Akëtë 3
3
Kpakpanyɔɔlɔ 'pʋa'
1'Taɩn 'doo 'lɩ, 'i bä kä Nyɔsʋa bibietaɩn, ‑gbiajrʋa ‑gliiibei tää 'lɩ#3.1 ‑gbiajrʋa ‑gliiibei tää 'lɩ: Grɛɛkëwii 'lɩ nɩ, 'iibä: «‑uunmlɔɔa në ‑gliii». Juifëa ‑nyɛɛ nɩ, 'taɩn 'lɩ 'jrʋ 'tɔɔa', 'a ‑plɩɩ 'ü 'bala 'taɩn a ‑täsäkʋ., Piɛɛrë nyra Jaan mlöröɩ 'lɩ Nyɔsʋaanyuku kpaku ‑wälɩ. 2‑Bɛ kpakpanyɔɔ 'doo bä ɩ ‑plɩɩ, 'ɔa 'yio ‑gua' 'ɔɔn 'asɩ 'ɔ bä. ‑Srɩ o ‑srɩ, Nyɔsʋaanyukua 'mëmla 'klɩ 'ü ja 'ɔɔn 'käsrikalɩ, 'ii 'ü 'dara «'Nana Tatu». 'A ‑plɩɩ 'ü ‑tʋʋä 'ɔɔn 'ɔmä nyüülü möa' Nyɔsʋaanyuku ‑wälɩ ‑sɛ. 3'Ɔ 'jäa' Piɛɛrë nyra Jaan, 'ü möa' Nyɔsʋaanyuku ‑wälɩ nɩ, 'ɔnya ‑sɛ 'üün mölii. 4Piɛɛrë nyra Jaan nya tɛ 'ɔɔn 'klɩ tee, 'ü ‑nëma: «Tɛ amɩ 'klɩ!» 5Nyɔɔlɔ nya tɛ 'üün 'klɩ tee; 'ɔa plɛɛ dɛɛ 'ü nëmä 'ɔɔn ‑nyɩ.
6«'Nyɩ ‑sika ‑a kä, 'nyɩ mölii ‑a kä, ‑maa dɛɛlɛ 'n 'klaaa' 'ɛɛ 'nëmä ‑mɩ ‑nyɩ: Nasarɛɛtënyɔɔ Jesu 'Kriisëa 'nyrɩklɩa ‑gʋ, sɔwʋ 'kä ‑nyɛɛɛ!» 7'Ɔnya 'kpla 'ɔa 'dupa 'darʋ 'ɔnya 'kʋɛɛ 'ɔɔn. 'A ‑plɩɩ 'ɔa bei nyra 'ɔa bɔtütü kʋ 'ünya 'pʋ. 8'Ɔnya ‑plu ‑bɛ 'ɔ 'nyɛɛ. 'Ɔ nyra 'üün nya pa Nyɔsʋaanyuku ‑wälɩ. 'Ɔ 'nyɛɛ, 'ɔ pöplöö ‑bɛ 'ɔ 'bʋala Nyɔsʋa. 9Nyüüa 'fɩɔ tɛ 'ɔɔn 'klɩ, 'ɔ 'nyɛɛ ‑bɛ 'ɔ 'bʋalaa' Nyɔsʋa. 10'Ü ‑tʋa' 'iin 'nyü ‑gba 'sɩrɩ 'i bäa' nyɔɔlɔ ma kʋäa' 'Nana Tatulu bäa' Nyɔsʋaanyuku 'mäklɩ nɩ, 'ɔ ma ‑sɛɛa' nɩ, 'i kala 'üün plɛ 'klɩ, 'inya prɛ 'üa ‑gälɩa 'ku.
Wiili Piɛɛrë 'saalɩ Nyɔsʋaanyuku kpaku ‑wälɩ
11Kpakpanyɔɔlɔ 'ü 'pʋɔa'#3.11 Kpakpanyɔɔlɔ 'ü 'pʋɔa': Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Nyɔɔlɔ. 'nyɩ sɔa' Piɛɛrë nyra Jaan dɛrɩ nɩ, nyüüa 'fɩɔ nya fɔ 'ünya mi 'üa 'pɛlɩ ‑saplɛ 'lɩa ‑plɩɩlɩ 'ü 'daraa' «Salomɔɔa papa», 'üa plɛklɩkala#3.11 Nyɔsʋaanyuku kpakua ‑gbööö 'mäklɩ papɛlɛ 'pala, 'a ‑nyɛɛ nyüülü 'nyɩa' juifë bä kɔ kɔ. Lukë 5.12; Jaan 10.23.. 12Piɛɛrë 'jäa' 'iin nɩ, 'ɔnya ‑gbala ‑jria: «Israɛɛlënyüü 'amɩ, dɛplɛɛ kä ‑gʋ 'i kala 'amɩ plɛklɩ le? Dɛplɛɛ kä ‑gʋ 'a nö 'saa 'a ‑pʋpɔ amɩ ‑beere ana 'mʋgbɛa 'klü a nʋ ‑bɛ nyɔɔlɔ kʋa' ‑pɩ 'nyɛɛ le? ‑Mää bɩa 'kä a pɩɛ Nyɔsʋaa ‑gböösa anya ‑si 'amɩ 'wʋ ‑a! 13Abraamë, Isaakë, Jakɔɔbë nyra ana tʋɩɩa Nyɔsʋa 'doolɔ, 'ɔɔ 'bʋala 'ɔa 'jrʋpafɛnyɔɔ Jesu. 'Amɔ 'sa 'ɔɔn 'anya sɔ 'ɔɔn dɛrɩ Pilatëa 'klɩ, ‑bɛ 'ɔ 'bata ɩ 'ɔa ‑wälɩcɛrɛkʋ. 14'A sɔ nyɔɔlɔ bäa' 'Nyünanyɔɔ dɛrɩ, ɔ bäa' 'Klɩgänyɔɔ. 'Anya 'daa abɩa Pilatë 'cɛrɛ nyüüblanyɔɔ ‑wälɩ#3.14 Matiö 27.15-23; Marëkë 15.6-14; Lukë 23.13-23; Jaan 18.38-40; 19.12-15.. 15'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ. 16'A Jesua 'nyrɩa 'klü nyra ana nyɔsʋaplɛtorokʋ ‑nyɩ nyɔɔlɔ kʋa' ‑pɩ, ɔ 'a 'jääa' 'wʋ ‑bɛ 'a jrea' 'klü. 'A Jesua plɛtorokʋ 'pʋɔ 'ɔmɩ 'ana 'fɩɔa 'klɩ.
17«'Na ‑wlajü 'amɩ, 'abɩa 'mɔɔ ‑ka jre ɩa' 'saa 'sɩrɩ 'a nyra 'ana 'cifu 'sɔ 'nyɩa' 'iin jre ‑bɛ 'a nʋa' 'imɩ. 18‑Maa Nyɔsʋa nʋa' 'saa nɩ, 'a wiili 'ɔ ‑srörö käa' 'ɔa mlɩpalanyüüa 'fɩɔa mlɩ ‑bɛ 'ɔ 'sa käa' 'lɩ nɩ, 'ii 'ɔ nʋ: 'ɔ nɩnɩa kä 'Kriisë nya ‑sʋɩ 'jäa. 19'Ii känyrɩ 'ba toro 'lɩ ‑balʋ ‑gälɩ 'kä 'a ‑siie Nyɔsʋaa 'pɛlɩ kälɩ 'ana ‑balʋ 'mä kpëträ. 20'Ia 'taɩn 'lɩ nɩ, 'Pläkänyɔɔ 'mä 'amɩ ‑fʋflʋpataɩn ‑nyɩ ‑bɛ 'ɔmä 'amɩ 'Kriisë Jesulɔ 'ɔ 'daa käa' ja. 21'Ɔa 'doo cɛ nëmä 'lɩ 'kʋɛɛ 'fɩɔwʋ ‑a ji jrüülü kä 'mlɩ diia 'fɩɔ 'mäa' dëdrë bä 'mä 'lɩjrä; Nyɔsʋa nyaa' kä 'iin 'ɔa 'nyüna nyɔsʋaamlɩpalanyüüa 'fɩɔ#3.21 a 'fɩɔ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. mlɩ ‑srörö. 22'Be Moisë ‑gbala ana tʋɩɩ#3.22 'Be Moisë ‑gbala ana tʋɩɩ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Moisë nɩnɩa.: ‹'Ana 'Pläkänyɔɔ Nyɔsʋa nya 'ana ‑wlajüa ‑tɔrʋpɩɔ nyɔsʋaamlɩpalanyɔɔ 'doo 'baa ‑beere 'mɔɔ. Wiili kä 'fɩɔ 'ɔmäa' 'lɩsa 'a kä 'amä 'ɔɔn 'nyaklipo. 23‑Bɛ nyɔɔlɔ ‑nëmäa' 'ia nyɔsʋaamlɩpalanyɔɔlɔ 'nyaklipo nɩ, anya 'ɔɔn 'blaa 'kä 'ɔnya 'ɔa nyüüa ‑tɔrʋpɩɔ sɔ#3.22-23 Deteronɔɔmë 18.18-19..›
24«Nyɔsʋaamlɩpalanyüülü kä 'fɩɔ 'paa' wii, kolo Samiɛɛlë ‑gälɩ 'kä nyra nyɔsʋaamlɩpalanyüülü 'troroa' 'ɔɔn 'klɩ, 'ü tɩ ‑srɩ dɛrɩ 'ünya 'salɩ ‑taa jrüülüa ‑gä. 25'Amɔlɔ nɩ, nyɔsʋaamlɩpalanyüü nyra Nyɔsʋaa kuöa 'jü 'a bä. 'A kuölä Nyɔsʋa nyra ana#3.25 ana: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ana. tʋɩɩ 'paa' 'taɩn 'lɩ 'ɔ ‑gbalaa' käa' Abraamë: ‑Na ‑gugujʋ kälɩ 'nëmä ‑srörö ‑bɛ 'mä ‑tʋtʋ ‑gälɩa ‑glügbüa 'fɩɔ 'nɩpa#3.25 Jenɛɛsë 22.18; 26.4.. 26'Amɔ ‑kätɩ Nyɔsʋa srara 'ɔa 'jrʋpafɛnyɔɔ 'ɔnya ja 'amɩ 'ɔɔn. 'Ɔ ja 'ɔɔn 'ɔmä nyüü 'nɩpa, 'ɔmä 'iin nʋ ‑moloo ma bälɩ 'ɔmä 'lɩ 'ɔa bʋbɔgbi ‑gälɩtoro.»
Currently Selected:
Akëtë 3: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Akëtë 3
3
Kpakpanyɔɔlɔ 'pʋa'
1'Taɩn 'doo 'lɩ, 'i bä kä Nyɔsʋa bibietaɩn, ‑gbiajrʋa ‑gliiibei tää 'lɩ#3.1 ‑gbiajrʋa ‑gliiibei tää 'lɩ: Grɛɛkëwii 'lɩ nɩ, 'iibä: «‑uunmlɔɔa në ‑gliii». Juifëa ‑nyɛɛ nɩ, 'taɩn 'lɩ 'jrʋ 'tɔɔa', 'a ‑plɩɩ 'ü 'bala 'taɩn a ‑täsäkʋ., Piɛɛrë nyra Jaan mlöröɩ 'lɩ Nyɔsʋaanyuku kpaku ‑wälɩ. 2‑Bɛ kpakpanyɔɔ 'doo bä ɩ ‑plɩɩ, 'ɔa 'yio ‑gua' 'ɔɔn 'asɩ 'ɔ bä. ‑Srɩ o ‑srɩ, Nyɔsʋaanyukua 'mëmla 'klɩ 'ü ja 'ɔɔn 'käsrikalɩ, 'ii 'ü 'dara «'Nana Tatu». 'A ‑plɩɩ 'ü ‑tʋʋä 'ɔɔn 'ɔmä nyüülü möa' Nyɔsʋaanyuku ‑wälɩ ‑sɛ. 3'Ɔ 'jäa' Piɛɛrë nyra Jaan, 'ü möa' Nyɔsʋaanyuku ‑wälɩ nɩ, 'ɔnya ‑sɛ 'üün mölii. 4Piɛɛrë nyra Jaan nya tɛ 'ɔɔn 'klɩ tee, 'ü ‑nëma: «Tɛ amɩ 'klɩ!» 5Nyɔɔlɔ nya tɛ 'üün 'klɩ tee; 'ɔa plɛɛ dɛɛ 'ü nëmä 'ɔɔn ‑nyɩ.
6«'Nyɩ ‑sika ‑a kä, 'nyɩ mölii ‑a kä, ‑maa dɛɛlɛ 'n 'klaaa' 'ɛɛ 'nëmä ‑mɩ ‑nyɩ: Nasarɛɛtënyɔɔ Jesu 'Kriisëa 'nyrɩklɩa ‑gʋ, sɔwʋ 'kä ‑nyɛɛɛ!» 7'Ɔnya 'kpla 'ɔa 'dupa 'darʋ 'ɔnya 'kʋɛɛ 'ɔɔn. 'A ‑plɩɩ 'ɔa bei nyra 'ɔa bɔtütü kʋ 'ünya 'pʋ. 8'Ɔnya ‑plu ‑bɛ 'ɔ 'nyɛɛ. 'Ɔ nyra 'üün nya pa Nyɔsʋaanyuku ‑wälɩ. 'Ɔ 'nyɛɛ, 'ɔ pöplöö ‑bɛ 'ɔ 'bʋala Nyɔsʋa. 9Nyüüa 'fɩɔ tɛ 'ɔɔn 'klɩ, 'ɔ 'nyɛɛ ‑bɛ 'ɔ 'bʋalaa' Nyɔsʋa. 10'Ü ‑tʋa' 'iin 'nyü ‑gba 'sɩrɩ 'i bäa' nyɔɔlɔ ma kʋäa' 'Nana Tatulu bäa' Nyɔsʋaanyuku 'mäklɩ nɩ, 'ɔ ma ‑sɛɛa' nɩ, 'i kala 'üün plɛ 'klɩ, 'inya prɛ 'üa ‑gälɩa 'ku.
Wiili Piɛɛrë 'saalɩ Nyɔsʋaanyuku kpaku ‑wälɩ
11Kpakpanyɔɔlɔ 'ü 'pʋɔa'#3.11 Kpakpanyɔɔlɔ 'ü 'pʋɔa': Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Nyɔɔlɔ. 'nyɩ sɔa' Piɛɛrë nyra Jaan dɛrɩ nɩ, nyüüa 'fɩɔ nya fɔ 'ünya mi 'üa 'pɛlɩ ‑saplɛ 'lɩa ‑plɩɩlɩ 'ü 'daraa' «Salomɔɔa papa», 'üa plɛklɩkala#3.11 Nyɔsʋaanyuku kpakua ‑gbööö 'mäklɩ papɛlɛ 'pala, 'a ‑nyɛɛ nyüülü 'nyɩa' juifë bä kɔ kɔ. Lukë 5.12; Jaan 10.23.. 12Piɛɛrë 'jäa' 'iin nɩ, 'ɔnya ‑gbala ‑jria: «Israɛɛlënyüü 'amɩ, dɛplɛɛ kä ‑gʋ 'i kala 'amɩ plɛklɩ le? Dɛplɛɛ kä ‑gʋ 'a nö 'saa 'a ‑pʋpɔ amɩ ‑beere ana 'mʋgbɛa 'klü a nʋ ‑bɛ nyɔɔlɔ kʋa' ‑pɩ 'nyɛɛ le? ‑Mää bɩa 'kä a pɩɛ Nyɔsʋaa ‑gböösa anya ‑si 'amɩ 'wʋ ‑a! 13Abraamë, Isaakë, Jakɔɔbë nyra ana tʋɩɩa Nyɔsʋa 'doolɔ, 'ɔɔ 'bʋala 'ɔa 'jrʋpafɛnyɔɔ Jesu. 'Amɔ 'sa 'ɔɔn 'anya sɔ 'ɔɔn dɛrɩ Pilatëa 'klɩ, ‑bɛ 'ɔ 'bata ɩ 'ɔa ‑wälɩcɛrɛkʋ. 14'A sɔ nyɔɔlɔ bäa' 'Nyünanyɔɔ dɛrɩ, ɔ bäa' 'Klɩgänyɔɔ. 'Anya 'daa abɩa Pilatë 'cɛrɛ nyüüblanyɔɔ ‑wälɩ#3.14 Matiö 27.15-23; Marëkë 15.6-14; Lukë 23.13-23; Jaan 18.38-40; 19.12-15.. 15'A 'bla 'Kläa Käkänyɔɔ. ‑Maa Nyɔsʋa 'ba 'ɔɔn jäjäa ‑tɔrʋpɩɔ, ana 'mʋgbɛ nya nʋ 'nyü anya 'jä 'imɩ. 16'A Jesua 'nyrɩa 'klü nyra ana nyɔsʋaplɛtorokʋ ‑nyɩ nyɔɔlɔ kʋa' ‑pɩ, ɔ 'a 'jääa' 'wʋ ‑bɛ 'a jrea' 'klü. 'A Jesua plɛtorokʋ 'pʋɔ 'ɔmɩ 'ana 'fɩɔa 'klɩ.
17«'Na ‑wlajü 'amɩ, 'abɩa 'mɔɔ ‑ka jre ɩa' 'saa 'sɩrɩ 'a nyra 'ana 'cifu 'sɔ 'nyɩa' 'iin jre ‑bɛ 'a nʋa' 'imɩ. 18‑Maa Nyɔsʋa nʋa' 'saa nɩ, 'a wiili 'ɔ ‑srörö käa' 'ɔa mlɩpalanyüüa 'fɩɔa mlɩ ‑bɛ 'ɔ 'sa käa' 'lɩ nɩ, 'ii 'ɔ nʋ: 'ɔ nɩnɩa kä 'Kriisë nya ‑sʋɩ 'jäa. 19'Ii känyrɩ 'ba toro 'lɩ ‑balʋ ‑gälɩ 'kä 'a ‑siie Nyɔsʋaa 'pɛlɩ kälɩ 'ana ‑balʋ 'mä kpëträ. 20'Ia 'taɩn 'lɩ nɩ, 'Pläkänyɔɔ 'mä 'amɩ ‑fʋflʋpataɩn ‑nyɩ ‑bɛ 'ɔmä 'amɩ 'Kriisë Jesulɔ 'ɔ 'daa käa' ja. 21'Ɔa 'doo cɛ nëmä 'lɩ 'kʋɛɛ 'fɩɔwʋ ‑a ji jrüülü kä 'mlɩ diia 'fɩɔ 'mäa' dëdrë bä 'mä 'lɩjrä; Nyɔsʋa nyaa' kä 'iin 'ɔa 'nyüna nyɔsʋaamlɩpalanyüüa 'fɩɔ#3.21 a 'fɩɔ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. mlɩ ‑srörö. 22'Be Moisë ‑gbala ana tʋɩɩ#3.22 'Be Moisë ‑gbala ana tʋɩɩ: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: Moisë nɩnɩa.: ‹'Ana 'Pläkänyɔɔ Nyɔsʋa nya 'ana ‑wlajüa ‑tɔrʋpɩɔ nyɔsʋaamlɩpalanyɔɔ 'doo 'baa ‑beere 'mɔɔ. Wiili kä 'fɩɔ 'ɔmäa' 'lɩsa 'a kä 'amä 'ɔɔn 'nyaklipo. 23‑Bɛ nyɔɔlɔ ‑nëmäa' 'ia nyɔsʋaamlɩpalanyɔɔlɔ 'nyaklipo nɩ, anya 'ɔɔn 'blaa 'kä 'ɔnya 'ɔa nyüüa ‑tɔrʋpɩɔ sɔ#3.22-23 Deteronɔɔmë 18.18-19..›
24«Nyɔsʋaamlɩpalanyüülü kä 'fɩɔ 'paa' wii, kolo Samiɛɛlë ‑gälɩ 'kä nyra nyɔsʋaamlɩpalanyüülü 'troroa' 'ɔɔn 'klɩ, 'ü tɩ ‑srɩ dɛrɩ 'ünya 'salɩ ‑taa jrüülüa ‑gä. 25'Amɔlɔ nɩ, nyɔsʋaamlɩpalanyüü nyra Nyɔsʋaa kuöa 'jü 'a bä. 'A kuölä Nyɔsʋa nyra ana#3.25 ana: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'ana. tʋɩɩ 'paa' 'taɩn 'lɩ 'ɔ ‑gbalaa' käa' Abraamë: ‑Na ‑gugujʋ kälɩ 'nëmä ‑srörö ‑bɛ 'mä ‑tʋtʋ ‑gälɩa ‑glügbüa 'fɩɔ 'nɩpa#3.25 Jenɛɛsë 22.18; 26.4.. 26'Amɔ ‑kätɩ Nyɔsʋa srara 'ɔa 'jrʋpafɛnyɔɔ 'ɔnya ja 'amɩ 'ɔɔn. 'Ɔ ja 'ɔɔn 'ɔmä nyüü 'nɩpa, 'ɔmä 'iin nʋ ‑moloo ma bälɩ 'ɔmä 'lɩ 'ɔa bʋbɔgbi ‑gälɩtoro.»
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.