1 Korɛɛntënyüü 10

Israɛɛlë bä ‑aaga 'lɩ

1 'Na ‑wlajü 'amɩ, 'n 'bata 'ba 'pa plɛ 'sɩrɩ ana 'fɩɔlʋ nɩ, ana tʋɩɩ ‑sröröa' ‑gbru ‑wälɩ, ‑bɛ 'ü 'pɩa' 'tanie#10.1 'Taɩn 'lɩ ana tʋɩɩ sɔa' Ejiipëtëa 'bre, Nyɔsʋaa ‑gbru 'tiere 'üün. Nyɔsʋa ‑ga 'tanie, ana tʋɩɩ nya ‑si. Ɛgësɔɔdë 13.21-22; 14.22-29.. 2'Üa 'fɩɔ nya 'pala 'nɩ 'wli ‑gbru nyra 'tanie 'lɩ, 'ü nyra Moisë 'mä 'doo bä. 3'Üa 'fɩɔ ji nyɔsʋajijri#10.3 nyɔsʋajijri: Tɛ Ɛgësɔɔdë 16.35. 'Taɩn 'lɩ Israɛɛlëa ‑glügbö ‑srörö käa' ‑aaga 'lɩ nɩ jijri 'doo sɔsɔ kä cɛlɩ 'ii 'ü 'dara 'maanë, 'ii ü ma jö ‑aaga 'lɩ, 'ii 'ɔ 'daa. 'doo. 4'Üa 'fɩɔ nya 'mla 'nɩ 'doolɔ sɔa' Nyɔsʋaa ‑nyɛɛɛ, 'be 'nɩlɩ Nyɔsʋa 'ciea' 'täkäa 'mlɩ 'ii 'ü 'mlaa kä. 'Täkälä nɩ, 'Kriisë#10.4 Ɛgësɔɔdë 17.5-6; Nɔɔbrë 20.7-11. bäsaa. 5‑Maa 'üa ‑tɔrʋpɩɔa 'kɔkɔmlɛ 'nyɩ Nyɔsʋa 'tʋ ‑a kä, 'ia ‑gʋ 'ü järä ‑aaga 'lɩ.

'Ba fɔlɔ ‑gbagblɛnyɔsʋaɩɩ 'klɩ

6'Ia 'fɩɔlʋ kʋa' ‑pɩ nɩ, 'klɩpaplawii bäsaa, a ‑pɩ bʋbɔgbi kä ‑beere 'üün. 7'Ii känyrɩ 'anyɩ ‑pʋpʋa ‑gbagblɛ nyɔsʋaɩɩ ‑beere 'üa ‑tɔrʋpɩɔa nyüü ‑mölöö, 'sɩrɩ 'i ‑jɩjraa': «'Ü kʋwälɩ 'ünya jidɛɛ 'ünya 'mla. 'Ünya sɔwʋ 'ünya 'bri#10.7 Ɛgësɔɔdë 32.6..» 8Anyɩ nʋ ‑sagbili Nyɔsʋa 'nyɩ 'bataa' ‑beere 'üa ‑tɔrʋpɩɔa ‑mölööa nʋnʋgbi, ‑bɛ nyüüa ‑diia ‑glʋɩsɔɔ ‑diipʋ ‑dii ‑uunsɔɔ ‑glʋɩpʋ (23 000) blöa' ü jäa' ‑srɩ 'doo 'lɩ#10.8 Nɔɔbrë 25.1-9.. 9Anyɩ 'traɩn 'Kriisë#10.9 'Kriisë: Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra: 'Pläkänyɔɔ. 'sɩrɩ 'üa ‑tɔrʋpɩɔa ‑mölöö nʋa' ‑bɛ trii 'bablaa' 'üün. 10‑Plɛlɩa wii 'palakʋ 'a 'na, 'sɩrɩ 'üa ‑tɔrʋpɩɔa ‑mölöö nʋa' nʋ nʋ ‑bɛ Nyɔsʋa jaa' nyüübla 'aanjë ‑bɛ 'ɔ 'bablaa' 'üün#10.10 Nɔɔbrë 17.6-14.. 11‑Bɛ 'ia 'fɩɔlʋ jrä ana tʋɩɩ ‑gälɩ 'imä ana ‑tɔɔɔ bä. ‑Bɛ 'i ‑jɩjra amä 'ia plɛ kä, amɔlɔ nyaa' 'taɩn a blöröfa 'wʋ 'tɔtɔkʋ bɩa. 12'Ii känyrɩ, ‑moloo ma bobo ‑maa 'ɔ nyɔnyrɔ nɩ, ɔ ‑tre 'ɔa nyufa 'ɔ ‑pɩ blö. 13'Traɩnkʋlʋ jräa' 'amɩ ‑gälɩ 'nyɩ 'dɔ ‑a bä 'kä nyüüa 'fɩɔa 'traɩnkʋa ‑gʋ. ‑Maa Nyɔsʋa ‑träärälɩ 'ɔa 'papawii, 'ɔ ‑nëmä 'nyie ‑a 'nyie 'traɩnkʋ 'mä 'amɩ 'wʋsi, ‑maa 'ana 'traɩnkʋ ma jrälɩ nɩ, 'ɔnya 'amɩ 'cerefa nyra 'ia 'klü ‑nyɩa 'amä 'iin ‑gbötö.

14'Ii känyrɩ 'na ‑wawawlajü 'amɩ, 'ba fɔlɔ ‑gbagblɛnyɔsʋɩɩ 'klɩ! 15'Lɩglanyüüa 'sa 'n ‑gbala 'amɩ. 'Ana 'mʋgbɛ 'ba 'jä wiili 'n ‑gbalaa' 'amɩ. 16'Nɩpaköwölä kä ‑gʋ a 'trɛɛa' Nyɔsʋa nɩ, 'änyɩ nrörö amɩ 'doo 'lɩ 'Kriisëa ‑toru 'lɩ ‑a? ‑Bɛ 'flɔɔlʋ a ‑päpläa' 'lɩ nɩ, 'unyɩ nrörö amɩ 'doo 'lɩ 'Kriisëa 'jajɛ 'lɩ ‑a? 17‑Bɛ 'flɔɔbölä bäa' 'döö, ‑bɛ a ‑sümlöa' nɩ, fugba 'döö a bä; 'be 'flɔɔbö 'döölä 'ää ana 'fɩɔ jö. 18'Ba nʋ 'nyü 'ba jä Israɛɛlëa nyüü, ü jöa' ‑gbɔsamlaa nyra Nyɔsʋaa ‑gbɔsatöwlö 'nyɩ 'doo ‑a bä? 19'Ia ‑gbaa le? ‑Papawäsɛ kä ‑gbaa? ‑Ale mlaalä 'ü 'saraa' ‑wäsɩalë nɩ 'ü kä ‑gbaa? 20‑Mää 'sɩ 'inyɩ bä! ‑Maa ‑gbala 'n ‑gbala 'amɩ, 'sɩrɩ ‑gbɔlʋ nyüülü 'nyɩ toroa' Nyɔsʋa plɛ 'saaa' nɩ domüüa ‑gʋ 'ü 'saa 'uun, ‑maa ‑mää Nyɔsʋaa ‑gʋ ‑a; ‑bɛ 'nyɩ 'bata 'bata ‑a 'a nyra domüü 'mä 'doo bä. 21'A ‑nëmä 'Pläkänyɔɔa ‑köwö 'lɩ ‑a 'mlala ‑bɛ 'a ‑nëmä bɩa domüüa ‑köwö 'lɩ 'mlarakalɩ ‑a mi. 'A ‑nëmä 'Pläkänyɔɔa 'töwlö ‑gälɩ ‑a tara ‑bɛ 'a ‑nëmä bɩa domüüa 'töwlö ‑gälɩ tarakalɩ ‑a mi. 22‑Ale a 'bata amä 'Pläkänyɔɔa wasä 'kätɛrɛ? A ‑sɔɔrɔ 'wʋ anya ‑si 'ɔɔn 'wʋ?

Dɛɛlɛ bäa' 'makatɩklɩa jijri jijikʋ

23'N 'mrɛɛ ‑a nʋ diia 'fɩɔ, ‑maa ‑mää diia 'fɩɔ 'nyɩ 'na. 'N 'mrɛɛ ‑a nʋ diia 'fɩɔ, ‑maa ‑mää diia 'fɩɔ 'nyɩ 'papla nyɔsʋaplɛ ‑gälɩ. 24Nyɔɔ 'nyɩ 'bata 'diili 'mäa' 'ɔa 'doo 'känyɩgla, ‑maa ‑moloo ma bälɩ ɔ 'bata imäa' nyüüa 'fɩɔ 'känyɩgla. 25'Ba ji diili kä 'fɩɔ 'ü 'palaa' 'makatɩ 'klɩ 'peru, ji 'imɩ ‑nyɩ 'bete, abɩa 'ana bobowli trarakä 'ba jidɛɛ. 26'Be 'i ‑jɩjra: «'Pläkänyɔɔ kä ‑tʋtʋ nyra diili kä 'fɩɔ bäa' 'ua ‑gälɩ#10.26 'Lɩbrɛrɛpɔɔkʋ 24.1..» 27Nyɔɔ ma 'nyɩ toro Nyɔsʋa plɛ ‑a ‑bɛ ɔma tupo 'amɩ dɛɛji ‑gʋ nɩ, 'ba ji diili kä 'fɩɔ 'ümäa' 'amɩ ‑nyɩ abɩa 'ana bobowli trarakä 'ba jidɛɛ. 28‑Maa nyɔɔ ma ‑gbala 'amɩ: «‑Gbɔsamrɛɛ bäsaa» nɩ, 'anyɩ ji 'ɛmɩ nyɔɔlɔ ‑gbaa' 'iin 'ɔa ‑gʋ, bobowli 'mä bɩa 'kätrara#10.28 Grɛɛkë ‑kätɩpɔɔkɩ ‑mɩdooa 'mlɩ 'i ‑jɩjra bɩa: «'Be 'Pläkänyɔɔ kä ‑tʋtʋ nyra diili kä 'fɩɔ bäa' 'ua ‑gälɩ.» Tɛ 'Lɩbrɛrɛpɔɔkʋ 24.1.. 29Wiili nyɔɔ ‑moloo 'mäa' bobo 'ii 'n 'daa, ‑mää ‑mɩlɩ 'amäa' bobo 'nyɩ 'daa. ‑Beeredɛ nyɔɔ nya 'daa: «Dɛplɛɛ kä ‑gʋ nyɔɔa bobowlia ‑gʋ 'nëmä dɛɛlɛ 'n 'mrɛɛa' 'mäa' nʋ, nʋ le?» 30Ama 'trɛɛ Nyɔsʋa dɛɛlɛ 'n jöa' 'ɛa ‑gʋ nɩ, dɛplɛɛ kä ‑gʋ 'ü ‑srɛɛɛ 'mɩ dɛɛlɛ kä ‑gʋ 'n 'trɛɛa' Nyɔsʋa le? 31'Ii känyrɩ, 'ama jidɛɛ 'aiɛ 'ama 'mla nɩ, dɛɛ o dɛɛ 'a nöa', 'ba nʋ 'imɩ Nyɔsʋaa 'bʋalakʋa 'nyrɩklɩa ‑gʋ. 32‑Bakää 'inyɩ bä juifënyüü, nyüülü 'nyɩa' juifënyüü bä, Nyɔsʋaa 'cɛcɩ, 'ana nʋnʋgbi 'nyɩ bere 'ia nyɔɔ 'doo ‑balʋ 'lɩ. 33'Asɩ 'na 'mʋgbɛ 'paalɩ 'klü 'mä ‑pɩɔa 'fɩɔ nyra wiia 'fɩɔ 'mlɩ 'nara. ‑Mää 'kä 'na 'doo 'mä 'naa, ‑maa nyüüa 'fɩɔa ‑gʋ 'n nö 'imɩ 'ümä 'lɩmlɩwʋ.

Currently Selected:

1 Korɛɛntënyüü 10: Bakwé

Highlight

Copy