Oroome 12
12
Kiristtoosar orothi yessi
1Yikkee, ta ishuntho, yinttii, yi asetitha Xooss ufayssiza, pathinnee geeshsha yarshsho udii, immad garkk ta yinttan Xooss kehatithayir woossiza. Xoossa yi goynnodayis beeziza tuma ogay yeya. 2Lo77o, ufayssizannee folo maaqqeez Xoossa kiita yi shaakkii erodayis yi qofar laaminttoyttapp attin yha alama aazippate.
3Xoossii yinttis pettayis pettayis inggeez ammanay garkk kahar yez asi garkk qoppoytta. Qoppodayis beezizaypp aathii yinttan dummasii, utirar qoppipate gi taas inggintteez aadho keehatithayir yinttis odiza. 4Nu pettii asetithayil afa duma duma kifilitay yeza; ye duma duma kifilitayis duma duma ooso yeza.#1 Qor. 12:12 5Yey garkk, nuunii gaame as maaqqikokka Kiristtoosar pettii asho maaqqeeza. Nuunii pettii asho maaqqii duma duma kifilitay pettay pettayira aykintteeza. 6Nuus inggintteez aadho keehatithar duma duma imotitay yeza. Nu imotithay tinbbite odo maaqqiko, nuus yez ammanay garkk ododayis beeziza.#1 Qor. 12:4-11 7Nu imotithay hara as maadee maaqqiko, ye oosayir minggodayis beeziza; taamarsso maaqqiko, ye tamaarssayir minggodayis beeziza. 8Nu imotithay hara as zorith maaqqiko, miinggii zorodayis beeziza. Nu imay nuuss yeza bazapp hara asis imo maaqqiko, wozinapp inggodayis beeziza. Nu imay aqiso maaqqiko, miinggii aqisodayis beeziza. Nu imay hara asis keehith maaqqiko, ufayisar keehodayis beeziza. Nu imay maaro maaqqiko ufayisar maarodayis beeziza.
9Yi siiqqay qoodhepp qommo maaqqodayis beezooya. Iita baz ixxoytta; lo77o baz miinthii aykkoytta. 10Pettay pettayira woli ishegarkk dosinttoytta; pettay petta bonchchoytta. 11Oosor azallippate miinggoytta; yi ayyanar xuuginttii Godayis moodinttoytta. 12Xoossii inggeez ufayssayir ufayttoytta; meto danda7oytta; ubba wode Xoossa woossoytta. 13Ammaniza geeshshita koshshiza bazar maaddoytta; imathita mokkodayis miinggoytta.
14Yinttan bayi7izita anjjoytta; anjjoyttapp attin baaddippate.#Mat. 5:44; Luq. 6:28 15Ufayttizitayir ufayttoytta; yeekkizitayir yeekkoytta. 16Pettay pettayir pettii qofar yezoytta. Utira qofa ashshii, haayotithar yezodayis miinggoytta. Yi yinttan eca gi qoppippate.#Aazi. 3:7
17Oonkka yinttis iitta baz oothiko, ye athayis iita baz mahippate. Ubba as tiina sabbisiza lo77o ooso oothoytta. 18Yinttis danda7inttiko ubba asar saro yezoytta. 19Ta ishuntho, yinttii, yi ubbas asis kushe kessippatte. Xoossii kushe kessoday garkke ezis ashii ashshoytta. Geesha Maxaafayid,
«Ta kushe kessoda;
taanii kushe mahoda»#Nam7i. 32:35
yeegeeza Goday, ginttinttii xaafintteeza.
20Zin Geesha Maxaafayid,
«Ne morkkay nayinttiko muzoba;
E saaminttiko ushshoba.
Ne yeya oothiko e ommayil
tama qaaqa kaachiza»#Aazi. 25:21
ginttinttii xaafintteeza.
21Iita lo77or gammoyttapp attin iitar gammippatte.
Currently Selected:
Oroome 12: MeloNTL
Highlight
Copy
Compare
Share
Want to have your highlights saved across all your devices? Sign up or sign in
The Word for the World Ethiopia
