Popular Bible Verses from 1 Corinthians 1

Share

သို့သော်ဘုရားရှင်သည် ဉာဏ်ပညာရှိသောသူများအားအရှက်ရစေလိုသောကြောင့် ဤလောကရှိလူတို့ ပညာမဲ့သည်ကိုထင်မြင်နေကြသောလူများကိုသာရွေးကောက်တော်မူသည်။ ဘုရားရှင်သည်တန်ခိုးအာဏာ ကြီးမားသောသူတို့အားအရှက်ရစေလိုသောကြောင့် ဤလောကရှိလူတို့ အားနည်းသည်ဟုထင်မြင်နေကြသော လူများကိုရွေးကောက်တော်မူသည်။

အကြောင်းမူကား ယေရှုခရစ်တော်လက်ဝါးကပ်တိုင်ပေါ်တွင်အသေခံခဲ့ခြင်းအကြောင်းသည် ပျက်ဆီးယို့ယွင်းနေသောသူများအတွက် အဓိပ္ပာယ်မရှိသောသတင်းစကားပင်ဖြစ်သည်။ သို့သော် ကယ်တင်းခြင်းခံခဲ့ရပြီဖြစ်သော အကျွန်ုပ်တို့အတွက်မူကား ထိုသတင်းစကားသည် ဘုရားရှင်၏တန်ခိုးတော်ပင်ဖြစ်သည်။

အဘယ်ကြောင့်ဆိုသော်ဘုရားရှင်၏ မိုက်မဲခြင်းသည် လူတို့၏ ပညာထက်ပို၍ပင် ပညာရှိသောကြောင့်ဖြစ်ပြီး ဘုရားရှင်၏ အားနည်းခြင်းသည် လူတို့၏ခွန်အားကြီးခြင်းထက် ပို၍ခွန်အားကြီးသောကြောင့်ဖြစ်သည်။

ဘုရားရှင်သည်သစ္စာတရားနှင့်ပြည့်စုံတော်မူသည်ဖြစ်ပြီး သင်တို့အားအကျွန်ုပ်တို့၏အရှင်သခင်ယေရှုခရစ်တော်နှင့်တစ်ပေါင်း တစ်စည်းတည်းဖြစ်စေရန်ခန့်အပ်တော်မူပြီဖြစ်သည်။

ညီအစ်ကိုတို့၊ သင်တို့အဖွဲ့များမကွဲစေခြင်းအလို့ငှာ သင်တို့ပြောဆိုကြံစည်သမျှတို့သည်စည်းလုံးညီညွှတ်မှုရှိကြ စေရန် အကျွန်ုပ်တို့၏အရှင်သခင်ဖြစ်သော ယေရှုခရစ်တော်၏အမည်နာမအားဖြင့်တိုက်တွန်းနှိုးဆော်လိုက်ရပါ သည်။

အမျှော်အမြင်ကြီးသောသူသည်ကားအဘယ်မှာရှိသနည်း။ ကျမ်းပြုဆရာများသည်ကား အဘယ်မှာရှိသနည်း။ ယနေ့ခေတ်၏ အတွေးအခေါ်ပညာရှိသည်ကား အဘယ်မှာရှိသနည်း။ ဤလောကရှိပညာရပ်များသည် အမှန် တကယ်ပင်မိုက်မဲကြောင်းကို ဘုရားရှင်သည်ပြသခဲ့ပြီးဖြစ်သည်။