Rome 15
15
Melluntsana ufayssodes beezane
1Nuunii minggiduntsi labbiduntsi toofito tookkodes beezane. Nuunii nuna ufayssodes beezoos. 2Nuunii nu dootsiza mintsitsodes maaddodesin ufayssodes beezane. 3Kiristtoosa fana ufayssikaaya. Yezin Geeshi Maxaafite, «Nena boride borita nuna yellida»#Maz. 69:9ga7intti xaafinttidanni gaar hyanida. 4Geeshi Maxaafite inggize genccon mintsitsera nu ufayssito ekkode fana Geeshi Maxaafite xaafinttide ubbanna nuna tamaarssodes xaafinttida.
5Genccon mintsitimo inggize Laatstse yin Kiristtoos Yesuusa kaallize wode fettetitsi yinttis imme. 6Yinnan, nu Laatstse Yesuus Kiristtoosa Adaya, Xoozza, fettetitsaran fettii qaalara yin bonchchode fana.
Wonggele asi ubbas
7Kiristtoosa yinttana ekkidanni fana Xoozze bonchchos fetay fetaya ekkote. 8Xoozii zaga aduntsis inggide ufayssita folinttode fanan E turetitsita erinttode fana Kiristtoosa Ayhudunts garraze woga folera aro maaqqii yi7idanno ta yinttis ohine. 9Kiristtoosa Ayhudunts garraze woga aro maaqqide melle mikinaata mahi Ayhude maaqqoosse asuntsi Xoozze maarotitsiti gisho galatode fana. Geeshi Maxaafite,
«Ta nena Ayhude maaqqoosse asunts gidda galatoda;
Ne suntsito mazmurer sabboda» #2 Sam. 22:50; Maz. 18:49
ga7intti xaafinttide gaar hyanida.
10Mahi,
«Ayhude maaqqoosse asuntso,
Xoozze asuntsara ufayttote»
yagayda.
11Hyatten mahi,
«Ayhude maaqqoosse asuntso,
Laatstsa galatote;
worzha ubba eza sabbote»
yagayda.
12Yinnii gaar Isayaasa,
«Issey kochchappa yelinttode fetay ye7oda;
E ka7itumo ubba ahoda.
Un fa ufayssito eella afa gaddoda»
#
Isa. 11:10
yagayda.
13Geeshi Ayyaana wolqqara yin diccode fana ufayssi inggide Xoozze, yin ammanttii baggara yinttis ufayssin sarotits kumutsi imme.
Phawuloosa xaafide mikinaate
14Ta ishuntso, yinttara lo77otitsin eratitsi kumiduntsana mahi fetay fetaya zorodes dandda7izanno ta loytsii erane. 15Taanii yinttana fettii fettibaz qofissades koyi zhashtikaayzara Xoozze aadho keehatitsara yinttis xaafida. 16Taanii Kiristtoos Yesuusa aro maaqqii, Ayhude maaqqoosuntsis kahine fana maaqqii, Wonggele ohode fana Xoozii taas aadho keehatitsi inggida. Ayhude maaqqoosse asuntsi Geeshi Ayyaanara geezhi, Xooz ufayssize zharsho maaqqode fana Xoozii yinno oochchida.
17Taanii Kiristtoos Yesuusar maaqqii ta Xoozzes oochchize oochite ceeqinttane. 18Ayhude maaqqoosse asuntsi Xoozis kiitinttode fana, Kiristtoosa ta qaaltten ta oochchiti baggara oochchide oochchitippa melle ta ceeqinttize baz baaya. 19Xoozii yinno kille baz oocharan Geeshi Ayyaana wolqqara wayzi oochchezako ta yinttis ohoda. Taanii Yerusalaameppa dentsii, Iliwarqoone yellodes Kiristtoosa Wonggele sabbakida. 20Taanii melle asi baaside baasalla keexxodes koyoos. Kiristtoosa suntsita xeeginttikaayze bessa Wonggele ohodes amudhdhane. 21Geeshi Maxaafite,
«E bazi ohinttikaayze asuntsi eza be7ada;
E baz si7ikaayze asuntsi qoppoda»
#
Isa. 52:15
ga7intti xaafinttida.
Phawuloosa Roome qitodes qoppida
22Yinnii mikinaatera, taanii yinttago yo7odes dandda7ikaaya. 23Yezin taanii hyatte hyanna gututo ubba ta yellii hyaaside gishon gaama bereppa dentsii yinttana be7odes amudhdhide gisho#Rome 1:13 24taanii Isppeene hyanggitera yinttana be7odes qoppida. Mahi eeratsi wode yinttara ufayttideppa suuba Isppeene hyanggize wode yin oges tana maaddode fana koyane.
25Yezin hyatte taanii Xoozze asuntsana maaddodes Yerusalaame hyanggoda. 26Maqedooniyan Akkaya gidda yeze Xoozze asuntsi, Yerusalaame yeze dahuntsana miishera maaddodes koyde gisho. 27Un dahuntsana maaddizanna unttis attoossebaz maaqqide gisho fa ommite yinno oochchodes qofa accida. Ayhuduntsara Ayhude maaqqikaayzuntsin ayyaana anjjo shaginttiko, un mahi unttis yeze bazara Ayhuduntsana maaddodes beezane.#1 Qoro. 16:1-4 28Yinnii gisho, taanii yinna shiiqide miishito unttis inggi un ekkidanno erideppa suuba Isppeene hyanggitera yin kalera aadhoda.#1 Qoro. 9:11 29Taanii yinttago hyanggize wode Kiristtoosa anjjo kumutsi ekkii hyanggodanno erane.
30Ta ishuntso, taas Xooz woossittera ta butuntte taara eqqode fana Laatstse Yesuus Kiristtoosaran Geeshi Ayyaana siiqite yinttana woossane. 31Xoozii tana Yihuda yeze ammanoose asuntsappa ashshode fana Yerusalaame ta oochchode oochita Xooz asunts kale ekkinttode fana taas woossote. 32Mahi Xoozii gayko, taanii yinttago hyanggi ufayssara yinttara shemppode fana taas woossote. 33Sarotits Xoozze yin ubbuntsara maaqqe. Amin77e.
Currently Selected:
Rome 15: OydaNTL
Highlight
Share
Copy
Want to have your highlights saved across all your devices? Sign up or sign in
The word for the World Ethiopia
