MARKUS 14
14
Naha-naha lamuno ri Isa
14:1-2
(Mat. 26:1-5; Luk. 22:1-2; Yah. 11:45-53)
1 #
Kel. 12:1-27
Allo Pa'lappasang na allo passua'-suarang Roti gele injo risare bibi ruangallomamo nalaripakaramula. Sikonjo imang ponggaha na sikonjo guru Tora' a'boja hattu baji' lalajakkala na lalahuno Isa lalang rise're akkala daa, 2saba' lakuai, ”Anda rihattu passua'-suarang, solanna andai ammumba pa'beserang ri tau lohe injo.”
Isa ririo barakka'
14:3-9
(Mat. 26:6-13; Yah. 12:1-8)
3 #
Luk. 7:37-38
Rihattunna Isa rie' ri Betania, ri saponna Simon tumaeng kattakang injo, na attangngai attolong nganre, rie'mo se're bahine ngerang se're buli-buli pualang rassi minnya' narwastu tide' leo'na nusanna' ka'jala ballinna. Sungka'i maemmo lapasulu' pattongko'na buli-buli injo, lato'lokammu minnya' injo ri ulunNa. 4Mingka rie' sikura tau a'jari balisa na lalagarai ri tau maraeng, ”Apamo battuanna pa'labo-laboang ri minnya' narwastu inni? 5Saba' minnya' inni akkulle ribalukang ka'jala na ballinna akkulle ripa'dahu-dahuang mange ri tau kaasi-asi injo.” Jari kukukimu ri bahine injo. 6Mingka appaui Isa mange ri iyai, ”Konjo tommo naung. Ngura mupakasusai? Ia lageokammu se're panggeokang baji' mae ri Nakke. 7#Ul. 15:11Saba' tau kaasi-asi intu tulusu larie' ri kaui, na ri antee-tee jua mae mukaaraki akkulle mutulungi, mingka Nakke gelea tulusu larie' ri kaui. 8Ia maeng lageokammu apa nuakkulle lageokang. BatangkalengKu maeng riminnyakimu assimpole pappakasadia ripakkuburangKu. 9Sitoje'na Nakke appau mange ri kaui: Ri antee-tee jua mae Injili ripappiissekang risibatu lino, apa nulageokang inni laritappu todo'i pappiu'rangi ri ia.”
Yudas a'bali'ballang ri Isa
14:10-11
10Jari a'lampamu Yudas Iskariot, sala se'renna ri sampulorua injo suro-suro, mangei risikonjo imang ponggaha pattujunna lalapassareangi Isa mange ri iyai. 11Sanna'mu rannuinna rihattu lalangngere'na na assapattai laassare doe' mange ri ia. Maenna injo ia a'bojai hattu baji' lalapassareangi Isa.
Isa nganre Pa'lappasang surang suro-suroNa
14:12-21
(Mat. 26:17-25; Luk. 22:7-14, 21-23; Yah. 13:21-30)
12Ri allo maka se'rena allo passua'-suarang roti gele injo risare bibi, rihattu injomo tau rie' ri injo lanyumbele jimbala Pa'lappasa, appaui suro-suroNa mange ri Ia, ”Ri antee juai mae ri kaa'raKi lamangekang appasakadia panganreang Pa'lapasang ri Kau?” 13Jari Isa assuromu rua tau suro-suroNa na lapasangi, ”A'lampaimoko mange ri kota; ri injo rie' se're tau ngerang bengki rassi ere lalaurangiko assijanjang. Pinahangi 14na paui ri opuna sapo lapantamaki injo: Pappasanna Guru: Ri antee mae bili' tampa'Ku langanre Pa'lappasang surang suro-suroKu? 15Jari tau injo lalapanjo'jokangiko se're bili' luara ri loteng, nusadia ngase'mo na sangka'mo. Ri injomoko parallu appakasadia kanre Pa'lappasanta!” 16Ruaiya suro-suro a'lampai na rihattu ambattuinnamo ri kota, larumpakimu assimpole nulapau injo Isa mange ri iyai. Jari appakasadiaimu Pa'lappasang ri injo.
17Sungka'i bangngimo, rie'mu Isa surang sampulo injo rua suro-suroNa. 18#Mzm. 41:10Rihattu attolonna ri injo na attangngamu nganre, appaui Isa, ”Sitoje'na Nakke appau mange ri kaui, rie' sitau rikaui intu lalapassareanga, iamo intu ia tunganre injo surangang Nakke.” 19Jari pakaramulamu pa'risi nyahanai na tassitau-tau appau mange ri Ia, ”Gele nakke, Karaeng?” 20Appaihali Isa, ”Tau injo iamo intu sala se'renna battu ri kau ri tusampulo inni rua, ia lalapalomai roti lalang ri mangko' panganreangKu. 21Saba' Ana' Rupatau toje'i laa'lampa assituru' nuta'ukiri injo ripassala'Na, mingka silakai tau nulapassabaki injo Ana' Rupatau ripassareang. La'bi bajikangi ri tau injo ampa gelei rilaherang.”
Riappa'nassana Panganreang ri Isa
14:22-25
(Mat. 26:26-29; Luk. 22:15-20; 1 Kor. 11:23-25)
22Rihatunna Isa surang suro-suroNa attangnga nganre, Isa ngalle roti, masa barakka'i, latu'be-tu'bei ampai lapa'dahu-dahuang mange ri iyai na lakua, ”Allei, iamo inni batangkalengKu.” 23Rimaenna injo Ia ngalle galasi, masa barakka'i ampai lapassareang mange ri iyai, na nginung ngase'i ri galasi injo. 24#Kel. 24:8; Yer. 31:31-34Na appaui Isa mange ri iyai, ”Iamo inni raraKu, rara passitallikang, nuripaatti' mange rilohe tau. 25Sitoje'na Nakke appau mange ri kaui: Nakke gelema langinung poleang hassele poong anggoro sa'genna ri allo laKuinunna, iamo intu anggoro bau, lalang ri Pakkaraengang Allataala.”
Isa larisassali ri Petrus
14:26-31
(Mat. 26:30-35; Luk. 22:31-34; Yah. 13:36-38)
26Sungka'i maengimo akkelong se're kelong pappakala'biri, a'lampaimu mange ri Bonto Zaitun.
27 #
Za. 13:7
Jari appaui Isa mange ri iyai, ”Kau ngase' lagesara tappa'mu, saba' rie' ta'ukiri: Nakke lanrabung pakalahaki na sikonjo jimbala latassia'-siara. 28#Mat. 26:32, 28:16Mingka rihattu attallasa'Ku muliang, Nakke lariolo mange ri Galilea.” 29Lakuamo Petrus mange ri Ia, ”Manna injo ngase'ia intu lagesara tappa'na, mingka nakke gelea.” 30Jari appaui Isa mange ri ia, ”Sitoje'na Nakke appau mange ri kaui, ri allo inni, bangngi inni jua, rigelenapa akkongkoroa' jangang pinruang, kau pintallumma musassali.” 31Mingka pela' attoje'-toje'i Petrus appau, ”Manna injo parallua lamate surangKi, gelea lakusassaliKi.” Na suro-suro maraeng injo appau appakonjo todo'i.
Ri koko Getsemani
14:32-42
(Mat. 26:36-46; Luk. 22:39-46)
32Jari ambattumu Isa surang suro-suroNa rise're tampa' nuriare' Getsemani. Lakua Isa mange ri suro-suroNa, ”Attolongiko ri inni, Nakke lamange ngera dowaang.” 33Ia laurangi Petrus, Yakobus, na Yahya minahang todo'i. Ia pakaramulamu appisa'ring nangnga na balisa, 34jari lakuamo pauNa mange ri iyai, ”Sanna' simpunna nyahaKu, appisa'ring assimpole tulamate. Attaangko ri inni na a'jaga-jagaiko.” 35Ia mangei ri a'rakang siso'di', joppa'i naung ri tana na ngera dowaangi, solanna so'di injo ma'ringi, allalo hattu injo ri a'rakanNa. 36Lakuamo Isa, ”Ya Abba, ya Amma, iangase'na ma'ringi ri Kau, alle kasissaang inni battu ri a'rakangKu, mingka andamo assituru' apa nuKukaa'raki injo, passangadinna apa nuMukaa'raki injo.”
37Sungka'i maeng injo muliangi Isa mange ri suro-suroNa, na larumpaki ngase'i attangnga tinro. Jari appaui Isa mange ri Petrus, ”Simon, tinroko? Geleko akkulle a'jaga-jaga manna ra'ga jua sijaang? 38A'jaga-jagaiko surang ngera dowaangiko, solammu anda a'dappe' antama' ripasso'ri; nyaha inni toje'i lumu, mingka lamma batangkale inni.” 39Jari a'lampai pole Isa mange ngera dowaang assimpole todo' sumpae'. 40Rihattu muliannamo, Ia larumpa'i pole tinro, saba' bera'mu matannai na gele laisseki apa nuparallu lalapau mange ri Ia.
41Maeng injo muliangi isse' Isa ri makapintallunnamo ngera dowaang na appaui mange ri iyai, ”Tinroi juapako na ammari-mari mangngangko? Ganna'mu. Larapi'mu hattunna, janjangi, Ana' Rupatau laripassareang ri limanna sikuanna tau doraka. 42Ambaungiko, maeko a'lampaki battu ri inni. Tau lalapassareang injoa gelemu dere.”
Isa rijakkala
14:43-52
(Mat. 26:47-56; Luk. 22:47-53; Yah. 18:1-11)
43Rihattu a'bisarana juapa Isa, rie'mu Yudas, sala se're battu ri sampulorua injo suro-suroNa, na ngurangi lohe tau sibakkalang bakka' ngerangi pa'dang na panrabung, turisuro injo risikonjo imang ponggaha, risikonjo guru Tora' surang sikuanna tutoa-toa. 44Tau lalapassareang injo Isa maeng lapappiisekammu se're tanra mange ri iyai, ”Tau kuhau injo, iamo injo Isa, jakkalai na erangi lalang salama'.” 45Rihattunnamo ambattu tulusu lareppesi Isa na appaui mange ri Ia, ”Guru,” ampai lahau Isa. 46Jari tau lohe injo latetengi Isa na lajakkalai. 47Sala se'renna tau ri iyai turie' injo ri injo lapu'nusu pa'danna, ampai lapasimbe'i mange ri atanna Imang Bakka' injo jari tappu'mo tolinna. 48Lakua Isa mange ri iyai, ”Pa'ngare'mu Nakke inni palukka', jari riekiko mae konni sangka' muerang pa'dang na panra'bung lamujakkalia? 49#Luk. 19:47, 21:37Kusa'ring allo-allo jua Nakke rie' ritangnga-tangngamui ngajara ri Sapo Allataala, na gele jua mujakkali ri injo. Mingka parallui a'rupa nuta'ukiri injo lalang ri Kitta' Tangkasa.”
50Jari sikonjo ana' gurunNa a'bokoi ri Isa na lapilarii.
51Rie' se're tau taruna, rihattu injo makei silahara kaeng lenang pakkalimbu' ri barambanna, lapinahangi Isa. 52Mingka lapasalai kaeng lenang injo battu ri kalenna na assola'-solarai lari.
Isa ri a'rakanna Mahkama agama
14:53-65
(Mat. 26:57-68; Luk. 22:54-55, 63-71; Yah. 18:12-14, 19-24)
53Maenna injo Isa laparapaki mange ri Imang Bakka'. Jari asse'remu sikonjo imang ponggaha, sikuanna tutoa-toa surang sikonjo guru Tora' ri injo. 54Hattu injo, Petrus lapinahang derei Isa, sa'genna antama' ri juru saponna Imang Bakka' injo, na ri injomu attolong ri tangnga-tangngana pajaga injo na a'rarangi ri api lalapakabambang kalenna.
55Sikonjo Imang Ponggaha na sikonjo uranna Mahkama Agama maraeng injo a'bojai sa'bi laa'bali ri Isa solanna Ia akkullei risare hukkungang mate, mingka gele nguppai. 56Lohe todo' tau assare sa'bi bura labaliangi Isa, mingka sikonjo passa'binai gelei assimpole. 57Jari rie'mo sikura tau assare sa'bi bura labaliangi Isa na appakonni pauna, 58#Mat. 26:61, 27:40; Mark. 15:29; Yah. 2:19”Kambemo maeng allangngere ri tau inni appau: La-Kusosarai Sapo Tangkasa nulabua' injo lima rupatau na lalang tallungallo juai na Kupaentengi poleang, nagele lima rupatau a'bua'.” 59Lalang ripassala inni pole, sa'bi buranai gelei assimpole.
60Jari ammentemmu Imang Bakka' injo ritangnga-tangngana tau lohe injo, na akkuta'nangi mange ri Isa, ”Geleko lappihali manna siso'di'? Anteekamua passala pappitina ri tau inni mange ri Kau?” 61Mingka Ia tulusu ammottoki na gelei appihali manna siso'di'. Akkuta'nangi pole Imang Bakka' injo mange ri Ia, lakua, ”Apa Kaumo Almase, Ana' Allataala battu Ritumala'biri?” 62#Dan. 7:13Appihali Isa, ”Nakkemo, na kau maeng lamujanjangi Ana' Rupatau laattolong risa'ri kananna Tukaminang kahasa injo na larie'i muliang lalang rammang ri langi'.” 63Jari lasesse' pakeanna Imang Bakka' injo na appaui, ”Apa parallu juapaki sa'bi maraeng? 64#Im. 24:16Maeng mulangngerimu pattua-tuana ri Allataala. Anteekamua panguppamu?” Assamaturukimu latantuangi ma'nassana Ia parallui rihukkung mate. 65Jari pakaramulamu rihattu injo rie' tau lape'rui Isa na lajempangi matanNa na lajagurui ampai appaui mange ri Ia, ”Oe nabbi, tappusai inai lajaguruko!” Na pajaga injo pole anrabung ngase'i mange ri Isa.
Petrus lapassassalangi Isa
14:66-72
(Mat. 26:69-75; Luk. 22:56-62; Yah. 18:15-18, 25-27)
66Rihattu injo Petrus rie' juapai rijurunna sapo injo. Jari rie'mo se're bahine pagahena Imang Bakka' injo, 67na rihattu bahine injo lajanjangi Petrus attangnga a'rarang riampi' api, latangarai rupanna na appaui, ”Kau sanging passurang todo'ko Isa, tau Nazaret injo.” 68Mingka lapassassalangi Petrus, lakua, ”Nakke gele kuisse' na gelei kupahang numukuangang intu.” Maeng injo mangemu ri tambing ria'rakang [na akkongkoroa'mu jangang]. 69Rihattunna pagahe bahine injo lajanjangi pole Petrus, appaumu mange risikuanna tau rie' ri injo, ”Tau inni sala se'renna battu ri iyai.” 70Mingka assassalai pole Petrus. Gele sallo maenna injo lohemo tau rie' ri injo appau mange ri Petrus, ”Kau tantu sala se'renna battu ri iyai, saba' manna kau tau battu ri Galilea!” 71Jari pakaramulamu Petrus attunra na assapatta, ”Nakke gele kuisse' tau mutappu intu arenna!” 72Rihattu injo sikali akkongkoroa'mu jangang makapinruang. Ngu'rangi Petrus rima'nassana Isa maengi appau mange ri ia, ”Rigelenapa akkongkoroa' jangang pinruang, kau pintallumma musassali.” Jari ammarrang tassunge'nge' mamoi Petrus.
Currently Selected:
MARKUS 14: LAI_SLY
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
MARKUS 14
14
Naha-naha lamuno ri Isa
14:1-2
(Mat. 26:1-5; Luk. 22:1-2; Yah. 11:45-53)
1 #
Kel. 12:1-27
Allo Pa'lappasang na allo passua'-suarang Roti gele injo risare bibi ruangallomamo nalaripakaramula. Sikonjo imang ponggaha na sikonjo guru Tora' a'boja hattu baji' lalajakkala na lalahuno Isa lalang rise're akkala daa, 2saba' lakuai, ”Anda rihattu passua'-suarang, solanna andai ammumba pa'beserang ri tau lohe injo.”
Isa ririo barakka'
14:3-9
(Mat. 26:6-13; Yah. 12:1-8)
3 #
Luk. 7:37-38
Rihattunna Isa rie' ri Betania, ri saponna Simon tumaeng kattakang injo, na attangngai attolong nganre, rie'mo se're bahine ngerang se're buli-buli pualang rassi minnya' narwastu tide' leo'na nusanna' ka'jala ballinna. Sungka'i maemmo lapasulu' pattongko'na buli-buli injo, lato'lokammu minnya' injo ri ulunNa. 4Mingka rie' sikura tau a'jari balisa na lalagarai ri tau maraeng, ”Apamo battuanna pa'labo-laboang ri minnya' narwastu inni? 5Saba' minnya' inni akkulle ribalukang ka'jala na ballinna akkulle ripa'dahu-dahuang mange ri tau kaasi-asi injo.” Jari kukukimu ri bahine injo. 6Mingka appaui Isa mange ri iyai, ”Konjo tommo naung. Ngura mupakasusai? Ia lageokammu se're panggeokang baji' mae ri Nakke. 7#Ul. 15:11Saba' tau kaasi-asi intu tulusu larie' ri kaui, na ri antee-tee jua mae mukaaraki akkulle mutulungi, mingka Nakke gelea tulusu larie' ri kaui. 8Ia maeng lageokammu apa nuakkulle lageokang. BatangkalengKu maeng riminnyakimu assimpole pappakasadia ripakkuburangKu. 9Sitoje'na Nakke appau mange ri kaui: Ri antee-tee jua mae Injili ripappiissekang risibatu lino, apa nulageokang inni laritappu todo'i pappiu'rangi ri ia.”
Yudas a'bali'ballang ri Isa
14:10-11
10Jari a'lampamu Yudas Iskariot, sala se'renna ri sampulorua injo suro-suro, mangei risikonjo imang ponggaha pattujunna lalapassareangi Isa mange ri iyai. 11Sanna'mu rannuinna rihattu lalangngere'na na assapattai laassare doe' mange ri ia. Maenna injo ia a'bojai hattu baji' lalapassareangi Isa.
Isa nganre Pa'lappasang surang suro-suroNa
14:12-21
(Mat. 26:17-25; Luk. 22:7-14, 21-23; Yah. 13:21-30)
12Ri allo maka se'rena allo passua'-suarang roti gele injo risare bibi, rihattu injomo tau rie' ri injo lanyumbele jimbala Pa'lappasa, appaui suro-suroNa mange ri Ia, ”Ri antee juai mae ri kaa'raKi lamangekang appasakadia panganreang Pa'lapasang ri Kau?” 13Jari Isa assuromu rua tau suro-suroNa na lapasangi, ”A'lampaimoko mange ri kota; ri injo rie' se're tau ngerang bengki rassi ere lalaurangiko assijanjang. Pinahangi 14na paui ri opuna sapo lapantamaki injo: Pappasanna Guru: Ri antee mae bili' tampa'Ku langanre Pa'lappasang surang suro-suroKu? 15Jari tau injo lalapanjo'jokangiko se're bili' luara ri loteng, nusadia ngase'mo na sangka'mo. Ri injomoko parallu appakasadia kanre Pa'lappasanta!” 16Ruaiya suro-suro a'lampai na rihattu ambattuinnamo ri kota, larumpakimu assimpole nulapau injo Isa mange ri iyai. Jari appakasadiaimu Pa'lappasang ri injo.
17Sungka'i bangngimo, rie'mu Isa surang sampulo injo rua suro-suroNa. 18#Mzm. 41:10Rihattu attolonna ri injo na attangngamu nganre, appaui Isa, ”Sitoje'na Nakke appau mange ri kaui, rie' sitau rikaui intu lalapassareanga, iamo intu ia tunganre injo surangang Nakke.” 19Jari pakaramulamu pa'risi nyahanai na tassitau-tau appau mange ri Ia, ”Gele nakke, Karaeng?” 20Appaihali Isa, ”Tau injo iamo intu sala se'renna battu ri kau ri tusampulo inni rua, ia lalapalomai roti lalang ri mangko' panganreangKu. 21Saba' Ana' Rupatau toje'i laa'lampa assituru' nuta'ukiri injo ripassala'Na, mingka silakai tau nulapassabaki injo Ana' Rupatau ripassareang. La'bi bajikangi ri tau injo ampa gelei rilaherang.”
Riappa'nassana Panganreang ri Isa
14:22-25
(Mat. 26:26-29; Luk. 22:15-20; 1 Kor. 11:23-25)
22Rihatunna Isa surang suro-suroNa attangnga nganre, Isa ngalle roti, masa barakka'i, latu'be-tu'bei ampai lapa'dahu-dahuang mange ri iyai na lakua, ”Allei, iamo inni batangkalengKu.” 23Rimaenna injo Ia ngalle galasi, masa barakka'i ampai lapassareang mange ri iyai, na nginung ngase'i ri galasi injo. 24#Kel. 24:8; Yer. 31:31-34Na appaui Isa mange ri iyai, ”Iamo inni raraKu, rara passitallikang, nuripaatti' mange rilohe tau. 25Sitoje'na Nakke appau mange ri kaui: Nakke gelema langinung poleang hassele poong anggoro sa'genna ri allo laKuinunna, iamo intu anggoro bau, lalang ri Pakkaraengang Allataala.”
Isa larisassali ri Petrus
14:26-31
(Mat. 26:30-35; Luk. 22:31-34; Yah. 13:36-38)
26Sungka'i maengimo akkelong se're kelong pappakala'biri, a'lampaimu mange ri Bonto Zaitun.
27 #
Za. 13:7
Jari appaui Isa mange ri iyai, ”Kau ngase' lagesara tappa'mu, saba' rie' ta'ukiri: Nakke lanrabung pakalahaki na sikonjo jimbala latassia'-siara. 28#Mat. 26:32, 28:16Mingka rihattu attallasa'Ku muliang, Nakke lariolo mange ri Galilea.” 29Lakuamo Petrus mange ri Ia, ”Manna injo ngase'ia intu lagesara tappa'na, mingka nakke gelea.” 30Jari appaui Isa mange ri ia, ”Sitoje'na Nakke appau mange ri kaui, ri allo inni, bangngi inni jua, rigelenapa akkongkoroa' jangang pinruang, kau pintallumma musassali.” 31Mingka pela' attoje'-toje'i Petrus appau, ”Manna injo parallua lamate surangKi, gelea lakusassaliKi.” Na suro-suro maraeng injo appau appakonjo todo'i.
Ri koko Getsemani
14:32-42
(Mat. 26:36-46; Luk. 22:39-46)
32Jari ambattumu Isa surang suro-suroNa rise're tampa' nuriare' Getsemani. Lakua Isa mange ri suro-suroNa, ”Attolongiko ri inni, Nakke lamange ngera dowaang.” 33Ia laurangi Petrus, Yakobus, na Yahya minahang todo'i. Ia pakaramulamu appisa'ring nangnga na balisa, 34jari lakuamo pauNa mange ri iyai, ”Sanna' simpunna nyahaKu, appisa'ring assimpole tulamate. Attaangko ri inni na a'jaga-jagaiko.” 35Ia mangei ri a'rakang siso'di', joppa'i naung ri tana na ngera dowaangi, solanna so'di injo ma'ringi, allalo hattu injo ri a'rakanNa. 36Lakuamo Isa, ”Ya Abba, ya Amma, iangase'na ma'ringi ri Kau, alle kasissaang inni battu ri a'rakangKu, mingka andamo assituru' apa nuKukaa'raki injo, passangadinna apa nuMukaa'raki injo.”
37Sungka'i maeng injo muliangi Isa mange ri suro-suroNa, na larumpaki ngase'i attangnga tinro. Jari appaui Isa mange ri Petrus, ”Simon, tinroko? Geleko akkulle a'jaga-jaga manna ra'ga jua sijaang? 38A'jaga-jagaiko surang ngera dowaangiko, solammu anda a'dappe' antama' ripasso'ri; nyaha inni toje'i lumu, mingka lamma batangkale inni.” 39Jari a'lampai pole Isa mange ngera dowaang assimpole todo' sumpae'. 40Rihattu muliannamo, Ia larumpa'i pole tinro, saba' bera'mu matannai na gele laisseki apa nuparallu lalapau mange ri Ia.
41Maeng injo muliangi isse' Isa ri makapintallunnamo ngera dowaang na appaui mange ri iyai, ”Tinroi juapako na ammari-mari mangngangko? Ganna'mu. Larapi'mu hattunna, janjangi, Ana' Rupatau laripassareang ri limanna sikuanna tau doraka. 42Ambaungiko, maeko a'lampaki battu ri inni. Tau lalapassareang injoa gelemu dere.”
Isa rijakkala
14:43-52
(Mat. 26:47-56; Luk. 22:47-53; Yah. 18:1-11)
43Rihattu a'bisarana juapa Isa, rie'mu Yudas, sala se're battu ri sampulorua injo suro-suroNa, na ngurangi lohe tau sibakkalang bakka' ngerangi pa'dang na panrabung, turisuro injo risikonjo imang ponggaha, risikonjo guru Tora' surang sikuanna tutoa-toa. 44Tau lalapassareang injo Isa maeng lapappiisekammu se're tanra mange ri iyai, ”Tau kuhau injo, iamo injo Isa, jakkalai na erangi lalang salama'.” 45Rihattunnamo ambattu tulusu lareppesi Isa na appaui mange ri Ia, ”Guru,” ampai lahau Isa. 46Jari tau lohe injo latetengi Isa na lajakkalai. 47Sala se'renna tau ri iyai turie' injo ri injo lapu'nusu pa'danna, ampai lapasimbe'i mange ri atanna Imang Bakka' injo jari tappu'mo tolinna. 48Lakua Isa mange ri iyai, ”Pa'ngare'mu Nakke inni palukka', jari riekiko mae konni sangka' muerang pa'dang na panra'bung lamujakkalia? 49#Luk. 19:47, 21:37Kusa'ring allo-allo jua Nakke rie' ritangnga-tangngamui ngajara ri Sapo Allataala, na gele jua mujakkali ri injo. Mingka parallui a'rupa nuta'ukiri injo lalang ri Kitta' Tangkasa.”
50Jari sikonjo ana' gurunNa a'bokoi ri Isa na lapilarii.
51Rie' se're tau taruna, rihattu injo makei silahara kaeng lenang pakkalimbu' ri barambanna, lapinahangi Isa. 52Mingka lapasalai kaeng lenang injo battu ri kalenna na assola'-solarai lari.
Isa ri a'rakanna Mahkama agama
14:53-65
(Mat. 26:57-68; Luk. 22:54-55, 63-71; Yah. 18:12-14, 19-24)
53Maenna injo Isa laparapaki mange ri Imang Bakka'. Jari asse'remu sikonjo imang ponggaha, sikuanna tutoa-toa surang sikonjo guru Tora' ri injo. 54Hattu injo, Petrus lapinahang derei Isa, sa'genna antama' ri juru saponna Imang Bakka' injo, na ri injomu attolong ri tangnga-tangngana pajaga injo na a'rarangi ri api lalapakabambang kalenna.
55Sikonjo Imang Ponggaha na sikonjo uranna Mahkama Agama maraeng injo a'bojai sa'bi laa'bali ri Isa solanna Ia akkullei risare hukkungang mate, mingka gele nguppai. 56Lohe todo' tau assare sa'bi bura labaliangi Isa, mingka sikonjo passa'binai gelei assimpole. 57Jari rie'mo sikura tau assare sa'bi bura labaliangi Isa na appakonni pauna, 58#Mat. 26:61, 27:40; Mark. 15:29; Yah. 2:19”Kambemo maeng allangngere ri tau inni appau: La-Kusosarai Sapo Tangkasa nulabua' injo lima rupatau na lalang tallungallo juai na Kupaentengi poleang, nagele lima rupatau a'bua'.” 59Lalang ripassala inni pole, sa'bi buranai gelei assimpole.
60Jari ammentemmu Imang Bakka' injo ritangnga-tangngana tau lohe injo, na akkuta'nangi mange ri Isa, ”Geleko lappihali manna siso'di'? Anteekamua passala pappitina ri tau inni mange ri Kau?” 61Mingka Ia tulusu ammottoki na gelei appihali manna siso'di'. Akkuta'nangi pole Imang Bakka' injo mange ri Ia, lakua, ”Apa Kaumo Almase, Ana' Allataala battu Ritumala'biri?” 62#Dan. 7:13Appihali Isa, ”Nakkemo, na kau maeng lamujanjangi Ana' Rupatau laattolong risa'ri kananna Tukaminang kahasa injo na larie'i muliang lalang rammang ri langi'.” 63Jari lasesse' pakeanna Imang Bakka' injo na appaui, ”Apa parallu juapaki sa'bi maraeng? 64#Im. 24:16Maeng mulangngerimu pattua-tuana ri Allataala. Anteekamua panguppamu?” Assamaturukimu latantuangi ma'nassana Ia parallui rihukkung mate. 65Jari pakaramulamu rihattu injo rie' tau lape'rui Isa na lajempangi matanNa na lajagurui ampai appaui mange ri Ia, ”Oe nabbi, tappusai inai lajaguruko!” Na pajaga injo pole anrabung ngase'i mange ri Isa.
Petrus lapassassalangi Isa
14:66-72
(Mat. 26:69-75; Luk. 22:56-62; Yah. 18:15-18, 25-27)
66Rihattu injo Petrus rie' juapai rijurunna sapo injo. Jari rie'mo se're bahine pagahena Imang Bakka' injo, 67na rihattu bahine injo lajanjangi Petrus attangnga a'rarang riampi' api, latangarai rupanna na appaui, ”Kau sanging passurang todo'ko Isa, tau Nazaret injo.” 68Mingka lapassassalangi Petrus, lakua, ”Nakke gele kuisse' na gelei kupahang numukuangang intu.” Maeng injo mangemu ri tambing ria'rakang [na akkongkoroa'mu jangang]. 69Rihattunna pagahe bahine injo lajanjangi pole Petrus, appaumu mange risikuanna tau rie' ri injo, ”Tau inni sala se'renna battu ri iyai.” 70Mingka assassalai pole Petrus. Gele sallo maenna injo lohemo tau rie' ri injo appau mange ri Petrus, ”Kau tantu sala se'renna battu ri iyai, saba' manna kau tau battu ri Galilea!” 71Jari pakaramulamu Petrus attunra na assapatta, ”Nakke gele kuisse' tau mutappu intu arenna!” 72Rihattu injo sikali akkongkoroa'mu jangang makapinruang. Ngu'rangi Petrus rima'nassana Isa maengi appau mange ri ia, ”Rigelenapa akkongkoroa' jangang pinruang, kau pintallumma musassali.” Jari ammarrang tassunge'nge' mamoi Petrus.
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)