Matiö 3
3
Jaan Batiisëa nyɔsʋaajrʋpa
Marëkë 1.2-6; Lukë 3.1-6; Jaan 1.19-23
1'A 'ia 'taɩn 'lɩ Jaan Batiisë ji ‑aaga 'lɩ, Judeea ‑tʋtʋ ‑gälɩ. 'Ɔ ma 'paa nyɔsʋaawii ‑bɛ 'ɔ ma ‑gbala nyüü 2‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!» 3'A Jaanlɔ kä ‑gä nyɔsʋaamlɩpalanyɔɔ Esaii 'pa käa' ‑bɛ 'ɔ 'daaa' ‑maa:
Nyɔɔa wewewii ja ‑aaga 'lɩ:
'Ba ‑nyɩgla *'Pläkänyɔɔa 'trii 'kä;
'ba ‑gägä 'ɔa 'nyifi 'klɩ! # 3.3
Esaii 40.3
.
4Samooa ‑püpliia 'lɩpadɛɛ Jaan ma 'sroo. Mlaafua ‑pɛɛtʋ 'ɔ ma kpasra 'lɩ ‑gälɩ. 'Ɔa jijri ma bä ‑aaga 'lɩa ‑kpakpëë nyra dʋgbakpɩ.
5Jerusalɛɛmëa nyüü, Judeea ‑tʋtʋ ‑gälɩ nyra Jurëdɛɛn a 'nie ‑gba nyüüa 'fɩɔ ma mö 'ɔa 'pɛ 'lɩ. 6'Ü ma 'saalɩ 'üa ‑balʋa 'fɩɔ, 'kä 'ɔ 'paa 'üün 'nɩwli Jurëdɛɛn a 'mlɩ.
Nyɔsʋaawiili Jaan Batiisë 'paa'
Lukë 3.7-9
7Jaan jrea' 'saa Farisinyüü nyra Sadusinyüü 'kɔkɔmlɛ ma jö 'ɔa ‑nyɛɛ 'ɔmä 'üün 'nɩwlipa nɩ, 'ɔnya ‑gbala 'üün: «'Mëmlɛtapaa 'jü 'amɩ, nyɔɔ 'plɛɛ srara 'amɩ Nyɔsʋaa 'crɛlɛ jöa', 'ɛa 'klɩfɔlɔkʋ le? 8'Ba srara nʋnʋgbili ‑gbalaa' nyüü 'sɩrɩ 'anya 'a ‑balʋ 'pie. 9'Anyɩ 'daa 'ana plɛklɩ ‑maa: ‹Abraamë bä ana tʋ#3.9 Jaan 8.33,37,39.!› 'Amɔ 'n ‑gbala, Nyɔsʋa 'mrɛɛ ɔ nrörö ‑taa 'täkëlë kʋa' ‑pɩ Abraamëa 'jü 'lɩ. 10‑Bɛ ‑tɛ 'a 'nɩmɩ tiia tigblii 'lɩ 'pala. Tuulu 'nyɩ tʋa' 'cɩca 'bü nɩ, 'unya 'kalaa 'kä 'unya kapu 'lɩ bere.
Marëkë 1.7-8; Lukë 3.15-17; Jaan 1.24-28
11«'Mɔɔlɔ nɩ, 'nɩ 'n 'paa 'amɩ 'wli 'amä ‑balʋ 'pie; ‑maa nyɔɔlɔ nëmäa' 'mɩ 'klɩtroro, 'ɔ ‑sɔɔrɔwʋ 'ɔnya ‑si 'mɩ 'wʋ. 'Nyɩ 'nɩmɩ 'lɩ ‑a bɩa ‑a 'balɩ 'ɔa 'sii. 'Ɔɔlɔ nɩ, 'ɔnya 'amɩ 'Nyüna ‑Susu nyra kapu 'wlipaa. 12'Ɔ 'klaa 'ɔa papɛɛ kälɩ 'ɔmä ‑bleeejaju nyra 'ɛa frɩ ‑gbasasra, 'ɔmä 'ɛɛn nyiklili 'jrara, ‑maa 'ɔnya 'ɛa frɩ kapulu 'nyɩ bɩaraa' a mlɩ 'pütröa.»
Jesua 'nɩwlipapakʋ
Marëkë 1.9-11; Lukë 3.21-22; Jaan 1.29-34
13Jesu nya sɔ Galileea ‑tʋtʋ ‑gälɩ 'ɔnya ji Jaan a ‑nyɛɛ, Jaan 'mä 'ɔɔn 'nielɛ 'ü 'daraa' Jurëdɛɛn, 'ɛa 'mlɩ 'nɩwlipala. 14‑Maa Jaan 'bata 'ɔmä blara, 'ɔ ‑nëma: «‑Mɔ kä ‑mä 'mɩ 'nɩwlipa, ‑bɛ ‑nö 'mɔɔ ‑a 'pa ‑mɩ 'nɩ 'wli?» 15‑Maa Jesu nya ‑gbala 'ɔɔn: «A nʋ 'iin 'saa. 'Asɩ anya nʋ 'kä diili kä 'fɩɔ ‑gäa' 'klɩ Nyɔsʋaa 'nyü ‑gälɩ nya nrörö.» Jaan nya 'nyie. 16Jesu 'palaa' 'nɩ 'wli, 'nie 'lɩ 'ɔ 'cie dotro ‑bɛ cɛɩɩ ‑jieroklɩ. 'Ɔnya 'jä Nyɔsʋaa ‑Susu 'unya 'cere 'ɔɔn ‑gälɩ ‑beere ‑sögö. 17Mlɩa wii nya ja cɛa mlɩ: «'Na plɛ ‑gälɩa 'Jʋ kʋ ‑pɩ, 'ɔɔ bä 'na dɔrʋ ‑gböösa.»
Currently Selected:
Matiö 3: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Matiö 3
3
Jaan Batiisëa nyɔsʋaajrʋpa
Marëkë 1.2-6; Lukë 3.1-6; Jaan 1.19-23
1'A 'ia 'taɩn 'lɩ Jaan Batiisë ji ‑aaga 'lɩ, Judeea ‑tʋtʋ ‑gälɩ. 'Ɔ ma 'paa nyɔsʋaawii ‑bɛ 'ɔ ma ‑gbala nyüü 2‑maa: «'Ba toro 'lɩ ‑balʋ ‑gälɩ, 'be Cɛɩɩa 'kamaplä ‑kanyɩ 'lɩdɛrɩ ‑a tʋŋlɔ!» 3'A Jaanlɔ kä ‑gä nyɔsʋaamlɩpalanyɔɔ Esaii 'pa käa' ‑bɛ 'ɔ 'daaa' ‑maa:
Nyɔɔa wewewii ja ‑aaga 'lɩ:
'Ba ‑nyɩgla *'Pläkänyɔɔa 'trii 'kä;
'ba ‑gägä 'ɔa 'nyifi 'klɩ! # 3.3
Esaii 40.3
.
4Samooa ‑püpliia 'lɩpadɛɛ Jaan ma 'sroo. Mlaafua ‑pɛɛtʋ 'ɔ ma kpasra 'lɩ ‑gälɩ. 'Ɔa jijri ma bä ‑aaga 'lɩa ‑kpakpëë nyra dʋgbakpɩ.
5Jerusalɛɛmëa nyüü, Judeea ‑tʋtʋ ‑gälɩ nyra Jurëdɛɛn a 'nie ‑gba nyüüa 'fɩɔ ma mö 'ɔa 'pɛ 'lɩ. 6'Ü ma 'saalɩ 'üa ‑balʋa 'fɩɔ, 'kä 'ɔ 'paa 'üün 'nɩwli Jurëdɛɛn a 'mlɩ.
Nyɔsʋaawiili Jaan Batiisë 'paa'
Lukë 3.7-9
7Jaan jrea' 'saa Farisinyüü nyra Sadusinyüü 'kɔkɔmlɛ ma jö 'ɔa ‑nyɛɛ 'ɔmä 'üün 'nɩwlipa nɩ, 'ɔnya ‑gbala 'üün: «'Mëmlɛtapaa 'jü 'amɩ, nyɔɔ 'plɛɛ srara 'amɩ Nyɔsʋaa 'crɛlɛ jöa', 'ɛa 'klɩfɔlɔkʋ le? 8'Ba srara nʋnʋgbili ‑gbalaa' nyüü 'sɩrɩ 'anya 'a ‑balʋ 'pie. 9'Anyɩ 'daa 'ana plɛklɩ ‑maa: ‹Abraamë bä ana tʋ#3.9 Jaan 8.33,37,39.!› 'Amɔ 'n ‑gbala, Nyɔsʋa 'mrɛɛ ɔ nrörö ‑taa 'täkëlë kʋa' ‑pɩ Abraamëa 'jü 'lɩ. 10‑Bɛ ‑tɛ 'a 'nɩmɩ tiia tigblii 'lɩ 'pala. Tuulu 'nyɩ tʋa' 'cɩca 'bü nɩ, 'unya 'kalaa 'kä 'unya kapu 'lɩ bere.
Marëkë 1.7-8; Lukë 3.15-17; Jaan 1.24-28
11«'Mɔɔlɔ nɩ, 'nɩ 'n 'paa 'amɩ 'wli 'amä ‑balʋ 'pie; ‑maa nyɔɔlɔ nëmäa' 'mɩ 'klɩtroro, 'ɔ ‑sɔɔrɔwʋ 'ɔnya ‑si 'mɩ 'wʋ. 'Nyɩ 'nɩmɩ 'lɩ ‑a bɩa ‑a 'balɩ 'ɔa 'sii. 'Ɔɔlɔ nɩ, 'ɔnya 'amɩ 'Nyüna ‑Susu nyra kapu 'wlipaa. 12'Ɔ 'klaa 'ɔa papɛɛ kälɩ 'ɔmä ‑bleeejaju nyra 'ɛa frɩ ‑gbasasra, 'ɔmä 'ɛɛn nyiklili 'jrara, ‑maa 'ɔnya 'ɛa frɩ kapulu 'nyɩ bɩaraa' a mlɩ 'pütröa.»
Jesua 'nɩwlipapakʋ
Marëkë 1.9-11; Lukë 3.21-22; Jaan 1.29-34
13Jesu nya sɔ Galileea ‑tʋtʋ ‑gälɩ 'ɔnya ji Jaan a ‑nyɛɛ, Jaan 'mä 'ɔɔn 'nielɛ 'ü 'daraa' Jurëdɛɛn, 'ɛa 'mlɩ 'nɩwlipala. 14‑Maa Jaan 'bata 'ɔmä blara, 'ɔ ‑nëma: «‑Mɔ kä ‑mä 'mɩ 'nɩwlipa, ‑bɛ ‑nö 'mɔɔ ‑a 'pa ‑mɩ 'nɩ 'wli?» 15‑Maa Jesu nya ‑gbala 'ɔɔn: «A nʋ 'iin 'saa. 'Asɩ anya nʋ 'kä diili kä 'fɩɔ ‑gäa' 'klɩ Nyɔsʋaa 'nyü ‑gälɩ nya nrörö.» Jaan nya 'nyie. 16Jesu 'palaa' 'nɩ 'wli, 'nie 'lɩ 'ɔ 'cie dotro ‑bɛ cɛɩɩ ‑jieroklɩ. 'Ɔnya 'jä Nyɔsʋaa ‑Susu 'unya 'cere 'ɔɔn ‑gälɩ ‑beere ‑sögö. 17Mlɩa wii nya ja cɛa mlɩ: «'Na plɛ ‑gälɩa 'Jʋ kʋ ‑pɩ, 'ɔɔ bä 'na dɔrʋ ‑gböösa.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.