Rɔmënyüü 14

‑Nyɩ 'bölö ‑na ‑wlajʋ ‑gä ‑gälɩ

1'Ba 'kʋɛɛlɩ nyɔɔlɔ kä nyɔsʋaplɛ 'nyɩa' 'wʋsɔɔrɔ; 'anyɩ ‑srɛ 'ɔa bobowli#14.1 ‑Taa 'pɛlɛ kʋa' ‑pɩa 'mlɩ nɩ, 'cɛcɩnyüü 'Pɔɔlë srara 'sɩrɩ 'üa nʋnʋgbi käa' 'imäa' bä 'ü ma bä nyüü 'nyɩ boboa' 'üa 'sa, 'üa ‑tɔrʋpɩɔ. Nyüülü kä nyɔsʋaplɛ 'nyɩa' 'wʋ ‑sɔɔrɔ nɩ, 'a juifënyüü 'nyierea' nyɔsʋaawii 'klɩ ‑bɛ 'ü boboa' 'sɔɔwʋ ‑maa, 'ü kä 'ümä 'lɩ Moisëa ‑dɔlʋ 'paa' jijria ‑gä, ‑fʋflʋpasrɩa nyra jrüü ‑mölöa ‑gä ‑träärä. 'Üa plɛɛ 'ü ‑ka kä 'ümä 'iin nʋ ‑bɛ 'ümä 'klɩgä Nyɔsʋaa 'klɔɔtrʋ. Nyüülü kä nyɔsʋaplɛ ‑sɔɔrɔa' 'wʋ nɩ, 'a 'cɛcɩnyüülü jrea' 'saa 'üa 'Kriisëa plɛtorokʋa 'doo känyrɩ Nyɔsʋa nya 'kʋɛɛlɩ 'üün; ‑maa ‑mää ‑nyɩ ji ‑taa nɛ nyra ‑taa nɛa ‑gʋ ‑a.. 2‑Moloo nya 'daa 'ɔ jö diia 'fɩɔ, ‑bɛ ‑mɔlɔ kä nyɔsʋaplɛ 'nyɩa' 'wʋsɔɔrɔ 'ɔnyɩ ji mrɛɛ ‑a. 3‑Mɔlɔ jöa' diia 'fɩɔ 'nyɩ srörö ‑mɔlɔ 'nyɩ jia' mrɛɛ, ‑bɛ ‑mɔlɔ 'nyɩ jia' mrɛɛ 'nyɩ srörö ‑mɔlɔ jöa' diia 'fɩɔ, 'be Nyɔsʋa 'kʋɛɛlɩ 'ɔɔn. 4Nyɔɔ 'plɛɛ bä ‑bɛ ‑daaa nyɔɔ ‑molooa 'jrʋpafɛnyɔɔ le? 'Ɔ 'nyüglö o, 'ɔ blö o, 'ɔa 'kamanyɔɔa wii bäsaa. 'Ɔnya 'nyüglöa 'be Nyɔsʋa#14.4 Nyɔsʋa: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'Pläkänyɔɔ. 'mrɛɛ ɔ ji 'ɔɔn ‑gba 'kä 'ɔnya 'nyüglö. 5‑Molooa plɛɛ jrüü ‑mölöö ‑si ‑mɩdoo 'wʋ; ‑mölööa plɛɛ jrüüa 'fɩɔ bä dɛɛ 'dee. ‑Moloo ma bälɩ ɔ 'suru 'ɔa 'mʋgbɛa bobowli. 6Nyɔɔ ma 'daa ‑taa jrüülü ‑si ‑mölöö 'wʋ nɩ, 'Pläkänyɔɔa ‑gʋ 'ɔ nö 'imɩ. ‑Mɔlɔ jöa' diia 'fɩɔ nɩ, 'Pläkänyɔɔa ‑gʋ 'ɔ jö 'imɩ, Nyɔsʋa 'ɔ 'trɛɛ. ‑Bɛ ‑mɔlɔ 'nyɩ jia' diia 'fɩɔ nɩ, 'Pläkänyɔɔa ‑gʋ 'ɔnyɩ ji 'imɩ, Nyɔsʋa 'ɔ 'trɛɛ.

7‑Jäsɩ 'i bäa' nɩ, ana ‑tɔrʋpɩɔa nyɔɔ 'doo 'nyɩ 'plä 'wʋ ‑a bä 'ɔa 'mʋgbɛa ‑gʋ, ‑bɛ nyɔɔ 'nyɩ jäjä ‑a 'ɔa 'mʋgbɛa ‑gʋ. 8Ama bä 'plä 'wʋ nɩ, 'Pläkänyɔɔa ‑gʋ a bälɩ. Ama jäjä nɩ, 'Pläkänyɔɔa ‑gʋ a jäjä. 'Ii känyrɩ, ‑kä a bälɩ, ‑kä a jäjä, 'Pläkänyɔɔ kä amɩ. 9'Kriisë ma jä ‑bɛ ɔma sɔ 'kuaabre nɩ, 'ɔmä jäjänyüü nyra 'lɩbänyüüa 'Pläkänyɔɔ bä 'ia ‑gʋ 'ɔ ji. 10‑Bɛ dɛplɛɛ kä ‑gʋ ‑srɛɛɛ ‑na ‑wlajʋ le? 'Aiɛ, dɛplɛɛ kä ‑gʋ ‑jraara ‑na ‑wlajʋ 'nyüa 'mlɩ le? 'Be ana 'fɩɔ nya 'Kriisëa tropina#14.10 'Kriisëa tropina: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Nyɔsʋaa tropina. 'klɩ 'nyüglöa ‑o. 11A jre 'imɩ, 'be 'i ‑jɩjra:

'Mɔɔ 'lɩbä 'Pläkänyɔɔ, 'mɔɔ 'daa:

Kotia 'fɩɔ nya 'na 'klʋɩ ‑fli 'palaa, mɛaa 'fɩɔ nya 'mɩ jrea,

'sɩrɩ 'n bäa' Nyɔsʋa # 14.11 'Asɩ Esaii 45.23 ‑jɩjra grɛɛkëwii 'lɩ ‑Kätɩ Kuöa ‑pɔɔkʋ 'lɩ..

12'A 'ia ‑gʋ, ‑moloo ma bälɩ 'ɔɔ nëmä 'ɔa 'mʋgbɛa ‑gogo Nyɔsʋa 'sa.

'Anyɩ 'bata 'ana ‑wlajʋa 'käkpakpakʋ

13'Ii känyrɩ, a 'nyüglö ana 'kpɔa 'lɩ ‑sɛsrɛkʋ; ‑maa a bobo wiili a ‑pɩa' nʋ i ‑pɩa' ana ‑wlajʋ 'käkpa, 'aiɛ i ‑pɩa' 'ɔɔn ‑balʋ 'lɩ 'tutro. 14‑Bɛ 'nyraa 'Pläkänyɔɔ Jesu bäa' 'doo nɩ, 'n jre 'iin, 'nyaa 'suru 'iin, 'sɩrɩ dɛɛ 'nyɩa' ‑fre pa. ‑Maa nyɔɔ ma 'daa dɛɛlɛ kʋa' ‑pɩ pla nyɔɔ ‑fre 'lɩ nɩ, 'ɔa 'dooa ‑nyɛɛ dɛɛlɛ pla ‑fre 'lɩ. 15‑Ama 'jɔklɔ ‑na ‑wlajʋa 'klü jijria ‑gʋ nɩ, ‑mää ‑wawakʋ 'lɩ ‑kanyɩ 'nyɛrɛ. ‑Nyɩ bʋblɔ nyɔɔlɔ kä ‑gʋ 'Kriisë jäa' jijria ‑gʋ. 16'Ii känyrɩ dɛɛlɛ 'naa' 'ana ‑gʋ nɩ, 'anyɩ 'cɛrɛ nyüü ‑wälɩ 'ünyɩ 'pa 'ɛa bʋbɔnyrɩ; 17'be Nyɔsʋaa 'kamaplälä nɩ, ‑mää jijri 'aiɛ 'mamladiia wii 'nyɩ 'saabä, ‑maa 'klɩgägäkʋ, 'wlinönrökʋ nyra dɔrʋlʋ sɔa' 'Nyüna ‑Susua ‑nyɛɛ, 'ia wii bäsaa. 18Nyɔɔlɔ ‑trääräa' 'lɩ 'Kriisë ‑taa wiilia 'mlɩ nɩ, 'ɔnya Nyɔsʋa 'tʋkäa, 'kä nyüüa 'mʋgbɛ nya 'ɔa 'cɩcanyrɩ 'pa.

19'Ii känyrɩ nɩ, a 'bata wiili jaa' 'wlinönrökʋ nyra wiili 'paaa' nyüü 'klü 'lɩ ana ‑tɔrʋpɩɔ. 20‑Nyɩ bʋblɔ Nyɔsʋaa 'jrʋpa jijrɛa ‑gʋ. Jijria 'fɩɔ 'nyɩ pla nyɔɔ ‑fre 'lɩ ‑a, ‑maa 'inyɩ 'na ‑a 'na 'kä nyɔɔa jijri 'mä ‑moloo 'käkpa. 21Dɛɛlɛ 'naa' nɩ, ‑nyɩ ji mrɛɛ, ‑nyɩ 'mla 'nʋ nyra diili kä 'fɩɔ 'mrɛɛa' imäa' ‑na ‑wlajʋ 'käkpa, 'ɔmä ‑balʋ nʋ 'aiɛ 'ɔmä 'fʋma#14.21 'ɔmä ‑balʋ nʋ 'aiɛ 'ɔmä 'fʋma: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä.. 22‑Mɔlɔ nɩ, wiili boboa' nɩ, ‑tʋ 'iin ‑wälɩ, ‑nyra Nyɔsʋa 'sɔa wii bäsaa. A dɔrʋ 'bla nyɔɔlɔ 'nyɩ 'bölöa' 'ɔa nyufa ‑gä ‑gälɩ diili 'ɔ nöa', 'ia ‑gʋ! 23‑Maa ‑mɔlɔ jöa' dɛɛ ‑bɛ 'ɔa plɛ 'nyɩ ‑sia' nɩ, 'ɔa nyufa 'ɔ kala dɛrɩ, 'be 'ɔɔ ‑bɛ 'ɔa nyɔsʋaplɛ 'nyɩ po ‑a po. Diili kä 'fɩɔ nyɔɔ nöa' ‑bɛ i nyra 'ɔa nyɔsʋaplɛ 'nyɩa' po nɩ ‑balʋ bäsaa.

Currently Selected:

Rɔmënyüü 14: Bakwé

Highlight

Copy