Popular Bible Verses from Rɔmënyüü 14

Share

'be Nyɔsʋaa 'kamaplälä nɩ, ‑mää jijri 'aiɛ 'mamladiia wii 'nyɩ 'saabä, ‑maa 'klɩgägäkʋ, 'wlinönrökʋ nyra dɔrʋlʋ sɔa' 'Nyüna ‑Susua ‑nyɛɛ, 'ia wii bäsaa. Nyɔɔlɔ ‑trääräa' 'lɩ 'Kriisë ‑taa wiilia 'mlɩ nɩ, 'ɔnya Nyɔsʋa 'tʋkäa, 'kä nyüüa 'mʋgbɛ nya 'ɔa 'cɩcanyrɩ 'pa.

Ama bä 'plä 'wʋ nɩ, 'Pläkänyɔɔa ‑gʋ a bälɩ. Ama jäjä nɩ, 'Pläkänyɔɔa ‑gʋ a jäjä. 'Ii känyrɩ, ‑kä a bälɩ, ‑kä a jäjä, 'Pläkänyɔɔ kä amɩ.

'Ii känyrɩ nɩ, a 'bata wiili jaa' 'wlinönrökʋ nyra wiili 'paaa' nyüü 'klü 'lɩ ana ‑tɔrʋpɩɔ.

'Ii känyrɩ, a 'nyüglö ana 'kpɔa 'lɩ ‑sɛsrɛkʋ; ‑maa a bobo wiili a ‑pɩa' nʋ i ‑pɩa' ana ‑wlajʋ 'käkpa, 'aiɛ i ‑pɩa' 'ɔɔn ‑balʋ 'lɩ 'tutro.

A jre 'imɩ, 'be 'i ‑jɩjra: 'Mɔɔ 'lɩbä 'Pläkänyɔɔ, 'mɔɔ 'daa: Kotia 'fɩɔ nya 'na 'klʋɩ ‑fli 'palaa, mɛaa 'fɩɔ nya 'mɩ jrea, 'sɩrɩ 'n bäa' Nyɔsʋa . 'A 'ia ‑gʋ, ‑moloo ma bälɩ 'ɔɔ nëmä 'ɔa 'mʋgbɛa ‑gogo Nyɔsʋa 'sa.

'Ba 'kʋɛɛlɩ nyɔɔlɔ kä nyɔsʋaplɛ 'nyɩa' 'wʋsɔɔrɔ; 'anyɩ ‑srɛ 'ɔa bobowli.

Nyɔɔ 'plɛɛ bä ‑bɛ ‑daaa nyɔɔ ‑molooa 'jrʋpafɛnyɔɔ le? 'Ɔ 'nyüglö o, 'ɔ blö o, 'ɔa 'kamanyɔɔa wii bäsaa. 'Ɔnya 'nyüglöa 'be Nyɔsʋa 'mrɛɛ ɔ ji 'ɔɔn ‑gba 'kä 'ɔnya 'nyüglö.