Rɔmënyüü 15
15
‑Na ‑molooa ‑wawakʋ
1Amɔlɔ ‑sɔɔrɔa' 'wʋ nɩ, ‑mää wiili käa' amɩ 'tʋ a nëmä nʋ, a kä amä ünyɩa' 'wʋsɔɔrɔ ‑gbötö. 2‑Moloo ma bälɩ ɔ nʋ wiili käa' 'ɔa ‑molo 'tʋ, 'sɩrɩ 'ɔmäa' 'ɔɔn ‑gbaji ‑bɛ 'ɔmäa' 'wʋsɔɔrɔ. 3'Kriisëlɔ 'mʋgbɛ 'nyɩ wiili käa' 'ɔɔn 'tʋ ‑a nʋ. ‑Maa 'be 'i ‑jɩjra: «'Mɔɔ ‑na ‑jejreenyüüa ‑jejreekʋ ji 'wʋ#15.3 'Lɩbrɛrɛpɔɔkʋ 69.10..» 4Diili kä 'fɩɔ ‑jɩjra käa' nyɔsʋapɔɔkʋ 'lɩ nɩ, ana 'kpɩkpɩakʋa ‑gʋ 'i ‑jɩjra. 'Inya amɩ plɛböblökʋ nyra 'klü ‑nyɩa, amä 'suru dɛɛlɛ 'naa' ɛ Nyɔsʋa tɛrɛa' 'amɩ, 'amä 'ɛɛn 'jä. 5Abɩa plɛblö Nyɔsʋa, 'klüjrara Nyɔsʋa, ‑nyɩ 'amɩ 'wlinönrökʋ Jesu 'Kriisëa 'sa. 6'Ia 'taɩn 'lɩ 'amä 'mä 'döö 'pa 'amä ana 'Pläkänyɔɔ Jesu 'Kriisëa Tʋ Nyɔsʋa 'bʋala.
7'Ii känyrɩ, ‑moloo ma bälɩ ɔ 'kʋɛɛlɩ ‑moloo 'sɩrɩ 'Kriisëa 'mʋgbɛ 'kʋɛɛa' 'lɩ 'amɩ#15.7 'amɩ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: amɩ., Nyɔsʋaa 'nyrɩa 'bʋalakʋa ‑gʋ. 8'Nɩnɩa nɩ, Jesu#15.8 Jesu: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. 'Kriisë ji 'ɔmä nyüülü 'bölöa' a 'jrʋpafɛnyɔɔ bä, 'ümä 'saa jre 'sɩrɩ Nyɔsʋa 'saaa' 'lɩ 'cɩcasa: wiili Nyɔsʋa ‑gbalaa' 'üa tʋɩɩa tʋɩɩ nɩ, 'ia ‑gʋ 'ɔ nʋ 'iin. 9'Ɔ ji bɩa 'kä nyüülü 'nyɩa' juifë bä 'mä Nyɔsʋa 'bʋala 'ɔa nyatɛplɛa ‑gʋ, 'sɩrɩ 'i ‑jɩjraa' ‑maa:
'Ia ‑gʋ 'nyaa ‑mɩ nyüülü 'nyɩa' juifë bä a ‑tɔrʋpɩɔ 'bʋalaa,
'kä 'nyaa ‑mɩ 'lɩbrɛrɛ # 15.9
'Lɩbrɛrɛpɔɔkʋ 18.50; 2 Samiɛɛlë 22.50..
10‑Jäsɩ ‑jɩjradii ‑gbaa' 'sɔɔwʋ:
'Amɔ nyüülü 'nyɩa' juifë bä nɩ, 'ba nyra 'ɔa ‑glügbö nrörö dɔrʋ 'wʋ # 15.10
Deteronɔɔmë 32.43
.!
11'I nɩnɩa 'sɔɔwʋ nɩ:
'Amɔ kä 'fɩɔ 'nyɩa' juifë bä, 'ba 'bʋala 'Pläkänyɔɔ,
'ba brɛrɛ 'ɔɔn 'lɩ, 'amɔ ‑glügbüa 'fɩɔ # 15.11
'Lɩbrɛrɛpɔɔkʋ 117.1
.!
12Esaii nɩnɩa bɩa:
Jɛseea tuugbluu nya jia,
'umä nyüülü 'nyɩa' juifë bä 'kama.
'Ɔɔ 'ümä plɛ ‑gälɩ 'pie # 15.12
Esaii 11.1,10..
13Abɩa 'suru Nyɔsʋa 'sie 'amɩ dɔrʋ 'kɔkɔmlɛ nyra plɛgälɩflɛrɛkʋ 'klɩ 'sɩrɩ 'a toroa' 'ɔɔn plɛ. 'Ama nʋ 'saa nɩ, 'Nyüna ‑Susua 'klü nya 'amɩ 'surukʋ 'wli ‑siea!
‑PƆƆKƲA ‑JRAARAFA
15.14–16.27
'Pɔɔlëa 'jrʋpa nyra 'ɔa 'kousɔsɔkʋ
14 'Na ‑wlajü 'amɩ, ima 'daa 'ana ‑gʋ nɩ, 'na plɛ 'nyɩ ‑taaralɩ ‑a. 'N jre 'iin 'sɩrɩ 'cɩcagbi 'si 'a 'amɩ 'lɩ, 'a jre wii 'kɔkɔmlɛ, 'a 'mrɛɛ 'amä ‑tɔɔ 'lɩ 'papla. 15‑Wlajü 'amɩ#15.15 ‑Wlajü 'amɩ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. ‑bɛ 'asɩɛ 'n ‑flɔɔrɔ 'amɩ 'nyüa 'mlɩ 'na ‑pɔɔkʋa 'mlɩ 'mä 'amɩ 'iin plɛpa. Nyɔsʋa nʋa' 'mɩ 'ɔa ‑gbinanakʋ 'lɩ nɩ, 'ia ‑gʋ 'n nʋ 'iin. 16'N nʋ Jesu 'Kriisëa 'jrʋpafɛnyɔɔ nyüülü 'nyɩa' juifë bä 'üa ‑gʋ. Nyɔsʋaa 'Mʋfagogoa 'pɛrɩnyɔɔa 'jrʋpa 'n ‑fɛɛɛ, 'kä nyüülü 'nyɩa' juifë bä 'mä ‑gbɔlʋ käa' Nyɔsʋa 'tʋ bä, ‑gbɔlʋ 'Nyüna ‑Susu berea' 'klɩ.
17‑Bɛ 'nyraa Jesu 'Kriisë bäa' 'doo nɩ, wiili kä 'fɩɔ bäa' Nyɔsʋaa 'jrʋpa kä 'mɩ dɔrʋ 'wʋ. 18'Be 'nyɩ 'papawii ‑a kä ima 'nyɩ wiili 'Kriisë ‑sröröa' 'mɩ kälɩ ‑bɛ 'ɔ nʋa' 'iin ‑bɛ nyüülü 'nyɩa' juifë bä ‑trääräa' 'lɩ Nyɔsʋa ‑a bä: 'ɔ ‑srörö 'papawii 'lɩ 'ɔnya ‑srörö nʋnʋdii 'lɩ, 19'ɔ nʋ 'iin ‑saragbia tie 'lɩ nyra plɛklɩkalawii 'lɩ Nyɔsʋaa ‑Susua 'nyrɩklɩ. 'Bala Jerusalɛɛmë ‑a mi Ilireea#15.19 Rɔmëa 'brea ‑tʋtʋ 'pɛlɩ bä 'saarɩ Sɛbii nyra Moteneglʋa 'bre. ‑tʋtʋ ‑gälɩ nɩ, Jesu 'Kriisëa 'Mʋfagogoa 'doo 'n 'sa. 20'Nyaa 'palɩklü 'nyaa 'sara 'Mʋfagogo ‑plɩɩlɩ 'Kriisëa 'nyrɩ ‑kaaŋlʋa' 'tɔ, 'nyɩ ‑pɩ nyɔɔ ‑molooa nyuku 'ɔ 'paa' ‑fli, 'ua ‑gälɩ 'na nu 'pala. 'Ia ‑gʋ 'n nʋ 'imɩ, 21'sɩrɩ 'i ‑jɩjraa':
Nyüülü 'ünyɩa' 'ɔa ‑gä ‑gbala nya 'ɔɔn 'jäa,
‑bɛ ‑mülü ‑kaapɩɔa' 'ɔa ‑gä 'wli 'nu nya 'nua # 15.21
Esaii 52.15
..
Jerusalɛɛmë, Rɔmë, nyra Ɛsëpanyë
22'Ia ‑gʋ 'maa 'nyɩ 'jä 'casɩ 'mä 'ana ‑nyɛɛ ji. 23‑Maa dɛɛlɛ a kʋa' ‑plɩɩ ‑gälɩ nɩ, 'na 'jrʋpafɛɛrɛfa ‑kanyɩ 'ia bätëlëa 'mlɩ ‑a bä, ‑bɛ 'ana ‑nyɛɛa jijikʋ ‑wlɛa' 'na plɛklɩ nɩ, 24'nyaa 'lɩ ‑sröröa 'kä 'nyaa Ɛsëpanyë mi. 'N jresaa 'nyaa 'amɩ dɛɛ kälɩ 'järäa 'mä nyɔtugbabre mi. ‑Maa jrüü jielü 'mäa' 'amɩ ‑gbasi, 'ia dɔrʋ 'blaa 'mɩ. 25‑Maa Jerusalɛɛmë 'n mö ‑kätɩ 'mä 'ia Nyɔsʋaa 'nyünanyüüa 'jrʋpa ‑fɛ. 26'Be Masedoanë nyra Akaiia#15.26 Masedoanë nyra Akaii: Grɛɛsëa 'blɩa 'pɛ ‑mɩdeea ‑kätɩ 'nyrɩ bäsaa. 'cɛcʋ 'baba dii 'klɩ 'ümä 'pʋablanyüülü bäa' Jerusalɛɛmëa Nyɔsʋaa 'nyünanyüüa ‑tɔrʋpɩɔ ‑gbaji. 27'Cɛcʋa 'mʋgbɛ nʋ 'imɩ, 'ü kä 'ümä 'iin nʋ, 'be juifënyüü ji nyüülü 'nyɩa' juifë bä ‑gba 'ünya toro Nyɔsʋa plɛ, 'ii känyrɩ 'ü kä 'ümä bɩa 'üün ‑gbaji käkädiia 'mlɩ. 28Ama bɩa 'üa dii ‑nyɩnyɩkʋ nɩ, 'ana ‑nyɛɛ 'mä ‑srörö 'mä Ɛsëpanyë mi. 29'N jöa' 'amɩ 'jä nɩ, 'Kriisëa 'Mʋfagogoa 'papanɩ 'kɔkɔmlɛ 'n ja ‑bɛ 'n jö.
30'Na ‑wlajü 'amɩ, ana 'Pläkänyɔɔ Jesu 'Kriisë nyra ‑Susua ‑wawakʋa 'nyrɩklɩa ‑gʋ nɩ, 'n 'jrara 'ana 'klü, 'amä 'mɩ ‑gbaji toua 'mlɩ 'amä Nyɔsʋa bibie 'na ‑gʋ 31'nyɩ ‑pɩ Judeea nyüülü 'nyɩ toroa' 'Kriisë plɛ kälɩ blö. ‑Bɛ diili 'n faa' Jerusalɛɛmë nɩ, 'cɛcɩnyüü 'mä 'lɩ 'iin 'kʋɛɛ 'mʋfasa. 32'Ia 'taɩn 'lɩ dɔrʋ nya 'mɩ 'blaa ‑bɛ 'nyaa 'amɩ 'jäkalɩ ji Nyɔsʋaa 'nyrɩklɩa ‑gʋ; ‑bɛ 'mä 'ana ‑nyɛɛ ‑fʋflʋ 'pala 'mʋfasa. 33Abɩa Nyɔsʋalɔ bäa' plɛa ‑pio bä 'ana 'fɩɔ ‑gälɩ! 'Asɩ i bä!
Currently Selected:
Rɔmënyüü 15: Bakwé
Highlight
Share
Copy

Want to have your highlights saved across all your devices? Sign up or sign in
© Wycliffe Bible Translators, Inc.