Rome 16

Saritse

1Kinkkiriya katama yeze woosa keetstsite oochchize nu mishita Feeba lo77o maacho maaqqidanno yin erode fana koyane. 2Yin izo ammanze asuntsi Laatstse suntsite mokkodes beezize ammanze asuntsappa fete fana mokkite. Iza yinttappa koyze baz ubba izo maaddote. Iza fa ommite gaama asi maaddida; mahi tana ta ommite gaama maaddida.

3Kiristtoos Yesuusa oocha taara wolla oochchize Phirisqilan Aqiila saro ga7ote. 4Un ta gisho fa shemppito aatsii inggida. Ta xalaalas baayzin Ayhude maaqqoosse asunts woosa keetsuntsin ubba unttana galatane.#Hawa. 18:2 5Un kara shiiqize ammanzunts saro ga7ote.

Isiya sa7a Kiristtoosa tiino ammanide, ta kadhize Ephanexoosas ta saritsito yeltsote.

6Yinnii gisho oochara gaama labbide Mayramo saro ga7ote. 7Taara achi keetstsa yezide ta Ayhude lagguntsana Anddironiqoosan Yuuniyasa saro ga7ote. Un Yesuusa hawaaruntsi gidda erinttiduntsana. Mahi un Kiristtoosa taappa tiino ammanida.

8Laatstse ammanze ta siiqo laggiza, Amphiliyaxoosa saro ga7ote. 9Kiristtoosa oocha nuura wolla oochchize Urbbanoosan ta kadhize Isttakuusa saro ga7ote. 10Kiristtoosas yezanna fattanintti ammantsize Apheliisa saro ga7ote. Arsxobuloosa kara asuntsana saro ga7ote. 11Ta Ayhude laggiza Heroodiyoona saro ga7ote.

Narssisanen E kara asuntsappa Kiristtoosa ammaniduntsana saro ga7ote.

12Laatstse oocha labbize Tirufaynan Tirufoosa saro ga7ote. Mahi Laatstsis gaama labbii oochchize, ta kadhize Phersiiso saro ga7ote. 13Laatstse oochara gaama erinttide Rufoosasin tana fa na7a fana be7ize E intto saro ga7ote. 14Asinikirttoosas, Filegoonas, Hermmeesas, Patirobaasasin unttara yeze ammanze ishuntsi ubbuntsis ta saritsito ohote.#Mar. 15:21 15Filoloogusa, Yuuliya, Neeriya, E mishito, Olumppoosan unttara yeze ammanze asuntsana ubba saro ga7ote.

16Geeshi yeerintte yeerinttitera, fetay fetaya saritsote. Kiristtoosa woosa keetstsi ubba yinttana saro gaane.

Wurssutsi zore

17Ta ishuntso, yin tamaaride timirttito ixxii, yin gidda shaakkintten madha medhdhize asuntsappa naaginttote. Unttappa hyaakkote. 18Yinnii fana yeze asuntsi fa sazasip attin nu Laatstse Kiristtoosas oochchoos. Fa mal77ize doonaran yiqsize qaalara akko eroosse asunts wozintto balitsane. 19Wonggeles yin kiitinttidanno asi ubba si7ide gisho tana ufayssane. Yezin yin lo77o baz erode fana iita bazappa hyaakkode fana ta koyane. 20Sarotits Xoozze Xalahe yin tohitippa oomora gaacii oloda.

Nu Laatstse Yesuus Kiristtoosa aadho keehatitsita yinttara maaqqe.

21Taara oochchize Ximotiyoosa yinttana lo77o yagayda.#Hawa. 16:1 Yinnii gaaran, ta iginuntsi Luqiyosa, Iyaasonen Sosphaxiroosa yinttana saro gaane.

22Hyay dabddaabbiza Phawuloosas xaafide taanii, Xarxiyoosa, yinttana Laatstse suntsite saro gaane.

23Tana mokkize woosa keetsito ubba E kara shiiqize Gaayoosa, yinttana saro gayda. Katama miishe aykkize Erasxoosan nu ishe Qarxoosa yinttana saro gaane. [24Nu Laatstse Yesuus Kiristtoosa aadho keehatitsi yin ubbara maaqqe. Amin77e.]#16:24 Zaga tiino maxaafite faydo 24 baaya.

25Xoozis galata maaqqe. Taanii, Yesuus Kiristtoosa baz ohize Wonggele qaaltte gaama wodeppa aachintti gam7ide turetitsara, Xoozii yinttana ammanora mintsii essodes dandda7ane.#Hawa. 19:29; 1 Qoro. 1:14; 2 Ximo. 4:20 26Yezin hyatte yinna turita qonccida. Ka7itumo ubba ammanii kiitinttode fana medhina Xoozze kiitte nabuntsi yinna turttibaz xaafida.

27Yesuus Kiristtoosa baggara cinccatitsi E xalaalas yeze, fettii Xoozzes medhinas bonchcho maaqqe. Amin77e.

Currently Selected:

Rome 16: OydaNTL

Highlight

Copy