MARKUS 13
13
PASSALA 13
HATO'BA RIPASSALA ALLO KALA'BUSANG
Sapo Allataala larisosara
13:1-2
(Mat. 24:1-2; Luk. 21:5-6)
1Rihattu ansulu'namo battu ri Sapo Allataala, rie' se're ana' gurunNa appau mange ri Ia, ”Guru, janjangimu anteekamua bakka'na batu-batu inni na anteekamua balloinna sapo intu!” 2Jari lakuamo Isa mange ri ia, ”Mujanjangi sapo ballo inni? Gele larie' manna se're batu larilappasang a'lonjo' ri bahonna batu maraeng, larisosara ngase'i.”
Pakaramulana kasissaang
13:3-13
(Mat. 24:3-14; Luk. 21:7-19)
3Rihattu attolonna Isa rate ri baho Bonto Zaitun, laa'raki Sapo Allataala, Petrus, Yakobus, Yahya surang Andreas akkuta'nangi mange ri Ia, 4”Pauwangkang mae, sikuraiyamo nakajariangi, na apa pattanraanna, ampa iangase'na injo larapi'mu hattu kala'busanna.”
5Jari pakaramulamu Isa appau mange ri iyai, ”Ngu'rangiko solanna anda rie' tau lapakalinguiko! 6Lalohe tau rie' mae lapake arengKu na lakua: Nakkemo Ia, na iyai injo laappakalingu lohe tau. 7Ampa allangngereko sa'ra pa'bundukang iyareka kareba passala pa'bundukang, akolalo balisai. Iangase'na injo parallui laa'jari, mingka gelepa injo kala'busanna. 8Saba' tau lohe laasibaliang tau lohe na pakkaraengang laasibaliang pakkaraengang. Laa'jari anggeong sarroi tana ri lino ri antee-tee mae tampa', na larie' kalara' bakka'. Iangase'na injo ampamo pakaramulana kasissaang rilarie'namo jammang bau.
9 #
Mat. 10:17-20; Luk. 12:11-12 Mingka kau inni, tutulaloko! Kau laripassareangiko mange ri pangadelang agama; larirabungiko ri sapo passambajanganna na lariparapa'ko mange risikonjo gubernur na risikonjo karaeng kanara ri Nakke, assimpole se're passa'bi mange ri iyai. 10Mingka Injili parallui ripappiissekang la'bi riolo mange risikuanna tau. 11Ampa rirenrengko na ripassareang, akomo bata-bata ri apa nuparallu lamupau, mingka paui apa nuripassareang injo ri kau rihattu injo, saba' gele kau a'bisara, mingka Nyaha Tangkasa.
12Se're urang siana' lalapassareang uranna siana' larihuno, appakonjo todo'i se're amma ri ana'na. Na sikonjo ana' lalabaliangi tau toana na lalahunoi. 13#Mat. 10:22Larikalikingangiko risikuanna tau kanara ri arengKu. Mingka tau attahang injo sa'genna rikala'busanna injo lasalama'i.”
Sissaang sarro na lohe Almase palusu
13:14-23
(Mat. 24:15-28; Luk. 21:20-24)
14 #
Dan. 9:27, 11:31, 12:11 ”Ampa mujanjangi pamanraki nulaappakamate ammenteng ri tampa' nugele siratang – sikonjo paaji parallui lapipahangi – jari sikuanna tau ri Yudea parallui a'lampa nai' ri bonto. 15#Luk. 17:31Tau rie' injo ri pa'buhungang sapo andalaloi naung na antama' langalle manna apa jua ri saponna, 16na tau rie' injo ri koko andalaloi muliang ri sapo langalle pakeanna. 17Silakamu sikonjo bahine tianang iyareka tuappasusu injo ana' lolo rihattu injo. 18Ngera dowaangiko, solanna iangase'na injo andai kajariang rihattu anranna'na bosi. 19#Dan. 12:1; Pan. 7:14Saba' rihattu injo lakajariangi assimpole nugelepa maeng kajariang minang riuruna ripaa'jari lino, nulapaa'jari injo Karaeng Allataala, sa'genna rikonni-konnina na gelemu laa'jari pinruang. 20So'di injo Karaeng Allataala, gele labodoi hattu injo, jari gelemo rie' tau laripakasalama'; mingka kanara risikuanna tau pileang numaeng ripile injo ri Ia, Karaeng Allataala labodoi hattunna.
21Rihattu injo ampa rie' tau appau mange ri kaui: Janjangi, Almase rie' ri inni, iyareka: Janjangi, Almase rie'i konjomange, akomo tappa'. 22Saba' lohe Almase palusu na lohe todo' nabbi palusu laammumba na iyai laa'bua'i tanra-tanra surang nugele samara, solanna so'di injo ma'ringi, laappakalingu ri tau ripile injo. 23Tutulaloko! La'bi riolomu maeng Kupau iangase'na inni mange ri kaui.”
Pariekanna Ana' Rupatau Pakkalebarang ripassala poong kaju ara
13:24-32
(Mat. 24:29-36; Luk. 21:25-33)
24 #
Yes. 13:10; Yeh. 32:7; Yl. 2:10, 31, 3:15; Pan. 6:12 ”Mingka rihattu injo, ri maenna sessaang injo latide'mo matanna allo na bulang tide'mo saunna 25#Yes. 34:4; Yl. 2:10; Pan. 6:13na sikonjo bintoeng laa'dappeki battu ri langi', na sikonjo kahasa ri langi' langgeong. 26#Dan. 7:13; Pan. 1:7Rihattu injo tau inni lanjanjang Ana' Rupatau rie'i ri salihu' lalang risikonjo kakahasaang na kala'biranNa. 27Rihattu injo Ia lalasuro ansulu' sikonjo malaeka' na lalaparappungi sikuanna tau pileanNa battu ripatangsulapa'na lino, battu riappa'na lino sa'genna mange riappa'na langi'.
28Allei pappilajarang battu ripakkalebarang poong kaju ara injo. Ampa lumui tangke-tangkenna na pakaramulamu assu'la', muisse'i ma'nassana gelemu sallo nabambangi allo. 29Appakonjo todo'i, ampa mujanjangi passala injo a'jari, piisseki ma'nassana gelemu sallo hattunna, rie'mu ri a'rakang babaang. 30Sitoje'na Nakke appau ri kaui: Sikuanna tau rie' rikonni-konnina gele laallalo, rigelenapa a'jari iangase'na injo. 31Langi' na lino laallalo, mingka pauKu gelei lallalo.
32 #
Mat. 24:36
Mingka passala allonna iyareka hattu injo gele rie' manna se're tau laisse'i, sikonjo malaeka' ri Suruga gele laisse', na manna Ana' gele todo'i, sangga Amma jua laisse'i.”
Pappiu'rangi solanna a'jaga-jaga
13:33-37
33”Tutuko na a'jaga-jagako! Saba' gele muisse' sikuraiya nalarapi' hattunna. 34#Mat. 25:14; Luk. 12:36-38Hattu injo assimpole juai tau a'lampa-lampa, labokoi saponna na assare tanggongjawa' mange risikonjo atanna, massing-massing rijama-jamaanna, na assare parenta ripajaga babaang solanna a'jaga-jaga. 35Kanara injomo a'jaga-jagaiko, saba' gele muisse' risikuraiya hattu nalamuliangi opuna sapo, rilabangngina, iyareka ritangnga bangngina, iyareka ridanniarina, iyareka rirahungkalena juapa, 36solanna ampa sikali rie'i andako kauppaang attangnga tinro. 37Apa Kupau mange ri kaui, Kupau todo'i mange risikuanna tau: A'jaga-jagaiko!”
Currently Selected:
MARKUS 13: LAI_SLY
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
MARKUS 13
13
PASSALA 13
HATO'BA RIPASSALA ALLO KALA'BUSANG
Sapo Allataala larisosara
13:1-2
(Mat. 24:1-2; Luk. 21:5-6)
1Rihattu ansulu'namo battu ri Sapo Allataala, rie' se're ana' gurunNa appau mange ri Ia, ”Guru, janjangimu anteekamua bakka'na batu-batu inni na anteekamua balloinna sapo intu!” 2Jari lakuamo Isa mange ri ia, ”Mujanjangi sapo ballo inni? Gele larie' manna se're batu larilappasang a'lonjo' ri bahonna batu maraeng, larisosara ngase'i.”
Pakaramulana kasissaang
13:3-13
(Mat. 24:3-14; Luk. 21:7-19)
3Rihattu attolonna Isa rate ri baho Bonto Zaitun, laa'raki Sapo Allataala, Petrus, Yakobus, Yahya surang Andreas akkuta'nangi mange ri Ia, 4”Pauwangkang mae, sikuraiyamo nakajariangi, na apa pattanraanna, ampa iangase'na injo larapi'mu hattu kala'busanna.”
5Jari pakaramulamu Isa appau mange ri iyai, ”Ngu'rangiko solanna anda rie' tau lapakalinguiko! 6Lalohe tau rie' mae lapake arengKu na lakua: Nakkemo Ia, na iyai injo laappakalingu lohe tau. 7Ampa allangngereko sa'ra pa'bundukang iyareka kareba passala pa'bundukang, akolalo balisai. Iangase'na injo parallui laa'jari, mingka gelepa injo kala'busanna. 8Saba' tau lohe laasibaliang tau lohe na pakkaraengang laasibaliang pakkaraengang. Laa'jari anggeong sarroi tana ri lino ri antee-tee mae tampa', na larie' kalara' bakka'. Iangase'na injo ampamo pakaramulana kasissaang rilarie'namo jammang bau.
9 #
Mat. 10:17-20; Luk. 12:11-12 Mingka kau inni, tutulaloko! Kau laripassareangiko mange ri pangadelang agama; larirabungiko ri sapo passambajanganna na lariparapa'ko mange risikonjo gubernur na risikonjo karaeng kanara ri Nakke, assimpole se're passa'bi mange ri iyai. 10Mingka Injili parallui ripappiissekang la'bi riolo mange risikuanna tau. 11Ampa rirenrengko na ripassareang, akomo bata-bata ri apa nuparallu lamupau, mingka paui apa nuripassareang injo ri kau rihattu injo, saba' gele kau a'bisara, mingka Nyaha Tangkasa.
12Se're urang siana' lalapassareang uranna siana' larihuno, appakonjo todo'i se're amma ri ana'na. Na sikonjo ana' lalabaliangi tau toana na lalahunoi. 13#Mat. 10:22Larikalikingangiko risikuanna tau kanara ri arengKu. Mingka tau attahang injo sa'genna rikala'busanna injo lasalama'i.”
Sissaang sarro na lohe Almase palusu
13:14-23
(Mat. 24:15-28; Luk. 21:20-24)
14 #
Dan. 9:27, 11:31, 12:11 ”Ampa mujanjangi pamanraki nulaappakamate ammenteng ri tampa' nugele siratang – sikonjo paaji parallui lapipahangi – jari sikuanna tau ri Yudea parallui a'lampa nai' ri bonto. 15#Luk. 17:31Tau rie' injo ri pa'buhungang sapo andalaloi naung na antama' langalle manna apa jua ri saponna, 16na tau rie' injo ri koko andalaloi muliang ri sapo langalle pakeanna. 17Silakamu sikonjo bahine tianang iyareka tuappasusu injo ana' lolo rihattu injo. 18Ngera dowaangiko, solanna iangase'na injo andai kajariang rihattu anranna'na bosi. 19#Dan. 12:1; Pan. 7:14Saba' rihattu injo lakajariangi assimpole nugelepa maeng kajariang minang riuruna ripaa'jari lino, nulapaa'jari injo Karaeng Allataala, sa'genna rikonni-konnina na gelemu laa'jari pinruang. 20So'di injo Karaeng Allataala, gele labodoi hattu injo, jari gelemo rie' tau laripakasalama'; mingka kanara risikuanna tau pileang numaeng ripile injo ri Ia, Karaeng Allataala labodoi hattunna.
21Rihattu injo ampa rie' tau appau mange ri kaui: Janjangi, Almase rie' ri inni, iyareka: Janjangi, Almase rie'i konjomange, akomo tappa'. 22Saba' lohe Almase palusu na lohe todo' nabbi palusu laammumba na iyai laa'bua'i tanra-tanra surang nugele samara, solanna so'di injo ma'ringi, laappakalingu ri tau ripile injo. 23Tutulaloko! La'bi riolomu maeng Kupau iangase'na inni mange ri kaui.”
Pariekanna Ana' Rupatau Pakkalebarang ripassala poong kaju ara
13:24-32
(Mat. 24:29-36; Luk. 21:25-33)
24 #
Yes. 13:10; Yeh. 32:7; Yl. 2:10, 31, 3:15; Pan. 6:12 ”Mingka rihattu injo, ri maenna sessaang injo latide'mo matanna allo na bulang tide'mo saunna 25#Yes. 34:4; Yl. 2:10; Pan. 6:13na sikonjo bintoeng laa'dappeki battu ri langi', na sikonjo kahasa ri langi' langgeong. 26#Dan. 7:13; Pan. 1:7Rihattu injo tau inni lanjanjang Ana' Rupatau rie'i ri salihu' lalang risikonjo kakahasaang na kala'biranNa. 27Rihattu injo Ia lalasuro ansulu' sikonjo malaeka' na lalaparappungi sikuanna tau pileanNa battu ripatangsulapa'na lino, battu riappa'na lino sa'genna mange riappa'na langi'.
28Allei pappilajarang battu ripakkalebarang poong kaju ara injo. Ampa lumui tangke-tangkenna na pakaramulamu assu'la', muisse'i ma'nassana gelemu sallo nabambangi allo. 29Appakonjo todo'i, ampa mujanjangi passala injo a'jari, piisseki ma'nassana gelemu sallo hattunna, rie'mu ri a'rakang babaang. 30Sitoje'na Nakke appau ri kaui: Sikuanna tau rie' rikonni-konnina gele laallalo, rigelenapa a'jari iangase'na injo. 31Langi' na lino laallalo, mingka pauKu gelei lallalo.
32 #
Mat. 24:36
Mingka passala allonna iyareka hattu injo gele rie' manna se're tau laisse'i, sikonjo malaeka' ri Suruga gele laisse', na manna Ana' gele todo'i, sangga Amma jua laisse'i.”
Pappiu'rangi solanna a'jaga-jaga
13:33-37
33”Tutuko na a'jaga-jagako! Saba' gele muisse' sikuraiya nalarapi' hattunna. 34#Mat. 25:14; Luk. 12:36-38Hattu injo assimpole juai tau a'lampa-lampa, labokoi saponna na assare tanggongjawa' mange risikonjo atanna, massing-massing rijama-jamaanna, na assare parenta ripajaga babaang solanna a'jaga-jaga. 35Kanara injomo a'jaga-jagaiko, saba' gele muisse' risikuraiya hattu nalamuliangi opuna sapo, rilabangngina, iyareka ritangnga bangngina, iyareka ridanniarina, iyareka rirahungkalena juapa, 36solanna ampa sikali rie'i andako kauppaang attangnga tinro. 37Apa Kupau mange ri kaui, Kupau todo'i mange risikuanna tau: A'jaga-jagaiko!”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)