Rɔmënyüü 16

'Pɔɔlë 'pa ‑wladia Febea 'cɩcanyrɩ

1Ana ‑wladia Febelɔ ‑fɛɛɛrɛa' 'cɛcɩlɛ bäa' Senereebätäa 'mlɩ 'jrʋpa nɩ, 'n ‑nyɩ 'amɩ 'ɔɔn kälɩ. 2'Ba 'kʋɛɛlɩ 'ɔɔn 'cɩcasa 'Pläkänyɔɔa 'nyrɩklɩa ‑gʋ; 'sɩrɩ 'ü 'kʋɛɛa' 'lɩ Nyɔsʋaa 'nyünanyüü. 'Ba 'pa 'ɔa ‑gä, wii kä 'fɩɔ kä 'mlɩ 'ɔmäa' 'amɩ were, 'ba ji 'ɔɔn ‑gba; 'be 'ɔ ji nyüü 'kɔkɔmlɛ ‑gba, 'palɩ 'na 'mʋgbɛ.

Nyɔsʋaanyüülü bäa' Rɔmëa 'trɔrʋ

3'Ba 'trɛɛ Prisëka nyra Akilasë; 'na 'jrʋpawʋfɛɛrɛnyüü Jesu 'Kriisë 'lɩ#16.3 Akëtë 18.2.. 4'Ü fa 'üa nyüfë 'bablatii ‑wälɩ 'na ‑gʋ. 'N 'trɛɛ 'üün, ‑mää 'na 'doo ‑a, nyüülü 'nyɩa' juifë bä 'üa 'fɩɔ 'trɛɛ 'üün bɩa. 5'Ba 'trɛɛ bɩa 'cɛcɩlɛ bäa' 'üa nyuku ‑wälɩ. 'Ba 'trɛɛ 'na ‑wawanyɔɔ Epainɛtë, 'ɔɔ ‑kätɩ toro 'Kriisë plɛ Asiia#16.5 Asiia: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Akaiia. ‑tʋtʋ ‑gälɩ. 6'Ba 'trɛɛ Marii, 'ɔ ‑fɛ 'jrʋpa ana#16.6 ana: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ana. ‑gʋ. 7'Ba 'trɛɛ 'na napio 'klɩa nyüü Andronikë nyra Jonia#16.7 Jonia: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Joniasë. 'Ŋlʋʋa 'nyrɩ nya 'saabä, ‑maa anyɩ 'saa 'iin ‑a 'suru. 'Aiɛ titinyüü nya 'saabä. 'ü nyra 'üün kɔsɔ paa' ‑jie. Apotrë 'ü bä, 'ü jre 'üa 'jrʋpa ‑gböösa, 'üü ‑kätɩ jre 'Kriisë 'fɩɔwʋ 'nyaa 'mä 'lɩtroro. 8'Ba 'trɛɛ Anpliasë#16.8 Anpliasë: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «Apliatusë». 'na nyɔɔlɔ 'n ‑waa' 'Pläkänyɔɔ 'lɩ. 9'Ba 'trɛɛ Ubanusë, ɔ a nyra 'ɔɔn ‑fɛɛɛrɛa' 'jrʋpa 'wʋ 'Kriisë 'lɩ nyra Sëtaki 'na ‑wawanyɔɔ. 10'Ba 'trɛɛ Apɛlɛsë, 'ɔ srara 'sɩrɩ 'ɔ ‑waa' 'Kriisë ‑gböösa. 'Ba 'trɛɛ ü bäa' Alisëtobulëa ‑nyɛɛ. 11'Ba 'trɛɛ 'na napio 'klɩa nyɔɔ Erodɩɔnë. 'Ba 'trɛɛ ü bäa' Nasiisëa ‑nyɛɛ ü bäa' 'Pläkänyɔɔ 'lɩ. 12'Ba 'trɛɛ Trifɛnë nyra Trifosa 'ŋlëgëlü ‑fɛ 'Pläkänyɔɔa 'jrʋpa. 'Ba 'trɛɛ 'na ‑wawawladia Pɛsidaa, 'ɔ ‑fɛɛɛ 'jrʋpa ‑gböösa 'Pläkänyɔɔa ‑gʋ. 13'Ba 'trɛɛ 'Pläkänyɔɔa 'klɩberenyɔɔ Rufusë, nyra 'ɔa 'yio ɔ bäa' bɩa 'na 'yio. 14'Ba 'trɛɛ Asɛkliitë, Flegɔn nyra Emasë, 'palɩ Patrobasë, Ɛmɛsë nyra 'cɛcɩnyüülü bäa' 'üa ‑nyɛɛ. 15'Ba 'trɛɛ Filogusë, Julia, Nere nyra 'ɔa ‑wladia Olipasë nyra nyɔsʋaanyüülü bäa' 'üa ‑nyɛɛ. 16'Ba ‑gbegbre 'ba 'tɛtrɛ 'lɩ Nyɔsʋaa 'nyünanyüüa 'sa. 'Kriisëa 'cɛcʋa 'fɩɔ#16.16 a 'fɩɔ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. 'trɛɛ 'amɩ.

'Pɔɔlë 'paa' Rɔmëa nü ‑tɔɔ 'lɩ

17 'Na ‑wlajü 'amɩ 'n bibie 'amɩ: 'ba ‑tre 'ana nyüfë nyüülü ‑gbaaa' nyüü 'kä 'üa ‑gʋ, 'ü to nyüü ‑gbasu 'ümä 'üün 'käkpa. I 'ü nöa' nyra wiili 'a 'kpɩaa' 'nyɩ po ‑a po! 'Ba tʋŋlɔlɩ 'üün dɛrɩ! 18'Ia 'samaa nyüülü nɩ, 'ünyɩ ‑träärälɩ ana 'Pläkänyɔɔ#16.18 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «'Pläkänyɔɔ Jesu». 'Kriisë ‑a, 'üa ‑guia ‑goou 'ü bä! 'Üa mlɩ 'mɛrɛkʋ nyra 'üa ‑gbagblɛ dɛtʋ 'ü nö ‑bɛ 'ü ‑trɔɔrɔ nyüülü 'nyɩa' 'lɩkla. 19Nyüüa 'fɩɔ jre 'ana 'lɩträäräkʋ. 'A kä 'mɩ dɔrʋ 'wʋ, ‑maa 'n 'bata 'ba jre wiili 'naa' 'sɩrɩ 'ana polua 'nyü 'naa' 'kä ‑balʋa ‑gʋ. 20Nyɔsʋalɔ ‑nyɛɛɛa' plɛgälɩflɛrɛkʋ jö 'lee 'ɔmä Sataan 'ana bei ‑wälɩ 'käsusro. Abɩa ana 'Pläkänyɔɔ Jesu 'Kriisëa ‑gbinanakʋ bä 'ana ‑tɔrʋpɩɔ. 'Asɩ i bä#16.20 'Asɩ i bä: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..

'Pɔɔlëa 'jrʋpawʋfɛɛrɛnyüüa 'trɔrʋ

21Nyɔɔlɔ 'nyraa 'ɔɔn ‑fɛɛɛa' 'jrʋpa, Timotee nyra 'na napio 'klɩa nyüü: Lusiusë, Jasɔɔnë, Sosipatɛrë, 'ü 'trɛɛ 'amɩ. 22'Mɔɔ Tetiusë, 'mɔɔ ‑jɩjraa' ‑pɔɔkʋlʋ kʋa' ‑pɩ nɩ, 'n 'trɛɛ 'amɩ 'Pläkänyɔɔa 'nyrɩklɩ#16.22 Tetiusë 'ɔɔ ‑jɩjra 'Pɔɔlëa ‑pɔɔkɩa 'fɩɔ.. 23Nyɔɔlɔ 'kʋɛɛa' 'lɩ 'mɩ ɔ 'ü 'daraa' Gaiusë, ɔ kä nyüköli 'cɛcɩa 'fɩɔ traraa' 'trɛɛ 'amɩ. Bätäa möliiwälɩtʋnyɔɔlɔ 'ü 'daraa' Erasëtë nyra ana ‑wlajʋ Katisë#16.23 Akëtë 19.29; 1 Korɛɛntënyüü 1.14; 2 Timotee 4.20. 'trɛɛ 'amɩ. 24Abɩa ana 'Pläkänyɔɔ Jesu 'Kriisëa ‑gbinanakʋ bä 'ana ‑tɔrʋpɩɔ. 'Asɩ i bä#16.24 Abɩa ana 'Pläkänyɔɔ Jesu 'Kriisëa ‑gbinanakʋ bä 'ana ‑tɔrʋpɩɔ. 'Asɩ i bä: ‑Taa waklüülü (24) 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä..

Dɛrɩtäpa nyɔsʋabibiekʋ

25A 'bʋala Nyɔsʋa! 'Ɔɔ 'mrɛɛ 'ɔ ‑nyɩ 'amɩ 'klü 'sɩrɩ 'Mʋfagogolä 'n 'saraa' 'lɩ 'amɩ; 'ää 'paa Jesu 'Kriisë ‑gä, 'ää srara amɩ wiili Nyɔsʋa 'piea', i 'ɔ ‑sisiea' ‑sɩ a ‑sɩ. 26‑Maa 'köklesaplɩɩ ɔ nɩ, ‑pɔɔkɩ 'lɩ nyɔsʋaamlɩpalanyüü ‑jɩjraa', 'ia ‑gʋ nɩ, 'i 'a ‑fälɩ blö, nyüüa 'fɩɔ nya 'jä 'iin. Nyɔsʋalɔ 'nyɩa' blöröfa kä, 'ɔɔ 'daa i nrörö. 'Ɔ nʋ 'imɩ ‑tʋtʋ ‑gälɩa ‑glügbüa 'fɩɔ 'mä Nyɔsʋa plɛtoro 'ümä 'ɔɔn 'lɩträärä. 27Abɩa Nyɔsʋalɔ kä 'doo jrea' wii 'bʋala, Jesu 'Kriisëa 'nyrɩklɩa ‑gʋ 'plɔʋplɔʋ. 'Asɩ i bä#16.27 ‑Taa waklüülü (25-27) 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.!

Currently Selected:

Rɔmënyüü 16: Bakwé

Highlight

Copy