MARKUS 12
12
Pakkalebarang ripassala pasahala ri koko anggoro
12:1-12
(Mat. 21:33-46; Luk. 20:9-19)
1 #
Yes. 5:1-2
Jari pakaramulamu Isa a'bisara mange ri iyai lalang ripakkalebarang, ”Rie' tau nyungke koko pa'lamungang anggoro na latondo'i siappuna. Akkeke todo'i balo tampa' pallessorang anggoro na a'bua'i barumbarung pangahungang. Maenna injo lapappitesangangi mange risikonjo pasahala ampai a'lampa mange ri kampong maraeng. 2Sungka'i larapi' hattu panduru, ia assuro se're tau atanna mange risikonjo pasahala languppa dahu sibageang battu rihassele koko injo. 3Mingka sikonjo pasahala lajakkala ata injo na larabungi, maenna injo lasuro muliang na tide' laerang-erang. 4Maenna injo ia assuro pole se're ata maraeng mange risikonjo pasahala. Ata inni larabungi sa'genna loko' ulunna na sanna' i lapakasiri'na. 5Jari assuromu isse' ata maraeng, na ata inni lahunoi. Appakonjo todo'i ri ata maraeng ri suro injo mange risikonjo pasahala, rie' tularabung na rie' tulahuno. 6Rie' juapa se're tau maraeng ri ia, iamo intu ana' lakamaseang injo. Na rikateppusanna iamo lasuro mange risikonjo pasahala, lakua: Ana'ku lalakangalikangi. 7Mingka assipauwang ngase'i pasahala injo: Iamo inni tulaharisi'na, baji'i ampa rihuno, jari kaharisanna inni a'jarimu anunta. 8Lajakkalimu na lahunoi, ampai lapamballungi ansulukang koko anggoro. 9Lakuamo Isa, Konni-konnina apamo lalageokang opuna koko anggoro injo? Ia lalahuno sikonjo pasahala, ampai lasuro jama koko anggoro'na mange ri tau maraeng. 10#Mzm. 118:22-23Gelepai minang muaji pau inni:
Batu lapela' injo tukang batu
a'jarimu batu possi' sapo:
11Passala injo a'jari nubattu ri Karaeng Allataala,
se're panggeokang numasagala ri matanta.”
12Jari ponggaha Yahudi injo apparri-parrimu lalajakkala Isa, saba' laisse' ngase'i ma'nassana iyaimo lakuangang Isa lalang ri pakkalebarang injo. Mingka malla' ngase'i ri tau lohe. Lalappasangi Isa a'lampa, na muliangi todo'mu.
Passala a'bajara bea mange ri Kaisar
12:13-17
(Mat. 22:15-22; Luk. 20:20-26)
13Maenna injo rie' sikura tau Farisi uranna Herodes risuro mange ri Isa solanna lalasikko' Isa lalang rise're pakkuta'nang. 14Tau lohe injo battui na akkuta'nangi mange ri Isa, ”Guru, baji' taisse'na, Kau tau lambusu, na tide' tau Mukamallaki, saba' geleKo a'ra' riare', passangadinna lalang rikalambusang ngajara ripassala pa'lalangang ri Allataala. Apa ripakkulleangi a'bajara bea mange ri pamarenta iyareka gele? Parallukang a'bajara iyareka gelekang?” 15Mingka Isa laisse'i pamunape'nai, jari appaui mange ri iyai, ”Ngura lamuso'riia? Erangi mae ri Nakke se're doe' solanna Kujanjang!” 16Ngerangimu doe' mange ri Isa. Jari akkuta'nangi Isa mange ri iyai, ”Gambara na arenna inai inni?” Pappihalinnai, ”Gambara na arenna Kaisar.” 17Jari appaui Isa mange ri iyai, ”Passareangi mange ri Kaisar apa nuparallu mupassareang ri Kaisar na mange ri Allataala apa nuparallu mupassareang ri Allataala!” Sanna' lannasinna lalangngere'na pauna Isa.
Pakkuta'nanna tau Saduki ripassala attallasa muliang
12:18-27
(Mat. 22:23-33; Luk. 20:27-40)
18 #
Mat. 22:23; Luk. 20:27; Suro-suro 23:8 Maeng injo rie'mo lohe tau Saduki, nupanguppanai ma'nassana gele rie' tau attallasa muliang battu rikamateang. Akkuta'nangi ri Isa, 19#Ul. 25:5-6”Guru, Musa maeng laukiri passala inni mae ri ditte: Ampa rie' se're tau, rie' uranna siana' bura'ne, mate na labokoiangi bahinenna mingka gele ambokoi ana', urannamo siana' parallu labontingi bahinenna injo na assare pinangka' mange ri uranna injo siana'. 20Rie'mo tau tuju assiana'. Tulihua injo a'bontingi surang se're bahine na mate mingka gelepa rie' ana'na. 21Maeng injo tumakarua injo labontingi pambaluanna na mate todo'i na tide'pa ana'na. Appakonjo todo'i ri tumakatallu injo. 22Appakonjomu sitarrusu'na, tujuiya tide' ana'na. Na kala'busanna, rimaeng ngase'namo, mate tommo bahine injo. 23Ri allo attallasa injo muliang battu rikamateang, inaiammo laa'jari bura'nenna bahine injo? Saba' tujuiya maeng ngase'i labontingi.” 24Pappihalinna Isa mange ri iyai, ”Linguiko, saba' gelena muisseki Kitta' Tangkasa iyareka kahasana Allataala. 25Saba' rihattu attalasa'naimo muliang battu rikamateang, iyai injo gelemu laa'bonting surang gele todo'mu laripa'bontingang passangadinna tallasa assimpole malaeka' ri Suruga. 26#Kel. 3:6Appakonjo todo'i passala attallasa'na muliang sikuanna tau mate, gelepai minang muaji lalang ri kitta'na Musa, lalang pau-pauwang ripassala rompo' katinting a'bola' injo na gele lakanre api, anteekamua Allataala appau mange ri ia: Nakkemo Allataalana Abraham, Allataalana Ishak, Allataalana Yakub? 27Ia gele Allataala ri tau mate, mingka Allataala ri tau attallasa. Toje'i linguimmu!”
Parenta nupoong injo
12:28-34
(Mat. 22:34-40; Luk. 10:25-28)
28Maenna injo rie' se're guru Tora', tuappilangngeri ri Isa na sikuanna tau Saduki akkuta'nang injo na laisse'i ma'nassana toje'i pappihalinna Isa mange risikuanna tau, rie'i mange ri Isa na akkuta'nangi, ”Parenta anteeang poong?” 29#Ul. 6:4-5Lakuamo Isa, ”Parenta poong iamo intu: Pilangngeri oe tau Israele, Karaemmo Allataalata, Karaeng injo tide' ruana. 30Passukku'i pangamaseammu ri Karaeng Allataalamu, risiganna'na atimu, na risiganna'na akkala pikkirammu na risiganna'na kagassingammu. 31#Im. 19:18Parenta makarua nuassimpole injo iamo intu: Passukku'i pangamaseammu riparammu rupatau assimpole mukamaseanna kalemmu. Gelemo rie' parenta maraeng nula'bi poong battu ri ruaiya inni parenta.” 32#Ul. 4:35Jari lakuamo guru Tora' injo mange ri Isa, ”Naba sikali Guru, toje'i pauMu injo ma'nassana Ia tide' ruana, na ma'nassana gele rie' maraeng passangadinna Ia jua. 33#Hos. 6:6Toje'i ngamaseang ri Ia lalang risiganna'na ati surang risiganna'na pangisse' na lalang risiganna'na kagassingang, na ngamaseang todo' mange riparanta rupatau assimpole mae ri kalenta injo la'bi poong battu risikonjo koro'bang tunuang na koro'bang maraenganna pole.” 34Lapina'na'i Isa anteekamua ta'ranna appau tau injo appihali lalang pangisse', na appaui Isa mange ri ia, ”Kau geleko dere battu ri Pakkaraengang Allataala!” Rimaenna injo gelemo rie' tau barani akkuta'nang mange ri Isa.
Passisambungbijaanna Isa surang Daud
13:35-37
(Mat. 22:41-46; Luk. 20:41-44)
35Rihattu ngajara'na Isa ri Sapo Allataala, appaui, ”Anteekamua sikonjo guru Tora' akkulle lapau ma'nassana Almase iamo intu ana'na Daud? 36#Mzm. 110:1Daud to'juamo turirurung injo ri Nyaha Tangkasa appau:
Karaeng Allataala maeng appau mange ri Karaengku;
Attolommoko risa'ri kanangKu,
sa'genna sikonjo balimMu Kutaro rahangang pala' bangkemMu.
37Daudmo laare'i Ia Karaeng, anteekamua lama'ring Ia ana'na todo'i?” Tau lohe sanna' injo lapilangngeri Isa na sannangi nyahana.
Isa apppiu'rangi solanna tutu mange risikonjo guru Tora'
12:38-40
(Mat. 23:5-7; Luk. 20:45-47)
38 #
Luk. 11:43
Ripangajaranna appaui Isa, ”Tutuko mange risikonjo guru Tora' langai injo a'lingka-lingka makeang baju bakka' na langai ripakabakka' arenna ri pasara, 39tulangai injo attolong ri tampa' baji' ri sapo passambajangang na tampa' rate ri ulu ripanganreang, 40tungalle injo sapo balu-balu na latongkoki matanna ripangera dowaang lambere'na. Iyai inni tantumo nguppainna hukkungang nula'bi sarroang.”
Passidakkana se're tau balu-balu
12:41-44
(Luk. 21:1-4)
41Rie' se're hattu Isa attolongi a'ma'ra' mange ri patti panaroang passidakka na lapariati anteekamua tau lohe injo appantama' doe' lalang ri patti injo. Lohe tau kalumannyang appantama' lohe doe'. 42Maeng injo rie'mo se're balu-balu kaasi-asi na ia appantama'i rua doe' seeng, iamo intu doe' kaminang ki'di'. 43Isa lakeo' ana'-ana' gurunNa na appaui mange ri iyai, ”Sitoje'na Nakke appau mange ri kaui, balu-balu kaasi-asi inni assare la'bi loheang battu risikuanna tau appantamaki injo lohe doe' lalang ri patti passidakkaang. 44Saba' iyai injo assare passidakka battu rikala'bianna, mingka tau balu-balu kaasi-asi inni assare battu rikatidekanna iamo intu sikuanna nurie' ri ia.”
Currently Selected:
MARKUS 12: LAI_SLY
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)
MARKUS 12
12
Pakkalebarang ripassala pasahala ri koko anggoro
12:1-12
(Mat. 21:33-46; Luk. 20:9-19)
1 #
Yes. 5:1-2
Jari pakaramulamu Isa a'bisara mange ri iyai lalang ripakkalebarang, ”Rie' tau nyungke koko pa'lamungang anggoro na latondo'i siappuna. Akkeke todo'i balo tampa' pallessorang anggoro na a'bua'i barumbarung pangahungang. Maenna injo lapappitesangangi mange risikonjo pasahala ampai a'lampa mange ri kampong maraeng. 2Sungka'i larapi' hattu panduru, ia assuro se're tau atanna mange risikonjo pasahala languppa dahu sibageang battu rihassele koko injo. 3Mingka sikonjo pasahala lajakkala ata injo na larabungi, maenna injo lasuro muliang na tide' laerang-erang. 4Maenna injo ia assuro pole se're ata maraeng mange risikonjo pasahala. Ata inni larabungi sa'genna loko' ulunna na sanna' i lapakasiri'na. 5Jari assuromu isse' ata maraeng, na ata inni lahunoi. Appakonjo todo'i ri ata maraeng ri suro injo mange risikonjo pasahala, rie' tularabung na rie' tulahuno. 6Rie' juapa se're tau maraeng ri ia, iamo intu ana' lakamaseang injo. Na rikateppusanna iamo lasuro mange risikonjo pasahala, lakua: Ana'ku lalakangalikangi. 7Mingka assipauwang ngase'i pasahala injo: Iamo inni tulaharisi'na, baji'i ampa rihuno, jari kaharisanna inni a'jarimu anunta. 8Lajakkalimu na lahunoi, ampai lapamballungi ansulukang koko anggoro. 9Lakuamo Isa, Konni-konnina apamo lalageokang opuna koko anggoro injo? Ia lalahuno sikonjo pasahala, ampai lasuro jama koko anggoro'na mange ri tau maraeng. 10#Mzm. 118:22-23Gelepai minang muaji pau inni:
Batu lapela' injo tukang batu
a'jarimu batu possi' sapo:
11Passala injo a'jari nubattu ri Karaeng Allataala,
se're panggeokang numasagala ri matanta.”
12Jari ponggaha Yahudi injo apparri-parrimu lalajakkala Isa, saba' laisse' ngase'i ma'nassana iyaimo lakuangang Isa lalang ri pakkalebarang injo. Mingka malla' ngase'i ri tau lohe. Lalappasangi Isa a'lampa, na muliangi todo'mu.
Passala a'bajara bea mange ri Kaisar
12:13-17
(Mat. 22:15-22; Luk. 20:20-26)
13Maenna injo rie' sikura tau Farisi uranna Herodes risuro mange ri Isa solanna lalasikko' Isa lalang rise're pakkuta'nang. 14Tau lohe injo battui na akkuta'nangi mange ri Isa, ”Guru, baji' taisse'na, Kau tau lambusu, na tide' tau Mukamallaki, saba' geleKo a'ra' riare', passangadinna lalang rikalambusang ngajara ripassala pa'lalangang ri Allataala. Apa ripakkulleangi a'bajara bea mange ri pamarenta iyareka gele? Parallukang a'bajara iyareka gelekang?” 15Mingka Isa laisse'i pamunape'nai, jari appaui mange ri iyai, ”Ngura lamuso'riia? Erangi mae ri Nakke se're doe' solanna Kujanjang!” 16Ngerangimu doe' mange ri Isa. Jari akkuta'nangi Isa mange ri iyai, ”Gambara na arenna inai inni?” Pappihalinnai, ”Gambara na arenna Kaisar.” 17Jari appaui Isa mange ri iyai, ”Passareangi mange ri Kaisar apa nuparallu mupassareang ri Kaisar na mange ri Allataala apa nuparallu mupassareang ri Allataala!” Sanna' lannasinna lalangngere'na pauna Isa.
Pakkuta'nanna tau Saduki ripassala attallasa muliang
12:18-27
(Mat. 22:23-33; Luk. 20:27-40)
18 #
Mat. 22:23; Luk. 20:27; Suro-suro 23:8 Maeng injo rie'mo lohe tau Saduki, nupanguppanai ma'nassana gele rie' tau attallasa muliang battu rikamateang. Akkuta'nangi ri Isa, 19#Ul. 25:5-6”Guru, Musa maeng laukiri passala inni mae ri ditte: Ampa rie' se're tau, rie' uranna siana' bura'ne, mate na labokoiangi bahinenna mingka gele ambokoi ana', urannamo siana' parallu labontingi bahinenna injo na assare pinangka' mange ri uranna injo siana'. 20Rie'mo tau tuju assiana'. Tulihua injo a'bontingi surang se're bahine na mate mingka gelepa rie' ana'na. 21Maeng injo tumakarua injo labontingi pambaluanna na mate todo'i na tide'pa ana'na. Appakonjo todo'i ri tumakatallu injo. 22Appakonjomu sitarrusu'na, tujuiya tide' ana'na. Na kala'busanna, rimaeng ngase'namo, mate tommo bahine injo. 23Ri allo attallasa injo muliang battu rikamateang, inaiammo laa'jari bura'nenna bahine injo? Saba' tujuiya maeng ngase'i labontingi.” 24Pappihalinna Isa mange ri iyai, ”Linguiko, saba' gelena muisseki Kitta' Tangkasa iyareka kahasana Allataala. 25Saba' rihattu attalasa'naimo muliang battu rikamateang, iyai injo gelemu laa'bonting surang gele todo'mu laripa'bontingang passangadinna tallasa assimpole malaeka' ri Suruga. 26#Kel. 3:6Appakonjo todo'i passala attallasa'na muliang sikuanna tau mate, gelepai minang muaji lalang ri kitta'na Musa, lalang pau-pauwang ripassala rompo' katinting a'bola' injo na gele lakanre api, anteekamua Allataala appau mange ri ia: Nakkemo Allataalana Abraham, Allataalana Ishak, Allataalana Yakub? 27Ia gele Allataala ri tau mate, mingka Allataala ri tau attallasa. Toje'i linguimmu!”
Parenta nupoong injo
12:28-34
(Mat. 22:34-40; Luk. 10:25-28)
28Maenna injo rie' se're guru Tora', tuappilangngeri ri Isa na sikuanna tau Saduki akkuta'nang injo na laisse'i ma'nassana toje'i pappihalinna Isa mange risikuanna tau, rie'i mange ri Isa na akkuta'nangi, ”Parenta anteeang poong?” 29#Ul. 6:4-5Lakuamo Isa, ”Parenta poong iamo intu: Pilangngeri oe tau Israele, Karaemmo Allataalata, Karaeng injo tide' ruana. 30Passukku'i pangamaseammu ri Karaeng Allataalamu, risiganna'na atimu, na risiganna'na akkala pikkirammu na risiganna'na kagassingammu. 31#Im. 19:18Parenta makarua nuassimpole injo iamo intu: Passukku'i pangamaseammu riparammu rupatau assimpole mukamaseanna kalemmu. Gelemo rie' parenta maraeng nula'bi poong battu ri ruaiya inni parenta.” 32#Ul. 4:35Jari lakuamo guru Tora' injo mange ri Isa, ”Naba sikali Guru, toje'i pauMu injo ma'nassana Ia tide' ruana, na ma'nassana gele rie' maraeng passangadinna Ia jua. 33#Hos. 6:6Toje'i ngamaseang ri Ia lalang risiganna'na ati surang risiganna'na pangisse' na lalang risiganna'na kagassingang, na ngamaseang todo' mange riparanta rupatau assimpole mae ri kalenta injo la'bi poong battu risikonjo koro'bang tunuang na koro'bang maraenganna pole.” 34Lapina'na'i Isa anteekamua ta'ranna appau tau injo appihali lalang pangisse', na appaui Isa mange ri ia, ”Kau geleko dere battu ri Pakkaraengang Allataala!” Rimaenna injo gelemo rie' tau barani akkuta'nang mange ri Isa.
Passisambungbijaanna Isa surang Daud
13:35-37
(Mat. 22:41-46; Luk. 20:41-44)
35Rihattu ngajara'na Isa ri Sapo Allataala, appaui, ”Anteekamua sikonjo guru Tora' akkulle lapau ma'nassana Almase iamo intu ana'na Daud? 36#Mzm. 110:1Daud to'juamo turirurung injo ri Nyaha Tangkasa appau:
Karaeng Allataala maeng appau mange ri Karaengku;
Attolommoko risa'ri kanangKu,
sa'genna sikonjo balimMu Kutaro rahangang pala' bangkemMu.
37Daudmo laare'i Ia Karaeng, anteekamua lama'ring Ia ana'na todo'i?” Tau lohe sanna' injo lapilangngeri Isa na sannangi nyahana.
Isa apppiu'rangi solanna tutu mange risikonjo guru Tora'
12:38-40
(Mat. 23:5-7; Luk. 20:45-47)
38 #
Luk. 11:43
Ripangajaranna appaui Isa, ”Tutuko mange risikonjo guru Tora' langai injo a'lingka-lingka makeang baju bakka' na langai ripakabakka' arenna ri pasara, 39tulangai injo attolong ri tampa' baji' ri sapo passambajangang na tampa' rate ri ulu ripanganreang, 40tungalle injo sapo balu-balu na latongkoki matanna ripangera dowaang lambere'na. Iyai inni tantumo nguppainna hukkungang nula'bi sarroang.”
Passidakkana se're tau balu-balu
12:41-44
(Luk. 21:1-4)
41Rie' se're hattu Isa attolongi a'ma'ra' mange ri patti panaroang passidakka na lapariati anteekamua tau lohe injo appantama' doe' lalang ri patti injo. Lohe tau kalumannyang appantama' lohe doe'. 42Maeng injo rie'mo se're balu-balu kaasi-asi na ia appantama'i rua doe' seeng, iamo intu doe' kaminang ki'di'. 43Isa lakeo' ana'-ana' gurunNa na appaui mange ri iyai, ”Sitoje'na Nakke appau mange ri kaui, balu-balu kaasi-asi inni assare la'bi loheang battu risikuanna tau appantamaki injo lohe doe' lalang ri patti passidakkaang. 44Saba' iyai injo assare passidakka battu rikala'bianna, mingka tau balu-balu kaasi-asi inni assare battu rikatidekanna iamo intu sikuanna nurie' ri ia.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
@LAI 2012 Indonesian Bible Society (Lembaga Alkitab Indonesia)