Zekaliya 9
9
Ubulongi pa inko impalamani
1Agha gho mazyu aghabulaghuzi agha Mwene
ghagho ghakuchisusya ichisu icha Hadilaki,
poka nakaya aka Damasika,
pakuti abantu bosi muchisu ichapasi ba Mwene,
sona zyope inko izya Izilayeli zya Mwene.
2U Hamati wepe apakanite nako,
napapo u Tile nu Sidoni
bo bafundi nkani.
3U Tile izengeye mwene ilinga,
abunganika u siliva ngati lo lufumbi,
sona ugolide ngati musesenga uwa mumusebo.
4Loli u Mwene akwiza pakumufyula ivintu vyache,
sona akwiza pakubusumbila munyanja ubukabi bwache,
pisinda pache akwiza pakochiwa numoto.
5Akaya akakulu nkani aka Ashikeloni
kakwiza pakuvyennya nukunyila,
u Gaza akwiza pakunyongoloka nububavu,
wepe bulo u Ekiloni akwiza pakufwa,
sona abantu bakwiza pakukatoloka.
6Abantu abakupapiwa ninko izinji,
bo babo bakwiza pakwikala mukaya aka Ashidodi.
Po nkwiza pakumazya
ukwikwezya ukwa ba Filisiti.
7Batakwiza pakulya inyama iya libanda,
sona ni vyakulya ivinji ivyamwiko.
Abantu abakusyalako bakwiza pakuba ba Chala witu,
nukuba luko ulwa chisu icha Yuda,
sona u Ekiloni akwiza pakuba ngati boba Yebusi.
8Ane nkwiza pakuba ne mulindilili uwa chisu,
umwakuti atakabepo uwakwendamo.
Nayumoyumo umuyivyi akwiza pakubapota abantu bane,
pakuti ilelo nkubenelezya.
U mwene uwamuntazi
9Mwee bantu aba mukaya akakulu nkani aka Ziyoni, sekelagha nkani!
Mwee bantu ba mu Yelusalemu, hobokagha!
Ennya, u mwene winyu akwiza kukwinyu,
mugholosu sona ali nubupoki,
mololo sona akwelite pampunda inyanavuli,
umwana wampunda.
10U Mwene akuti,
“Nkwiza pakuzyefya ingolo izya bwite kwa Efulayimu,
sona ifalasi izya bwite kwa Yelusalemu,
bope ubwele ubwakulwila ubwite
bukwiza pakupyoliwa.
U mwene winyu akwiza pakufumusya
umutende pakasi pa inko zyosi.
Ubulaghili bwache bukwiza pakwandila kunyanja
mupaka kunyanja iyinji,
ukwandila sona kulusoko ulwa Yufuleti
mupaka kubumalilo ubwa chisu.
Ukunyokelamo ukwa bantu aba Chala
11“Wee Yelusalemu, pachifukwa icha libanda lyane
ilya lufingo lwane,
nkwiza pakubasatula abakayidi binyu
muchiliba chicho chite namizi.
12Mwee bakayidi,
nyokela kwilinga lyinyu,
amwe mukalindililagha nulusubilo,
ilelo nkufumusya
ukuti nkwiza pakubanyosezyamo kabili kosi.
13Nkwiza pakumupeta u Yuda ngati bwele,
sona u Efulayimu akwiza pakuba tulasilo twache.
Wee Ziyoni, nkwiza pakubanyamusya abana bako,
umwakuti balwe na bantu aba ku Gilisi,
nkwiza pakukupela pakuba wepanga
uwa balwabwite abamaka nkani.”
14Po u Mwene akwiza pakubabonekela,
akwiza pakusumba utulasilo ngati kamesya.
U Mwene Uwamaka Ghosi
akwiza pakulizya ipati,
akwiza pakulefuka mukankungu uwakuntende,
15akwiza pakubavighilila.
Bakwiza pakubapota
nukubanangannya pakubasumba na mabwe.
Bakwiza pakung'wela nukukolomoka
ngati po bakolizwe nu vinyo.
Bakwiza pakwizula ni banda ngati nyinga,
izyakubombezya pakunyafila inkuto izya chighemo.
16Pisiku lilalila u Mwene u Chala wabo
akwiza pakubapoka,
ngati zyo ng'ozi izya bantu bache.
Bakwiza pakulama
ngati mabwe aghamutengo,
agha pa mpumpu.
17Mwee, nkimba bo bwiza boni
nukuboneka akiza ukwa chisu chinichi
Ingano yikwiza pakubapela abalumendo pakuba bamaka?
Sona uvinyo umupya
akwiza pakubapela abalindu pakuba bamaka.
Currently Selected:
Zekaliya 9: LMB2024
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.
Zekaliya 9
9
Ubulongi pa inko impalamani
1Agha gho mazyu aghabulaghuzi agha Mwene
ghagho ghakuchisusya ichisu icha Hadilaki,
poka nakaya aka Damasika,
pakuti abantu bosi muchisu ichapasi ba Mwene,
sona zyope inko izya Izilayeli zya Mwene.
2U Hamati wepe apakanite nako,
napapo u Tile nu Sidoni
bo bafundi nkani.
3U Tile izengeye mwene ilinga,
abunganika u siliva ngati lo lufumbi,
sona ugolide ngati musesenga uwa mumusebo.
4Loli u Mwene akwiza pakumufyula ivintu vyache,
sona akwiza pakubusumbila munyanja ubukabi bwache,
pisinda pache akwiza pakochiwa numoto.
5Akaya akakulu nkani aka Ashikeloni
kakwiza pakuvyennya nukunyila,
u Gaza akwiza pakunyongoloka nububavu,
wepe bulo u Ekiloni akwiza pakufwa,
sona abantu bakwiza pakukatoloka.
6Abantu abakupapiwa ninko izinji,
bo babo bakwiza pakwikala mukaya aka Ashidodi.
Po nkwiza pakumazya
ukwikwezya ukwa ba Filisiti.
7Batakwiza pakulya inyama iya libanda,
sona ni vyakulya ivinji ivyamwiko.
Abantu abakusyalako bakwiza pakuba ba Chala witu,
nukuba luko ulwa chisu icha Yuda,
sona u Ekiloni akwiza pakuba ngati boba Yebusi.
8Ane nkwiza pakuba ne mulindilili uwa chisu,
umwakuti atakabepo uwakwendamo.
Nayumoyumo umuyivyi akwiza pakubapota abantu bane,
pakuti ilelo nkubenelezya.
U mwene uwamuntazi
9Mwee bantu aba mukaya akakulu nkani aka Ziyoni, sekelagha nkani!
Mwee bantu ba mu Yelusalemu, hobokagha!
Ennya, u mwene winyu akwiza kukwinyu,
mugholosu sona ali nubupoki,
mololo sona akwelite pampunda inyanavuli,
umwana wampunda.
10U Mwene akuti,
“Nkwiza pakuzyefya ingolo izya bwite kwa Efulayimu,
sona ifalasi izya bwite kwa Yelusalemu,
bope ubwele ubwakulwila ubwite
bukwiza pakupyoliwa.
U mwene winyu akwiza pakufumusya
umutende pakasi pa inko zyosi.
Ubulaghili bwache bukwiza pakwandila kunyanja
mupaka kunyanja iyinji,
ukwandila sona kulusoko ulwa Yufuleti
mupaka kubumalilo ubwa chisu.
Ukunyokelamo ukwa bantu aba Chala
11“Wee Yelusalemu, pachifukwa icha libanda lyane
ilya lufingo lwane,
nkwiza pakubasatula abakayidi binyu
muchiliba chicho chite namizi.
12Mwee bakayidi,
nyokela kwilinga lyinyu,
amwe mukalindililagha nulusubilo,
ilelo nkufumusya
ukuti nkwiza pakubanyosezyamo kabili kosi.
13Nkwiza pakumupeta u Yuda ngati bwele,
sona u Efulayimu akwiza pakuba tulasilo twache.
Wee Ziyoni, nkwiza pakubanyamusya abana bako,
umwakuti balwe na bantu aba ku Gilisi,
nkwiza pakukupela pakuba wepanga
uwa balwabwite abamaka nkani.”
14Po u Mwene akwiza pakubabonekela,
akwiza pakusumba utulasilo ngati kamesya.
U Mwene Uwamaka Ghosi
akwiza pakulizya ipati,
akwiza pakulefuka mukankungu uwakuntende,
15akwiza pakubavighilila.
Bakwiza pakubapota
nukubanangannya pakubasumba na mabwe.
Bakwiza pakung'wela nukukolomoka
ngati po bakolizwe nu vinyo.
Bakwiza pakwizula ni banda ngati nyinga,
izyakubombezya pakunyafila inkuto izya chighemo.
16Pisiku lilalila u Mwene u Chala wabo
akwiza pakubapoka,
ngati zyo ng'ozi izya bantu bache.
Bakwiza pakulama
ngati mabwe aghamutengo,
agha pa mpumpu.
17Mwee, nkimba bo bwiza boni
nukuboneka akiza ukwa chisu chinichi
Ingano yikwiza pakubapela abalumendo pakuba bamaka?
Sona uvinyo umupya
akwiza pakubapela abalindu pakuba bamaka.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Lambya Bible © Bible Society of Malawi, 2024.