1 Aba Kolinti 10

Mutakavyiputaye ivifwani

1 # Ukf. 13.21-22, 14.22-29 Mwee bakamu bane, nkulonda ukuti imbakumbuzye zizyo zikababonekela abanyenya bitu. Bosi bakenda mumuzyezye uwibingu, sona bosi bakaloboka pa Nyanja Inchesamu. 2Abakonki bosi aba Mozesi bakoziwa mwibingu, sona na munyanja mulamula. 3#Ukf. 16.35Abantu bosi bakalya ichakulya ichakuyana bulo ichabuzimu, 4#Ukf. 17.6; Ukb. 20.11sona bosi bakang'wela ichakung'wela ichakuyana bulo ichabuzimu. Pakuti bakang'wela amizi aghakufuma kwibwe ilya buzimu, lilyo likabuka poka nabo. Ibwe lila akaba we Kilisitu umwenecho. 5#Ukb. 14.29-30Loli u Chala atakahoboka nabo abinji mumwabo, umwakuti imivimba yabo yikanyampana bulo munkolongo.

6 # Ukb. 11.4 Ivintu vyosi vivyo vikababonekela vikutusoka aswe ukuti tuleke pakunyonywa ivintu ivibibi ukuyana namumo bakabombela. 7#Ukf. 32.6Tutakiputaye ivifwani ukuyana namumo bamo bakabombelagha. Pakuti Amasimbo ghakuti, “Abantu bala bakalya nukung'wela, po bakanda pakwimba nukwisamula bene.” 8#Ukb. 15.1-18Tutakabombaye ubwamalaya bubo abantu bamo bakabombagha, umwakuti pisiku lyoka abantu 23,000 bakafwa. 9#Ukk. 21.5-6Tutakamuyelaye u Mwene#10.9 u Mwene: Amasimbo ghamo aghakale ghasimbite ukuti u Kilisitu. ukuyana namumo abantu bamo bakabombelagha, po bakaghoghiwa ni njoka. 10#Ukb. 16.41-49Tutakilumbusyanje ukuyana namumo abantu bamo bakabombelagha, po bakaghoghiwa nu wantumi yuyo akughogha abantu.

11Ivintu vinivi vikababonekela pakuba chifwanikizyo, sona vikasimbiwa ukuti vitusoke. Pakuti tuli pakabalilo, kako ubumalilo buli papipi pakwiza.

12Polelo umuntu wesi yuyo akwinong'ona ukuti imiliye, achebaye ukuti atakawe. 13Injelo zizyo amwe mwakomana nazyo zyo zizyo abantu abanji bosi bakukomana nazyo. U Chala musubiliwa, umwakuti atakwiza pakwitikizya ukuti muyeliwe ukuchila amaka ghinyu, awe. Loli bo mukuyeliwa, umwenecho akwiza pakubayanizya izila iyakuponelamo, umwakuti mungajimba.

14Polelo baghaniwa bane, muvileghuke ivifwani. 15Nkunena namwe pakuba mwe bantu abamahala, mwidumulile mwebene zizyo nkunena. 16#Mat. 26.26-28; Mlko. 14.22-24; Luk. 22.19-20Ulubako lulo tukubombezya bo tukumupalizya u Chala, nkimba tutakugabana poka mwibanda ilya Kilisitu? Sona ichibama chicho tukuchimenya bo tukulya, nkimba tutakugabana poka umubili uwa Kilisitu? 17Pakuti pali ichibama choka, napapo twe binji, aswe twebosi twe mubili ghoka pakuti twebosi tukugabana ichibama choka.

18 # Lev. 7.6 Ennya zizyo aba Izilayeli bakubomba: Bo bakulya ivyakwiyipa vivyo vyabikiwa pachighemo chilachila, nkimba batakusendapo ichigaba pa vyakwiyipa vilavila? 19Nkimba po nkung'anamula ukuti ivyakwiyipa vivyo vyabikiwa ku vifwani ukuti chibanje chakwiyipa vyanaloli, pamo ukuti ivifwani vilavila vyanaloli? 20#Ukk. 32.17Awe, mute momumo! Loli chicho nkunena chakuti ivyakwiyipa vivyo abantu abakuzi bakubika, bakuvibika ku mizimu imibibi, kute ko kwa Chala, awe. Sona intakulonda ukuti mumanyane ni mizimu imibibi. 21Mutangang'welela mulubako ulwa Mwene, sona na mulubako ulwa mizimu imibibi; mutangalyela pitebulo ilya Mwene, sona na pitebulo ilya mizimu imibibi. 22#Ukk. 32.21Fwandi, tukulonda pakumupela u Mwene ukuti abanje wakabini? Nkimba tukwinong'ona ukuti aswe twe bamaka ukumuchila yuyo?

23 # 1 Kol. 6.12 Abantu bamo bakuti, “Vyosi bulo vyitikiziwe,” loli vyosi vitakubapa ubwiza. Abanji bakuti, “Vyosi bulo vyitikiziwe,” loli vyosi vitakutwavwa. 24Atakabepo umuntu uwakwinong'onela ivyache vyene, loli abinong'onelaye ubwiza na banji bulo.

25Mulyanje bulo chosi chicho chikughuliziwa pamunalo uwa nyama, ukusita ukulalusya pachifukwa icha mabyebye wako. 26#Mas. 24.1Pakuti Amasimbo ghakuti, “Ichisu ichapasi, ni vintu vivyo vili mumo vya Mwene.”

27Nanti umuntu uwakuzi akukwitizya pakulya nukuti awe ukulonda pakubuka kulakula, lyanga chosi chicho akukwikazikizya pantazi papako ukusita kulalusyapo nachimo pachifukwa icha mabyebye wako. 28Loli nanti yumo akukubuzya ukuti, “Ichakulya ichi chikabikiwa ku vifwani ukuti chibanje chakwiyipa,” po utakalyanje ichakulya chilachila pachifukwa icha yuyo akakubuzya, sona na pachifukwa icha mabyebye. 29Intakunena umabyebye wako, awe, loli umabyebye uwa muntu uyunji yula.

Nkimba choni chicho ubusatuke bwane ubwakubombela ivintu bulongiwe nu mabyebye uwa muntu uyunji? 30Nanti nkumupalizya u Chala pachifukwa icha chakulya chicho nkulya, nkimba choni chicho nkusamuliwa pachakulya chicho nkumupalizikizyapo u Chala?

31Po manyi mukulya, pamo mukung'wela, manyi mukubomba akantu kosi, mubombaye vyosi bulo ukuti mumuchindike u Chala. 32Mutakabapunuzye abantu abanji, manyi ba Yuda, manyi ba Giliki, manyi chipanga icha Chala. 33Ane nkuyezya pakubahobosya abantu bosi muvyosi vivyo nkubomba, ukusita ukwinong'onela ivyane vyene bulo. Loli nkubinong'onela ubwiza abantu bosi, umwakuti bangapokiwa.

Currently Selected:

1 Aba Kolinti 10: LMB2024

Highlight

Copy