Akëtë 4
4
'Pɛrɩnyüü 'nyüglö Piɛɛrë nyra Jaan
1Piɛɛrë nyra Jaan ‑ka 'pala ɩ nyüü wii ‑gba, ‑bɛ ‑gbɔsapɛrɩnyüü nyra Nyɔsʋaanyuku kpakua 'sʋgɩaa 'cifi nyra Sadusinyüü 'tɔ. 2Wiili 'ü 'kpɩaa' nyüülü ibäa' ‑maa jäjänyüü 'mrɛɛ 'ü sɔ 'kuaabre 'sɩrɩ Jesu nʋa' nɩ, 'i kä 'üün 'crɛwʋ ‑gböösa. 3'Ünya 'kpla 'üün, 'ünya 'pa 'üün ‑jie 'lɩ, 'ünya 'prere 'lɩ; 'be ‑gbiajrʋ 'lɩ 'ü 'kpla 'üün. 4‑Maa nyüülü poa' nyɔsʋaawiili 'nyakli nɩ, 'üa ‑tɔrʋpɩɔa 'kɔkɔmlɛ nya toro 'iin plɛ. 'Cɛcɩnyüü nya 'papla ‑gälɩ 'papla 'ünya bä nyüüa ‑diipʋ ‑diisɔɔ ‑glʋɩpʋa 'samadɛɛ (5 000).
Piɛɛrë nyra Jaan bä tropina 'lɩ
5‑Srɩ paa' nɩ, juifëa 'cifu, juifëa tagbü nyra ‑dɔkpɩanyüü nya trara Jerusalɛɛmë. 6‑Gbɔsapɛrɩnyɔɔ kpakölɔ 'ü 'daraa' Anësë, 'ɔ bä kä 'lɩ. Kaiifë, Jaan, Alesandrë nyra ‑gbɔsapɛrɩnyüü kpaküa ‑gbüüü 'lɩa nyüüa 'fɩɔ bä kä 'lɩ. 7'Ünya ja Piɛɛrë nyra Jaan 'üa ‑tɔrʋpɩɔ, ‑bɛ 'ü 'bete 'üün: «'Klü 'plɛɛ 'a nʋ ‑bɛ 'a 'pʋɔ nyɔɔlɔ le, 'aiɛ nyɔɔ 'plɛɛ kä 'nyrɩklɩ 'a nrörö 'imɩ le?» 8‑Bɛ 'Nyüna ‑Susu 'sia' Piɛɛrë 'klɩ 'ɔnya ‑gbala 'üün: «Juifëa 'cifu 'amɩ, Israɛɛlëa#4.8 Israɛɛlë: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. tagbü 'amɩ, 9'be 'mʋfagbili a nʋa' kpakpanyɔɔ ‑gba, 'ia ‑gʋ 'a 'bete 'saarɩ amɩ, ‑bɛ 'a 'bata 'sɩrɩ nyɔɔlɔ nʋa' 'pʋpʋdɛɛa jejrekʋ. 10'I 'na, 'a nyra Israɛɛlënyüüa 'fɩɔ kä 'amä 'saa jre 'sɩrɩ nyɔɔlɔ kʋa' ‑pɩ 'pʋɔlɔa' Nasarɛɛtënyɔɔ Jesu 'Kriisëlɔ 'a koloa' krʋa ‑gälɩ, ɔ jäa' ‑bɛ Nyɔsʋa tɛrɛa' 'kä nɩ, 'a 'ɔa 'nyrɩklɩ 'ɔ 'nyüglö 'ana 'klɩ. 11'A 'ɔɔ bä 'täkälä
'a bea' 'klʋɛɛ, 'amɔlü 'paaa' nyëka;
'ää nʋ 'tasɩrɩ nyukua ‑gɔmʋʋ # 4.11
'Lɩbrɛrɛpɔɔkʋ 118.22
..
12'Lɩmlɩwʋwʋkʋ ‑kanyɩ nyɔɔ ‑moloo kälɩ ‑a bä. ‑A ‑gbala 'amɩ, Nyɔsʋa 'nyɩ 'nyrɩ ‑mɩdoo ‑pɩ ‑tʋtʋ ‑gälɩ ‑a ‑nyɩ i nyɔɔ 'mäa' kälɩ ‑srörö ‑bɛ 'ɔmäa' 'lɩmlɩwʋ.» 13'Ü 'jäa' Piɛɛrë nyra Jaan 'surua' 'üa 'papawiia 'mlɩ nɩ, 'i kala 'üün plɛklɩ: 'ü jrea' 'saa 'ü 'wlalɩkä, 'ünya 'nyɩ 'saa ‑pɔɔkʋ jre nɩ, 'ünya ‑tʋ 'üün 'nyü ‑gba 'sɩrɩ 'üü ‑bɛ Jesu 'nyɛrɛa' 'wʋ. 14‑Maa 'be nyɔɔlɔ 'ü 'pʋɔa' 'nyüglö ‑plɩɩ 'üa ‑gba, 'a 'ia ‑gʋ wiili nyüülü ‑ka 'mäa' 'üa ‑gʋ ‑gba nɩ, 'ünyɩ 'iin jre ‑a jre. 15'Ünya ‑gbala 'üün ü 'cie tropina nyuku ‑wälɩ, ‑gätʋnyüüa 'kpɔ 'mä 'sraapla. 16'Ü ‑nëma: «‑Asɩ amä ‑plɩɩ ‑taa nyüülü nʋ le? Jerusalɛɛmëa nyüüa 'fɩɔ 'jä 'iin 'sɩrɩ 'ü nʋa' ‑saragbia tie kpakö. Anyɩ 'lɩ ‑a bɩa amä 'daa ‑gbagblɛ bäsaa. 17‑Maa, 'i ‑pɩa' nyüüa ‑tɔrʋpɩɔ 'kä ‑gbaala nɩ, a ‑flɔɔrɔ 'üün 'nyüa 'mlɩ, 'kä a ‑gbala 'üün: 'bala 'saarɩ ‑gälɩ, 'ü ‑kanyɩ 'pala nyɔɔ wii ‑gba Jesua 'nyrɩklɩ.» 18'Ü wea' 'üün nɩ, 'ünya ‑gbala 'üün 'ü ‑kanyɩ ‑gbala nyɔɔ Jesua ‑gä. 19'Iibäa' Piɛɛrë nyra Jaan nɩ: «'Ana 'mʋgbɛ 'ba 'jä 'imɩ: amä 'lɩ 'amɩ ‑träärä ‑bɛ amä ‑plɩɩ Nyɔsʋa tɩ, 'inya Nyɔsʋa 'tʋkäa? 20‑Maa amɔlɔ nɩ, anyɩ 'lɩ ‑a bɩa wiili a 'jäa' ‑bɛ a 'nua' 'wli nɩ, amä 'ia ‑gäa 'papakʋa ‑gʋ ‑a fio!» 21'Ünya ‑flɔɔrɔ 'üün 'nyüa 'mlɩ 'sɔɔwʋ, 'ünya 'cɛrɛ 'üün ‑wälɩ. Wiili kä ‑gʋ 'ümäa' 'üün ‑jie 'lɩ 'pa 'ünyɩ 'jä 'imɩ 'wʋ ‑a, ‑bɛ nyüüa ŋalɛ 'blaa 'üün; 'be nyüüa 'fɩɔ 'bʋala Nyɔsʋaa 'nyrɩ wiili ‑sia' 'ia ‑gʋ. 22Nyɔɔlɔ ‑gälɩ ‑saragbia tielɛ nröröa' ɔ 'pʋa' nɩ, 'ɔ 'a ‑sɩ ‑si ‑sɩa ‑glʋɩsɔɔ ‑gba.
'Cɛcɩnyüü bibie Nyɔsʋa
23'Ü 'cɛrɛa' Piɛɛrë nyra Jaan ‑wälɩ nɩ, 'ünya 'blöö 'üa ‑mölööa ‑tɔrʋpɩɔ dɛrɩ, ‑bɛ 'ü 'sara 'lɩ 'üün wiili kä 'fɩɔ ‑gbɔsapɛrɩnyüü kpakü nyra juifëa tagbü nʋa' 'üün ‑gba. 24'Cɛcɩnyüü 'nua' 'iin 'wli nɩ, 'üa 'fɩɔ nya ‑tʋ wii ‑pɩɔ 'doo 'wʋ, ‑bɛ 'ü bibie Nyɔsʋa: «'Pläkänyɔɔ, ‑mɔ bä Nyɔsʋalɔ nʋa' cɛ, ɔ nʋa' ‑tʋtʋ nyra 'nie ‑bɛ diili kä 'fɩɔ bäa' 'ia mlɩ. 25‑Mɔ ‑sröörö 'Nyüna ‑Susu kälɩ ‑bɛ ‑paa ‑na 'jrʋpafɛnyɔɔ, ana tʋ Daviidëa mlɩ wii, ‑bɛ 'ɔ ‑nëma:
Dɛplɛɛ kä 'crɛ 'blaa 'saa 'plä le?
Dɛplɛɛ kä ‑gʋ nyüü pla wiili 'nyɩa' ‑tɔɔɔ kä, 'ia 'sraa le?
26 'Pläa 'kɩɩɩ nya 'mä 'döö 'paa, 'kä 'pläa 'cifu nya trara,
'ü nyra 'Pläkänyɔɔ nyra 'ɔa 'Kriisë 'mä 'wlitotro # 4.25-26
'Lɩbrɛrɛpɔɔkʋ 2.1-2
..
27'Kasa, 'a ‑taa bätälä kʋa' ‑pɩa 'mlɩ#4.27 ‑taa bätälä kʋa' ‑pɩa 'mlɩ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. Erɔɔdë nyra Pɔɔsë Pilatë 'nönröwli, 'ü nyra nyüülü 'nyɩa' juifë bä nyra Israɛɛlëa nyüü kɔsɔ. 'Ünya jrara ‑na 'nyünajrʋpafɛnyɔɔ, Jesulɔ ‑baaa' 'lɩ nyüüa ‑tɔrʋpɩɔ#4.27 Matiö 27.1-2; Lukë 23.7-11; Esaii 61.1.. 28‑Na 'klü nyra 'sɩrɩ ‑baataa', 'ia ‑gʋ nɩ, 'ü nʋ wiili ‑tɩ käa' ‑srɩ dɛrɩ ‑gbaa'. 29'Pläkänyɔɔ, dɛɛlɛ a bäa' ‑plɩɩ ‑gälɩ ɔ nɩ, 'jä 'sɩrɩ 'ü ‑flɔɔrɔa' amɩ 'nyüa 'mlɩ, 'kä ‑nyɛɛ amɔlɔ bäa' ‑na 'jrʋpafɛnyüü ‑na plɛtorokʋ kpaku amä ‑na mlɩa wii nyüü ‑gba 'pala. 30‑Tʋ 'lɩ ‑na 'darʋ ‑wusublanyüü 'mä 'pʋ, nʋ ‑saragbia tie nyra plɛklɩkalawii, ‑na 'nyünajrʋpafɛnyɔɔ Jesulɔ ‑baaa' 'lɩ 'ɔa 'nyrɩklɩ.» 31'Ü bɩaa' nyɔsʋabibiekʋ nɩ, ‑plɩɩlɩ 'ü traraa' nya tɩtrɛ. 'Nyüna ‑Susu nya 'si 'üa 'fɩɔ 'klɩ, ‑bɛ 'ü 'paa nyɔsʋaawii 'surusa.
'Cɛcɩnyüü ‑päplä 'üa käkädii 'lɩ
32Nyüülü toroa' 'Kriisë plɛ nɩ, 'üa polu nyra 'üa bobowli bä dɛɛ 'dee. Nyɔɔ 'nyɩ 'üa ‑tɔrʋpɩɔ ‑a bä 'ɔmä 'daa 'ɔa 'doo kä 'ɔa dii. Nyüüa 'fɩɔ kä kä dɛɛlɛ ‑moloo käa'. 33'Klü kpakü bä apotrë ‑gälɩ ‑bɛ 'ü ‑gbala nyüü 'sɩrɩ 'Pläkänyɔɔ Jesu sɔa' 'kuaabre ‑bɛ Nyɔsʋaa ‑gbinanakʋ bä 'üa 'fɩɔ ‑gälɩ. 34Dɛɛ 'nyɩ 'makɩ 'üa ‑tɔrʋpɩɔa nyɔɔ ‑a: nyüülü kä 'fɩɔ käa' nyëka nyra ‑tʋtʋ 'paa 'iin 'peru, 35'kä 'ü ja 'ia mölii apotrë. 'Pɩrɩgälɩ nɩ, 'ü 'baalɩ 'kä 'ü ‑nyɛɛ ‑moloo dɛɛlɛ 'makɩa' 'ɔɔn. 36'Asɩ Josɛɛfë nʋ. Apotrë ma 'dara 'ɔɔn Banabasë; 'ia ‑gbaa bä «'Klüjraranyɔɔ». Leviitënyɔɔ 'ɔ bä, Siiprëa ‑tʋtʋ ‑gälɩa nyɔɔ. 37'Ɔ 'pa 'ɔa putu 'doo 'peru, 'ɔnya ja 'ia mölii apotrë.
Currently Selected:
Akëtë 4: Bakwé
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.
Akëtë 4
4
'Pɛrɩnyüü 'nyüglö Piɛɛrë nyra Jaan
1Piɛɛrë nyra Jaan ‑ka 'pala ɩ nyüü wii ‑gba, ‑bɛ ‑gbɔsapɛrɩnyüü nyra Nyɔsʋaanyuku kpakua 'sʋgɩaa 'cifi nyra Sadusinyüü 'tɔ. 2Wiili 'ü 'kpɩaa' nyüülü ibäa' ‑maa jäjänyüü 'mrɛɛ 'ü sɔ 'kuaabre 'sɩrɩ Jesu nʋa' nɩ, 'i kä 'üün 'crɛwʋ ‑gböösa. 3'Ünya 'kpla 'üün, 'ünya 'pa 'üün ‑jie 'lɩ, 'ünya 'prere 'lɩ; 'be ‑gbiajrʋ 'lɩ 'ü 'kpla 'üün. 4‑Maa nyüülü poa' nyɔsʋaawiili 'nyakli nɩ, 'üa ‑tɔrʋpɩɔa 'kɔkɔmlɛ nya toro 'iin plɛ. 'Cɛcɩnyüü nya 'papla ‑gälɩ 'papla 'ünya bä nyüüa ‑diipʋ ‑diisɔɔ ‑glʋɩpʋa 'samadɛɛ (5 000).
Piɛɛrë nyra Jaan bä tropina 'lɩ
5‑Srɩ paa' nɩ, juifëa 'cifu, juifëa tagbü nyra ‑dɔkpɩanyüü nya trara Jerusalɛɛmë. 6‑Gbɔsapɛrɩnyɔɔ kpakölɔ 'ü 'daraa' Anësë, 'ɔ bä kä 'lɩ. Kaiifë, Jaan, Alesandrë nyra ‑gbɔsapɛrɩnyüü kpaküa ‑gbüüü 'lɩa nyüüa 'fɩɔ bä kä 'lɩ. 7'Ünya ja Piɛɛrë nyra Jaan 'üa ‑tɔrʋpɩɔ, ‑bɛ 'ü 'bete 'üün: «'Klü 'plɛɛ 'a nʋ ‑bɛ 'a 'pʋɔ nyɔɔlɔ le, 'aiɛ nyɔɔ 'plɛɛ kä 'nyrɩklɩ 'a nrörö 'imɩ le?» 8‑Bɛ 'Nyüna ‑Susu 'sia' Piɛɛrë 'klɩ 'ɔnya ‑gbala 'üün: «Juifëa 'cifu 'amɩ, Israɛɛlëa#4.8 Israɛɛlë: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. tagbü 'amɩ, 9'be 'mʋfagbili a nʋa' kpakpanyɔɔ ‑gba, 'ia ‑gʋ 'a 'bete 'saarɩ amɩ, ‑bɛ 'a 'bata 'sɩrɩ nyɔɔlɔ nʋa' 'pʋpʋdɛɛa jejrekʋ. 10'I 'na, 'a nyra Israɛɛlënyüüa 'fɩɔ kä 'amä 'saa jre 'sɩrɩ nyɔɔlɔ kʋa' ‑pɩ 'pʋɔlɔa' Nasarɛɛtënyɔɔ Jesu 'Kriisëlɔ 'a koloa' krʋa ‑gälɩ, ɔ jäa' ‑bɛ Nyɔsʋa tɛrɛa' 'kä nɩ, 'a 'ɔa 'nyrɩklɩ 'ɔ 'nyüglö 'ana 'klɩ. 11'A 'ɔɔ bä 'täkälä
'a bea' 'klʋɛɛ, 'amɔlü 'paaa' nyëka;
'ää nʋ 'tasɩrɩ nyukua ‑gɔmʋʋ # 4.11
'Lɩbrɛrɛpɔɔkʋ 118.22
..
12'Lɩmlɩwʋwʋkʋ ‑kanyɩ nyɔɔ ‑moloo kälɩ ‑a bä. ‑A ‑gbala 'amɩ, Nyɔsʋa 'nyɩ 'nyrɩ ‑mɩdoo ‑pɩ ‑tʋtʋ ‑gälɩ ‑a ‑nyɩ i nyɔɔ 'mäa' kälɩ ‑srörö ‑bɛ 'ɔmäa' 'lɩmlɩwʋ.» 13'Ü 'jäa' Piɛɛrë nyra Jaan 'surua' 'üa 'papawiia 'mlɩ nɩ, 'i kala 'üün plɛklɩ: 'ü jrea' 'saa 'ü 'wlalɩkä, 'ünya 'nyɩ 'saa ‑pɔɔkʋ jre nɩ, 'ünya ‑tʋ 'üün 'nyü ‑gba 'sɩrɩ 'üü ‑bɛ Jesu 'nyɛrɛa' 'wʋ. 14‑Maa 'be nyɔɔlɔ 'ü 'pʋɔa' 'nyüglö ‑plɩɩ 'üa ‑gba, 'a 'ia ‑gʋ wiili nyüülü ‑ka 'mäa' 'üa ‑gʋ ‑gba nɩ, 'ünyɩ 'iin jre ‑a jre. 15'Ünya ‑gbala 'üün ü 'cie tropina nyuku ‑wälɩ, ‑gätʋnyüüa 'kpɔ 'mä 'sraapla. 16'Ü ‑nëma: «‑Asɩ amä ‑plɩɩ ‑taa nyüülü nʋ le? Jerusalɛɛmëa nyüüa 'fɩɔ 'jä 'iin 'sɩrɩ 'ü nʋa' ‑saragbia tie kpakö. Anyɩ 'lɩ ‑a bɩa amä 'daa ‑gbagblɛ bäsaa. 17‑Maa, 'i ‑pɩa' nyüüa ‑tɔrʋpɩɔ 'kä ‑gbaala nɩ, a ‑flɔɔrɔ 'üün 'nyüa 'mlɩ, 'kä a ‑gbala 'üün: 'bala 'saarɩ ‑gälɩ, 'ü ‑kanyɩ 'pala nyɔɔ wii ‑gba Jesua 'nyrɩklɩ.» 18'Ü wea' 'üün nɩ, 'ünya ‑gbala 'üün 'ü ‑kanyɩ ‑gbala nyɔɔ Jesua ‑gä. 19'Iibäa' Piɛɛrë nyra Jaan nɩ: «'Ana 'mʋgbɛ 'ba 'jä 'imɩ: amä 'lɩ 'amɩ ‑träärä ‑bɛ amä ‑plɩɩ Nyɔsʋa tɩ, 'inya Nyɔsʋa 'tʋkäa? 20‑Maa amɔlɔ nɩ, anyɩ 'lɩ ‑a bɩa wiili a 'jäa' ‑bɛ a 'nua' 'wli nɩ, amä 'ia ‑gäa 'papakʋa ‑gʋ ‑a fio!» 21'Ünya ‑flɔɔrɔ 'üün 'nyüa 'mlɩ 'sɔɔwʋ, 'ünya 'cɛrɛ 'üün ‑wälɩ. Wiili kä ‑gʋ 'ümäa' 'üün ‑jie 'lɩ 'pa 'ünyɩ 'jä 'imɩ 'wʋ ‑a, ‑bɛ nyüüa ŋalɛ 'blaa 'üün; 'be nyüüa 'fɩɔ 'bʋala Nyɔsʋaa 'nyrɩ wiili ‑sia' 'ia ‑gʋ. 22Nyɔɔlɔ ‑gälɩ ‑saragbia tielɛ nröröa' ɔ 'pʋa' nɩ, 'ɔ 'a ‑sɩ ‑si ‑sɩa ‑glʋɩsɔɔ ‑gba.
'Cɛcɩnyüü bibie Nyɔsʋa
23'Ü 'cɛrɛa' Piɛɛrë nyra Jaan ‑wälɩ nɩ, 'ünya 'blöö 'üa ‑mölööa ‑tɔrʋpɩɔ dɛrɩ, ‑bɛ 'ü 'sara 'lɩ 'üün wiili kä 'fɩɔ ‑gbɔsapɛrɩnyüü kpakü nyra juifëa tagbü nʋa' 'üün ‑gba. 24'Cɛcɩnyüü 'nua' 'iin 'wli nɩ, 'üa 'fɩɔ nya ‑tʋ wii ‑pɩɔ 'doo 'wʋ, ‑bɛ 'ü bibie Nyɔsʋa: «'Pläkänyɔɔ, ‑mɔ bä Nyɔsʋalɔ nʋa' cɛ, ɔ nʋa' ‑tʋtʋ nyra 'nie ‑bɛ diili kä 'fɩɔ bäa' 'ia mlɩ. 25‑Mɔ ‑sröörö 'Nyüna ‑Susu kälɩ ‑bɛ ‑paa ‑na 'jrʋpafɛnyɔɔ, ana tʋ Daviidëa mlɩ wii, ‑bɛ 'ɔ ‑nëma:
Dɛplɛɛ kä 'crɛ 'blaa 'saa 'plä le?
Dɛplɛɛ kä ‑gʋ nyüü pla wiili 'nyɩa' ‑tɔɔɔ kä, 'ia 'sraa le?
26 'Pläa 'kɩɩɩ nya 'mä 'döö 'paa, 'kä 'pläa 'cifu nya trara,
'ü nyra 'Pläkänyɔɔ nyra 'ɔa 'Kriisë 'mä 'wlitotro # 4.25-26
'Lɩbrɛrɛpɔɔkʋ 2.1-2
..
27'Kasa, 'a ‑taa bätälä kʋa' ‑pɩa 'mlɩ#4.27 ‑taa bätälä kʋa' ‑pɩa 'mlɩ: ‑Taa waklüülü 'nyɩ grɛɛkë ‑kätɩpɔɔkɩ ‑mɩdooa 'mlɩ ‑a bä. Erɔɔdë nyra Pɔɔsë Pilatë 'nönröwli, 'ü nyra nyüülü 'nyɩa' juifë bä nyra Israɛɛlëa nyüü kɔsɔ. 'Ünya jrara ‑na 'nyünajrʋpafɛnyɔɔ, Jesulɔ ‑baaa' 'lɩ nyüüa ‑tɔrʋpɩɔ#4.27 Matiö 27.1-2; Lukë 23.7-11; Esaii 61.1.. 28‑Na 'klü nyra 'sɩrɩ ‑baataa', 'ia ‑gʋ nɩ, 'ü nʋ wiili ‑tɩ käa' ‑srɩ dɛrɩ ‑gbaa'. 29'Pläkänyɔɔ, dɛɛlɛ a bäa' ‑plɩɩ ‑gälɩ ɔ nɩ, 'jä 'sɩrɩ 'ü ‑flɔɔrɔa' amɩ 'nyüa 'mlɩ, 'kä ‑nyɛɛ amɔlɔ bäa' ‑na 'jrʋpafɛnyüü ‑na plɛtorokʋ kpaku amä ‑na mlɩa wii nyüü ‑gba 'pala. 30‑Tʋ 'lɩ ‑na 'darʋ ‑wusublanyüü 'mä 'pʋ, nʋ ‑saragbia tie nyra plɛklɩkalawii, ‑na 'nyünajrʋpafɛnyɔɔ Jesulɔ ‑baaa' 'lɩ 'ɔa 'nyrɩklɩ.» 31'Ü bɩaa' nyɔsʋabibiekʋ nɩ, ‑plɩɩlɩ 'ü traraa' nya tɩtrɛ. 'Nyüna ‑Susu nya 'si 'üa 'fɩɔ 'klɩ, ‑bɛ 'ü 'paa nyɔsʋaawii 'surusa.
'Cɛcɩnyüü ‑päplä 'üa käkädii 'lɩ
32Nyüülü toroa' 'Kriisë plɛ nɩ, 'üa polu nyra 'üa bobowli bä dɛɛ 'dee. Nyɔɔ 'nyɩ 'üa ‑tɔrʋpɩɔ ‑a bä 'ɔmä 'daa 'ɔa 'doo kä 'ɔa dii. Nyüüa 'fɩɔ kä kä dɛɛlɛ ‑moloo käa'. 33'Klü kpakü bä apotrë ‑gälɩ ‑bɛ 'ü ‑gbala nyüü 'sɩrɩ 'Pläkänyɔɔ Jesu sɔa' 'kuaabre ‑bɛ Nyɔsʋaa ‑gbinanakʋ bä 'üa 'fɩɔ ‑gälɩ. 34Dɛɛ 'nyɩ 'makɩ 'üa ‑tɔrʋpɩɔa nyɔɔ ‑a: nyüülü kä 'fɩɔ käa' nyëka nyra ‑tʋtʋ 'paa 'iin 'peru, 35'kä 'ü ja 'ia mölii apotrë. 'Pɩrɩgälɩ nɩ, 'ü 'baalɩ 'kä 'ü ‑nyɛɛ ‑moloo dɛɛlɛ 'makɩa' 'ɔɔn. 36'Asɩ Josɛɛfë nʋ. Apotrë ma 'dara 'ɔɔn Banabasë; 'ia ‑gbaa bä «'Klüjraranyɔɔ». Leviitënyɔɔ 'ɔ bä, Siiprëa ‑tʋtʋ ‑gälɩa nyɔɔ. 37'Ɔ 'pa 'ɔa putu 'doo 'peru, 'ɔnya ja 'ia mölii apotrë.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© Wycliffe Bible Translators, Inc.