Akëtë 2
2
'Nyüna ‑Susua jijikʋ
1 Patekɔɔtëa ‑srɩ jräa' 'lɩ nɩ, 'wʋnyɛrɛnyüüa 'fɩɔ trara ‑pɩɔ 'doo 'wʋ. 2'Üa plɛ mia' 'kägbakalɩ, ‑yrɛ ja cɛlɩ ‑beere 'sɩrɩ ‑fʋflʋ kpaku jöa'. 'Unya 'si nyukulu kä ‑wälɩ 'ü bä ɩa' 'klɩ. 3Mɛa nya 'tɔ 'tɔ, 'i ‑beere kapua mɛa. 'Ünya sɔsrɔgba 'ünya 'pepe nyüülü ‑gälɩ 'doorodoo. 4'Nyüna ‑Susu nya 'sesie 'üa 'fɩɔ 'klɩ, ‑bɛ 'ü 'paa nyüü ‑mölööa mlɩa wii; wiili ‑Susu 'paaa' ‑molooa mlɩ, 'ii 'ɔ 'paa.
5‑Bɛ 'ia ‑srɩlɩa 'mlɩ nɩ, juifënyüülü pɩɛa' 'tasɩrɩ Nyɔsʋa, ü sɔsɔa' 'blɩa 'fɩɔ ‑gälɩ nɩ, 'ü bä kä Jerusalɛɛmë. 6'Ü 'nua' 'ia ‑yrɛlɛ 'wli nɩ, nyüü 'kɔkɔmlɛ nya ji 'lɩ. 'I kala 'üün plɛklɩ ‑gböösa, 'be ‑moloo ma bälɩ 'ɔ 'nöö, 'be 'ɔa 'mʋgbɛa 'brea wii 'ü 'paa. 7'Üa ‑gälɩa 'ku fɔ, 'ü ‑pʋpɔ ‑bɛ 'ü 'betre 'lɩ: «'Nɩnɩa nɩ, nyüülü kʋa' ‑pɩ 'ü 'paaa' wii nɩ, ‑mää 'üa 'fɩɔ 'nyɩ Galileenyüü bä 'la! 8‑Bɛ ‑asɩ 'i nʋ ‑bɛ 'ü 'paa ana 'fɩɔa 'brea wiili kä 'mlɩ 'ü ‑glooroa' amɩ le? 9'Palɩ Paatënyüü, Mɛɛdënyüü, Elamitënyüü, Mesopotamiinyüü, Judeenyüü, Kapadosiinyüü, Pɔɔntënyüü nyra Asiia 'pɛ 'deea ‑gälɩa nyüü. 10‑Mölöö sɔ Filigi, Pamëfilii, Ejiipëtë nyra Libiia ‑tʋtʋ ‑gälɩ ‑nyɛɛ Sirɛɛnëa 'pɛlɩ, nyra ü sɔa' Rɔmë. ‑Mülü ‑glooroa' juifënyüü 'ü bälɩ nyra ‑mülü nʋa' juifënyüü juifëcɛcɩa ‑gʋ nya bälɩ#2.10 Grɛɛkë ‑kätɩpɔɔkɩ ‑mɩdooa 'mlɩ ‑taa waklüülü ‑jɩjra 11 a 'mlɩ., 11Krɛɛtënyüü nyra Araabënyüü bälɩ. 'Ü 'paa 'mʋfagbi kpakülü Nyɔsʋa nʋa' a ‑gä ana 'brea wii 'lɩ!» 12'I prɛ 'üa ‑gälɩa 'ku, wiili 'ümäa' 'pa 'ünyɩ 'iin jre ‑a jre ‑bɛ 'ü 'pala 'üa ‑tɔrʋpɩɔ wii: «‑Taa wiili kʋa' ‑pɩ 'ia ‑gbaa le?» 13‑Maa ‑mölöö srörö 'üün ‑bɛ 'ü nö: «'Ü 'a ‑duvɛɛn dëdrä 'wʋ dö#2.13 ‑duvɛɛn dëdrä 'wʋ dö: 'Mɛnɛ ‑duvɛɛn bäsaa, unyɩa' 'saa pɔtrɔ.!»
Wiili Piɛɛrë 'saalɩ
14Piɛɛrë nya sɔwʋ apotrë ‑pʋ ‑bɛ 'doo ‑mülüa ‑tɔrʋpɩɔ 'ɔnya dɔrɔ wii 'wʋ 'ɔ ‑nëma: «Juifënyüü 'amɩ, 'amɔ kä 'fɩɔ bäa' bɩa Jerusalɛɛmë, 'ba po 'mɩ 'nyakli. 'Amɔ 'n ‑gbala, 'amä 'iin jre: 15'A nɩnɩa 'nʋ 'blaa nyüülü kʋa' ‑pɩ; ‑maa ‑mää 'iin ‑a! 'Be ‑suwlaa ‑gliiibei ‑uunmlɔɔ#2.15 ‑suwlaa ‑gliiibei ‑uunmlɔɔ: Grɛɛkëwii nö: ‑suwlaa ‑gliiibei tää. 'Jrʋ ma 'cie dotro, 'a ‑plɩɩ 'ü 'bala ‑täsäkʋ. ‑Glɩsɩglɩsɩlɛ 'ü 'daraa' Patekɔɔtë, ɛma jrälɩ nɩ, juifë 'nyɩ jidɛɛ ‑a sɔsɔ. ‑Suwla nɩ, 'üa 'fɩɔ trara Nyɔsʋaanyuku ‑wälɩ, 'kä 'ü bibie Nyɔsʋa 'fɩɔwʋ ‑a ji 'ümä dɛɛji. 'A 'taɩn 'lɩ 'ü jöa' dɛɛ 'fɩɔwʋ, 'a ‑plɩɩ 'ü 'mlaa 'nʋ. 'A 'ia ‑gʋ Piɛɛrë 'daa, 'ü ‑kaaŋlʋa' dɛɛji nɩ, ‑asɩ 'nʋ nya 'üün 'bla le? 'lɩ a bä. 16‑Maa wiili nröröa' nɩ, nyɔsʋaamlɩpalanyɔɔ Joɛɛlë 'a kä 'iin 'pa:
17 Nyɔsʋa nɩnɩa: ‑jää wiili nëmäa' 'lɩjrä 'täpajrüüa 'mlɩ,
'nyaa 'na ‑Susu nyüüa 'fɩɔ ‑gälɩ 'cerea;
'ana nyɩbɛjü nyra 'ana 'ŋlëkayörü nya 'na mlɩpalanyüü bäa;
'ana ‑sëgbë nya dii dɛrɩjäräa;
'kä 'nyaa 'ana tagbü sanyü ‑gälɩ ja.
18 ‑Bɛ ‑taa jrüülüa 'mlɩ nɩ,
'nyaa 'na 'jrʋpafɛnyüüa ‑gälɩ 'na ‑Susu 'cerea,
'palɩ nyɩberü ‑a ‑paalɩ 'ŋlëgë,
'ümä 'na mlɩpalanyüü bä.
19 'Nyaa plɛklɩkalawii ‑nyɛɛ cɛa 'mlɩ nröröa,
'kä 'nyaa ‑tɛ ‑tʋtʋ ‑gälɩ ‑saragbia tie nrörö:
'anya ‑toru, kapu nyra nyrʋgbɔlʋ 'jäa;
20 'jrʋ nya 'jöjrüükpü nʋa,
'kä ‑seple nya ‑flɔɔɔ ‑beere ‑toru.
Ima ‑si, 'kä 'Pläkänyɔɔ Nyɔsʋaa ‑Srɩ nya ji,
‑srɩ kpakö, 'mʋfa ‑srɩ.
21 'Ia 'taɩn 'lɩ, nyɔɔ o nyɔɔ 'mäa' 'Pläkänyɔɔa 'nyrɩ we nɩ,
'ɔnya 'lɩmlɩwʋa # 2.17-21
Joɛɛlë 3.1-5
..
22«'Ba po 'mɩ 'nyakli 'cɩcasa Israɛɛlënyüü 'amɩ! Nyɔsʋa srara 'amɩ 'sɩrɩ Nasarɛɛtënyɔɔ Jesu bäa': Nyɔsʋa ‑srörö 'ɔɔn kälɩ 'ɔnya nrörö 'ana ‑tɔrʋpɩɔ Nyɔsʋaa 'klü, plɛklɩkalawii nyra ‑saragbia tie; 'ana 'mʋgbɛ jre 'imɩ. 23'Ia nyɔɔlɔ nɩ, 'ɔ 'sara 'amɩ kälɩ 'sɩrɩ Nyɔsʋa tʋ käa' 'lɩ 'imɩ ‑bɛ 'sɩrɩ 'ɔ jre ɩa' 'iin. 'Anya dɔrɔ 'ɔɔn 'wʋ 'anya 'bla 'ɔɔn: nyüülü 'nyɩa' Nyɔsʋa jre, 'üü 'a ‑srörö kälɩ#2.23 nyüülü 'nyɩa' Nyɔsʋa jre, 'üü 'a ‑srörö kälɩ: 'I 'mrɛɛ i bä bɩa: «nyüülü 'nyɩa' ‑trääräa' 'lɩ ‑dɔ», 'aiɛ «‑balʋnyüüa klʋgbë». 'anya kolo 'ɔɔn krʋa ‑gälɩ. 24Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala#2.24 Matiö 28.5-6; Marëkë 16.6; Lukë 24.5.. 25Daviidë nya 'pa 'ɔa ‑gä, 'ɔ nɩnɩa:
'N 'järä 'Pläkänyɔɔ 'na 'klɩ 'plɔʋplɔʋ,
'ɔ bä 'na 'dupa 'lɩ # 2.25 'na 'dupa 'lɩ: 'I 'mrɛɛ i bä bɩa: « 'na ‑gba». dɛɛ ‑pɩ 'mɩ 'kä 'dögö.
26 'Ia ‑gʋ dɔrʋ 'si 'mɩ 'klɩ ‑bɛ 'n brɛ dɔrʋsa;
'na Nyɔsʋaa plɛgälɩpiepiekʋa ‑gʋ nɩ,
'na 'jajɛ nya 'ɔa ‑gba ‑fʋflʋ 'palaa;
27 'be ‑nëmä 'na ‑susu 'kuaabre ‑a tɩ,
‑nëmä bɩa ‑na 'Nyünanyɔɔ ‑wälɩ ‑a 'cɛrɛ 'ɔmä ‑fɛ.
28 ‑Srara 'mɩ 'kläa 'nyifi,
‑nya 'mɩ dɔrʋ 'klɩ 'siea, 'be ‑bä 'na ‑gba # 2.25-28
'Lɩbrɛrɛpɔɔkʋ 16.8-11
..
29«'Na ‑wlajü 'amɩ, 'n 'mrɛɛ ‑a ‑gbala 'amɩ: ana tʋ Daviidë jä, 'ünya ‑tʋ 'ɔɔn; 'ɔa 'kuyu ‑ka bä ‑plɩɩ 'saarɩa ‑srɩ 'lɩ. 30‑Maa 'ɔ bäa' nyɔsʋaamlɩpalanyɔɔ ‑bɛ 'ɔ jre 'iin 'sɩrɩ Nyɔsʋa 'sɔrɩa', ‑bɛ 'ɔ ‑gbalaa' 'ɔɔn ‑maa 'ɔa 'jüa ‑tɔrʋpɩɔ 'ɔmä ‑srɩɩ nyɔɔ 'ba 'ɔmä 'ɔa 'kɩɩkpata ‑gälɩ kʋ#2.30 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «'ii 'Kriisë 'mä ‑glooro, 'jajɛa 'sa, 'ɔmä 'ɔɔn 'kɩɩkpata ‑gälɩ 'käsri.» 'Lɩbrɛrɛpɔɔkʋ 132.11; 2 Samiɛɛlë 7.12.. 31Daviidë 'järä 'iin dɛrɩ 'sɩrɩ 'Kriisë 'mäa' 'kuaabre sɔ. 'A 'ia ‑gʋ 'ɔ 'daa kä ‑maa:
'Ɔ ‑nëmä 'kuaabre ‑a tɩɔ,
‑bɛ 'ɔ ‑nëmä ‑fɛ ‑a ‑fɛ # 2.31
'Lɩbrɛrɛpɔɔkʋ 19.10
..
32'A Jesulɔ nɩ, 'ɔɔ Nyɔsʋa 'ba jäjäa ‑tɔrʋpɩɔ, ana 'fɩɔ nya 'jä 'ɔɔn. 33Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ#2.33 A 'mrɛɛ a 'daa bɩa: «Nyɔsʋaa 'dupa nya 'bʋala 'ɔɔn.», Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli. 34Daviidë 'nyɩ cɛ 'lɩ ‑a 'jra, 'be 'ɔa 'mʋgbɛ nɩnɩa:
'Pläkänyɔɔ ‑gbala 'na 'Pläkänyɔɔ: 'A ‑pɩ 'na 'dupa 'lɩ ‑a kʋ kʋ,
35 'kä 'n nrörö ‑na 'nyüamlɩjraranyüü ‑na bökligälɩtʋkpö 'lɩ # 2.34-35
'Lɩbrɛrɛpɔɔkʋ 110.1
..
36'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»
37'Ü 'nua' wiili 'ɔ 'paa' 'wli nɩ, 'i pa 'üün ‑gba. 'Ünya 'bete Piɛɛrë nyra apotrë ‑mülü: «‑Wlajü 'amɩ, ‑asɩ anya nʋ le?» 38'Iibäa' Piɛɛrë nɩ: «'Ba toro 'lɩ ‑balʋ ‑gälɩ, ‑moloo ma bälɩ 'kä 'ü 'paa 'ɔɔn 'nɩwli Jesu 'Kriisëa 'nyrɩklɩ, 'ɔa ‑balʋ 'mä 'ɔmɩ cere, ‑bɛ Nyɔsʋa 'mä 'amɩ 'Nyüna ‑Susu ‑nyɩ. 39'Ɔ nɩnɩa 'ɔnya 'amɩ 'uun ‑nyɩa, 'ana 'jü, nyra nyüülü tʋŋlɔa' 'lɩdɛrɩ nyra nyüülü kä 'fɩɔ ana 'Pläkänyɔɔ Nyɔsʋa 'mäa' 'ɔa nyufa ‑gba were.» 40'Ɔ 'pawii 'kɔkɔmlɛ 'ɔmä 'üa 'klü 'jrara ‑bɛ 'ümä wiili 'ɔ 'paaa' wii 'dara. 'Ɔ ‑nëma: «'Ba sɔ ‑srɩlɩ kä 'mlɩ a bäa', 'ia plɛbʋbɔnyüü dɛrɩ!» 41Nyüülü 'kplaa' 'ɔa 'papawii 'mʋfasa nɩ, 'ünya 'pala 'nɩwli. 'Ia ‑srɩlɩa 'mlɩ nyüülü blöa' 'üün ‑gälɩ nɩ, 'ü bä nyüüa ‑dii ‑uunsɔɔ ‑glʋɩpʋ (3 000).
'Sɩrɩ 'klɩsacɛcɩnyüü ma nöa'
42'Ü ‑tʋʋä apotrëa 'kpɩkpɩakʋ 'nyügba, 'ü bä nyüü 'doo, 'ü ‑päplä jijri 'lɩ#2.42 'I 'mrɛɛ i bä Nyɔsʋaa jijrɛlɛ 'ü 'daraa' «Sɛntë sɛɛnë», 'aiɛ «Yukarisë», 'aiɛ 'ia ‑srɩlɩa jijrɛlɛ falaa' «Sɛntë sɛɛnë». Tɛ Lukë 22.19. ‑bɛ 'ü bibrie Nyɔsʋa ‑pɩɔ 'doo 'wʋ. 43Nyɔsʋaa ŋalɛ ma 'blaa nyüüa 'fɩɔ, ‑bɛ apotrë nö ‑saragbia tie nyra plɛklɩkalawii 'kɔkɔmlɛ. 44Nyɔsʋaplɛtoronyüüa 'fɩɔ bä ɩ ‑pɩɔ 'doo 'wʋ, ‑bɛ 'ü ‑päplä 'üa käkädii 'lɩ. 45'Ü 'paa 'üa pütia nyra 'üa dii 'peru, ‑bɛ 'ü ‑päplä 'iin 'lɩ 'sɩrɩ 'üa ‑sʋɛ bäbläa' 'lɩ. 46‑Srɩ o ‑srɩ 'ü ma trara Nyɔsʋaanyuku kpaku ‑wälɩ. 'Ü ma mi ‑molooa ‑nyɛɛ, 'kä 'ü mö ‑mɔa ‑nyɛɛ 'asɩ 'ü ma nö ‑bɛ 'ü ma ‑päälä 'flɔɔ 'wʋ dɔrʋsa; 'üa polua 'fɩɔ 'wlalɩkä ‑bɛ 'ü ma tara 'wʋ. 47'Ü 'bʋala Nyɔsʋa, nyüüa 'fɩɔ ma ‑wa 'üün, ‑bɛ nyüülü 'Pläkänyɔɔ 'baaa' 'lɩmlɩ ‑srɩ o ‑srɩ ma bɩa 'cɛcɩnyüü 'wli.
Currently Selected:
Akëtë 2: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Akëtë 2
2
'Nyüna ‑Susua jijikʋ
1 Patekɔɔtëa ‑srɩ jräa' 'lɩ nɩ, 'wʋnyɛrɛnyüüa 'fɩɔ trara ‑pɩɔ 'doo 'wʋ. 2'Üa plɛ mia' 'kägbakalɩ, ‑yrɛ ja cɛlɩ ‑beere 'sɩrɩ ‑fʋflʋ kpaku jöa'. 'Unya 'si nyukulu kä ‑wälɩ 'ü bä ɩa' 'klɩ. 3Mɛa nya 'tɔ 'tɔ, 'i ‑beere kapua mɛa. 'Ünya sɔsrɔgba 'ünya 'pepe nyüülü ‑gälɩ 'doorodoo. 4'Nyüna ‑Susu nya 'sesie 'üa 'fɩɔ 'klɩ, ‑bɛ 'ü 'paa nyüü ‑mölööa mlɩa wii; wiili ‑Susu 'paaa' ‑molooa mlɩ, 'ii 'ɔ 'paa.
5‑Bɛ 'ia ‑srɩlɩa 'mlɩ nɩ, juifënyüülü pɩɛa' 'tasɩrɩ Nyɔsʋa, ü sɔsɔa' 'blɩa 'fɩɔ ‑gälɩ nɩ, 'ü bä kä Jerusalɛɛmë. 6'Ü 'nua' 'ia ‑yrɛlɛ 'wli nɩ, nyüü 'kɔkɔmlɛ nya ji 'lɩ. 'I kala 'üün plɛklɩ ‑gböösa, 'be ‑moloo ma bälɩ 'ɔ 'nöö, 'be 'ɔa 'mʋgbɛa 'brea wii 'ü 'paa. 7'Üa ‑gälɩa 'ku fɔ, 'ü ‑pʋpɔ ‑bɛ 'ü 'betre 'lɩ: «'Nɩnɩa nɩ, nyüülü kʋa' ‑pɩ 'ü 'paaa' wii nɩ, ‑mää 'üa 'fɩɔ 'nyɩ Galileenyüü bä 'la! 8‑Bɛ ‑asɩ 'i nʋ ‑bɛ 'ü 'paa ana 'fɩɔa 'brea wiili kä 'mlɩ 'ü ‑glooroa' amɩ le? 9'Palɩ Paatënyüü, Mɛɛdënyüü, Elamitënyüü, Mesopotamiinyüü, Judeenyüü, Kapadosiinyüü, Pɔɔntënyüü nyra Asiia 'pɛ 'deea ‑gälɩa nyüü. 10‑Mölöö sɔ Filigi, Pamëfilii, Ejiipëtë nyra Libiia ‑tʋtʋ ‑gälɩ ‑nyɛɛ Sirɛɛnëa 'pɛlɩ, nyra ü sɔa' Rɔmë. ‑Mülü ‑glooroa' juifënyüü 'ü bälɩ nyra ‑mülü nʋa' juifënyüü juifëcɛcɩa ‑gʋ nya bälɩ#2.10 Grɛɛkë ‑kätɩpɔɔkɩ ‑mɩdooa 'mlɩ ‑taa waklüülü ‑jɩjra 11 a 'mlɩ., 11Krɛɛtënyüü nyra Araabënyüü bälɩ. 'Ü 'paa 'mʋfagbi kpakülü Nyɔsʋa nʋa' a ‑gä ana 'brea wii 'lɩ!» 12'I prɛ 'üa ‑gälɩa 'ku, wiili 'ümäa' 'pa 'ünyɩ 'iin jre ‑a jre ‑bɛ 'ü 'pala 'üa ‑tɔrʋpɩɔ wii: «‑Taa wiili kʋa' ‑pɩ 'ia ‑gbaa le?» 13‑Maa ‑mölöö srörö 'üün ‑bɛ 'ü nö: «'Ü 'a ‑duvɛɛn dëdrä 'wʋ dö#2.13 ‑duvɛɛn dëdrä 'wʋ dö: 'Mɛnɛ ‑duvɛɛn bäsaa, unyɩa' 'saa pɔtrɔ.!»
Wiili Piɛɛrë 'saalɩ
14Piɛɛrë nya sɔwʋ apotrë ‑pʋ ‑bɛ 'doo ‑mülüa ‑tɔrʋpɩɔ 'ɔnya dɔrɔ wii 'wʋ 'ɔ ‑nëma: «Juifënyüü 'amɩ, 'amɔ kä 'fɩɔ bäa' bɩa Jerusalɛɛmë, 'ba po 'mɩ 'nyakli. 'Amɔ 'n ‑gbala, 'amä 'iin jre: 15'A nɩnɩa 'nʋ 'blaa nyüülü kʋa' ‑pɩ; ‑maa ‑mää 'iin ‑a! 'Be ‑suwlaa ‑gliiibei ‑uunmlɔɔ#2.15 ‑suwlaa ‑gliiibei ‑uunmlɔɔ: Grɛɛkëwii nö: ‑suwlaa ‑gliiibei tää. 'Jrʋ ma 'cie dotro, 'a ‑plɩɩ 'ü 'bala ‑täsäkʋ. ‑Glɩsɩglɩsɩlɛ 'ü 'daraa' Patekɔɔtë, ɛma jrälɩ nɩ, juifë 'nyɩ jidɛɛ ‑a sɔsɔ. ‑Suwla nɩ, 'üa 'fɩɔ trara Nyɔsʋaanyuku ‑wälɩ, 'kä 'ü bibie Nyɔsʋa 'fɩɔwʋ ‑a ji 'ümä dɛɛji. 'A 'taɩn 'lɩ 'ü jöa' dɛɛ 'fɩɔwʋ, 'a ‑plɩɩ 'ü 'mlaa 'nʋ. 'A 'ia ‑gʋ Piɛɛrë 'daa, 'ü ‑kaaŋlʋa' dɛɛji nɩ, ‑asɩ 'nʋ nya 'üün 'bla le? 'lɩ a bä. 16‑Maa wiili nröröa' nɩ, nyɔsʋaamlɩpalanyɔɔ Joɛɛlë 'a kä 'iin 'pa:
17 Nyɔsʋa nɩnɩa: ‑jää wiili nëmäa' 'lɩjrä 'täpajrüüa 'mlɩ,
'nyaa 'na ‑Susu nyüüa 'fɩɔ ‑gälɩ 'cerea;
'ana nyɩbɛjü nyra 'ana 'ŋlëkayörü nya 'na mlɩpalanyüü bäa;
'ana ‑sëgbë nya dii dɛrɩjäräa;
'kä 'nyaa 'ana tagbü sanyü ‑gälɩ ja.
18 ‑Bɛ ‑taa jrüülüa 'mlɩ nɩ,
'nyaa 'na 'jrʋpafɛnyüüa ‑gälɩ 'na ‑Susu 'cerea,
'palɩ nyɩberü ‑a ‑paalɩ 'ŋlëgë,
'ümä 'na mlɩpalanyüü bä.
19 'Nyaa plɛklɩkalawii ‑nyɛɛ cɛa 'mlɩ nröröa,
'kä 'nyaa ‑tɛ ‑tʋtʋ ‑gälɩ ‑saragbia tie nrörö:
'anya ‑toru, kapu nyra nyrʋgbɔlʋ 'jäa;
20 'jrʋ nya 'jöjrüükpü nʋa,
'kä ‑seple nya ‑flɔɔɔ ‑beere ‑toru.
Ima ‑si, 'kä 'Pläkänyɔɔ Nyɔsʋaa ‑Srɩ nya ji,
‑srɩ kpakö, 'mʋfa ‑srɩ.
21 'Ia 'taɩn 'lɩ, nyɔɔ o nyɔɔ 'mäa' 'Pläkänyɔɔa 'nyrɩ we nɩ,
'ɔnya 'lɩmlɩwʋa # 2.17-21
Joɛɛlë 3.1-5
..
22«'Ba po 'mɩ 'nyakli 'cɩcasa Israɛɛlënyüü 'amɩ! Nyɔsʋa srara 'amɩ 'sɩrɩ Nasarɛɛtënyɔɔ Jesu bäa': Nyɔsʋa ‑srörö 'ɔɔn kälɩ 'ɔnya nrörö 'ana ‑tɔrʋpɩɔ Nyɔsʋaa 'klü, plɛklɩkalawii nyra ‑saragbia tie; 'ana 'mʋgbɛ jre 'imɩ. 23'Ia nyɔɔlɔ nɩ, 'ɔ 'sara 'amɩ kälɩ 'sɩrɩ Nyɔsʋa tʋ käa' 'lɩ 'imɩ ‑bɛ 'sɩrɩ 'ɔ jre ɩa' 'iin. 'Anya dɔrɔ 'ɔɔn 'wʋ 'anya 'bla 'ɔɔn: nyüülü 'nyɩa' Nyɔsʋa jre, 'üü 'a ‑srörö kälɩ#2.23 nyüülü 'nyɩa' Nyɔsʋa jre, 'üü 'a ‑srörö kälɩ: 'I 'mrɛɛ i bä bɩa: «nyüülü 'nyɩa' ‑trääräa' 'lɩ ‑dɔ», 'aiɛ «‑balʋnyüüa klʋgbë». 'anya kolo 'ɔɔn krʋa ‑gälɩ. 24Nyɔsʋa nya 'ba 'ɔɔn jäjä nyra jäjäa mɩmɩakʋ 'lɩ; jäjä nya 'nyɩ 'mrɛɛ 'ämä 'ɔɔn dɛrɩkala#2.24 Matiö 28.5-6; Marëkë 16.6; Lukë 24.5.. 25Daviidë nya 'pa 'ɔa ‑gä, 'ɔ nɩnɩa:
'N 'järä 'Pläkänyɔɔ 'na 'klɩ 'plɔʋplɔʋ,
'ɔ bä 'na 'dupa 'lɩ # 2.25 'na 'dupa 'lɩ: 'I 'mrɛɛ i bä bɩa: « 'na ‑gba». dɛɛ ‑pɩ 'mɩ 'kä 'dögö.
26 'Ia ‑gʋ dɔrʋ 'si 'mɩ 'klɩ ‑bɛ 'n brɛ dɔrʋsa;
'na Nyɔsʋaa plɛgälɩpiepiekʋa ‑gʋ nɩ,
'na 'jajɛ nya 'ɔa ‑gba ‑fʋflʋ 'palaa;
27 'be ‑nëmä 'na ‑susu 'kuaabre ‑a tɩ,
‑nëmä bɩa ‑na 'Nyünanyɔɔ ‑wälɩ ‑a 'cɛrɛ 'ɔmä ‑fɛ.
28 ‑Srara 'mɩ 'kläa 'nyifi,
‑nya 'mɩ dɔrʋ 'klɩ 'siea, 'be ‑bä 'na ‑gba # 2.25-28
'Lɩbrɛrɛpɔɔkʋ 16.8-11
..
29«'Na ‑wlajü 'amɩ, 'n 'mrɛɛ ‑a ‑gbala 'amɩ: ana tʋ Daviidë jä, 'ünya ‑tʋ 'ɔɔn; 'ɔa 'kuyu ‑ka bä ‑plɩɩ 'saarɩa ‑srɩ 'lɩ. 30‑Maa 'ɔ bäa' nyɔsʋaamlɩpalanyɔɔ ‑bɛ 'ɔ jre 'iin 'sɩrɩ Nyɔsʋa 'sɔrɩa', ‑bɛ 'ɔ ‑gbalaa' 'ɔɔn ‑maa 'ɔa 'jüa ‑tɔrʋpɩɔ 'ɔmä ‑srɩɩ nyɔɔ 'ba 'ɔmä 'ɔa 'kɩɩkpata ‑gälɩ kʋ#2.30 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: «'ii 'Kriisë 'mä ‑glooro, 'jajɛa 'sa, 'ɔmä 'ɔɔn 'kɩɩkpata ‑gälɩ 'käsri.» 'Lɩbrɛrɛpɔɔkʋ 132.11; 2 Samiɛɛlë 7.12.. 31Daviidë 'järä 'iin dɛrɩ 'sɩrɩ 'Kriisë 'mäa' 'kuaabre sɔ. 'A 'ia ‑gʋ 'ɔ 'daa kä ‑maa:
'Ɔ ‑nëmä 'kuaabre ‑a tɩɔ,
‑bɛ 'ɔ ‑nëmä ‑fɛ ‑a ‑fɛ # 2.31
'Lɩbrɛrɛpɔɔkʋ 19.10
..
32'A Jesulɔ nɩ, 'ɔɔ Nyɔsʋa 'ba jäjäa ‑tɔrʋpɩɔ, ana 'fɩɔ nya 'jä 'ɔɔn. 33Nyɔsʋa nya 'bʋala 'ɔɔn 'ɔnya ‑tʋ 'ɔɔn 'ɔa 'dupa 'lɩ#2.33 A 'mrɛɛ a 'daa bɩa: «Nyɔsʋaa 'dupa nya 'bʋala 'ɔɔn.», Tʋ nya ‑nyɩ Jesu 'Nyüna ‑Susu 'sɩrɩ 'ɔ ‑gba käa'. 'Ɔnya ‑gblɔɔ amɩ 'uun ‑gälɩ 'kä, 'a 'ii 'a 'jää ‑plɩɩ 'wʋ ‑bɛ 'a 'nööwli. 34Daviidë 'nyɩ cɛ 'lɩ ‑a 'jra, 'be 'ɔa 'mʋgbɛ nɩnɩa:
'Pläkänyɔɔ ‑gbala 'na 'Pläkänyɔɔ: 'A ‑pɩ 'na 'dupa 'lɩ ‑a kʋ kʋ,
35 'kä 'n nrörö ‑na 'nyüamlɩjraranyüü ‑na bökligälɩtʋkpö 'lɩ # 2.34-35
'Lɩbrɛrɛpɔɔkʋ 110.1
..
36'Ii känyrɩ, Israɛɛlëa 'fɩɔ kä 'ümä 'saa jre 'tasɩrɩ 'sɩrɩ Jesulɔ 'a koloa' krʋa ‑gälɩ nɩ, 'ɔɔ bäa' Nyɔsʋa, 'ɔɔ nrörö 'ɔɔn 'Pläkänyɔɔ nyra 'Kriisë 'lɩ.»
37'Ü 'nua' wiili 'ɔ 'paa' 'wli nɩ, 'i pa 'üün ‑gba. 'Ünya 'bete Piɛɛrë nyra apotrë ‑mülü: «‑Wlajü 'amɩ, ‑asɩ anya nʋ le?» 38'Iibäa' Piɛɛrë nɩ: «'Ba toro 'lɩ ‑balʋ ‑gälɩ, ‑moloo ma bälɩ 'kä 'ü 'paa 'ɔɔn 'nɩwli Jesu 'Kriisëa 'nyrɩklɩ, 'ɔa ‑balʋ 'mä 'ɔmɩ cere, ‑bɛ Nyɔsʋa 'mä 'amɩ 'Nyüna ‑Susu ‑nyɩ. 39'Ɔ nɩnɩa 'ɔnya 'amɩ 'uun ‑nyɩa, 'ana 'jü, nyra nyüülü tʋŋlɔa' 'lɩdɛrɩ nyra nyüülü kä 'fɩɔ ana 'Pläkänyɔɔ Nyɔsʋa 'mäa' 'ɔa nyufa ‑gba were.» 40'Ɔ 'pawii 'kɔkɔmlɛ 'ɔmä 'üa 'klü 'jrara ‑bɛ 'ümä wiili 'ɔ 'paaa' wii 'dara. 'Ɔ ‑nëma: «'Ba sɔ ‑srɩlɩ kä 'mlɩ a bäa', 'ia plɛbʋbɔnyüü dɛrɩ!» 41Nyüülü 'kplaa' 'ɔa 'papawii 'mʋfasa nɩ, 'ünya 'pala 'nɩwli. 'Ia ‑srɩlɩa 'mlɩ nyüülü blöa' 'üün ‑gälɩ nɩ, 'ü bä nyüüa ‑dii ‑uunsɔɔ ‑glʋɩpʋ (3 000).
'Sɩrɩ 'klɩsacɛcɩnyüü ma nöa'
42'Ü ‑tʋʋä apotrëa 'kpɩkpɩakʋ 'nyügba, 'ü bä nyüü 'doo, 'ü ‑päplä jijri 'lɩ#2.42 'I 'mrɛɛ i bä Nyɔsʋaa jijrɛlɛ 'ü 'daraa' «Sɛntë sɛɛnë», 'aiɛ «Yukarisë», 'aiɛ 'ia ‑srɩlɩa jijrɛlɛ falaa' «Sɛntë sɛɛnë». Tɛ Lukë 22.19. ‑bɛ 'ü bibrie Nyɔsʋa ‑pɩɔ 'doo 'wʋ. 43Nyɔsʋaa ŋalɛ ma 'blaa nyüüa 'fɩɔ, ‑bɛ apotrë nö ‑saragbia tie nyra plɛklɩkalawii 'kɔkɔmlɛ. 44Nyɔsʋaplɛtoronyüüa 'fɩɔ bä ɩ ‑pɩɔ 'doo 'wʋ, ‑bɛ 'ü ‑päplä 'üa käkädii 'lɩ. 45'Ü 'paa 'üa pütia nyra 'üa dii 'peru, ‑bɛ 'ü ‑päplä 'iin 'lɩ 'sɩrɩ 'üa ‑sʋɛ bäbläa' 'lɩ. 46‑Srɩ o ‑srɩ 'ü ma trara Nyɔsʋaanyuku kpaku ‑wälɩ. 'Ü ma mi ‑molooa ‑nyɛɛ, 'kä 'ü mö ‑mɔa ‑nyɛɛ 'asɩ 'ü ma nö ‑bɛ 'ü ma ‑päälä 'flɔɔ 'wʋ dɔrʋsa; 'üa polua 'fɩɔ 'wlalɩkä ‑bɛ 'ü ma tara 'wʋ. 47'Ü 'bʋala Nyɔsʋa, nyüüa 'fɩɔ ma ‑wa 'üün, ‑bɛ nyüülü 'Pläkänyɔɔ 'baaa' 'lɩmlɩ ‑srɩ o ‑srɩ ma bɩa 'cɛcɩnyüü 'wli.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.