းနှိုးဆော်လိုက်ရပါ သည်။ 11အကျွန်ုပ်၏ညီအစ်ကိုမောင်နှမတို့၊ ခလောဣအိမ်အသင်းတော်မှလူတစ်ချို့သည် သင်တို့အချင်းချင်းငြင်းခုံ လျက်ရှိကြောင်းအကျွန်ုပ်ကိုပြောဆိုကြသည်။ 12သင်တို့ထဲမှတစ်ယောက်သည် “အကျွန်ုပ်သည် ပေါလု၏တပည့်ဖြစ်သည်။” ဟူ၍လည်းကောင်း၊ တစ်ခြားတစ်ယောက်သည် “အကျွန်ုပ်သည် အာပေါလု၏တပည့်ဖြစ်သည်။” ဟူ၍လည်းကောင်း၊ နောက်တစ်ယောက်သည် “အကျွန်ုပ်သည် ကေဖ၏တပည့်ဖြစ်သည်။” ဟူ၍လည်းကောင်း၊ နောက်ထပ်အခြား တစ်ယောက်သည်လည်း “အကျွန်ုပ်သည် ယေရှုခရစ်တော်၏တပည့်ဖြစ်သည်။” ဟူ၍ပြောဆိုနေကြသည်ကို အကျွန်ုပ်ဆိုလိုခြင်းဖြစ်သည်။ 13ယေရှုခရစ်တော်သည် ထိုကဲ့သို့ခွဲခြားထားခဲ့သလော။ ပေါလုသည် သင်တို့အတွက် လက်ဝါးကပ်တိုင်မှာ အသေခံခဲ့သလော။ သို့မဟုတ် သင်တို့သည် ပေါလု၏အမည်နာမဖြင့် ရေနှစ်မင်္ဂလာကို ခံယူခဲ့ကြသလော။ 14ကရိပ္ပုနှင့် ဂါယုမှလွှဲ၍ သင်တို့ထဲမှမည်သူ့ကိုမျှ အကျွန်ုပ်ရေနှစ်မင်္ဂလာမပေးခဲ့ခြင်းကြောင့် ဘုရားရှင်ကိုအကျွန်ုပ်ကျေးဇူးတင်မိပါသည်။ 15သို့ဖြစ်၍ သင်တို့အားအကျွန်ုပ်၏အမည်နာမအားဖြင့် ရေနှစ်မင်္ဂလာပေးခဲ့သည်ဟု မည်သူကမျှပြောဆိုနိုင်လိမ့်မည်မဟုတ်ပေ။ 16သတေဖန်အား သူ၏အိမ်သူအိမ်သားများနှင့်အတူ ငါရေနှစ်မင်္ဂလာပေးခဲ့သည်မှာအမှန်ပင်ဖြစ်သည်။ ထိုမှတစ်ပါး အခြားသောသူတို့အား ရေနှစ်မင်္ဂလာပေးသည်ကို ငါမမှတ်မိ။ 17ယေရှုခရစ်တော်သည် အကျွန်ုပ်အားရေနှစ်မင်္ဂလာပေးရန်စေလွှတ်တော်မူခြင်းမဟုတ်ပဲ မင်္ဂလာသတင်းကောင်းကို ဟောပြောရန်အတွက်စေလွှတ်တော်မူခဲ့ခြင်းဖြစ်သည်။ အကျွန်ုပ်သည်မင်္ဂလာသတင်းကောင်းကိုဟောပြောရာတွင်လည်း ယေရှုခရစ်တော်လက်ဝါးကပ်တိုင်ပေါ်တွင်သေဆုံးခဲ့ရခြင်း၏တန်းခိုးတော်အား အချည်းနှီးမဖြစ်စေရန် လူတို့၏ဉာဏ်ပညာအားဖြင့် နှုတ်မှထွက်လာသောစကားလုံးများနှင့်မဟောပြောခဲ့ပေ။ 18အကြောင်းမူကား ယေရှုခရစ်တော်လက်ဝါးကပ်တိုင်ပေါ်တွင်အသေခံခဲ့ခြင်းအကြောင်းသည် ပျက်ဆီးယို့ယွင်းနေသောသူများအတွက် အဓိပ္ပာယ်မရှိသောသတင်းစကားပင်ဖြစ်သည်။ သို့သော် ကယ်တင်းခြင်းခံခဲ့ရပြီဖြစ်သော အကျွန်ုပ်တို့အတွက်မူကား ထိုသတင်းစကားသည် ဘုရားရှင်၏တန်ခိုးတော်ပင်ဖြစ်သည်။ 19အကြောင်းမူကားကျမ်းစာထဲတွင် ဘုရားရှင်သည် “ငါသည် အမျှော်အမြင်ကြီးသောသူတို့၏ ဉာဏ်ပညာကိုဖျက်ဆီးမည်။ ထက်မြတ်သောသူတို့၏ လိမ္မာပါးနပ်သောအစီအစဉ်ကိုငါကျဆုံးစေမည်။” ဟုရေးသားထားသည်။ 20အမျှော်အမြင်ကြီးသောသူသည်ကားအဘယ်မှာရှိသနည်း။ ကျမ်းပြုဆရာများသည်ကား အဘယ်မှာရှိသနည်း။ ယနေ့ခေတ်၏ အတွေးအခေါ်ပညာရှိသည်ကား အဘယ်မှာရှိသနည်း။ ဤလောကရှိပညာရပ်များသည် အမှန် တကယ်ပင်မိုက်မဲကြောင်းကို ဘုရားရှင်သည်ပြသခဲ့ပြီးဖြစ်သည်။ 21အဘယ်ကြောင့်ဆိုသော အမျှော်အမြင်ကြီးမားသောလူတို့သည် သူတို့၏ကိုယ်ပိုင်အသိဉာဏ်ဖြင့် ဘုရားရှင်အား မသိနိုင်ကြောင်းကို ဘုရားရှင်သည်သူ၏ဉာဏ်ပညာဖြင့်ဆုံးဖြတ်ခဲ့ပြီးဖြစ်သည်။ ဘုရားရှင်သည် မင်္ဂလာသတင်း ကောင်းအားယုံကြည်သောသူတို့ကို အကျွန်ုပ်တို့ဟောပြောသောမိုက်မဲသည့်သတင်းစကားအားဖြင့်ကယ်တင်ရန် အလိုရှိတော်မူသည်။ 22ဂျူးလူမျိုးတို့သည် အံ့ဖွယ်နိမိတ်လက္ခဏာကို တောင်းတတ်ကြသည်။ ဂရိလူမျိုးတို့သည်ကား ဉာဏ်ပညာကို ရှာဖွေတတ်ကြသည်။ 23သို့သော် အကျွန်ုပ်တို့သည် ယေရှုခရစ်တော်၏ လက်ဝါးကပ်တိုင်ပေါ်တွင်အသေခံခဲ့ခြင်းအကြောင်းကိုဟော ပြောကြလေသည်။ ထိုအကြောင်းအရာသည်ကား ဂျူးလူမျိုးတို့အတွက် ဆူးငြောင့်ခလုတ်ဖြစ်ပြီး လူမျိုးခြားအတို့ အတွက်မူကား အဓိပ္ပာယ်မရှိသောအရာကဲ့သို့ပင်ဖြစ်နေသည်။ 24သို့သော်လည်း ဘုရားရှင်သည် ဂျူးလူမျိုးနှင့် ဂျူးလူမျိုးမဟုတ်သောသူများကိုလည်း ရွေးကောက်တော်မူသည်။ ယေရှုခရစ်တော်သည် ဘုရားရှင်၏တန်ခိုးနှင့် ဘုရားရှင်၏ဉာဏ်ပညာပင်ဖြစ်သည်။ 25အဘယ်ကြောင့်ဆိုသော်ဘုရားရှင်၏ မိုက်မဲခြင်းသည် လူတို့၏ ပညာထက်ပို၍ပင် ပညာရှိသောကြောင့်ဖြစ်ပြီး ဘုရားရှင်၏ အားနည်းခြင်းသည် လူတို့၏ခွန်အားကြီးခြင်းထက် ပို၍ခွန်အားကြီးသောကြောင့်ဖြစ်သည်။ 26အကျွန်ုပ်၏ညီအစ်ကိုမောင်နှမများ၊ ဘုရားရှင်သည် သင်တို့အားယုံကြည်သူအဖြစ်ခေါ်ခဲ့စဉ်က ဤလောကရှိ သင်တို့၏အခြေအနေကိုစဉ်းစားကြည့်ကြလော့။ လူတို့၏အမြင်အရ သင်တို့ထဲတွင် ဉာဏ်ပညာရှိသောသူများစွာမပါဝင်ပေ။ သင်တို့ထဲတွင် တန်ခိုးအာဏာကြီးမားသောသူများစွာမပါဝင်ပေ။ သင်တို့ ထဲတွင်ဆွေကြီးမျိုးကြီးထဲမှပေါက်ဖွားလာသူများစွာမပါဝင်ပေ။ 27သို့သော်ဘုရားရှင်သည် ဉာဏ်ပညာရှိသောသူများအားအရှက်ရစေလိုသောကြောင့် ဤလောကရှိလူတို့ ပညာမဲ့သည်ကိုထင်မြင်နေကြသောလူများကိုသာရွေးကောက်တော်မူသည်။ ဘုရားရှင်သည်တန်ခိုးအာဏာ ကြီးမားသောသူတို့အားအရှက်ရစေလိုသောကြောင့် ဤလောကရှိလူတို့ အားနည်းသည်ဟုထင်မြင်နေကြသော လူများကိုရွေးကောက်တော်မူသည်။ 28ဘုရားရှင်သည် ဤလောကရှိလူတို့ အရေးမပါဟုထင်မြင်နေသောအရာများ၊ လူတို့အထင်အမြင်သေးသောအရာများနှင့် လူတို့တန်ဖိုးမရှိဟုထင်နေသောအရာများကိုရွေးကောက်တော်မူသည်။ အဘယ်ကြောင့်ဆိုသော် ဘုရားရှင်သည်ဤလောကရှိတန်ဖိုးရှိသောအရာများသည် တန်ဖိုးမရှိကြောင်းကိုပြသရန်လိုသောကြောင့်ဖြစ်သည်။ 29ထိုကြောင့် ဘုရားရှင်ရှေ့တွင် မည်သူမျှကြွားဝါစရာအကြောင်းမရှိပေ။ 30ဘုရားရှင်သည် သင်တို့အားယေရှုခရစ်တော်နှင့်တစ်စုတစ်စည်းတည်းဖြစ်စေခဲ့သူဖြစ်သည်။ ယေရှုခရစ်တော်သည် အကျွန်ုပ်တို့အားကယ်တင်သော ဘုရားရှင်၏ဉာဏ်ပညာပင်ဖြစ်ပြီး အကျွန်ုပ်တို့အား ဖြောင့်မတ်စေတော်မူသည်။ ကိုယ်တော်သည် အကျွန်ုပ်တို့အား ဘုရားရှင်၏မြင့်မြတ်သောသူများဖြစ်လာစေပြီး သူ့အားဖြင့် အကျွန်ုပ်တို့သည် အပြစ်ဒုစရိုက်များမှ လွှတ်မြောက်ခဲ့ကြပြီဖြစ်သည်။ 31ထို့ကြောင့် ကျမ်းစာထဲတွင် “တစ်စုံတစ်ဦးသည်ကြွားဝါတော့မည်ဆိုလျှင် အရှင့်၏အကြောင်းကိုသာကြွားဝါ သင့်သည်” ဟုရေးသားထားခြင်းဖြစ်သည်။
Currently Selected:
1 Corinthians 1: TPV-RV
Highlight
Share
Compare
Copy
Want to have your highlights saved across all your devices? Sign up or sign in
This translation of the TPV-RV is © 2024 by DMS-Dhamma Mate Swe Association. It may not be reproduced in whole or in part in any form or by any means without the prior written permission of DMS-Dhamma Mate Swe Association.
